১. কাযানুপস্সীসুত্তং

১১৭. ‘‘ছ, ভিক্খৱে, ধম্মে অপ্পহায অভব্বো কাযে কাযানুপস্সী ৱিহৰিতুং. কতমে ছ? কম্মাৰামতং, ভস্সাৰামতং, নিদ্দাৰামতং, সঙ্গণিকাৰামতং, ইন্দ্ৰিযেসু অগুত্তদ্ৱাৰতং, ভোজনে অমত্তঞ্ঞুতং. ইমে খো, ভিক্খৱে, ছ ধম্মে অপ্পহায অভব্বো কাযে কাযানুপস্সী ৱিহৰিতুং.

‘‘ছ, ভিক্খৱে, ধম্মে পহায ভব্বো কাযে কাযানুপস্সী ৱিহৰিতুং. কতমে ছ? কম্মাৰামতং, ভস্সাৰামতং, নিদ্দাৰামতং, সঙ্গণিকাৰামতং, ইন্দ্ৰিযেসু অগুত্তদ্ৱাৰতং, ভোজনে অমত্তঞ্ঞুতং – ইমে খো, ভিক্খৱে, ছ ধম্মে পহায ভব্বো কাযে কাযানুপস্সী ৱিহৰিতু’’ন্তি. পঠমং.