(১৯) ৪. অৰিযমগ্গৱগ্গো

১. অৰিযমগ্গসুত্তং

১৮৯. ‘‘অৰিযমগ্গঞ্চ ৱো, ভিক্খৱে, দেসেস্সামি অনৰিযমগ্গঞ্চ. তং সুণাথ…পে… কতমো চ, ভিক্খৱে, অনৰিযো মগ্গো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, অনৰিযো মগ্গো.

‘‘কতমো চ, ভিক্খৱে, অৰিযো মগ্গো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, অৰিযো মগ্গো’’তি. পঠমং.

২. কণ্হমগ্গসুত্তং

১৯০. ‘‘কণ্হমগ্গঞ্চ ৱো, ভিক্খৱে, দেসেস্সামি সুক্কমগ্গঞ্চ. তং সুণাথ…পে… কতমো চ, ভিক্খৱে, কণ্হো মগ্গো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, কণ্হো মগ্গো.

‘‘কতমো চ, ভিক্খৱে, সুক্কো মগ্গো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, সুক্কো মগ্গো’’তি. দুতিযং.

৩. সদ্ধম্মসুত্তং

১৯১. ‘‘সদ্ধম্মঞ্চ ৱো, ভিক্খৱে, দেসেস্সামি অসদ্ধম্মঞ্চ. তং সুণাথ…পে… কতমো চ, ভিক্খৱে, অসদ্ধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, অসদ্ধম্মো.

‘‘কতমো চ, ভিক্খৱে, সদ্ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, সদ্ধম্মো’’তি. ততিযং.

৪. সপ্পুৰিসধম্মসুত্তং

১৯২. ‘‘সপ্পুৰিসধম্মঞ্চ ৱো, ভিক্খৱে, দেসেস্সামি অসপ্পুৰিসধম্মঞ্চ. তং সুণাথ…পে… কতমো চ, ভিক্খৱে, অসপ্পুৰিসধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, অসপ্পুৰিসধম্মো.

‘‘কতমো চ, ভিক্খৱে, সপ্পুৰিসধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, সপ্পুৰিসধম্মো’’তি. চতুত্থং.

৫. উপ্পাদেতব্বধম্মসুত্তং

১৯৩. ‘‘উপ্পাদেতব্বঞ্চ ৱো, ভিক্খৱে, ধম্মং দেসেস্সামি ন উপ্পাদেতব্বঞ্চ. তং সুণাথ…পে… কতমো চ, ভিক্খৱে, ন উপ্পাদেতব্বো ধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, ন উপ্পাদেতব্বো ধম্মো.

‘‘কতমো চ, ভিক্খৱে, উপ্পাদেতব্বো ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, উপ্পাদেতব্বো ধম্মো’’তি. পঞ্চমং.

৬. আসেৱিতব্বধম্মসুত্তং

১৯৪. ‘‘আসেৱিতব্বঞ্চ ৱো, ভিক্খৱে, ধম্মং দেসেস্সামি নাসেৱিতব্বঞ্চ. তং সুণাথ…পে… কতমো চ, ভিক্খৱে, নাসেৱিতব্বো ধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, নাসেৱিতব্বো ধম্মো.

‘‘কতমো চ, ভিক্খৱে, আসেৱিতব্বো ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, আসেৱিতব্বো ধম্মো’’তি. ছট্ঠং.

৭. ভাৱেতব্বধম্মসুত্তং

১৯৫. ‘‘ভাৱেতব্বঞ্চ ৱো, ভিক্খৱে, ধম্মং দেসেস্সামি ন ভাৱেতব্বঞ্চ. তং সুণাথ…পে… কতমো চ, ভিক্খৱে, ন ভাৱেতব্বো ধম্মো? পাণাতিপাতো …পে… মিচ্ছাদিট্ঠি – অযং ৱুচ্চতি, ভিক্খৱে, ন ভাৱেতব্বো ধম্মো.

‘‘কতমো চ, ভিক্খৱে, ভাৱেতব্বো ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, ভাৱেতব্বো ধম্মো’’তি. সত্তমং.

৮. বহুলীকাতব্বসুত্তং

১৯৬. ‘‘বহুলীকাতব্বঞ্চ ৱো, ভিক্খৱে, ধম্মং দেসেস্সামি ন বহুলীকাতব্বঞ্চ. তং সুণাথ…পে… কতমো চ, ভিক্খৱে, ন বহুলীকাতব্বো ধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, ন বহুলীকাতব্বো ধম্মো.

‘‘কতমো চ, ভিক্খৱে, বহুলীকাতব্বো ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, বহুলীকাতব্বো ধম্মো’’তি. অট্ঠমং.

৯. অনুস্সৰিতব্বসুত্তং

১৯৭. ‘‘অনুস্সৰিতব্বঞ্চ ৱো, ভিক্খৱে, ধম্মং দেসেস্সামি নানুস্সৰিতব্বঞ্চ. তং সুণাথ…পে… কতমো চ, ভিক্খৱে, নানুস্সৰিতব্বো ধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, নানুস্সৰিতব্বো ধম্মো.

‘‘কতমো চ, ভিক্খৱে, অনুস্সৰিতব্বো ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, অনুস্সৰিতব্বো ধম্মো’’তি. নৱমং.

১০. সচ্ছিকাতব্বসুত্তং

১৯৮. ‘‘সচ্ছিকাতব্বঞ্চ ৱো, ভিক্খৱে, ধম্মং দেসেস্সামি ন সচ্ছিকাতব্বঞ্চ. তং সুণাথ…পে… কতমো চ, ভিক্খৱে, ন সচ্ছিকাতব্বো ধম্মো? পাণাতিপাতো…পে… মিচ্ছাদিট্ঠি – অযং ৱুচ্চতি, ভিক্খৱে, ন সচ্ছিকাতব্বো ধম্মো.

‘‘কতমো চ, ভিক্খৱে, সচ্ছিকাতব্বো ধম্মো? পাণাতিপাতা ৱেৰমণী…পে… সম্মাদিট্ঠি – অযং ৱুচ্চতি, ভিক্খৱে, সচ্ছিকাতব্বো ধম্মো’’তি. দসমং.

অৰিযমগ্গৱগ্গো চতুত্থো.