༣. ཨ་དྷི་ཀ་ར་ཎ་མཱུ་ལཱ་དི

༣༤༣. ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏི མཱུ་ལཱ་ནི, ཀ་ཏི ས་མུ་ཊྛཱ་ནཱ? ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཏེ་ཏྟིཾ་ས མཱུ་ལཱ་ནི, ཏེ་ཏྟིཾ་ས ས་མུ་ཊྛཱ་ནཱ.

ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏ་མཱ་ནི ཏེ་ཏྟིཾ་ས མཱུ་ལཱ་ནི? ཝི་ཝཱ་དཱ་དྷི་ཀ་ར་ཎ་སྶ དྭཱ་ད་ས མཱུ་ལཱ་ནི, ཨ་ནུ་ཝཱ་དཱ་དྷི་ཀ་ར་ཎ་སྶ ཙུ་དྡ་ས མཱུ་ལཱ་ནི, ཨཱ་པ་ཏྟཱ་དྷི་ཀ་ར་ཎ་སྶ ཚ མཱུ་ལཱ་ནི, ཀི་ཙྩཱ་དྷི་ཀ་ར་ཎ་སྶ ཨེ་ཀཾ མཱུ་ལཾ, ས་ངྒྷོ – ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཨི་མཱ་ནི ཏེ་ཏྟིཾ་ས མཱུ་ལཱ་ནི.

ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏ་མེ ཏེ་ཏྟིཾ་ས ས་མུ་ཊྛཱ་ནཱ? ཝི་ཝཱ་དཱ་དྷི་ཀ་ར་ཎ་སྶ ཨ་ཊྛཱ་ར་ས་བྷེ་ད་ཀ་ར་ཝ་ཏྠཱུ་ནི ས་མུ་ཊྛཱ་ནཱ, ཨ་ནུ་ཝཱ་དཱ་དྷི་ཀ་ར་ཎ་སྶ ཙ་ཏ་སྶོ ཝི་པ་ཏྟི་ཡོ ས་མུ་ཊྛཱ་ནཱ, ཨཱ་པ་ཏྟཱ་དྷི་ཀ་ར་ཎ་སྶ ས་ཏྟཱ་པ་ཏྟི་ཀྑ་ནྡྷཱ ས་མུ་ཊྛཱ་ནཱ, ཀི་ཙྩཱ་དྷི་ཀ་ར་ཎ་སྶ ཙ་ཏྟཱ་རི ཀ་མྨཱ་ནི ས་མུ་ཊྛཱ་ནཱ – ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཨི་མེ ཏེ་ཏྟིཾ་ས ས་མུ་ཊྛཱ་ནཱ.