ཨ་དྷི་ཀ་ར་ཎ་བྷེ་དོ

༡. ཨུ་ཀྐོ་ཊ་ན་བྷེ་དཱ་དི

༣༤༠. [ཙཱུ་ལ༹་ཝ. ༢༡༥; པ་རི. ༢༧༥] ཙ་ཏྟཱ་རི ཨ་དྷི་ཀ་ར་ཎཱ་ནི. ཝི་ཝཱ་དཱ་དྷི་ཀ་ར་ཎཾ, ཨ་ནུ་ཝཱ་དཱ་དྷི་ཀ་ར་ཎཾ, ཨཱ་པ་ཏྟཱ་དྷི་ཀ་ར་ཎཾ, ཀི་ཙྩཱ་དྷི་ཀ་ར་ཎཾ – ཨི་མཱ་ནི ཙ་ཏྟཱ་རི ཨ་དྷི་ཀ་ར་ཎཱ་ནི.

ཨི་མེ་སཾ ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏི ཨུ་ཀྐོ་ཊཱ? ཨི་མེ་སཾ ཙ་ཏུ་ནྣཾ ཨ་དྷི་ཀ་ར་ཎཱ་ནཾ ད་ས ཨུ་ཀྐོ་ཊཱ. ཝི་ཝཱ་དཱ་དྷི་ཀ་ར་ཎ་སྶ དྭེ ཨུ་ཀྐོ་ཊཱ, ཨ་ནུ་ཝཱ་དཱ་དྷི་ཀ་ར་ཎ་སྶ ཙ་ཏྟཱ་རོ ཨུ་ཀྐོ་ཊཱ, ཨཱ་པ་ཏྟཱ་དྷི་ཀ་ར་ཎ་སྶ ཏ་ཡོ ཨུ་ཀྐོ་ཊཱ, ཀི་ཙྩཱ་དྷི་ཀ་ར་ཎ་སྶ ཨེ་ཀོ ཨུ་ཀྐོ་ཊོ – ཨི་མེ་སཾ ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཨི་མེ ད་ས ཨུ་ཀྐོ་ཊཱ.

ཝི་ཝཱ་དཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཀ་ཏི ས་མ་ཐེ ཨུ་ཀྐོ་ཊེ་ཏི? ཨ་ནུ་ཝཱ་དཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཀ་ཏི ས་མ་ཐེ ཨུ་ཀྐོ་ཊེ་ཏི? ཨཱ་པ་ཏྟཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཀ་ཏི ས་མ་ཐེ ཨུ་ཀྐོ་ཊེ་ཏི? ཀི་ཙྩཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཀ་ཏི ས་མ་ཐེ ཨུ་ཀྐོ་ཊེ་ཏི?

ཝི་ཝཱ་དཱ་དྷི་ཀ་ར་ཎཾ ཨུ་ཀྐོ་ཊེ་ནྟོ དྭེ ས་མ་ཐེ ཨུ་ཀྐོ་ཊེ་ཏི. ཨ་ནུ་ཝཱ་དཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཙ་ཏྟཱ་རོ ས་མ་ཐེ ཨུ་ཀྐོ་ཊེ་ཏི. ཨཱ་པ་ཏྟཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཏ་ཡོ ས་མ་ཐེ ཨུ་ཀྐོ་ཊེ་ཏི. ཀི་ཙྩཱ་དྷི་ཀ་ར་ཎཾ ཨུ་ཀྐོ་ཊེ་ནྟོ ཨེ་ཀཾ ས་མ་ཐཾ ཨུ་ཀྐོ་ཊེ་ཏི.

༣༤༡. ཀ་ཏི ཨུ་ཀྐོ་ཊཱ? ཀ་ཏི་ཧཱ་ཀཱ་རེ་ཧི ཨུ་ཀྐོ་ཊ་ནཾ པ་ས་ཝ་ཏི? ཀ་ཏི་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི? ཀ་ཏི པུ་གྒ་ལཱ ཨ་དྷི་ཀ་ར་ཎཾ ཨུ་ཀྐོ་ཊེ་ནྟཱ ཨཱ་པ་ཏྟིཾ ཨཱ་པ་ཛྫ་ནྟི?

དྭཱ་ད་ས ཨུ་ཀྐོ་ཊཱ. ད་ས་ཧཱ་ཀཱ་རེ་ཧི ཨུ་ཀྐོ་ཊ་ནཾ པ་ས་ཝ་ཏི. ཙ་ཏཱུ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི. ཙ་ཏྟཱ་རོ པུ་གྒ་ལཱ ཨ་དྷི་ཀ་ར་ཎཾ ཨུ་ཀྐོ་ཊེ་ནྟཱ ཨཱ་པ་ཏྟིཾ ཨཱ་པ་ཛྫ་ནྟི?

ཀ་ཏ་མེ དྭཱ་ད་ས ཨུ་ཀྐོ་ཊཱ? ཨ་ཀ་ཏཾ ཀ་མྨཾ, དུ་ཀྐ་ཊཾ ཀ་མྨཾ, པུ་ན ཀཱ་ཏ་བྦཾ ཀ་མྨཾ, ཨ་ནི་ཧ་ཏཾ, དུ་ནྣི་ཧ་ཏཾ, པུ་ན ནི་ཧ་ནི་ཏ་བྦཾ, ཨ་ཝི་ནི་ཙྪི་ཏཾ, དུ་ཝི་ནི་ཙྪི་ཏཾ, པུ་ན ཝི་ནི་ཙྪི་ཏ་བྦཾ, ཨ་ཝཱུ་པ་ས་ནྟཾ, དུ་ཝཱུ་པ་ས་ནྟཾ, པུ་ན ཝཱུ་པ་ས་མེ་ཏ་བྦ་ནྟི – ཨི་མེ དྭཱ་ད་ས ཨུ་ཀྐོ་ཊཱ.

ཀ་ཏ་མེ་ཧི ད་ས་ཧཱ་ཀཱ་རེ་ཧི ཨུ་ཀྐོ་ཊ་ནཾ པ་ས་ཝ་ཏི? ཏ་ཏྠ ཛཱ་ཏ་ཀཾ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, ཏ་ཏྠ ཛཱ་ཏ་ཀཾ ཝཱུ་པ་ས་ནྟཾ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, ཨ་ནྟ་རཱ་མ་གྒེ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, ཨ་ནྟ་རཱ་མ་གྒེ ཝཱུ་པ་ས་ནྟཾ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, ཏ་ཏྠ ག་ཏཾ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, ཏ་ཏྠ ག་ཏཾ ཝཱུ་པ་ས་ནྟཾ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, ས་ཏི་ཝི་ན་ཡཾ ཨུ་ཀྐོ་ཊེ་ཏི, ཨ་མཱུ་ལ༹ྷ་ཝི་ན་ཡཾ ཨུ་ཀྐོ་ཊེ་ཏི, ཏ་སྶ་པཱ་པི་ཡ་སི་ཀཾ ཨུ་ཀྐོ་ཊེ་ཏི, ཏི་ཎ་ཝ་ཏྠཱ་ར་ཀཾ ཨུ་ཀྐོ་ཊེ་ཏི – ཨི་མེ་ཧི ད་ས་ཧཱ་ཀཱ་རེ་ཧི ཨུ་ཀྐོ་ཊ་ནཾ པ་ས་ཝ་ཏི.

ཀ་ཏ་མེ་ཧི ཙ་ཏཱུ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི? ཚ་ནྡཱ་ག་ཏིཾ ག་ཙྪ་ནྟོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, དོ་སཱ་ག་ཏིཾ ག་ཙྪ་ནྟོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, མོ་ཧཱ་ག་ཏིཾ ག་ཙྪ་ནྟོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི, བྷ་ཡཱ་ག་ཏིཾ ག་ཙྪ་ནྟོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི – ཨི་མེ་ཧི ཙ་ཏཱུ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་དྷི་ཀ་ར་ཎཾ ཨུ་ཀྐོ་ཊེ་ཏི.

ཀ་ཏ་མེ ཙ་ཏྟཱ་རོ པུ་གྒ་ལཱ ཨ་དྷི་ཀ་ར་ཎཾ ཨུ་ཀྐོ་ཊེ་ནྟཱ ཨཱ་པ་ཏྟིཾ ཨཱ་པ་ཛྫ་ནྟི? ཏ་ད་ཧུ་པ་ས་མྤ་ནྣོ ཨུ་ཀྐོ་ཊེ་ཏི ཨུ་ཀྐོ་ཊ་ན་ཀཾ པཱ་ཙི་ཏྟི་ཡཾ, ཨཱ་ག་ནྟུ་ཀོ ཨུ་ཀྐོ་ཊེ་ཏི ཨུ་ཀྐོ་ཊ་ན་ཀཾ པཱ་ཙི་ཏྟི་ཡཾ, ཀཱ་ར་ཀོ ཨུ་ཀྐོ་ཊེ་ཏི ཨུ་ཀྐོ་ཊ་ན་ཀཾ པཱ་ཙི་ཏྟི་ཡཾ, ཚ་ནྡ་དཱ་ཡ་ཀོ ཨུ་ཀྐོ་ཊེ་ཏི ཨུ་ཀྐོ་ཊ་ན་ཀཾ པཱ་ཙི་ཏྟི་ཡཾ – ཨི་མེ ཙ་ཏྟཱ་རོ པུ་གྒ་ལཱ ཨ་དྷི་ཀ་ར་ཎཾ ཨུ་ཀྐོ་ཊེ་ནྟཱ ཨཱ་པ་ཏྟིཾ ཨཱ་པ་ཛྫ་ནྟི.

༢. ཨ་དྷི་ཀ་ར་ཎ་ནི་དཱ་ནཱ་དི

༣༤༢. ཝི་ཝཱ་དཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཨ་ནུ་ཝཱ་དཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཨཱ་པ་ཏྟཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཀི་ཙྩཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ?

ཝི་ཝཱ་དཱ་དྷི་ཀ་ར་ཎཾ ཝི་ཝཱ་ད་ནི་དཱ་ནཾ ཝི་ཝཱ་ད་ས་མུ་ད་ཡཾ ཝི་ཝཱ་ད་ཛཱ་ཏི་ཀཾ ཝི་ཝཱ་ད་པ་བྷ་ཝཾ ཝི་ཝཱ་ད་ས་མྦྷཱ་རཾ ཝི་ཝཱ་ད་ས་མུ་ཊྛཱ་ནཾ. ཨ་ནུ་ཝཱ་དཱ་དྷི་ཀ་ར་ཎཾ ཨ་ནུ་ཝཱ་ད་ནི་དཱ་ནཾ ཨ་ནུ་ཝཱ་ད་ས་མུ་ད་ཡཾ ཨ་ནུ་ཝཱ་ད་ཛཱ་ཏི་ཀཾ ཨ་ནུ་ཝཱ་ད་པ་བྷ་ཝཾ ཨ་ནུ་ཝཱ་ད་ས་མྦྷཱ་རཾ ཨ་ནུ་ཝཱ་ད་ས་མུ་ཊྛཱ་ནཾ. ཨཱ་པ་ཏྟཱ་དྷི་ཀ་ར་ཎཾ ཨཱ་པ་ཏྟི་ནི་དཱ་ནཾ ཨཱ་པ་ཏྟི་ས་མུ་ད་ཡཾ ཨཱ་པ་ཏྟི་ཛཱ་ཏི་ཀཾ ཨཱ་པ་ཏྟི་པ་བྷ་ཝཾ ཨཱ་པ་ཏྟི་ས་མྦྷཱ་རཾ ཨཱ་པ་ཏྟི་ས་མུ་ཊྛཱ་ནཾ. ཀི་ཙྩཱ་དྷི་ཀ་ར་ཎཾ ཀི་ཙྩ་ཡ་ནི་དཱ་ནཾ ཀི་ཙྩ་ཡ་ས་མུ་ད་ཡཾ ཀི་ཙྩ་ཡ་ཛཱ་ཏི་ཀཾ ཀི་ཙྩ་ཡ་པ་བྷ་ཝཾ ཀི་ཙྩ་ཡ་ས་མྦྷཱ་རཾ ཀི་ཙྩ་ཡ་ས་མུ་ཊྛཱ་ནཾ.

ཝི་ཝཱ་དཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཨ་ནུ་ཝཱ་དཱ་དྷི་ཀ་ར་ཎཾ…པེ… ཨཱ་པ་ཏྟཱ་དྷི་ཀ་ར་ཎཾ…པེ… ཀི་ཙྩཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ?

ཝི་ཝཱ་དཱ་དྷི་ཀ་ར་ཎཾ ཧེ་ཏུ་ནི་དཱ་ནཾ, ཧེ་ཏུ་ས་མུ་ད་ཡཾ, ཧེ་ཏུ་ཛཱ་ཏི་ཀཾ, ཧེ་ཏུ་པ་བྷ་ཝཾ, ཧེ་ཏུ་ས་མྦྷཱ་རཾ, ཧེ་ཏུ་ས་མུ་ཊྛཱ་ནཾ. ཨ་ནུ་ཝཱ་དཱ་དྷི་ཀ་ར་ཎཾ…པེ… ཨཱ་པ་ཏྟཱ་དྷི་ཀ་ར་ཎཾ…པེ… ཀི་ཙྩཱ་དྷི་ཀ་ར་ཎཾ ཧེ་ཏུ་ནི་དཱ་ནཾ, ཧེ་ཏུ་ས་མུ་ད་ཡཾ, ཧེ་ཏུ་ཛཱ་ཏི་ཀཾ, ཧེ་ཏུ་པ་བྷ་ཝཾ, ཧེ་ཏུ་ས་མྦྷཱ་རཾ, ཧེ་ཏུ་ས་མུ་ཊྛཱ་ནཾ.

ཝི་ཝཱ་དཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཨ་ནུ་ཝཱ་དཱ་དྷི་ཀ་ར་ཎཾ …པེ… ཨཱ་པ་ཏྟཱ་དྷི་ཀ་ར་ཎཾ…པེ… ཀི་ཙྩཱ་དྷི་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ?

ཝི་ཝཱ་དཱ་དྷི་ཀ་ར་ཎཾ པ་ཙྩ་ཡ་ནི་དཱ་ནཾ, པ་ཙྩ་ཡ་ས་མུ་ད་ཡཾ, པ་ཙྩ་ཡ་ཛཱ་ཏི་ཀཾ, པ་ཙྩ་ཡ་པ་བྷ་ཝཾ, པ་ཙྩ་ཡ་ས་མྦྷཱ་རཾ, པ་ཙྩ་ཡ་ས་མུ་ཊྛཱ་ནཾ. ཨ་ནུ་ཝཱ་དཱ་དྷི་ཀ་ར་ཎཾ…པེ… ཨཱ་པ་ཏྟཱ་དྷི་ཀ་ར་ཎཾ…པེ… ཀི་ཙྩཱ་དྷི་ཀ་ར་ཎཾ པ་ཙྩ་ཡ་ནི་དཱ་ནཾ, པ་ཙྩ་ཡ་ས་མུ་ད་ཡཾ, པ་ཙྩ་ཡ་ཛཱ་ཏི་ཀཾ, པ་ཙྩ་ཡ་པ་བྷ་ཝཾ, པ་ཙྩ་ཡ་ས་མྦྷཱ་རཾ, པ་ཙྩ་ཡ་ས་མུ་ཊྛཱ་ནཾ.

༣. ཨ་དྷི་ཀ་ར་ཎ་མཱུ་ལཱ་དི

༣༤༣. ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏི མཱུ་ལཱ་ནི, ཀ་ཏི ས་མུ་ཊྛཱ་ནཱ? ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཏེ་ཏྟིཾ་ས མཱུ་ལཱ་ནི, ཏེ་ཏྟིཾ་ས ས་མུ་ཊྛཱ་ནཱ.

ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏ་མཱ་ནི ཏེ་ཏྟིཾ་ས མཱུ་ལཱ་ནི? ཝི་ཝཱ་དཱ་དྷི་ཀ་ར་ཎ་སྶ དྭཱ་ད་ས མཱུ་ལཱ་ནི, ཨ་ནུ་ཝཱ་དཱ་དྷི་ཀ་ར་ཎ་སྶ ཙུ་དྡ་ས མཱུ་ལཱ་ནི, ཨཱ་པ་ཏྟཱ་དྷི་ཀ་ར་ཎ་སྶ ཚ མཱུ་ལཱ་ནི, ཀི་ཙྩཱ་དྷི་ཀ་ར་ཎ་སྶ ཨེ་ཀཾ མཱུ་ལཾ, ས་ངྒྷོ – ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཨི་མཱ་ནི ཏེ་ཏྟིཾ་ས མཱུ་ལཱ་ནི.

ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏ་མེ ཏེ་ཏྟིཾ་ས ས་མུ་ཊྛཱ་ནཱ? ཝི་ཝཱ་དཱ་དྷི་ཀ་ར་ཎ་སྶ ཨ་ཊྛཱ་ར་ས་བྷེ་ད་ཀ་ར་ཝ་ཏྠཱུ་ནི ས་མུ་ཊྛཱ་ནཱ, ཨ་ནུ་ཝཱ་དཱ་དྷི་ཀ་ར་ཎ་སྶ ཙ་ཏ་སྶོ ཝི་པ་ཏྟི་ཡོ ས་མུ་ཊྛཱ་ནཱ, ཨཱ་པ་ཏྟཱ་དྷི་ཀ་ར་ཎ་སྶ ས་ཏྟཱ་པ་ཏྟི་ཀྑ་ནྡྷཱ ས་མུ་ཊྛཱ་ནཱ, ཀི་ཙྩཱ་དྷི་ཀ་ར་ཎ་སྶ ཙ་ཏྟཱ་རི ཀ་མྨཱ་ནི ས་མུ་ཊྛཱ་ནཱ – ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཨི་མེ ཏེ་ཏྟིཾ་ས ས་མུ་ཊྛཱ་ནཱ.

༤. ཨ་དྷི་ཀ་ར་ཎ་པ་ཙྩ་ཡཱ་པ་ཏྟི

༣༤༤. ཝི་ཝཱ་དཱ་དྷི་ཀ་ར་ཎཾ ཨཱ་པ་ཏྟཱ་ནཱ་པ་ཏྟཱི་ཏི? ཝི་ཝཱ་དཱ་དྷི་ཀ་ར་ཎཾ ན ཨཱ་པ་ཏྟི. ཀིཾ པ་ན ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻཱ་ཏི? ཨཱ་མ, ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻ. ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི? ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ དྭེ ཨཱ་པ་ཏྟི་ཡོ ཨཱ་པ་ཛྫ་ཏི. ཨུ་པ་ས་མྤ་ནྣཾ ཨོ་མ་ས་ཏི, ཨཱ་པ་ཏྟི པཱ་ཙི་ཏྟི་ཡ་སྶ; ཨ་ནུ་པ་ས་མྤ་ནྣཾ ཨོ་མ་ས་ཏི, ཨཱ་པ་ཏྟི དུ་ཀྐ་ཊ་སྶ – ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ ཨི་མཱ དྭེ ཨཱ་པ་ཏྟི་ཡོ ཨཱ་པ་ཛྫ་ཏི.

ཏཱ ཨཱ་པ་ཏྟི་ཡོ ཙ་ཏུ་ནྣཾ ཝི་པ་ཏྟཱི་ནཾ ཀ་ཏི ཝི་པ་ཏྟི་ཡོ བྷ་ཛ་ནྟི? ཙ་ཏུ་ནྣཾ ཨ་དྷི་ཀ་ར་ཎཱ་ནཾ ཀ་ཏ་མཾ ཨ་དྷི་ཀ་ར་ཎཾ? ས་ཏྟ་ནྣཾ ཨཱ་པ་ཏྟི་ཀྑ་ནྡྷཱ་ནཾ ཀ་ཏི་ཧི ཨཱ་པ་ཏྟི་ཀྑ་ནྡྷེ་ཧི ས་ངྒ་ཧི་ཏཱ? ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཀ་ཏི་ཧི ས་མུ་ཊྛཱ་ནེ་ཧི ས་མུ་ཊྛ་ནྟི? ཀ་ཏི་ཧི ཨ་དྷི་ཀ་ར་ཎེ་ཧི ཀ་ཏི་སུ ཋཱ་ནེ་སུ ཀ་ཏི་ཧི ས་མ་ཐེ་ཧི ས་མྨ་ནྟི?

ཏཱ ཨཱ་པ་ཏྟི་ཡོ ཙ་ཏུ་ནྣཾ ཝི་པ་ཏྟཱི་ནཾ ཨེ་ཀཾ ཝི་པ་ཏྟིཾ བྷ་ཛ་ནྟི – ཨཱ་ཙཱ་ར་ཝི་པ་ཏྟིཾ. ཙ་ཏུ་ནྣཾ ཨ་དྷི་ཀ་ར་ཎཱ་ནཾ, ཨཱ་པ་ཏྟཱ་དྷི་ཀ་ར་ཎཾ. ས་ཏྟ་ནྣཾ ཨཱ་པ་ཏྟི་ཀྑ་ནྡྷཱ་ནཾ དྭཱི་ཧི ཨཱ་པ་ཏྟི་ཀྑ་ནྡྷེ་ཧི ས་ངྒ་ཧི་ཏཱ – སི་ཡཱ པཱ་ཙི་ཏྟི་ཡཱ་པ་ཏྟི་ཀྑ་ནྡྷེ་ན, སི་ཡཱ དུ་ཀྐ་ཊཱ་པ་ཏྟི་ཀྑ་ནྡྷེ་ན. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛ་ནྟི. ཨེ་ཀེ་ན ཨ་དྷི་ཀ་ར་ཎེ་ན – ཀི་ཙྩཱ་དྷི་ཀ་ར་ཎེ་ན; ཏཱི་སུ ཋཱ་ནེ་སུ – ས་ངྒྷ་མ་ཛ྄ཛྷེ, ག་ཎ་མ་ཛ྄ཛྷེ, པུ་གྒ་ལ་སྶ ས་ནྟི་ཀེ; ཏཱི་ཧི ས་མ་ཐེ་ཧི ས་མྨ་ནྟི – སི་ཡཱ ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ, སི་ཡཱ ས་མྨུ་ཁཱ་ཝི་ན་ཡེ་ན ཙ ཏི་ཎ་ཝ་ཏྠཱ་ར་ཀེ་ན ཙ.

༣༤༥. ཨ་ནུ་ཝཱ་དཱ་དྷི་ཀ་ར་ཎཾ ཨཱ་པ་ཏྟཱ་ནཱ་པ་ཏྟཱི་ཏི? ཨ་ནུ་ཝཱ་དཱ་དྷི་ཀ་ར་ཎཾ ན ཨཱ་པ་ཏྟི. ཀིཾ པ་ན ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻཱ་ཏི? ཨཱ་མ, ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻ. ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ, ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི? ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ ཏི་སྶོ ཨཱ་པ་ཏྟི་ཡོ ཨཱ་པ་ཛྫ་ཏི. བྷི་ཀྑུཾ ཨ་མཱུ་ལ་ཀེ་ན པཱ་རཱ་ཛི་ཀེ་ན དྷ་མྨེ་ན ཨ་ནུ་དྡྷཾ་སེ་ཏི, ཨཱ་པ་ཏྟི ས་ངྒྷཱ་དི་སེ་ས་སྶ; ཨ་མཱུ་ལ་ཀེ་ན ས་ངྒྷཱ་དི་སེ་སེ་ན ཨ་ནུ་དྡྷཾ་སེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ; ཨ་མཱུ་ལི་ཀཱ་ཡ ཨཱ་ཙཱ་ར་ཝི་པ་ཏྟི་ཡཱ ཨ་ནུ་དྡྷཾ་སེ་ཏི, ཨཱ་པ་ཏྟི དུ་ཀྐ་ཊ་སྶ – ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ ཨི་མཱ ཏི་སྶོ ཨཱ་པ་ཏྟི་ཡོ ཨཱ་པ་ཛྫ་ཏི.

ཏཱ ཨཱ་པ་ཏྟི་ཡོ ཙ་ཏུ་ནྣཾ ཝི་པ་ཏྟཱི་ནཾ དྭེ ཝི་པ་ཏྟི་ཡོ བྷ་ཛ་ནྟི – སི་ཡཱ སཱི་ལ་ཝི་པ་ཏྟིཾ, སི་ཡཱ ཨཱ་ཙཱ་ར་ཝི་པ་ཏྟིཾ. ཙ་ཏུ་ནྣཾ ཨ་དྷི་ཀ་ར་ཎཱ་ནཾ, ཨཱ་པ་ཏྟཱ་དྷི་ཀ་ར་ཎཾ. ས་ཏྟ་ནྣཾ ཨཱ་པ་ཏྟི་ཀྑ་ནྡྷཱ་ནཾ ཏཱི་ཧི ཨཱ་པ་ཏྟི་ཀྑ་ནྡྷེ་ཧི ས་ངྒ་ཧི་ཏཱ – སི་ཡཱ ས་ངྒྷཱ་དི་སེ་སཱ་པ་ཏྟི་ཀྑ་ནྡྷེ་ན, སི་ཡཱ པཱ་ཙི་ཏྟི་ཡཱ་པ་ཏྟི་ཀྑ་ནྡྷེ་ན, སི་ཡཱ དུ་ཀྐ་ཊཱ་པ་ཏྟི་ཀྑ་ནྡྷེ་ན. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཏཱི་ཧི ས་མུ་ཊྛཱ་ནེ་ཧི ས་མུ་ཊྛ་ནྟི. ཡཱ ཏཱ ཨཱ་པ་ཏྟི་ཡོ ག་རུ་ཀཱ ཏཱ ཨཱ་པ་ཏྟི་ཡོ ཨེ་ཀེ་ན ཨ་དྷི་ཀ་ར་ཎེ་ན – ཀི་ཙྩཱ་དྷི་ཀ་ར་ཎེ་ན; ཨེ་ཀ་མྷི ཋཱ་ནེ – ས་ངྒྷ་མ་ཛ྄ཛྷེ; དྭཱི་ཧི ས་མ་ཐེ་ཧི ས་མྨ་ནྟི – ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ. ཡཱ ཏཱ ཨཱ་པ་ཏྟི་ཡོ ལ་ཧུ་ཀཱ ཏཱ ཨཱ་པ་ཏྟི་ཡོ ཨེ་ཀེ་ན ཨ་དྷི་ཀ་ར་ཎེ་ན – ཀི་ཙྩཱ་དྷི་ཀ་ར་ཎེ་ན; ཏཱི་སུ ཋཱ་ནེ་སུ – ས་ངྒྷ་མ་ཛ྄ཛྷེ ག་ཎ་མ་ཛ྄ཛྷེ པུ་གྒ་ལ་སྶ ས་ནྟི་ཀེ; ཏཱི་ཧི ས་མ་ཐེ་ཧི ས་མྨ་ནྟི – སི་ཡཱ ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ, སི་ཡཱ ས་མྨུ་ཁཱ་ཝི་ན་ཡེ་ན ཙ ཏི་ཎ་ཝ་ཏྠཱ་ར་ཀེ་ན ཙ.

༣༤༦. ཨཱ་པ་ཏྟཱ་དྷི་ཀ་ར་ཎཾ ཨཱ་པ་ཏྟཱ་ནཱ་པ་ཏྟཱི་ཏི? ཨཱ་པ་ཏྟཱ་དྷི་ཀ་ར་ཎཾ ཨཱ་པ་ཏྟི. ཀིཾ པ་ན ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻཱ་ཏི? ཨཱ་མ, ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻ. ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི? ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཙ་ཏ་སྶོ ཨཱ་པ་ཏྟི་ཡོ ཨཱ་པ་ཛྫ་ཏི. བྷི་ཀྑུ་ནཱི ཛཱ་ནཾ པཱ་རཱ་ཛི་ཀཾ དྷ་མྨཾ [པཱ་རཱ་ཛི་ཀཾ དྷ་མྨཾ ཨ་ཛ྄ཛྷཱ་པ་ནྣཾ (སྱཱ.)] པ་ཊི་ཙྪཱ་དེ་ཏི, ཨཱ་པ་ཏྟི པཱ་རཱ་ཛི་ཀ་སྶ; ཝེ་མ་ཏི་ཀཱ པ་ཊི་ཙྪཱ་དེ་ཏི, ཨཱ་པ་ཏྟི ཐུ་ལླ་ཙྩ་ཡ་སྶ; བྷི་ཀྑུ ས་ངྒྷཱ་དི་སེ་སཾ པ་ཊི་ཙྪཱ་དེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ; ཨཱ་ཙཱ་ར་ཝི་པ་ཏྟིཾ པ་ཊི་ཙྪཱ་དེ་ཏི, ཨཱ་པ་ཏྟི དུ་ཀྐ་ཊ་སྶ – ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཨི་མཱ ཙ་ཏ་སྶོ ཨཱ་པ་ཏྟི་ཡོ ཨཱ་པ་ཛྫ་ཏི.

ཏཱ ཨཱ་པ་ཏྟི་ཡོ ཙ་ཏུ་ནྣཾ ཝི་པ་ཏྟཱི་ནཾ དྭེ ཝི་པ་ཏྟི་ཡོ བྷ་ཛ་ནྟི – སི་ཡཱ སཱི་ལ་ཝི་པ་ཏྟིཾ སི་ཡཱ ཨཱ་ཙཱ་ར་ཝི་པ་ཏྟིཾ. ཙ་ཏུ་ནྣཾ ཨ་དྷི་ཀ་ར་ཎཱ་ནཾ – ཨཱ་པ་ཏྟཱ་དྷི་ཀ་ར་ཎཾ. ས་ཏྟ་ནྣཾ ཨཱ་པ་ཏྟི་ཀྑ་ནྡྷཱ་ནཾ ཙ་ཏཱུ་ཧི ཨཱ་པ་ཏྟི་ཀྑ་ནྡྷེ་ཧི ས་ངྒ་ཧི་ཏཱ – སི་ཡཱ པཱ་རཱ་ཛི་ཀཱ་པ་ཏྟི་ཀྑ་ནྡྷེ་ན, སི་ཡཱ ཐུ་ལླ་ཙྩ་ཡཱ་པ་ཏྟི་ཀྑ་ནྡྷེ་ན, སི་ཡཱ པཱ་ཙི་ཏྟི་ཡཱ་པ་ཏྟི་ཀྑ་ནྡྷེ་ན, སི་ཡཱ དུ་ཀྐ་ཊཱ་པ་ཏྟི་ཀྑ་ནྡྷེ་ན. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཨེ་ཀེ་ན ས་མུ་ཊྛཱ་ནེ་ན ས་མུ་ཊྛ་ནྟི – ཀཱ་ཡ་ཏོ ཙ ཝཱ་ཙ་ཏོ ཙ ཙི་ཏྟ་ཏོ ཙ ས་མུ་ཊྛ་ནྟི. ཡཱ སཱ ཨཱ་པ་ཏྟི ཨ་ན་ཝ་སེ་སཱ སཱ ཨཱ་པ་ཏྟི ན ཀ་ཏ་མེ་ན ཨ་དྷི་ཀ་ར་ཎེ་ན, ན ཀ་ཏ་མ་མྷི ཋཱ་ནེ, ན ཀ་ཏ་མེ་ན ས་མ་ཐེ་ན ས་མྨ་ཏི. ཡཱ ཏཱ ཨཱ་པ་ཏྟི་ཡོ ལ་ཧུ་ཀཱ ཏཱ ཨཱ་པ་ཏྟི་ཡོ ཨེ་ཀེ་ན ཨ་དྷི་ཀ་ར་ཎེ་ན – ཀི་ཙྩཱ་དྷི་ཀ་ར་ཎེ་ན; ཏཱི་སུ ཋཱ་ནེ་སུ – ས་ངྒྷ་མ་ཛ྄ཛྷེ, ག་ཎ་མ་ཛ྄ཛྷེ, པུ་གྒ་ལ་སྶ ས་ནྟི་ཀེ; ཏཱི་ཧི ས་མ་ཐེ་ཧི ས་མྨ་ནྟི – སི་ཡཱ ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ, སི་ཡཱ ས་མྨུ་ཁཱ་ཝི་ན་ཡེ་ན ཙ ཏི་ཎ་ཝ་ཏྠཱ་ར་ཀེ་ན ཙ.

༣༤༧. ཀི་ཙྩཱ་དྷི་ཀ་ར་ཎཾ ཨཱ་པ་ཏྟཱ་ནཱ་པ་ཏྟཱི་ཏི? ཀི་ཙྩཱ་དྷི་ཀ་ར་ཎཾ ན ཨཱ་པ་ཏྟི. ཀིཾ པ་ན ཀི་ཙྩཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻཱ་ཏི? ཨཱ་མ, ཀི་ཙྩཱ་དྷི་ཀ་ར་ཎ་པ་ཙྩ་ཡཱ ཨཱ་པ་ཏྟིཾ ཨཱ་པ་ཛྫེ་ཡྻ. ཀི་ཙྩཱ་དྷི་ཀ་ར་ཎ་པ་ཙྩ་ཡཱ ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི? ཀི་ཙྩཱ་དྷི་ཀ་ར་ཎ་པ་ཙྩ་ཡཱ པ་ཉྩ ཨཱ་པ་ཏྟི་ཡོ ཨཱ་པ་ཛྫ་ཏི. ཨུ་ཀྑི་ཏྟཱ་ནུ་ཝ་ཏྟི་ཀཱ བྷི་ཀྑུ་ནཱི ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ན པ་ཊི་ནི་སྶ་ཛྫ་ཏི, ཉ་ཏྟི་ཡཱ དུ་ཀྐ་ཊཾ; དྭཱི་ཧི ཀ་མྨ་ཝཱ་ཙཱ་ཧི ཐུ་ལླ་ཙྩ་ཡཱ; ཀ་མྨ་ཝཱ་ཙཱ་པ་རི་ཡོ་སཱ་ནེ ཨཱ་པ་ཏྟི པཱ་རཱ་ཛི་ཀ་སྶ; བྷེ་ད་ཀཱ་ནུ་ཝ་ཏྟ་ཀཱ བྷི་ཀྑཱུ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ན པ་ཊི་ནི་སྶ་ཛྫ་ནྟི, ཨཱ་པ་ཏྟི ས་ངྒྷཱ་དི་སེ་ས་སྶ; པཱ་པི་ཀཱ་ཡ དི་ཊྛི་ཡཱ ཡཱ་ཝ་ཏ་ཏི་ཡཾ ས་མ་ནུ་བྷཱ་ས་ནཱ་ཡ ན པ་ཊི་ནི་སྶ་ཛྫ་ནྟི, ཨཱ་པ་ཏྟི པཱ་ཙི་ཏྟི་ཡ་སྶ – ཀི་ཙྩཱ་དྷི་ཀ་ར་ཎ་པ་ཙྩ་ཡཱ ཨི་མཱ པ་ཉྩ ཨཱ་པ་ཏྟི་ཡོ ཨཱ་པ་ཛྫ་ཏི.

ཏཱ ཨཱ་པ་ཏྟི་ཡོ ཙ་ཏུ་ནྣཾ ཝི་པ་ཏྟཱི་ནཾ དྭེ ཝི་པ་ཏྟི་ཡོ བྷ་ཛ་ནྟི – སི་ཡཱ སཱི་ལ་ཝི་པ་ཏྟིཾ སི་ཡཱ ཨཱ་ཙཱ་ར་ཝི་པ་ཏྟིཾ. ཙ་ཏུ་ནྣཾ ཨ་དྷི་ཀ་ར་ཎཱ་ནཾ – ཨཱ་པ་ཏྟཱ་དྷི་ཀ་ར་ཎཾ. ས་ཏྟ་ནྣཾ ཨཱ་པ་ཏྟི་ཀྑ་ནྡྷཱ་ནཾ པ་ཉྩ་ཧི ཨཱ་པ་ཏྟི་ཀྑ་ནྡྷེ་ཧི ས་ངྒ་ཧི་ཏཱ – སི་ཡཱ པཱ་རཱ་ཛི་ཀཱ་པ་ཏྟི་ཀྑ་ནྡྷེ་ན, སི་ཡཱ ས་ངྒྷཱ་དི་སེ་སཱ་པ་ཏྟི་ཀྑ་ནྡྷེ་ན, སི་ཡཱ ཐུ་ལླ་ཙྩ་ཡཱ་པ་ཏྟི་ཀྑ་ནྡྷེ་ན, སི་ཡཱ པཱ་ཙི་ཏྟི་ཡཱ་པ་ཏྟི་ཀྑ་ནྡྷེ་ན, སི་ཡཱ དུ་ཀྐ་ཊཱ་པ་ཏྟི་ཀྑ་ནྡྷེ་ན. ཚ་ནྣཾ ཨཱ་པ་ཏྟི་ས་མུ་ཊྛཱ་ནཱ་ནཾ ཨེ་ཀེ་ན ས་མུ་ཊྛཱ་ནེ་ན ས་མུ་ཊྛ་ནྟི – ཀཱ་ཡ་ཏོ ཙ ཝཱ་ཙ་ཏོ ཙ ཙི་ཏྟ་ཏོ ཙ ས་མུ་ཊྛ་ནྟི. ཡཱ སཱ ཨཱ་པ་ཏྟི ཨ་ན་ཝ་སེ་སཱ སཱ ཨཱ་པ་ཏྟི ན ཀ་ཏ་མེ་ན ཨ་དྷི་ཀ་ར་ཎེ་ན, ན ཀ་ཏ་མ་མྷི ཋཱ་ནེ, ན ཀ་ཏ་མེ་ན ས་མ་ཐེ་ན ས་མྨ་ཏི. ཡཱ སཱ ཨཱ་པ་ཏྟི ག་རུ་ཀཱ སཱ ཨཱ་པ་ཏྟི ཨེ་ཀེ་ན ཨ་དྷི་ཀ་ར་ཎེ་ན – ཀི་ཙྩཱ་དྷི་ཀ་ར་ཎེ་ན; ཨེ་ཀ་མྷི ཋཱ་ནེ – ས་ངྒྷ་མ་ཛ྄ཛྷེ; དྭཱི་ཧི ས་མ་ཐེ་ཧི ས་མྨ་ཏི – ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ. ཡཱ ཏཱ ཨཱ་པ་ཏྟི་ཡོ ལ་ཧུ་ཀཱ ཏཱ ཨཱ་པ་ཏྟི་ཡོ ཨེ་ཀེ་ན ཨ་དྷི་ཀ་ར་ཎེ་ན – ཀི་ཙྩཱ་དྷི་ཀ་ར་ཎེ་ན; ཏཱི་སུ ཋཱ་ནེ་སུ – ས་ངྒྷ་མ་ཛ྄ཛྷེ, ག་ཎ་མ་ཛ྄ཛྷེ, པུ་གྒ་ལ་སྶ ས་ནྟི་ཀེ; ཏཱི་ཧི ས་མ་ཐེ་ཧི ས་མྨ་ནྟི – སི་ཡཱ ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ, སི་ཡཱ ས་མྨུ་ཁཱ་ཝི་ན་ཡེ་ན ཙ ཏི་ཎ་ཝ་ཏྠཱ་ར་ཀེ་ན ཙ.

༥. ཨ་དྷི་ཀ་ར་ཎཱ་དྷི་པྤཱ་ཡོ

༣༤༨. ཝི་ཝཱ་དཱ་དྷི་ཀ་ར་ཎཾ ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ཧོ་ཏི ཀི་ཙྩཱ་དྷི་ཀ་ར་ཎཾ. ཝི་ཝཱ་དཱ་དྷི་ཀ་ར་ཎཾ ན ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ན ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ན ཧོ་ཏི ཀི་ཙྩཱ་དྷི་ཀ་ར་ཎཾ; ཨ་པི ཙ, ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ཧོ་ཏི ཀི་ཙྩཱ་དྷི་ཀ་ར་ཎཾ. ཡ་ཐཱ ཀ་ཐཾ ཝི་ཡ? [ཙཱུ་ལ༹་ཝ. ༢༡༥; པ་རི. ༣༡༤] ཨི་དྷ བྷི་ཀྑཱུ ཝི་ཝ་ད་ནྟི – དྷ་མྨོ་ཏི ཝཱ ཨ་དྷ་མྨོ་ཏི ཝཱ དུ་ཊྛུ་ལླཱ་པ་ཏྟཱི་ཏི ཝཱ ཨ་དུ་ཊྛུ་ལླཱ་པ་ཏྟཱི་ཏི ཝཱ. ཡཾ ཏ་ཏྠ བྷ་ཎྜ་ནཾ ཀ་ལ་ཧོ ཝི་གྒ་ཧོ ཝི་ཝཱ་དོ ནཱ་ནཱ་ཝཱ་དོ ཨ་ཉྙ་ཐཱ་ཝཱ་དོ ཝི་པ་ཙྩ་ཏཱ་ཡ ཝོ་ཧཱ་རོ མེ་དྷ་ཀཾ, ཨི་དཾ ཝུ་ཙྩ་ཏི ཝི་ཝཱ་དཱ་དྷི་ཀ་ར་ཎཾ. ཝི་ཝཱ་དཱ་དྷི་ཀ་ར་ཎེ ས་ངྒྷོ ཝི་ཝ་ད་ཏི ཝི་ཝཱ་དཱ་དྷི་ཀ་ར་ཎཾ. ཝི་ཝ་ད་མཱ་ནོ ཨ་ནུ་ཝ་ད་ཏི ཨ་ནུ་ཝཱ་དཱ་དྷི་ཀ་ར་ཎཾ. ཨ་ནུ་ཝ་ད་མཱ་ནོ ཨཱ་པ་ཏྟིཾ ཨཱ་པ་ཛྫ་ཏི ཨཱ་པ་ཏྟཱ་དྷི་ཀ་ར་ཎཾ. ཏཱ་ཡ ཨཱ་པ་ཏྟི་ཡཱ ས་ངྒྷོ ཀ་མྨཾ ཀ་རོ་ཏི ཀི་ཙྩཱ་དྷི་ཀ་ར་ཎཾ. ཨེ་ཝཾ ཝི་ཝཱ་དཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ཧོ་ཏི ཀི་ཙྩཱ་དྷི་ཀ་ར་ཎཾ.

ཨ་ནུ་ཝཱ་དཱ་དྷི་ཀ་ར་ཎཾ ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ཧོ་ཏི ཀི་ཙྩཱ་དྷི་ཀ་ར་ཎཾ, ཧོ་ཏི ཝི་ཝཱ་དཱ་དྷི་ཀ་ར་ཎཾ. ཨ་ནུ་ཝཱ་དཱ་དྷི་ཀ་ར་ཎཾ ན ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ན ཧོ་ཏི ཀི་ཙྩཱ་དྷི་ཀ་ར་ཎཾ, ན ཧོ་ཏི ཝི་ཝཱ་དཱ་དྷི་ཀ་ར་ཎཾ; ཨ་པི ཙ, ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ཧོ་ཏི ཀི་ཙྩཱ་དྷི་ཀ་ར་ཎཾ, ཧོ་ཏི ཝི་ཝཱ་དཱ་དྷི་ཀ་ར་ཎཾ. ཡ་ཐཱ ཀ་ཐཾ ཝི་ཡ? ཨི་དྷ བྷི་ཀྑཱུ བྷི་ཀྑུཾ ཨ་ནུ་ཝ་ད་ནྟི སཱི་ལ་ཝི་པ་ཏྟི་ཡཱ ཝཱ ཨཱ་ཙཱ་ར་ཝི་པ་ཏྟི་ཡཱ ཝཱ དི་ཊྛི་ཝི་པ་ཏྟི་ཡཱ ཝཱ ཨཱ་ཛཱི་ཝ་ཝི་པ་ཏྟི་ཡཱ ཝཱ. ཡོ ཏ་ཏྠ ཨ་ནུ་ཝཱ་དོ ཨ་ནུ་ཝ་ད་ནཱ ཨ་ནུ་ལླ་པ་ནཱ ཨ་ནུ་བྷ་ཎ་ནཱ ཨ་ནུ་ས་མྤ་ཝ་ངྐ་ཏཱ ཨ་བྦྷུ་སྶ་ཧ་ན་ཏཱ ཨ་ནུ་བ་ལ་པྤ་དཱ་ནཾ, ཨི་དཾ ཝུ་ཙྩ་ཏི ཨ་ནུ་ཝཱ་དཱ་དྷི་ཀ་ར་ཎཾ. ཨ་ནུ་ཝཱ་དཱ་དྷི་ཀ་ར་ཎེ ས་ངྒྷོ ཝི་ཝ་ད་ཏི, ཝི་ཝཱ་དཱ་དྷི་ཀ་ར་ཎཾ. ཝི་ཝ་ད་མཱ་ནོ ཨ་ནུ་ཝ་ད་ཏི, ཨ་ནུ་ཝཱ་དཱ་དྷི་ཀ་ར་ཎཾ. ཨ་ནུ་ཝ་ད་མཱ་ནོ ཨཱ་པ་ཏྟིཾ ཨཱ་པ་ཛྫ་ཏི, ཨཱ་པ་ཏྟཱ་དྷི་ཀ་ར་ཎཾ. ཏཱ་ཡ ཨཱ་པ་ཏྟི་ཡཱ ས་ངྒྷོ ཀ་མྨཾ ཀ་རོ་ཏི, ཀི་ཙྩཱ་དྷི་ཀ་ར་ཎཾ. ཨེ་ཝཾ ཨ་ནུ་ཝཱ་དཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཨཱ་པ་ཏྟཱ་དྷི་ཀ་ར་ཎཾ, ཧོ་ཏི ཀི་ཙྩཱ་དྷི་ཀ་ར་ཎཾ, ཧོ་ཏི ཝི་ཝཱ་དཱ་དྷི་ཀ་ར་ཎཾ.

ཨཱ་པ་ཏྟཱ་དྷི་ཀ་ར་ཎཾ ཧོ་ཏི ཀི་ཙྩཱ་དྷི་ཀ་ར་ཎཾ, ཧོ་ཏི ཝི་ཝཱ་དཱ་དྷི་ཀ་ར་ཎཾ, ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ. ཨཱ་པ་ཏྟཱ་དྷི་ཀ་ར་ཎཾ ན ཧོ་ཏི ཀི་ཙྩཱ་དྷི་ཀ་ར་ཎཾ, ན ཧོ་ཏི ཝི་ཝཱ་དཱ་དྷི་ཀ་ར་ཎཾ, ན ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ; ཨ་པི ཙ, ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཀི་ཙྩཱ་དྷི་ཀ་ར་ཎཾ, ཧོ་ཏི ཝི་ཝཱ་དཱ་དྷི་ཀ་ར་ཎཾ, ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ. ཡ་ཐཱ ཀ་ཐཾ ཝི་ཡ? [ཙཱུ་ལ༹་ཝ. ༢༡༥; པ་རི. ༣༤༨] པ་ཉྩ་པི ཨཱ་པ་ཏྟི་ཀྑ་ནྡྷཱ ཨཱ་པ་ཏྟཱ་དྷི་ཀ་ར་ཎཾ, ས་ཏྟ་པི ཨཱ་པ་ཏྟི་ཀྑ་ནྡྷཱ ཨཱ་པ་ཏྟཱ་དྷི་ཀ་ར་ཎཾ, ཨི་དཾ ཝུ་ཙྩ་ཏི ཨཱ་པ་ཏྟཱ་དྷི་ཀ་ར་ཎཾ. ཨཱ་པ་ཏྟཱ་དྷི་ཀ་ར་ཎེ ས་ངྒྷོ ཝི་ཝ་ད་ཏི ཝི་ཝཱ་དཱ་དྷི་ཀ་ར་ཎཾ. ཝི་ཝ་ད་མཱ་ནོ ཨ་ནུ་ཝ་ད་ཏི ཨ་ནུ་ཝཱ་དཱ་དྷི་ཀ་ར་ཎཾ. ཨ་ནུ་ཝ་ད་མཱ་ནོ ཨཱ་པ་ཏྟིཾ ཨཱ་པ་ཛྫ་ཏི ཨཱ་པ་ཏྟཱ་དྷི་ཀ་ར་ཎཾ. ཏཱ་ཡ ཨཱ་པ་ཏྟི་ཡཱ ས་ངྒྷོ ཀ་མྨཾ ཀ་རོ་ཏི ཀི་ཙྩཱ་དྷི་ཀ་ར་ཎཾ. ཨེ་ཝཾ ཨཱ་པ་ཏྟཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཀི་ཙྩཱ་དྷི་ཀ་ར་ཎཾ, ཧོ་ཏི ཝི་ཝཱ་དཱ་དྷི་ཀ་ར་ཎཾ, ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ.

ཀི་ཙྩཱ་དྷི་ཀ་ར་ཎཾ ཧོ་ཏི ཝི་ཝཱ་དཱ་དྷི་ཀ་ར་ཎཾ, ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ཧོ་ཏི ཨཱ་པ་ཏྟཱ་དྷི་ཀ་ར་ཎཾ. ཀི་ཙྩཱ་དྷི་ཀ་ར་ཎཾ ན ཧོ་ཏི ཝི་ཝཱ་དཱ་དྷི་ཀ་ར་ཎཾ, ན ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ན ཧོ་ཏི ཨཱ་པ་ཏྟཱ་དྷི་ཀ་ར་ཎཾ; ཨ་པི ཙ, ཀི་ཙྩཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཝི་ཝཱ་དཱ་དྷི་ཀ་ར་ཎཾ, ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ཧོ་ཏི ཨཱ་པ་ཏྟཱ་དྷི་ཀ་ར་ཎཾ. ཡ་ཐཱ ཀ་ཐཾ ཝི་ཡ? ཡཱ ས་ངྒྷ་སྶ ཀི་ཙྩ་ཡ་ཏཱ ཀ་ར་ཎཱི་ཡ་ཏཱ ཨ་པ་ལོ་ཀ་ན་ཀ་མྨཾ ཉ་ཏྟི་ཀ་མྨཾ ཉ་ཏྟི་དུ་ཏི་ཡ་ཀ་མྨཾ ཉ་ཏྟི་ཙ་ཏུ་ཏྠ་ཀ་མྨཾ, ཨི་དཾ ཝུ་ཙྩ་ཏི ཀི་ཙྩཱ་དྷི་ཀ་ར་ཎཾ. ཀི་ཙྩཱ་དྷི་ཀ་ར་ཎེ ས་ངྒྷོ ཝི་ཝ་ད་ཏི ཝི་ཝཱ་དཱ་དྷི་ཀ་ར་ཎཾ. ཝི་ཝ་ད་མཱ་ནོ ཨ་ནུ་ཝ་ད་ཏི ཨ་ནུ་ཝཱ་དཱ་དྷི་ཀ་ར་ཎཾ. ཨ་ནུ་ཝ་ད་མཱ་ནོ ཨཱ་པ་ཏྟིཾ ཨཱ་པ་ཛྫ་ཏི ཨཱ་པ་ཏྟཱ་དྷི་ཀ་ར་ཎཾ. ཏཱ་ཡ ཨཱ་པ་ཏྟི་ཡཱ ས་ངྒྷོ ཀ་མྨཾ ཀ་རོ་ཏི ཀི་ཙྩཱ་དྷི་ཀ་ར་ཎཾ. ཨེ་ཝཾ ཀི་ཙྩཱ་དྷི་ཀ་ར་ཎ་པ་ཙྩ་ཡཱ ཧོ་ཏི ཝི་ཝཱ་དཱ་དྷི་ཀ་ར་ཎཾ, ཧོ་ཏི ཨ་ནུ་ཝཱ་དཱ་དྷི་ཀ་ར་ཎཾ, ཧོ་ཏི ཨཱ་པ་ཏྟཱ་དྷི་ཀ་ར་ཎཾ.

༦. པུ་ཙྪཱ་ཝཱ་རོ

༣༤༩. ཡ་ཏྠ ས་ཏི་ཝི་ན་ཡོ ཏ་ཏྠ ས་མྨུ་ཁཱ་ཝི་ན་ཡོ? ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ས་ཏི་ཝི་ན་ཡོ? ཡ་ཏྠ ཨ་མཱུ་ལ༹ྷ་ཝི་ན་ཡོ ཏ་ཏྠ ས་མྨུ་ཁཱ་ཝི་ན་ཡོ? ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ཨ་མཱུ་ལ༹ྷ་ཝི་ན་ཡོ? ཡ་ཏྠ པ་ཊི་ཉྙཱ་ཏ་ཀ་ར་ཎཾ ཏ་ཏྠ ས་མྨུ་ཁཱ་ཝི་ན་ཡོ? ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ པ་ཊི་ཉྙཱ་ཏ་ཀ་ར་ཎཾ? ཡ་ཏྠ ཡེ་བྷུ་ཡྻ་སི་ཀཱ ཏ་ཏྠ ས་མྨུ་ཁཱ་ཝི་ན་ཡོ? ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ཡེ་བྷུ་ཡྻ་སི་ཀཱ? ཡ་ཏྠ ཏ་སྶ་པཱ་པི་ཡ་སི་ཀཱ ཏ་ཏྠ ས་མྨུ་ཁཱ་ཝི་ན་ཡོ? ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ཏ་སྶ་པཱ་པི་ཡ་སི་ཀཱ? ཡ་ཏྠ ཏི་ཎ་ཝ་ཏྠཱ་ར་ཀོ ཏ་ཏྠ ས་མྨུ་ཁཱ་ཝི་ན་ཡོ? ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ཏི་ཎ་ཝ་ཏྠཱ་ར་ཀོ?

༧. ཝི་སྶ་ཛྫ་ནཱ་ཝཱ་རོ

༣༥༠. ཡ་སྨིཾ ས་མ་ཡེ ས་མྨུ་ཁཱ་ཝི་ན་ཡེ་ན ཙ ས་ཏི་ཝི་ན་ཡེ་ན ཙ ཨ་དྷི་ཀ་ར་ཎཾ ཝཱུ་པ་ས་མྨ་ཏི – ཡ་ཏྠ ས་ཏི་ཝི་ན་ཡོ ཏ་ཏྠ ས་མྨུ་ཁཱ་ཝི་ན་ཡོ, ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ས་ཏི་ཝི་ན་ཡོ, ན ཏ་ཏྠ ཨ་མཱུ་ལ༹ྷ་ཝི་ན་ཡོ, ན ཏ་ཏྠ པ་ཊི་ཉྙཱ་ཏ་ཀ་ར་ཎཾ, ན ཏ་ཏྠ ཡེ་བྷུ་ཡྻ་སི་ཀཱ, ན ཏ་ཏྠ ཏ་སྶ་པཱ་པི་ཡ་སི་ཀཱ, ན ཏ་ཏྠ ཏི་ཎ་ཝ་ཏྠཱ་ར་ཀོ. ཡ་སྨིཾ ས་མ་ཡེ ས་མྨུ་ཁཱ་ཝི་ན་ཡེ་ན ཙ ཨ་མཱུ་ལ༹ྷ་ཝི་ན་ཡེ་ན ཙ…པེ… ས་མྨུ་ཁཱ་ཝི་ན་ཡེ་ན ཙ པ་ཊི་ཉྙཱ་ཏ་ཀ་ར་ཎེ་ན ཙ…པེ… ས་མྨུ་ཁཱ་ཝི་ན་ཡེ་ན ཙ ཡེ་བྷུ་ཡྻ་སི་ཀཱ་ཡ ཙ…པེ… ས་མྨུ་ཁཱ་ཝི་ན་ཡེ་ན ཙ ཏ་སྶ་པཱ་པི་ཡ་སི་ཀཱ་ཡ ཙ…པེ… ས་མྨུ་ཁཱ་ཝི་ན་ཡེ་ན ཙ ཏི་ཎ་ཝ་ཏྠཱ་ར་ཀེ་ན ཙ ཨ་དྷི་ཀ་ར་ཎཾ ཝཱུ་པ་ས་མྨ་ཏི – ཡ་ཏྠ ཏི་ཎ་ཝ་ཏྠཱ་ར་ཀོ ཏ་ཏྠ ས་མྨུ་ཁཱ་ཝི་ན་ཡོ, ཡ་ཏྠ ས་མྨུ་ཁཱ་ཝི་ན་ཡོ ཏ་ཏྠ ཏི་ཎ་ཝ་ཏྠཱ་ར་ཀོ, ན ཏ་ཏྠ ས་ཏི་ཝི་ན་ཡོ, ན ཏ་ཏྠ ཨ་མཱུ་ལ༹ྷ་ཝི་ན་ཡོ, ན ཏ་ཏྠ པ་ཊི་ཉྙཱ་ཏ་ཀ་ར་ཎཾ, ན ཏ་ཏྠ ཡེ་བྷུ་ཡྻ་སི་ཀཱ, ན ཏ་ཏྠ ཏ་སྶ་པཱ་པི་ཡ་སི་ཀཱ.

༨. སཾ་ས་ཊྛ་ཝཱ་རོ

༣༥༡. ས་མྨུ་ཁཱ་ཝི་ན་ཡོ་ཏི ཝཱ ས་ཏི་ཝི་ན་ཡོ་ཏི ཝཱ – ཨི་མེ དྷ་མྨཱ སཾ་ས་ཊྛཱ ཨུ་དཱ་ཧུ ཝི་སཾ་ས་ཊྛཱ? ལ་བྦྷཱ ཙ པ་ནི་མེ་སཾ དྷ་མྨཱ་ནཾ ཝི་ནི་བྦྷུ་ཛི་ཏྭཱ ཝི་ནི་བྦྷུ་ཛི་ཏྭཱ ནཱ་ནཱ་ཀ་ར་ཎཾ པ་ཉྙཱ་པེ་ཏུཾ? ས་མྨུ་ཁཱ་ཝི་ན་ཡོ་ཏི ཝཱ ཨ་མཱུ་ལ༹ྷ་ཝི་ན་ཡོ་ཏི ཝཱ…པེ… ས་མྨུ་ཁཱ་ཝི་ན་ཡོ་ཏི ཝཱ པ་ཊི་ཉྙཱ་ཏ་ཀ་ར་ཎ་ནྟི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཡེ་བྷུ་ཡྻ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏ་སྶ་པཱ་པི་ཡ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏི་ཎ་ཝ་ཏྠཱ་ར་ཀོ་ཏི – ཨི་མེ དྷ་མྨཱ སཾ་ས་ཊྛཱ ཨུ་དཱ་ཧུ ཝི་སཾ་ས་ཊྛཱ? ལ་བྦྷཱ ཙ པ་ནི་མེ་སཾ དྷ་མྨཱ་ནཾ ཝི་ནི་བྦྷུ་ཛི་ཏྭཱ ཝི་ནི་བྦྷུ་ཛི་ཏྭཱ ནཱ་ནཱ་ཀ་ར་ཎཾ པ་ཉྙཱ་པེ་ཏུཾ?

ས་མྨུ་ཁཱ་ཝི་ན་ཡོ་ཏི ཝཱ ས་ཏི་ཝི་ན་ཡོ་ཏི ཝཱ – ཨི་མེ དྷ་མྨཱ སཾ་ས་ཊྛཱ, ནོ ཝི་སཾ་ས་ཊྛཱ; ན ཙ ལ་བྦྷཱ ཨི་མེ་སཾ དྷ་མྨཱ་ནཾ ཝི་ནི་བྦྷུ་ཛི་ཏྭཱ ཝི་ནི་བྦྷུ་ཛི་ཏྭཱ ནཱ་ནཱ་ཀ་ར་ཎཾ པ་ཉྙཱ་པེ་ཏུཾ. ས་མྨུ་ཁཱ་ཝི་ན་ཡོ་ཏི ཝཱ ཨ་མཱུ་ལ༹ྷ་ཝི་ན་ཡོ་ཏི ཝཱ…པེ… ས་མྨུ་ཁཱ་ཝི་ན་ཡོ་ཏི ཝཱ པ་ཊི་ཉྙཱ་ཏ་ཀ་ར་ཎ་ནྟི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཡེ་བྷུ་ཡྻ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏ་སྶ་པཱ་པི་ཡ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏི་ཎ་ཝ་ཏྠཱ་ར་ཀོ་ཏི ཝཱ – ཨི་མེ དྷ་མྨཱ སཾ་ས་ཊྛཱ, ནོ ཝི་སཾ་ས་ཊྛཱ; ན ཙ ལ་བྦྷཱ ཨི་མེ་སཾ དྷ་མྨཱ་ནཾ ཝི་ནི་བྦྷུ་ཛི་ཏྭཱ ཝི་ནི་བྦྷུ་ཛི་ཏྭཱ ནཱ་ནཱ་ཀ་ར་ཎཾ པ་ཉྙཱ་པེ་ཏུཾ.

༩. ས་ཏྟ་ས་མ་ཐ་ནི་དཱ་ནཾ

༣༥༢. ས་མྨུ་ཁཱ་ཝི་ན་ཡོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ ཀིཾ་ས་མུ་ཊྛཱ་ནོ? ས་ཏི་ཝི་ན་ཡོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? ཨ་མཱུ་ལ༹ྷ་ཝི་ན་ཡོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? པ་ཊི་ཉྙཱ་ཏ་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཡེ་བྷུ་ཡྻ་སི་ཀཱ ཀིཾ་ནི་དཱ་ནཱ, ཀིཾ་ས་མུ་ད་ཡཱ, ཀིཾ་ཛཱ་ཏི་ཀཱ, ཀིཾ་པ་བྷ་ཝཱ, ཀིཾ་ས་མྦྷཱ་རཱ, ཀིཾ་ས་མུ་ཊྛཱ་ནཱ? ཏ་སྶ་པཱ་པི་ཡ་སི་ཀཱ ཀིཾ་ནི་དཱ་ནཱ, ཀིཾ་ས་མུ་ད་ཡཱ, ཀིཾ་ཛཱ་ཏི་ཀཱ, ཀིཾ་པ་བྷ་ཝཱ, ཀིཾ་ས་མྦྷཱ་རཱ, ཀིཾ་ས་མུ་ཊྛཱ་ནཱ ཏི་ཎ་ཝ་ཏྠཱ་ར་ཀོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ?

ས་མྨུ་ཁཱ་ཝི་ན་ཡོ ནི་དཱ་ན་ནི་དཱ་ནོ, ནི་དཱ་ན་ས་མུ་ད་ཡོ, ནི་དཱ་ན་ཛཱ་ཏི་ཀོ, ནི་དཱ་ན་པ་བྷ་ཝོ, ནི་དཱ་ན་ས་མྦྷཱ་རོ, ནི་དཱ་ན་ས་མུ་ཊྛཱ་ནོ. ས་ཏི་ཝི་ན་ཡོ…པེ… ཨ་མཱུ་ལ༹ྷ་ཝི་ན་ཡོ…པེ… པ་ཊི་ཉྙཱ་ཏ་ཀ་ར་ཎཾ ནི་དཱ་ན་ནི་དཱ་ནཾ, ནི་དཱ་ན་ས་མུ་ད་ཡཾ, ནི་དཱ་ན་ཛཱ་ཏི་ཀཾ, ནི་དཱ་ན་པ་བྷ་ཝཾ, ནི་དཱ་ན་ས་མྦྷཱ་རཾ, ནི་དཱ་ན་ས་མུ་ཊྛཱ་ནཾ. ཡེ་བྷུ་ཡྻ་སི་ཀཱ…པེ… ཏ་སྶ་པཱ་པི་ཡ་སི་ཀཱ ནི་དཱ་ན་ནི་དཱ་ནཱ, ནི་དཱ་ན་ས་མུ་ད་ཡཱ, ནི་དཱ་ན་ཛཱ་ཏི་ཀཱ, ནི་དཱ་ན་པ་བྷ་ཝཱ, ནི་དཱ་ན་ས་མྦྷཱ་རཱ, ནི་དཱ་ན་ས་མུ་ཊྛཱ་ནཱ. ཏི་ཎ་ཝ་ཏྠཱ་ར་ཀོ ནི་དཱ་ན་ནི་དཱ་ནོ, ནི་དཱ་ན་ས་མུ་ད་ཡོ, ནི་དཱ་ན་ཛཱ་ཏི་ཀོ, ནི་དཱ་ན་པ་བྷ་ཝོ, ནི་དཱ་ན་ས་མྦྷཱ་རོ, ནི་དཱ་ན་ས་མུ་ཊྛཱ་ནོ.

ས་མྨུ་ཁཱ་ཝི་ན་ཡོ ཧེ་ཏུ་ནི་དཱ་ནོ, ཧེ་ཏུ་ས་མུ་ད་ཡོ, ཧེ་ཏུ་ཛཱ་ཏི་ཀོ, ཧེ་ཏུ་པ་བྷ་ཝོ, ཧེ་ཏུ་ས་མྦྷཱ་རོ, ཧེ་ཏུ་ས་མུ་ཊྛཱ་ནོ. ས་ཏི་ཝི་ན་ཡོ…པེ… ཨ་མཱུ་ལ༹ྷ་ཝི་ན་ཡོ…པེ… པ་ཊི་ཉྙཱ་ཏ་ཀ་ར་ཎཾ ཧེ་ཏུ་ནི་དཱ་ནཾ, ཧེ་ཏུ་ས་མུ་ད་ཡཾ, ཧེ་ཏུ་ཛཱ་ཏི་ཀཾ, ཧེ་ཏུ་པ་བྷ་ཝཾ, ཧེ་ཏུ་ས་མྦྷཱ་རཾ, ཧེ་ཏུ་ས་མུ་ཊྛཱ་ནཾ. ཡེ་བྷུ་ཡྻ་སི་ཀཱ…པེ… ཏ་སྶ་པཱ་པི་ཡ་སི་ཀཱ ཧེ་ཏུ་ནི་དཱ་ནཱ, ཧེ་ཏུ་ས་མུ་ད་ཡཱ, ཧེ་ཏུ་ཛཱ་ཏི་ཀཱ, ཧེ་ཏུ་པ་བྷ་ཝཱ, ཧེ་ཏུ་ས་མྦྷཱ་རཱ, ཧེ་ཏུ་ས་མུ་ཊྛཱ་ནཱ. ཏི་ཎ་ཝ་ཏྠཱ་ར་ཀོ ཧེ་ཏུ་ནི་དཱ་ནོ, ཧེ་ཏུ་ས་མུ་ད་ཡོ, ཧེ་ཏུ་ཛཱ་ཏི་ཀོ, ཧེ་ཏུ་པ་བྷ་ཝོ, ཧེ་ཏུ་ས་མྦྷཱ་རོ, ཧེ་ཏུ་ས་མུ་ཊྛཱ་ནོ.

ས་མྨུ་ཁཱ་ཝི་ན་ཡོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? ས་ཏི་ཝི་ན་ཡོ…པེ… ཨ་མཱུ་ལ༹ྷ་ཝི་ན་ཡོ…པེ… པ་ཊི་ཉྙཱ་ཏ་ཀ་ར་ཎཾ…པེ… ཡེ་བྷུ་ཡྻ་སི་ཀཱ…པེ… ཏ་སྶ་པཱ་པི་ཡ་སི་ཀཱ…པེ… ཏི་ཎ་ཝ་ཏྠཱ་ར་ཀོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? ས་མྨུ་ཁཱ་ཝི་ན་ཡོ པ་ཙྩ་ཡ་ནི་དཱ་ནོ, པ་ཙྩ་ཡ་ས་མུ་ད་ཡོ, པ་ཙྩ་ཡ་ཛཱ་ཏི་ཀོ, པ་ཙྩ་ཡ་པ་བྷ་ཝོ, པ་ཙྩ་ཡ་ས་མྦྷཱ་རོ, པ་ཙྩ་ཡ་ས་མུ་ཊྛཱ་ནོ. ས་ཏི་ཝི་ན་ཡོ…པེ… ཨ་མཱུ་ལ༹ྷ་ཝི་ན་ཡོ…པེ… པ་ཊི་ཉྙཱ་ཏ་ཀ་ར་ཎཾ པ་ཙྩ་ཡ་ནི་དཱ་ནཾ, པ་ཙྩ་ཡ་ས་མུ་ད་ཡཾ, པ་ཙྩ་ཡ་ཛཱ་ཏི་ཀཾ, པ་ཙྩ་ཡ་པ་བྷ་ཝཾ, པ་ཙྩ་ཡ་ས་མྦྷཱ་རཾ, པ་ཙྩ་ཡ་ས་མུ་ཊྛཱ་ནཾ. ཡེ་བྷུ་ཡྻ་སི་ཀཱ…པེ… ཏ་སྶ་པཱ་པི་ཡ་སི་ཀཱ པ་ཙྩ་ཡ་ནི་དཱ་ནཱ, པ་ཙྩ་ཡ་ས་མུ་ད་ཡཱ, པ་ཙྩ་ཡ་ཛཱ་ཏི་ཀཱ, པ་ཙྩ་ཡ་པ་བྷ་ཝཱ, པ་ཙྩ་ཡ་ས་མྦྷཱ་རཱ, པ་ཙྩ་ཡ་ས་མུ་ཊྛཱ་ནཱ. ཏི་ཎ་ཝ་ཏྠཱ་ར་ཀོ པ་ཙྩ་ཡ་ནི་དཱ་ནོ, པ་ཙྩ་ཡ་ས་མུ་ད་ཡོ, པ་ཙྩ་ཡ་ཛཱ་ཏི་ཀོ, པ་ཙྩ་ཡ་པ་བྷ་ཝོ, པ་ཙྩ་ཡ་ས་མྦྷཱ་རོ, པ་ཙྩ་ཡ་ས་མུ་ཊྛཱ་ནོ.

༣༥༣. ས་ཏྟ་ནྣཾ ས་མ་ཐཱ་ནཾ ཀ་ཏི མཱུ་ལཱ་ནི, ཀ་ཏི ས་མུ་ཊྛཱ་ནཱ? ས་ཏྟ་ནྣཾ ས་མ་ཐཱ་ནཾ ཚ་བྦཱི་ས མཱུ་ལཱ་ནི, ཚ་ཏྟིཾ་ས ས་མུ་ཊྛཱ་ནཱ. ས་ཏྟ་ནྣཾ ས་མ་ཐཱ་ནཾ ཀ་ཏ་མཱ་ནི ཚ་བྦཱི མཱུ་ལཱ་ནི? ས་མྨུ་ཁཱ་ཝི་ན་ཡ་སྶ ཙ་ཏྟཱ་རི མཱུ་ལཱ་ནི. ས་ངྒྷ་ས་མྨུ་ཁ་ཏཱ, དྷ་མྨ་ས་མྨུ་ཁ་ཏཱ, ཝི་ན་ཡ་ས་མྨུ་ཁ་ཏཱ, པུ་གྒ་ལ་ས་མྨུ་ཁ་ཏཱ; ས་ཏི་ཝི་ན་ཡ་སྶ ཙ་ཏྟཱ་རི མཱུ་ལཱ་ནི; ཨ་མཱུ་ལ༹ྷ་ཝི་ན་ཡ་སྶ ཙ་ཏྟཱ་རི མཱུ་ལཱ་ནི; པ་ཊི་ཉྙཱ་ཏ་ཀ་ར་ཎ་སྶ དྭེ མཱུ་ལཱ་ནི – ཡོ ཙ དེ་སེ་ཏི ཡ་སྶ ཙ དེ་སེ་ཏི; ཡེ་བྷུ་ཡྻ་སི་ཀཱ་ཡ ཙ་ཏྟཱ་རི མཱུ་ལཱ་ནི; ཏ་སྶ་པཱ་པི་ཡ་སི་ཀཱ་ཡ ཙ་ཏྟཱ་རི མཱུ་ལཱ་ནི; ཏི་ཎ་ཝ་ཏྠཱ་ར་ཀ་སྶ ཙ་ཏྟཱ་རི མཱུ་ལཱ་ནི – ས་ངྒྷ་ས་མྨུ་ཁ་ཏཱ, དྷ་མྨ་ས་མྨུ་ཁ་ཏཱ, ཝི་ན་ཡ་ས་མྨུ་ཁ་ཏཱ, པུ་གྒ་ལ་ས་མྨུ་ཁ་ཏཱ – ས་ཏྟ་ནྣཾ ས་མ་ཐཱ་ནཾ ཨི་མཱ་ནི ཚ་བྦཱི་ས མཱུ་ལཱ་ནི.

ས་ཏྟ་ནྣཾ ས་མ་ཐཱ་ནཾ ཀ་ཏ་མེ ཚ་ཏྟིཾ་ས ས་མུ་ཊྛཱ་ནཱ? ས་ཏི་ཝི་ན་ཡ་སྶ ཀ་མྨ་སྶ ཀི་རི་ཡཱ, ཀ་ར་ཎཾ, ཨུ་པ་ག་མ་ནཾ, ཨ་ཛ྄ཛྷུ་པ་ག་མ་ནཾ, ཨ་དྷི་ཝཱ་ས་ནཱ, ཨ་པྤ་ཊི་ཀྐོ་ས་ནཱ. ཨ་མཱུ་ལ༹ྷ་ཝི་ན་ཡ་སྶ ཀ་མྨ་སྶ…པེ… པ་ཊི་ཉྙཱ་ཏ་ཀ་ར་ཎ་སྶ ཀ་མྨ་སྶ… ཡེ་བྷུ་ཡྻ་སི་ཀཱ་ཡ ཀ་མྨ་སྶ… ཏ་སྶ་པཱ་པི་ཡ་སི་ཀཱ་ཡ ཀ་མྨ་སྶ… ཏི་ཎ་ཝ་ཏྠཱ་ར་ཀ་སྶ ཀ་མྨ་སྶ ཀི་རི་ཡཱ, ཀ་ར་ཎཾ, ཨུ་པ་ག་མ་ནཾ, ཨ་ཛ྄ཛྷུ་པ་ག་མ་ནཾ, ཨ་དྷི་ཝཱ་ས་ནཱ, ཨ་པྤ་ཊི་ཀྐོ་ས་ནཱ – ས་ཏྟ་ནྣཾ ས་མ་ཐཱ་ནཾ ཨི་མེ ཚ་ཏྟིཾ་ས ས་མུ་ཊྛཱ་ནཱ.

༡༠. ས་ཏྟ་ས་མ་ཐ་ནཱ་ན་ཏྠཱ་དི

༣༥༤. ས་མྨུ་ཁཱ་ཝི་ན་ཡོ་ཏི ཝཱ ས་ཏི་ཝི་ན་ཡོ་ཏི ཝཱ – ཨི་མེ དྷ་མྨཱ ནཱ་ན་ཏྠཱ ནཱ་ནཱ་བྱ་ཉྫ་ནཱ ཨུ་དཱ་ཧུ ཨེ་ཀ་ཏྠཱ བྱ་ཉྫ་ན་མེ་ཝ ནཱ་ནཾ? ས་མྨུ་ཁཱ་ཝི་ན་ཡོ་ཏི ཝཱ ཨ་མཱུ་ལ༹ྷ་ཝི་ན་ཡོ་ཏི ཝཱ…པེ… ས་མྨུ་ཁཱ་ཝི་ན་ཡོ་ཏི ཝཱ པ་ཊི་ཉྙཱ་ཏ་ཀ་ར་ཎ་ནྟི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཡེ་བྷུ་ཡྻ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏ་སྶ་པཱ་པི་ཡ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏི་ཎ་ཝ་ཏྠཱ་ར་ཀོ་ཏི ཝཱ – ཨི་མེ དྷ་མྨཱ ནཱ་ན་ཏྠཱ ནཱ་ནཱ་བྱ་ཉྫ་ནཱ ཨུ་དཱ་ཧུ ཨེ་ཀ་ཏྠཱ བྱ་ཉྫ་ན་མེ་ཝ ནཱ་ནཾ? ས་མྨུ་ཁཱ་ཝི་ན་ཡོ་ཏི ཝཱ ས་ཏི་ཝི་ན་ཡོ་ཏི ཝཱ – ཨི་མེ དྷ་མྨཱ ནཱ་ན་ཏྠཱ ཙེ་ཝ ནཱ་ནཱ་བྱ་ཉྫ་ནཱ ཙ. ས་མྨུ་ཁཱ་ཝི་ན་ཡོ་ཏི ཝཱ ཨ་མཱུ་ལ༹ྷ་ཝི་ན་ཡོ་ཏི ཝཱ…པེ… ས་མྨུ་ཁཱ་ཝི་ན་ཡོ་ཏི ཝཱ པ་ཊི་ཉྙཱ་ཏ་ཀ་ར་ཎ་ནྟི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཡེ་བྷུ་ཡྻ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏ་སྶ་པཱ་པི་ཡ་སི་ཀཱ་ཏི ཝཱ… ས་མྨུ་ཁཱ་ཝི་ན་ཡོ་ཏི ཝཱ ཏི་ཎ་ཝ་ཏྠཱ་ར་ཀོ་ཏི ཝཱ – ཨི་མེ དྷ་མྨཱ ནཱ་ན་ཏྠཱ ཙེ་ཝ ནཱ་ནཱ བྱ་ཉྫ་ནཱ ཙ.

༣༥༥. [ཙཱུ་ལ༹་ཝ. ༢༢༤] ཝི་ཝཱ་དོ ཝི་ཝཱ་དཱ་དྷི་ཀ་ར་ཎཾ, ཝི་ཝཱ་དོ ནོ ཨ་དྷི་ཀ་ར་ཎཾ, ཨ་དྷི་ཀ་ར་ཎཾ ནོ ཝི་ཝཱ་དོ, ཨ་དྷི་ཀ་ར་ཎ་ཉྩེ་ཝ ཝི་ཝཱ་དོ ཙ? སི་ཡཱ ཝི་ཝཱ་དོ ཝི་ཝཱ་དཱ་དྷི་ཀ་ར་ཎཾ, སི་ཡཱ ཝི་ཝཱ་དོ ནོ ཨ་དྷི་ཀ་ར་ཎཾ, སི་ཡཱ ཨ་དྷི་ཀ་ར་ཎཾ ནོ ཝི་ཝཱ་དོ, སི་ཡཱ ཨ་དྷི་ཀ་ར་ཎ་ཉྩེ་ཝ ཝི་ཝཱ་དོ ཙ.

ཏ་ཏྠ ཀ་ཏ་མོ ཝི་ཝཱ་དོ ཝི་ཝཱ་དཱ་དྷི་ཀ་ར་ཎཾ? ཨི་དྷ བྷི་ཀྑཱུ ཝི་ཝ་ད་ནྟི དྷ་མྨོ་ཏི ཝཱ ཨ་དྷ་མྨོ་ཏི ཝཱ…པེ… དུ་ཊྛུ་ལླཱ ཨཱ་པ་ཏྟཱི་ཏི ཝཱ ཨ་དུ་ཊྛུ་ལླཱ ཨཱ་པ་ཏྟཱི་ཏི ཝཱ. ཡཾ ཏ་ཏྠ བྷ་ཎྜ་ནཾ, ཀ་ལ་ཧོ, ཝི་གྒ་ཧོ, ཝི་ཝཱ་དོ, ནཱ་ནཱ་ཝཱ་དོ, ཨ་ཉྙ་ཐཱ་ཝཱ་དོ, ཝི་པ་ཙྩ་ཏཱ་ཡ ཝོ་ཧཱ་རོ, མེ་དྷ་ཀཾ – ཨ་ཡཾ ཝི་ཝཱ་དོ ཝི་ཝཱ་དཱ་དྷི་ཀ་ར་ཎཾ.

ཏ་ཏྠ ཀ་ཏ་མོ ཝི་ཝཱ་དོ ནོ ཨ་དྷི་ཀ་ར་ཎཾ? མཱ་ཏཱ་པི པུ་ཏྟེ་ན ཝི་ཝ་ད་ཏི, པུ་ཏྟོ་པི མཱ་ཏ་རཱ ཝི་ཝ་ད་ཏི, པི་ཏཱ་པི པུ་ཏྟེ་ན ཝི་ཝ་ད་ཏི, པུ་ཏྟོ་པི པི་ཏ་རཱ ཝི་ཝ་ད་ཏི, བྷཱ་ཏཱ་པི བྷཱ་ཏ་རཱ ཝི་ཝ་ད་ཏི, བྷཱ་ཏཱ་པི བྷ་གི་ནི་ཡཱ ཝི་ཝ་ད་ཏི, བྷ་གི་ནཱི་པི བྷཱ་ཏ་རཱ ཝི་ཝ་ད་ཏི, ས་ཧཱ་ཡོ་པི ས་ཧཱ་ཡེ་ན ཝི་ཝ་ད་ཏི – ཨ་ཡཾ ཝི་ཝཱ་དོ ནོ ཨ་དྷི་ཀ་ར་ཎཾ.

ཏ་ཏྠ ཀ་ཏ་མཾ ཨ་དྷི་ཀ་ར་ཎཾ ནོ ཝི་ཝཱ་དོ? ཨ་ནུ་ཝཱ་དཱ་དྷི་ཀ་ར་ཎཾ, ཨཱ་པ་ཏྟཱ་དྷི་ཀ་ར་ཎཾ, ཀི་ཙྩཱ་དྷི་ཀ་ར་ཎཾ – ཨི་དཾ ཨ་དྷི་ཀ་ར་ཎཾ ནོ ཝི་ཝཱ་དོ.

ཏ་ཏྠ ཀ་ཏ་མཾ ཨ་དྷི་ཀ་ར་ཎ་ཉྩེ་ཝ ཝི་ཝཱ་དོ ཙ? ཝི་ཝཱ་དཱ་དྷི་ཀ་ར་ཎཾ ཨ་དྷི་ཀ་ར་ཎ་ཉྩེ་ཝ ཝི་ཝཱ་དོ ཙ.

༣༥༦. [ཙཱུ་ལ༹་ཝ. ༢༢༤ ཨཱ་ད་ཡོ] ཨ་ནུ་ཝཱ་དོ ཨ་ནུ་ཝཱ་དཱ་དྷི་ཀ་ར་ཎཾ, ཨ་ནུ་ཝཱ་དོ ནོ ཨ་དྷི་ཀ་ར་ཎཾ, ཨ་དྷི་ཀ་ར་ཎཾ ནོ ཨ་ནུ་ཝཱ་དོ, ཨ་དྷི་ཀ་ར་ཎ་ཉྩེ་ཝ ཨ་ནུ་ཝཱ་དོ ཙ? སི་ཡཱ ཨ་ནུ་ཝཱ་དོ ཨ་ནུ་ཝཱ་དཱ་དྷི་ཀ་ར་ཎཾ, སི་ཡཱ ཨ་ནུ་ཝཱ་དོ ནོ ཨ་དྷི་ཀ་ར་ཎཾ, སི་ཡཱ ཨ་དྷི་ཀ་ར་ཎཾ ནོ ཨ་ནུ་ཝཱ་དོ, སི་ཡཱ ཨ་དྷི་ཀ་ར་ཎ་ཉྩེ་ཝ ཨ་ནུ་ཝཱ་དོ ཙ.

ཏ་ཏྠ ཀ་ཏ་མོ ཨ་ནུ་ཝཱ་དོ ཨ་ནུ་ཝཱ་དཱ་དྷི་ཀ་ར་ཎཾ? ཨི་དྷ བྷི་ཀྑཱུ བྷི་ཀྑུཾ ཨ་ནུ་ཝ་ད་ནྟི སཱི་ལ་ཝི་པ་ཏྟི་ཡཱ ཝཱ ཨཱ་ཙཱ་ར་ཝི་པ་ཏྟི་ཡཱ ཝཱ དི་ཊྛི་ཝི་པ་ཏྟི་ཡཱ ཝཱ ཨཱ་ཛཱི་ཝ་ཝི་པ་ཏྟི་ཡཱ ཝཱ. ཡོ ཏ་ཏྠ ཨ་ནུ་ཝཱ་དོ, ཨ་ནུ་ཝ་ད་ནཱ ཨ་ནུ་ལླ་པ་ནཱ ཨ་ནུ་བྷ་ཎ་ནཱ ཨ་ནུ་ས་མྤ་ཝ་ངྐ་ཏཱ ཨ་བྦྷུ་སྶ་ཧ་ན་ཏཱ ཨ་ནུ་བ་ལ་པྤ་དཱ་ནཾ – ཨ་ཡཾ ཨ་ནུ་ཝཱ་དོ ཨ་ནུ་ཝཱ་དཱ་དྷི་ཀ་ར་ཎཾ.

ཏ་ཏྠ ཀ་ཏ་མོ ཨ་ནུ་ཝཱ་དོ ནོ ཨ་དྷི་ཀ་ར་ཎཾ? མཱ་ཏཱ་པི པུ་ཏྟཾ ཨ་ནུ་ཝ་ད་ཏི, པུ་ཏྟོ་པི མཱ་ཏ་རཾ ཨ་ནུ་ཝ་ད་ཏི, པི་ཏཱ་པི པུ་ཏྟཾ ཨ་ནུ་ཝ་ད་ཏི, པུ་ཏྟོ་པི པི་ཏ་རཾ ཨ་ནུ་ཝ་ད་ཏི, བྷཱ་ཏཱ་པི བྷཱ་ཏ་རཾ ཨ་ནུ་ཝ་ད་ཏི, བྷཱ་ཏཱ་པི བྷ་གི་ནིཾ ཨ་ནུ་ཝ་ད་ཏི, བྷ་གི་ནཱི་པི བྷཱ་ཏ་རཾ ཨ་ནུ་ཝ་ད་ཏི, ས་ཧཱ་ཡོ་པི ས་ཧཱ་ཡཾ ཨ་ནུ་ཝ་ད་ཏི – ཨ་ཡཾ ཨ་ནུ་ཝཱ་དོ ནོ ཨ་དྷི་ཀ་ར་ཎཾ.

ཏ་ཏྠ ཀ་ཏ་མཾ ཨ་དྷི་ཀ་ར་ཎཾ ནོ ཨ་ནུ་ཝཱ་དོ? ཨཱ་པ་ཏྟཱ་དྷི་ཀ་ར་ཎཾ ཀི་ཙྩཱ་དྷི་ཀ་ར་ཎཾ ཝི་ཝཱ་དཱ་དྷི་ཀ་ར་ཎཾ – ཨི་དཾ ཨ་དྷི་ཀ་ར་ཎཾ ནོ ཨ་ནུ་ཝཱ་དོ.

ཏ་ཏྠ ཀ་ཏ་མཾ ཨ་དྷི་ཀ་ར་ཎ་ཉྩེ་ཝ ཨ་ནུ་ཝཱ་དོ ཙ? ཨ་ནུ་ཝཱ་དཱ་དྷི་ཀ་ར་ཎཾ ཨ་དྷི་ཀ་ར་ཎ་ཉྩེ་ཝ ཨ་ནུ་ཝཱ་དོ ཙ.

༣༥༧. ཨཱ་པ་ཏྟི ཨཱ་པ་ཏྟཱ་དྷི་ཀ་ར་ཎཾ, ཨཱ་པ་ཏྟི ནོ ཨ་དྷི་ཀ་ར་ཎཾ, ཨ་དྷི་ཀ་ར་ཎཾ ནོ ཨཱ་པ་ཏྟི, ཨ་དྷི་ཀ་ར་ཎ་ཉྩེ་ཝ ཨཱ་པ་ཏྟི ཙ? སི་ཡཱ ཨཱ་པ་ཏྟི ཨཱ་པ་ཏྟཱ་དྷི་ཀ་ར་ཎཾ, སི་ཡཱ ཨཱ་པ་ཏྟི ནོ ཨ་དྷི་ཀ་ར་ཎཾ, སི་ཡཱ ཨ་དྷི་ཀ་ར་ཎཾ ནོ ཨཱ་པ་ཏྟི, སི་ཡཱ ཨ་དྷི་ཀ་ར་ཎ་ཉྩེ་ཝ ཨཱ་པ་ཏྟི ཙ.

ཏ་ཏྠ ཀ་ཏ་མཱ ཨཱ་པ་ཏྟི ཨཱ་པ་ཏྟཱ་དྷི་ཀ་ར་ཎཾ? པ་ཉྩ་པི ཨཱ་པ་ཏྟི་ཀྑ་ནྡྷཱ ཨཱ་པ་ཏྟཱ་དྷི་ཀ་ར་ཎཾ. ས་ཏྟ་པི ཨཱ་པ་ཏྟི་ཀྑ་ནྡྷཱ ཨཱ་པ་ཏྟཱ་དྷི་ཀ་ར་ཎཾ. ཨ་ཡཾ ཨཱ་པ་ཏྟི ཨཱ་པ་ཏྟཱ་དྷི་ཀ་ར་ཎཾ.

ཏ་ཏྠ ཀ་ཏ་མཱ ཨཱ་པ་ཏྟི ནོ ཨ་དྷི་ཀ་ར་ཎཾ? སོ་ཏཱ་པ་ཏྟི ས་མཱ་པ་ཏྟི – ཨ་ཡཾ ཨཱ་པ་ཏྟི ནོ ཨ་དྷི་ཀ་ར་ཎཾ.

ཏ་ཏྠ ཀ་ཏ་མཾ ཨ་དྷི་ཀ་ར་ཎཾ ནོ ཨཱ་པ་ཏྟི? ཀི་ཙྩཱ་དྷི་ཀ་ར་ཎཾ ཝི་ཝཱ་དཱ་དྷི་ཀ་ར་ཎཾ ཨ་ནུ་ཝཱ་དཱ་དྷི་ཀ་ར་ཎཾ – ཨི་དཾ ཨ་དྷི་ཀ་ར་ཎཾ ནོ ཨཱ་པ་ཏྟི.

ཏ་ཏྠ ཀ་ཏ་མཾ ཨ་དྷི་ཀ་ར་ཎ་ཉྩེ་ཝ ཨཱ་པ་ཏྟི ཙ? ཨཱ་པ་ཏྟཱ་དྷི་ཀ་ར་ཎཾ ཨ་དྷི་ཀ་ར་ཎ་ཉྩེ་ཝ ཨཱ་པ་ཏྟི ཙ.

༣༥༨. [ཙཱུ་ལ༹་ཝ. ༢༢༣] ཀི་ཙྩཾ ཀི་ཙྩཱ་དྷི་ཀ་ར་ཎཾ, ཀི་ཙྩཾ ནོ ཨ་དྷི་ཀ་ར་ཎཾ, ཨ་དྷི་ཀ་ར་ཎཾ ནོ ཀི་ཙྩཾ, ཨ་དྷི་ཀ་ར་ཎ་ཉྩེ་ཝ ཀི་ཙྩ་ཉྩ? སི་ཡཱ ཀི་ཙྩཾ ཀི་ཙྩཱ་དྷི་ཀ་ར་ཎཾ, སི་ཡཱ ཀི་ཙྩཾ ནོ ཨ་དྷི་ཀ་ར་ཎཾ, སི་ཡཱ ཨ་དྷི་ཀ་ར་ཎཾ ནོ ཀི་ཙྩཾ, སི་ཡཱ ཨ་དྷི་ཀ་ར་ཎ་ཉྩེ་ཝ ཀི་ཙྩ་ཉྩ.

ཏ་ཏྠ ཀ་ཏ་མཾ ཀི་ཙྩཾ ཀི་ཙྩཱ་དྷི་ཀ་ར་ཎཾ? ཡཱ ས་ངྒྷ་སྶ ཀི་ཙྩ་ཡ་ཏཱ ཀ་ར་ཎཱི་ཡ་ཏཱ ཨ་པ་ལོ་ཀ་ན་ཀ་མྨཾ ཉ་ཏྟི་ཀ་མྨཾ ཉ་ཏྟི་དུ་ཏི་ཡ་ཀ་མྨཾ ཉ་ཏྟི་ཙ་ཏུ་ཏྠ་ཀ་མྨཾ – ཨི་དཾ ཀི་ཙྩཾ ཀི་ཙྩཱ་དྷི་ཀ་ར་ཎཾ.

ཏ་ཏྠ ཀ་ཏ་མཾ ཀི་ཙྩཾ ནོ ཨ་དྷི་ཀ་ར་ཎཾ? ཨཱ་ཙ་རི་ཡ་ཀི་ཙྩཾ ཨུ་པ་ཛ྄ཛྷཱ་ཡ་ཀི་ཙྩཾ [ཨུ་པ་ཛ྄ཛྷཱ་ཡ་ཀི་ཙྩཾ ས་ཀི་ཙྩཾ (ཀ.)] ས་མཱ་ནུ་པ་ཛ྄ཛྷཱ་ཡ་ཀི་ཙྩཾ ས་མཱ་ནཱ་ཙ་རི་ཡ་ཀི་ཙྩཾ – ཨི་དཾ ཀི་ཙྩཾ ནོ ཨ་དྷི་ཀ་ར་ཎཾ.

ཏ་ཏྠ ཀ་ཏ་མཾ ཨ་དྷི་ཀ་ར་ཎཾ ནོ ཀི་ཙྩཾ? ཝི་ཝཱ་དཱ་དྷི་ཀ་ར་ཎཾ ཨ་ནུ་ཝཱ་དཱ་དྷི་ཀ་ར་ཎཾ ཨཱ་པ་ཏྟཱ་དྷི་ཀ་ར་ཎཾ – ཨི་དཾ ཨ་དྷི་ཀ་ར་ཎཾ ནོ ཀི་ཙྩཾ.

ཏ་ཏྠ ཀ་ཏ་མཾ ཨ་དྷི་ཀ་ར་ཎ་ཉྩེ་ཝ ཀི་ཙྩ་ཉྩ? ཀི་ཙྩཱ་དྷི་ཀ་ར་ཎཾ ཨ་དྷི་ཀ་ར་ཎ་ཉྩེ་ཝ ཀི་ཙྩཾ ཙཱ་ཏི.

ཨ་དྷི་ཀ་ར་ཎ་བྷེ་དོ ནི་ཊྛི་ཏོ.