ཀ་ཐི་ན་བྷེ་དོ

༡. ཀ་ཐི་ན་ཨ་ཏྠ་ཏཱ་དི

༤༠༣. ཀ་སྶ ཀ་ཐི་ནཾ [ཀ་ཋི་ནཾ (སཱི. སྱཱ.)] ཨ་ན་ཏྠ་ཏཾ? ཀ་སྶ ཀ་ཐི་ནཾ ཨ་ཏྠ་ཏཾ? ཀི་ནྟི ཀ་ཐི་ནཾ ཨ་ན་ཏྠ་ཏཾ? ཀི་ནྟི ཀ་ཐི་ནཾ ཨ་ཏྠ་ཏཾ?

ཀ་སྶ ཀ་ཐི་ནཾ ཨ་ན་ཏྠ་ཏནྟི? དྭི་ནྣཾ པུ་གྒ་ལཱ་ནཾ ཨ་ན་ཏྠ་ཏཾ ཧོ་ཏི ཀ་ཐི་ནཾ – ཨ་ན་ཏྠཱ་ར་ཀ་སྶ ཙ ཨ་ན་ནུ་མོ་ད་ཀ་སྶ ཙ. ཨི་མེ་སཾ དྭི་ནྣཾ པུ་གྒ་ལཱ་ནཾ ཨ་ན་ཏྠ་ཏཾ ཧོ་ཏི ཀ་ཐི་ནཾ.

ཀ་སྶ ཀ་ཐི་ནཾ ཨ་ཏྠ་ཏནྟི? དྭི་ནྣཾ པུ་གྒ་ལཱ་ནཾ ཨ་ཏྠ་ཏཾ ཧོ་ཏི ཀ་ཐི་ནཾ – ཨ་ཏྠཱ་ར་ཀ་སྶ ཙ ཨ་ནུ་མོ་ད་ཀ་སྶ ཙ. ཨི་མེ་སཾ དྭི་ནྣཾ པུ་གྒ་ལཱ་ནཾ ཨ་ཏྠ་ཏཾ ཧོ་ཏི ཀ་ཐི་ནཾ.

ཀི་ནྟི ཀ་ཐི་ནཾ ཨ་ན་ཏྠ་ཏནྟི? ཙ་ཏུ་ཝཱི་ས་ཏི་ཡཱ ཨཱ་ཀཱ་རེ་ཧི ཨ་ན་ཏྠ་ཏཾ ཧོ་ཏི ཀ་ཐི་ནཾ, ན ཨུ་ལླི་ཁི་ཏ་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན དྷོ་ཝ་ན་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཙཱི་ཝ་ར་ཝི་ཙཱ་ར་ཎ་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཚེ་ད་ན་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན བ་ནྡྷ་ན་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨོ་ཝ་ཊྚི་ཡ་ཀ་ར་ཎ་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཀ་ཎྜུ་ས་ཀ་ར་ཎ་མ་ཏྟེ་ན [ན ག་ཎྜུ་ས་ཀ་ར་ཎ་མ་ཏྟེ་ན (ཀ.)] ཨ་ཏྠ་ཏཾ ཧོ་ཏི ཀ་ཐི་ནཾ, ན ད་ལ༹ྷཱི་ཀ་མྨ་ཀ་ར་ཎ་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ནུ་ཝཱ་ཏ་ཀ་ར་ཎ་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན པ་རི་བྷ་ཎྜ་ཀ་ར་ཎ་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨོ་ཝ་དྡྷེ་ཡྻ་ཀ་ར་ཎ་མ་ཏྟེ་ན [ན ཨོ་ཝ་ཊྚེ་ཡྻ་ཀ་ར་ཎ་མ་ཏྟེ་ན (སཱི. སྱཱ.), ན ཨོ་ཝ་དེ་ཡྻ་ཀ་ར་ཎ་མ་ཏྟེ་ན (ཀ.)] ཨ་ཏྠ་ཏཾ ཧོ་ཏི ཀ་ཐི་ནཾ, ན ཀ་མྦ་ལ་མ་དྡ་ན་མ་ཏྟེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ནི་མི་ཏྟ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན པ་རི་ཀ་ཐཱ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཀུ་ཀྐུ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ས་ནྣི་དྷི་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ནི་སྶ་གྒི་ཡེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ཀ་པྤ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ཉྙ་ཏྲ ས་ངྒྷཱ་ཊི་ཡཱ ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ཉྙ་ཏྲ ཨུ་ཏྟ་རཱ་ས་ངྒེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ཉྙ་ཏྲ ཨ་ནྟ་ར་ཝཱ་ས་ཀེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ཉྙ་ཏྲ པ་ཉྩ་ཀེ་ན ཝཱ ཨ་ཏི་རེ་ཀ་པ་ཉྩ་ཀེ་ན ཝཱ ཏ་ད་ཧེ་ཝ ས་ཉྪི་ནྣེ་ན ས་མ་ཎྜ་ལཱི་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ན ཨ་ཉྙ་ཏྲ པུ་གྒ་ལ་སྶ ཨ་ཏྠཱ་རཱ ཨ་ཏྠ་ཏཾ ཧོ་ཏི ཀ་ཐི་ནཾ, ས་མྨཱ ཙེ ཨ་ཏྠ་ཏཾ ཧོ་ཏི ཀ་ཐི་ནཾ ཏཾ ཙེ ནི་སྶཱི་མ་ཊྛོ ཨ་ནུ་མོ་ད་ཏི. ཨེ་ཝ་མྤི ཨ་ན་ཏྠ་ཏཾ ཧོ་ཏི ཀ་ཐི་ནཾ.

ནི་མི་ཏྟ་ཀ་མྨཾ ནཱ་མ ནི་མི་ཏྟཾ ཀ་རོ་ཏི – ‘‘ཨི་མི་ནཱ དུ་སྶེ་ན ཀ་ཐི་ནཾ ཨ་ཏྠ་རི་སྶཱ་མཱི’’ཏི. པ་རི་ཀ་ཐཱ ནཱ་མ པ་རི་ཀ་ཐཾ ཀ་རོ་ཏི – ‘‘ཨི་མཱ་ཡ པ་རི་ཀ་ཐཱ་ཡ ཀ་ཐི་ན་དུ་སྶཾ ནི་བྦ་ཏྟེ་སྶཱ་མཱི’’ཏི. ཀུ་ཀྐུ་ཀ་ཏཾ ནཱ་མ ཨ་ནཱ་དི་ཡ་དཱ་ནཾ ཝུ་ཙྩ་ཏི. ས་ནྣི་དྷི ནཱ་མ དྭེ ས་ནྣི་དྷི་ཡོ – ཀ་ར་ཎ་ས་ནྣི་དྷི ཝཱ ནི་ཙ་ཡ་ས་ནྣི་དྷི ཝཱ. ནི་སྶ་གྒི་ཡཾ ནཱ་མ ཀ་ཡི་ར་མཱ་ནེ ཨ་རུ་ཎཾ ཨུ་ཊྛ་ཧ་ཏི [ཨུ་དྲི་ཡ་ཏི (སཱི. སྱཱ.)]. ཨི་མེ་ཧི ཙ་ཏུ་ཝཱི་ས་ཏི་ཡཱ ཨཱ་ཀཱ་རེ་ཧི ཨ་ན་ཏྠ་ཏཾ ཧོ་ཏི ཀ་ཐི་ནཾ.

ཀི་ནྟི ཀ་ཐི་ནཾ ཨ་ཏྠ་ཏནྟི? ས་ཏྟ་ར་ས་ཧི ཨཱ་ཀཱ་རེ་ཧི ཨ་ཏྠ་ཏཾ ཧོ་ཏི ཀ་ཐི་ནཾ. ཨ་ཧ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་ཧ་ཏ་ཀ་པྤེ་ན ཨ་ཏྠ་ཏཾ ཧོ་ཏི ཀ་ཐི་ནཾ, པི་ལོ་ཏི་ཀཱ་ཡ ཨ་ཏྠ་ཏཾ ཧོ་ཏི ཀ་ཐི་ནཾ, པཾ་སུ་ཀཱུ་ལེ་ན ཨ་ཏྠ་ཏཾ ཧོ་ཏི ཀ་ཐི་ནཾ, པཱ་པ་ཎི་ཀེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་ནི་མི་ཏྟ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་པ་རི་ཀ་ཐཱ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་ཀུ་ཀྐུ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་ས་ནྣི་དྷི་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་ནི་སྶ་གྒི་ཡེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཀ་པྤ་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ས་ངྒྷཱ་ཊི་ཡཱ ཨ་ཏྠ་ཏཾ ཧོ་ཏི ཀ་ཐི་ནཾ, ཨུ་ཏྟ་རཱ་ས་ངྒེ་ན ཨ་ཏྠ་ཏཾ ཧོ་ཏི ཀ་ཐི་ནཾ, ཨ་ནྟ་ར་ཝཱ་ས་ཀེ་ན ཨ་ཏྠ་ཏཾ ཧོ་ཏི ཀ་ཐི་ནཾ, པ་ཉྩ་ཀེ་ན ཝཱ ཨ་ཏི་རེ་ཀ་པ་ཉྩ་ཀེ་ན ཝཱ ཏ་ད་ཧེ་ཝ ས་ཉྪི་ནྣེ་ན ས་མ་ཎྜ་ལཱི་ཀ་ཏེ་ན ཨ་ཏྠ་ཏཾ ཧོ་ཏི ཀ་ཐི་ནཾ, པུ་གྒ་ལ་སྶ ཨ་ཏྠཱ་རཱ ཨ་ཏྠ་ཏཾ ཧོ་ཏི ཀ་ཐི་ནཾ, ས་མྨཱ ཙེ ཨ་ཏྠ་ཏཾ ཧོ་ཏི ཀ་ཐི་ནཾ, ཏཾ ཙེ སཱི་མ་ཊྛོ ཨ་ནུ་མོ་ད་ཏི, ཨེ་ཝ་མྤི ཨ་ཏྠ་ཏཾ ཧོ་ཏི ཀ་ཐི་ནཾ. ཨི་མེ་ཧི ས་ཏྟ་ར་ས་ཧི ཨཱ་ཀཱ་རེ་ཧི ཨ་ཏྠ་ཏཾ ཧོ་ཏི ཀ་ཐི་ནཾ.

ས་ཧ ཀ་ཐི་ན་སྶ ཨ་ཏྠཱ་རཱ ཀ་ཏི དྷ་མྨཱ ཛཱ་ཡ་ནྟི? ས་ཧ ཀ་ཐི་ན་སྶ ཨ་ཏྠཱ་རཱ པ་ནྣ་ར་ས དྷ་མྨཱ ཛཱ་ཡ་ནྟི – ཨ་ཊྛ མཱ་ཏི་ཀཱ, དྭེ པ་ལི་བོ་དྷཱ, པ་ཉྩཱ་ནི་སཾ་སཱ. ས་ཧ ཀ་ཐི་ན་སྶ ཨ་ཏྠཱ་རཱ ཨི་མེ པ་ནྣ་ར་ས དྷ་མྨཱ ཛཱ་ཡ་ནྟི.

༢. ཀ་ཐི་ན་ཨ་ན་ནྟ་ར་པ་ཙྩ་ཡཱ་དི

༤༠༤. པ་ཡོ་ག་སྶ ཀ་ཏ་མེ དྷ་མྨཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ, པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ, པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ, ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ? པུ་བྦ་ཀ་ར་ཎ་སྶ ཀ་ཏ་མེ དྷ་མྨཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ…པེ… པ་ཙྩུ་དྡྷཱ་ར་སྶ ཀ་ཏ་མེ དྷ་མྨཱ… ཨ་དྷི་ཊྛཱ་ན་སྶ ཀ་ཏ་མེ དྷ་མྨཱ… ཨ་ཏྠཱ་ར་སྶ ཀ་ཏ་མེ དྷ་མྨཱ… མཱ་ཏི་ཀཱ་ན་ཉྩ པ་ལི་བོ་དྷཱ་ན་ཉྩ ཀ་ཏ་མེ དྷ་མྨཱ… ཝ་ཏྠུ་སྶ ཀ་ཏ་མེ དྷ་མྨཱ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ, པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ, པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ, ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ?

པུ་བྦ་ཀ་ར་ཎཾ པ་ཡོ་ག་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. པ་ཡོ་གོ པུ་བྦ་ཀ་ར་ཎ་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. པུ་བྦ་ཀ་ར་ཎཾ པ་ཡོ་ག་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ཙྩུ་དྡྷཱ་རོ པུ་བྦ་ཀ་ར་ཎ་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. པུ་བྦ་ཀ་ར་ཎཾ པ་ཙྩུ་དྡྷཱ་ར་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ཙྩུ་དྡྷཱ་རོ པུ་བྦ་ཀ་ར་ཎ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨ་དྷི་ཊྛཱ་ནཾ པ་ཙྩུ་དྡྷཱ་ར་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. པ་ཙྩུ་དྡྷཱ་རོ ཨ་དྷི་ཊྛཱ་ན་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨ་དྷི་ཊྛཱ་ནཾ པ་ཙྩུ་དྡྷཱ་ར་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨ་ཏྠཱ་རོ ཨ་དྷི་ཊྛཱ་ན་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. ཨ་དྷི་ཊྛཱ་ནཾ ཨ་ཏྠཱ་ར་སྶ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨ་ཏྠཱ་རོ ཨ་དྷི་ཊྛཱ་ན་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. མཱ་ཏི་ཀཱ ཙ པ་ལི་བོ་དྷཱ ཙ ཨ་ཏྠཱ་ར་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. ཨ་ཏྠཱ་རོ མཱ་ཏི་ཀཱ་ན་ཉྩ པ་ལི་བོ་དྷཱ་ན་ཉྩ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. མཱ་ཏི་ཀཱ ཙ པ་ལི་བོ་དྷཱ ཙ ཨ་ཏྠཱ་ར་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨཱ་སཱ ཙ ཨ་ནཱ་སཱ ཙ ཝ་ཏྠུ་སྶ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ, ས་མ་ན་ནྟ་ར་པ་ཙྩ་ཡེ་ན པ་ཙྩ་ཡོ, ནི་སྶ་ཡ་པ་ཙྩ་ཡེ་ན པ་ཙྩ་ཡོ, ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. ཝ་ཏྠུ ཨཱ་སཱ་ན་ཉྩ ཨ་ནཱ་སཱ་ན་ཉྩ པུ་རེ་ཛཱ་ཏ་པ་ཙྩ་ཡེ་ན པ་ཙྩ་ཡོ. ཨཱ་སཱ ཙ ཨ་ནཱ་སཱ ཙ ཝ་ཏྠུ་སྶ པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ. པ་ནྣ་ར་ས དྷ་མྨཱ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ.

༣. པུ་བྦ་ཀ་ར་ཎ་ནི་དཱ་ནཱ་དི་ཝི་བྷཱ་གོ

༤༠༥. པུ་བྦ་ཀ་ར་ཎཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? པ་ཙྩུ་དྡྷཱ་རོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? ཨ་དྷི་ཊྛཱ་ནཾ ཀིཾ་ནི་དཱ་ནཾ, ཀིཾ་ས་མུ་ད་ཡཾ, ཀིཾ་ཛཱ་ཏི་ཀཾ, ཀིཾ་པ་བྷ་ཝཾ, ཀིཾ་ས་མྦྷཱ་རཾ, ཀིཾ་ས་མུ་ཊྛཱ་ནཾ? ཨ་ཏྠཱ་རོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? མཱ་ཏི་ཀཱ ཙ པ་ལི་བོ་དྷཱ ཙ ཀིཾ་ནི་དཱ་ནཱ, ཀིཾ་ས་མུ་ད་ཡཱ, ཀིཾ་ཛཱ་ཏི་ཀཱ, ཀིཾ་པ་བྷ་ཝཱ, ཀིཾ་ས་མྦྷཱ་རཱ ཀིཾ་ས་མུ་ཊྛཱ་ནཱ? ཨཱ་སཱ ཙ ཨ་ནཱ་སཱ ཙ ཀིཾ་ནི་དཱ་ནཱ, ཀིཾ་ས་མུ་ད་ཡཱ, ཀིཾ་ཛཱ་ཏི་ཀཱ, ཀིཾ་པ་བྷ་ཝཱ, ཀིཾ་ས་མྦྷཱ་རཱ, ཀིཾ་ས་མུ་ཊྛཱ་ནཱ?

པུ་བྦ་ཀ་ར་ཎཾ པ་ཡོ་ག་ནི་དཱ་ནཾ, པ་ཡོ་ག་ས་མུ་ད་ཡཾ, པ་ཡོ་ག་ཛཱ་ཏི་ཀཾ, པ་ཡོ་ག་པ་བྷ་ཝཾ, པ་ཡོ་ག་ས་མྦྷཱ་རཾ, པ་ཡོ་ག་ས་མུ་ཊྛཱ་ནཾ. པ་ཙྩུ་དྡྷཱ་རོ པུ་བྦ་ཀ་ར་ཎ་ནི་དཱ་ནོ, པུ་བྦ་ཀ་ར་ཎ་ས་མུ་ད་ཡོ, པུ་བྦ་ཀ་ར་ཎ་ཛཱ་ཏི་ཀོ, པུ་བྦ་ཀ་ར་ཎ་པ་བྷ་ཝོ, པུ་བྦ་ཀ་ར་ཎ་ས་མྦྷཱ་རོ, པུ་བྦ་ཀ་ར་ཎ་ས་མུ་ཊྛཱ་ནོ. ཨ་དྷི་ཊྛཱ་ནཾ པ་ཙྩུ་དྡྷཱ་ར་ནི་དཱ་ནཾ, པ་ཙྩུ་དྡྷཱ་ར་ས་མུ་ད་ཡཾ, པ་ཙྩུ་དྡྷཱ་ར་ཛཱ་ཏི་ཀཾ, པ་ཙྩུ་དྡྷཱ་ར་པ་བྷ་ཝཾ, པ་ཙྩུ་དྡྷཱ་ར་ས་མྦྷཱ་རཾ, པ་ཙྩུ་དྡྷཱ་ར་ས་མུ་ཊྛཱ་ནཾ. ཨ་ཏྠཱ་རོ ཨ་དྷི་ཊྛཱ་ན་ནི་དཱ་ནོ, ཨ་དྷི་ཊྛཱ་ན་ས་མུ་ད་ཡོ, ཨ་དྷི་ཊྛཱ་ན་ཛཱ་ཏི་ཀོ, ཨ་དྷི་ཊྛཱ་ན་པ་བྷ་ཝོ, ཨ་དྷི་ཊྛཱ་ན་ས་མྦྷཱ་རོ, ཨ་དྷི་ཊྛཱ་ན་ས་མུ་ཊྛཱ་ནོ. མཱ་ཏི་ཀཱ ཙ པ་ལི་བོ་དྷཱ ཙ ཨ་ཏྠཱ་ར་ནི་དཱ་ནཱ, ཨ་ཏྠཱ་ར་ས་མུ་ད་ཡཱ, ཨ་ཏྠཱ་ར་ཛཱ་ཏི་ཀཱ, ཨ་ཏྠཱ་ར་པ་བྷ་ཝཱ, ཨ་ཏྠཱ་ར་ས་མྦྷཱ་རཱ, ཨ་ཏྠཱ་ར་ས་མུ་ཊྛཱ་ནཱ. ཨཱ་སཱ ཙ ཨ་ནཱ་སཱ ཙ ཝ་ཏྠུ་ནི་དཱ་ནཱ, ཝ་ཏྠུ་ས་མུ་ད་ཡཱ, ཝ་ཏྠུ་ཛཱ་ཏི་ཀཱ, ཝ་ཏྠུ་པ་བྷ་ཝཱ, ཝ་ཏྠུ་ས་མྦྷཱ་རཱ, ཝ་ཏྠུ་ས་མུ་ཊྛཱ་ནཱ.

༤༠༦. པ་ཡོ་གོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ, པུ་བྦ་ཀ་ར་ཎཾ…པེ… པ་ཙྩུ་དྡྷཱ་རོ… ཨ་དྷི་ཊྛཱ་ནཾ… ཨ་ཏྠཱ་རོ… མཱ་ཏི་ཀཱ ཙ པ་ལི་བོ་དྷཱ ཙ… ཝ་ཏྠུ… ཨཱ་སཱ ཙ ཨ་ནཱ་སཱ ཙ ཀིཾ་ནི་དཱ་ནཱ, ཀིཾ་ས་མུ་ད་ཡཱ, ཀིཾ་ཛཱ་ཏི་ཀཱ, ཀིཾ་པ་བྷ་ཝཱ, ཀིཾ་ས་མྦྷཱ་རཱ, ཀིཾ་ས་མུ་ཊྛཱ་ནཱ?

པ་ཡོ་གོ ཧེ་ཏུ་ནི་དཱ་ནོ, ཧེ་ཏུ་ས་མུ་ད་ཡོ, ཧེ་ཏུ་ཛཱ་ཏི་ཀོ, ཧེ་ཏུ་པ་བྷ་ཝོ, ཧེ་ཏུ་ས་མྦྷཱ་རོ, ཧེ་ཏུ་ས་མུ་ཊྛཱ་ནོ. པུ་བྦ་ཀ་ར་ཎཾ…པེ… པ་ཙྩུ་དྡྷཱ་རོ… ཨ་དྷི་ཊྛཱ་ནཾ… ཨ་ཏྠཱ་རོ … མཱ་ཏི་ཀཱ ཙ པ་ལི་བོ་དྷཱ ཙ… ཝ་ཏྠུ… ཨཱ་སཱ ཙ ཨ་ནཱ་སཱ ཙ ཧེ་ཏུ་ནི་དཱ་ནཱ, ཧེ་ཏུ་ས་མུ་ད་ཡཱ, ཧེ་ཏུ་ཛཱ་ཏི་ཀཱ, ཧེ་ཏུ་པ་བྷ་ཝཱ, ཧེ་ཏུ་ས་མྦྷཱ་རཱ, ཧེ་ཏུ་ས་མུ་ཊྛཱ་ནཱ.

༤༠༧. པ་ཡོ་གོ ཀིཾ་ནི་དཱ་ནོ, ཀིཾ་ས་མུ་ད་ཡོ, ཀིཾ་ཛཱ་ཏི་ཀོ, ཀིཾ་པ་བྷ་ཝོ, ཀིཾ་ས་མྦྷཱ་རོ, ཀིཾ་ས་མུ་ཊྛཱ་ནོ? པུ་བྦ་ཀ་ར་ཎཾ…པེ… པ་ཙྩུ་དྡྷཱ་རོ… ཨ་དྷི་ཊྛཱ་ནཾ… ཨ་ཏྠཱ་རོ… མཱ་ཏི་ཀཱ ཙ པ་ལི་བོ་དྷཱ ཙ… ཝ་ཏྠུ… ཨཱ་སཱ ཙ ཨ་ནཱ་སཱ ཙ ཀིཾ་ནི་དཱ་ནཱ, ཀིཾ་ས་མུ་ད་ཡཱ, ཀིཾ་ཛཱ་ཏི་ཀཱ, ཀིཾ་པ་བྷ་ཝཱ, ཀིཾ་ས་མྦྷཱ་རཱ, ཀིཾ་ས་མུ་ཊྛཱ་ནཱ?

པ་ཡོ་གོ པ་ཙྩ་ཡ་ནི་དཱ་ནོ, པ་ཙྩ་ཡ་ས་མུ་ད་ཡོ, པ་ཙྩ་ཡ་ཛཱ་ཏི་ཀོ, པ་ཙྩ་ཡ་པ་བྷ་ཝོ, པ་ཙྩ་ཡ་ས་མྦྷཱ་རོ, པ་ཙྩ་ཡ་ས་མུ་ཊྛཱ་ནོ. པུ་བྦ་ཀ་ར་ཎཾ…པེ… པ་ཙྩུ་དྡྷཱ་རོ… ཨ་དྷི་ཊྛཱ་ནཾ… ཨ་ཏྠཱ་རོ… མཱ་ཏི་ཀཱ ཙ པ་ལི་བོ་དྷཱ ཙ… ཝ་ཏྠུ… ཨཱ་སཱ ཙ ཨ་ནཱ་སཱ ཙ པ་ཙྩ་ཡ་ནི་དཱ་ནཱ, པ་ཙྩ་ཡ་ས་མུ་ད་ཡཱ, པ་ཙྩ་ཡ་ཛཱ་ཏི་ཀཱ, པ་ཙྩ་ཡ་པ་བྷ་ཝཱ, པ་ཙྩ་ཡ་ས་མྦྷཱ་རཱ, པ་ཙྩ་ཡ་ས་མུ་ཊྛཱ་ནཱ.

༤༠༨. པུ་བྦ་ཀ་ར་ཎཾ ཀ་ཏི་ཧི དྷ་མྨེ་ཧི ས་ངྒ་ཧི་ཏཾ? པུ་བྦ་ཀ་ར་ཎཾ ས་ཏྟ་ཧི དྷ་མྨེ་ཧི ས་ངྒ་ཧི་ཏཾ. དྷོ་ཝ་ནེ་ན, ཝི་ཙཱ་ར་ཎེ་ན, ཚེ་ད་ནེ་ན, བ་ནྡྷ་ནེ་ན, སི་བྦ་ནེ་ན, ར་ཛ་ནེ་ན, ཀ་པྤ་ཀ་ར་ཎེ་ན – པུ་བྦ་ཀ་ར་ཎཾ ཨི་མེ་ཧི ས་ཏྟ་ཧི དྷ་མྨེ་ཧི ས་ངྒ་ཧི་ཏཾ.

པ་ཙྩུ་དྡྷཱ་རོ ཀ་ཏི་ཧི དྷ་མྨེ་ཧི ས་ངྒ་ཧི་ཏོ? པ་ཙྩུ་དྡྷཱ་རོ ཏཱི་ཧི དྷ་མྨེ་ཧི ས་ངྒ་ཧི་ཏོ – ས་ངྒྷཱ་ཊི་ཡཱ, ཨུ་ཏྟ་རཱ་ས་ངྒེ་ན, ཨ་ནྟ་ར་ཝཱ་ས་ཀེ་ན.

ཨ་དྷི་ཊྛཱ་ནཾ ཀ་ཏི་ཧི དྷ་མྨེ་ཧི ས་ངྒ་ཧི་ཏཾ? ཨ་དྷི་ཊྛཱ་ནཾ ཏཱི་ཧི དྷ་མྨེ་ཧི ས་ངྒ་ཧི་ཏཾ – ས་ངྒྷཱ་ཊི་ཡཱ, ཨུ་ཏྟ་རཱ་ས་ངྒེ་ན, ཨ་ནྟ་ར་ཝཱ་ས་ཀེ་ན.

ཨ་ཏྠཱ་རོ ཀ་ཏི་ཧི དྷ་མྨེ་ཧི ས་ངྒ་ཧི་ཏོ? ཨ་ཏྠཱ་རོ ཨེ་ཀེ་ན དྷ་མྨེ་ན ས་ངྒ་ཧི་ཏོ – ཝ་ཙཱི་བྷེ་དེ་ན.

ཀ་ཐི་ན་སྶ ཀ་ཏི མཱུ་ལཱ་ནི, ཀ་ཏི ཝ་ཏྠཱུ་ནི, ཀ་ཏི བྷཱུ་མི་ཡོ? ཀ་ཐི་ན་སྶ ཨེ་ཀཾ མཱུ་ལཾ – ས་ངྒྷོ; ཏཱི་ཎི ཝ་ཏྠཱུ་ནི – ས་ངྒྷཱ་ཊི, ཨུ་ཏྟ་རཱ་ས་ངྒོ, ཨ་ནྟ་ར་ཝཱ་ས་ཀོ, ཚ བྷཱུ་མི་ཡོ – ཁོ་མཾ, ཀ་པྤཱ་སི་ཀཾ, ཀོ་སེ་ཡྻཾ, ཀ་མྦ་ལཾ, སཱ་ཎཾ, བྷ་ངྒཾ.

ཀ་ཐི་ན་སྶ ཀོ ཨཱ་དི, ཀིཾ མ་ཛ྄ཛྷེ, ཀིཾ པ་རི་ཡོ་སཱ་ནཾ? ཀ་ཐི་ན་སྶ པུ་བྦ་ཀ་ར་ཎཾ ཨཱ་དི, ཀྲི་ཡཱ མ་ཛ྄ཛྷེ, ཨ་ཏྠཱ་རོ པ་རི་ཡོ་སཱ་ནཾ.

༤༠༩. ཀ་ཏི་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་བྷ་བྦོ ཀ་ཐི་ནཾ ཨ་ཏྠ་རི་ཏུཾ? ཀ་ཏི་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ བྷ་བྦོ ཀ་ཐི་ནཾ ཨ་ཏྠ་རི་ཏུཾ? ཨ་ཊྛ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་བྷ་བྦོ ཀ་ཐི་ནཾ ཨ་ཏྠ་རི་ཏུཾ. ཨ་ཊྛ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ བྷ་བྦོ ཀ་ཐི་ནཾ ཨ་ཏྠ་རི་ཏུཾ. ཀ་ཏ་མེ་ཧི ཨ་ཊྛ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་བྷ་བྦོ ཀ་ཐི་ནཾ ཨ་ཏྠ་རི་ཏུཾ? པུ་བྦ་ཀ་ར་ཎཾ ན ཛཱ་ནཱ་ཏི, པ་ཙྩུ་དྡྷཱ་རཾ ན ཛཱ་ནཱ་ཏི, ཨ་དྷི་ཊྛཱ་ནཾ ན ཛཱ་ནཱ་ཏི, ཨ་ཏྠཱ་རཾ ན ཛཱ་ནཱ་ཏི, མཱ་ཏི་ཀཾ ན ཛཱ་ནཱ་ཏི, པ་ལི་བོ་དྷཾ ན ཛཱ་ནཱ་ཏི, ཨུ་དྡྷཱ་རཾ ན ཛཱ་ནཱ་ཏི, ཨཱ་ནི་སཾ་སཾ ན ཛཱ་ནཱ་ཏི – ཨི་མེ་ཧི ཨ་ཊྛ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ ཨ་བྷ་བྦོ ཀ་ཐི་ནཾ ཨ་ཏྠ་རི་ཏུཾ. ཀ་ཏ་མེ་ཧི ཨ་ཊྛ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ བྷ་བྦོ ཀ་ཐི་ནཾ ཨ་ཏྠ་རི་ཏུཾ? པུ་བྦ་ཀ་ར་ཎཾ ཛཱ་ནཱ་ཏི, པ་ཙྩུ་དྡྷཱ་རཾ ཛཱ་ནཱ་ཏི, ཨ་དྷི་ཊྛཱ་ནཾ ཛཱ་ནཱ་ཏི, ཨ་ཏྠཱ་རཾ ཛཱ་ནཱ་ཏི, མཱ་ཏི་ཀཾ ཛཱ་ནཱ་ཏི, པ་ལི་བོ་དྷཾ ཛཱ་ནཱ་ཏི, ཨུ་དྡྷཱ་རཾ ཛཱ་ནཱ་ཏི, ཨཱ་ནི་སཾ་སཾ ཛཱ་ནཱ་ཏི – ཨི་མེ་ཧི ཨ་ཊྛ་ཧ་ངྒེ་ཧི ས་མ་ནྣཱ་ག་ཏོ པུ་གྒ་ལོ བྷ་བྦོ ཀ་ཐི་ནཾ ཨ་ཏྠ་རི་ཏུཾ.

༤༡༠. ཀ་ཏི་ནཾ པུ་གྒ་ལཱ་ནཾ ཀ་ཐི་ན་ཏྠཱ་རཱ ན རུ་ཧ་ནྟི? ཀ་ཏི་ནཾ པུ་གྒ་ལཱ་ནཾ ཀ་ཐི་ན་ཏྠཱ་རཱ རུ་ཧ་ནྟི? ཏི་ཎྞཾ པུ་གྒ་ལཱ་ནཾ ཀ་ཐི་ན་ཏྠཱ་རཱ ན རུ་ཧ་ནྟི. ཏི་ཎྞཾ པུ་གྒ་ལཱ་ནཾ ཀ་ཐི་ན་ཏྠཱ་རཱ རུ་ཧ་ནྟི. ཀ་ཏ་མེ་སཾ ཏི་ཎྞཾ པུ་གྒ་ལཱ་ནཾ ཀ་ཐི་ན་ཏྠཱ་རཱ ན རུ་ཧ་ནྟི? ནི་སྶཱི་མ་ཊྛོ ཨ་ནུ་མོ་ད་ཏི, ཨ་ནུ་མོ་དེ་ནྟོ ན ཝཱ་ཙཾ བྷི་ནྡ་ཏི, ཝཱ་ཙཾ བྷི་ནྡ་ནྟོ ན པ་རཾ ཝི་ཉྙཱ་པེ་ཏི – ཨི་མེ་སཾ ཏི་ཎྞཾ པུ་གྒ་ལཱ་ནཾ ཀ་ཐི་ན་ཏྠཱ་རཱ ན རུ་ཧ་ནྟི. ཀ་ཏ་མེ་སཾ ཏི་ཎྞཾ པུ་གྒ་ལཱ་ནཾ ཀ་ཐི་ན་ཏྠཱ་རཱ རུ་ཧ་ནྟི? སཱི་མ་ཊྛོ ཨ་ནུ་མོ་ད་ཏི, ཨ་ནུ་མོ་དེ་ནྟོ ཝཱ་ཙཾ བྷི་ནྡ་ཏི, ཝཱ་ཙཾ བྷི་ནྡ་ནྟོ པ་རཾ ཝི་ཉྙཱ་པེ་ཏི – ཨི་མེ་སཾ ཏི་ཎྞཾ པུ་གྒ་ལཱ་ནཾ ཀ་ཐི་ན་ཏྠཱ་རཱ རུ་ཧ་ནྟི.

༤༡༡. ཀ་ཏི ཀ་ཐི་ན་ཏྠཱ་རཱ ན རུ་ཧ་ནྟི? ཀ་ཏི ཀ་ཐི་ན་ཏྠཱ་རཱ རུ་ཧ་ནྟི? ཏ་ཡོ ཀ་ཐི་ན་ཏྠཱ་རཱ ན རུ་ཧ་ནྟི. ཏ་ཡོ ཀ་ཐི་ན་ཏྠཱ་རཱ རུ་ཧ་ནྟི. ཀ་ཏ་མེ ཏ་ཡོ ཀ་ཐི་ན་ཏྠཱ་རཱ ན རུ་ཧ་ནྟི? ཝ་ཏྠུ་ཝི་པ་ནྣ་ཉྩེ་ཝ ཧོ་ཏི, ཀཱ་ལ་ཝི་པ་ནྣ་ཉྩ, ཀ་ར་ཎ་ཝི་པ་ནྣ་ཉྩ – ཨི་མེ ཏ་ཡོ ཀ་ཐི་ན་ཏྠཱ་རཱ ན རུ་ཧ་ནྟི. ཀ་ཏ་མེ ཏ་ཡོ ཀ་ཐི་ན་ཏྠཱ་རཱ རུ་ཧ་ནྟི? ཝ་ཏྠུ་ས་མྤ་ནྣ་ཉྩེ་ཝ ཧོ་ཏི, ཀཱ་ལ་ས་མྤ་ནྣ་ཉྩ, ཀ་ར་ཎ་ས་མྤ་ནྣ་ཉྩ – ཨི་མེ ཏ་ཡོ ཀ་ཐི་ན་ཏྠཱ་རཱ རུ་ཧ་ནྟི.

༤. ཀ་ཐི་ནཱ་དི་ཛཱ་ནི་ཏ་བྦ་ཝི་བྷཱ་གོ

༤༡༢. ཀ་ཐི་ནཾ ཛཱ་ནི་ཏ་བྦཾ, ཀ་ཐི་ན་ཏྠཱ་རོ ཛཱ་ནི་ཏ་བྦོ, ཀ་ཐི་ན་སྶ ཨ་ཏྠཱ་ར་མཱ་སོ ཛཱ་ནི་ཏ་བྦོ, ཀ་ཐི་ན་སྶ ཨ་ཏྠཱ་ར་ཝི་པ་ཏྟི ཛཱ་ནི་ཏ་བྦཱ, ཀ་ཐི་ན་སྶ ཨ་ཏྠཱ་ར་ས་མྤ་ཏྟི ཛཱ་ནི་ཏ་བྦཱ, ནི་མི་ཏྟ་ཀ་མྨཾ ཛཱ་ནི་ཏ་བྦཾ, པ་རི་ཀ་ཐཱ ཛཱ་ནི་ཏ་བྦཱ, ཀུ་ཀྐུ་ཀ་ཏཾ ཛཱ་ནི་ཏ་བྦཾ, ས་ནྣི་དྷི ཛཱ་ནི་ཏ་བྦཱ, ནི་སྶ་གྒི་ཡཾ ཛཱ་ནི་ཏ་བྦཾ.

ཀ་ཐི་ནཾ ཛཱ་ནི་ཏ་བྦནྟི ཏེ་ས་ཉྙེ་ཝ དྷ་མྨཱ་ནཾ ས་ངྒ་ཧོ ས་མ་ཝཱ་ཡོ ནཱ་མཾ ནཱ་མ་ཀ་མྨཾ ནཱ་མ་དྷེ་ཡྻཾ ནི་རུ་ཏྟི བྱ་ཉྫ་ནཾ ཨ་བྷི་ལཱ་པོ ཡ་དི་དཾ ཀ་ཐི་ན་ནྟི.

ཀ་ཐི་ན་སྶ ཨ་ཏྠཱ་ར་མཱ་སོ ཛཱ་ནི་ཏ་བྦོཏི ཝ་སྶཱ་ན་སྶ པ་ཙྪི་མོ མཱ་སོ ཛཱ་ནི་ཏ་བྦོ.

ཀ་ཐི་ན་སྶ ཨ་ཏྠཱ་ར་ཝི་པ་ཏྟི ཛཱ་ནི་ཏ་བྦཱཏི ཙ་ཏུ་ཝཱི་ས་ཏི་ཡཱ ཨཱ་ཀཱ་རེ་ཧི ཀ་ཐི་ན་སྶ ཨ་ཏྠཱ་ར་ཝི་པ་ཏྟི ཛཱ་ནི་ཏ་བྦཱ.

ཀ་ཐི་ན་སྶ ཨ་ཏྠཱ་ར་ས་མྤ་ཏྟི ཛཱ་ནི་ཏ་བྦཱཏི ས་ཏྟ་ར་ས་ཧི ཨཱ་ཀཱ་རེ་ཧི ཀ་ཐི་ན་སྶ ཨ་ཏྠཱ་ར་ས་མྤ་ཏྟི ཛཱ་ནི་ཏ་བྦཱ.

ནི་མི་ཏྟ་ཀ་མྨཾ ཛཱ་ནི་ཏ་བྦནྟི ནི་མི་ཏྟཾ ཀ་རོ་ཏི ཨི་མི་ནཱ དུ་སྶེ་ན ཀ་ཐི་ནཾ ཨ་ཏྠ་རི་སྶཱ་མཱི་ཏི.

པ་རི་ཀ་ཐཱ ཛཱ་ནི་ཏ་བྦཱཏི པ་རི་ཀ་ཐཾ ཀ་རོ་ཏི ཨི་མཱ་ཡ པ་རི་ཀ་ཐཱ་ཡ ཀ་ཐི་ན་དུ་སྶཾ ནི་བྦ་ཏྟེ་སྶཱ་མཱི་ཏི.

ཀུ་ཀྐུ་ཀ་ཏཾ ཛཱ་ནི་ཏ་བྦནྟི ཨ་ནཱ་དི་ཡ་དཱ་ནཾ ཛཱ་ནི་ཏ་བྦཾ.

ས་ནྣི་དྷི ཛཱ་ནི་ཏ་བྦཱཏི དྭེ ས་ནྣི་དྷི་ཡོ ཛཱ་ནི་ཏ་བྦཱ – ཀ་ར་ཎ་ས་ནྣི་དྷི ཝཱ ནི་ཙ་ཡ་ས་ནྣི་དྷི ཝཱ.

ནི་སྶ་གྒི་ཡཾ ཛཱ་ནི་ཏ་བྦནྟི ཀ་རི་ཡ་མཱ་ནེ ཨ་རུ་ཎཾ ཨུ་ཊྛ་ཧ་ཏི.

ཀ་ཐི་ན་ཏྠཱ་རོ ཛཱ་ནི་ཏ་བྦོཏི ས་ཙེ ས་ངྒྷ་སྶ ཀ་ཐི་ན་དུ་སྶཾ ཨུ་པྤ་ནྣཾ ཧོ་ཏི, ས་ངྒྷེ་ན ཀ་ཐཾ པ་ཊི་པ་ཛྫི་ཏ་བྦཾ, ཨ་ཏྠཱ་ར་ཀེ་ན ཀ་ཐཾ པ་ཊི་པ་ཛྫི་ཏ་བྦཾ, ཨ་ནུ་མོ་ད་ཀེ་ན ཀ་ཐཾ པ་ཊི་པ་ཛྫི་ཏ་བྦཾ.

༤༡༣. ས་ངྒྷེ་ན ཉ་ཏྟི་དུ་ཏི་ཡེ་ན ཀ་མྨེ་ན ཀ་ཐི་ན་ཏྠཱ་ར་ཀ་སྶ བྷི་ཀྑུ་ནོ དཱ་ཏ་བྦཾ, ཏེ་ན ཀ་ཐི་ན་ཏྠཱ་ར་ཀེ་ན བྷི་ཀྑུ་ནཱ ཏ་ད་ཧེ་ཝ དྷོ་ཝི་ཏྭཱ ཝི་མ་ཛྫི་ཏྭཱ ཝི་ཙཱ་རེ་ཏྭཱ ཚི་ནྡི་ཏྭཱ སི་བྦེ་ཏྭཱ ར་ཛི་ཏྭཱ ཀ་པྤཾ ཀ་ཏྭཱ ཀ་ཐི་ནཾ ཨ་ཏྠ་རི་ཏ་བྦཾ. ས་ཙེ ས་ངྒྷཱ་ཊི་ཡཱ ཀ་ཐི་ནཾ ཨ་ཏྠ་རི་ཏུ་ཀཱ་མོ ཧོ་ཏི, པོ་རཱ་ཎི་ཀཱ ས་ངྒྷཱ་ཊི པ་ཙྩུ་དྡྷ་རི་ཏ་བྦཱ, ན་ཝཱ ས་ངྒྷཱ་ཊི ཨ་དྷི་ཊྛཱ་ཏ་བྦཱ. ཨི་མཱ་ཡ ས་ངྒྷཱ་ཊི་ཡཱ ཀ་ཐི་ནཾ ཨ་ཏྠ་རཱ་མཱི་ཏི ཝཱ་ཙཱ བྷི་ནྡི་ཏ་བྦཱ. ས་ཙེ ཨུ་ཏྟ་རཱ་ས་ངྒེ་ན ཀ་ཐི་ནཾ ཨ་ཏྠ་རི་ཏུ་ཀཱ་མོ ཧོ་ཏི, པོ་རཱ་ཎ་ཀོ ཨུ་ཏྟ་རཱ་ས་ངྒོ པ་ཙྩུ་དྡྷ་རི་ཏ་བྦོ, ན་ཝོ ཨུ་ཏྟ་རཱ་ས་ངྒོ ཨ་དྷི་ཊྛཱ་ཏ་བྦོ. ཨི་མི་ནཱ ཨུ་ཏྟ་རཱ་ས་ངྒེ་ན ཀ་ཐི་ནཾ ཨ་ཏྠ་རཱ་མཱི་ཏི ཝཱ་ཙཱ བྷི་ནྡི་ཏ་བྦཱ. ས་ཙེ ཨ་ནྟ་ར་ཝཱ་ས་ཀེ་ན ཀ་ཐི་ནཾ ཨ་ཏྠ་རི་ཏུ་ཀཱ་མོ ཧོ་ཏི, པོ་རཱ་ཎ་ཀོ ཨ་ནྟ་ར་ཝཱ་ས་ཀོ པ་ཙྩུ་དྡྷ་རི་ཏ་བྦོ, ན་ཝོ ཨ་ནྟ་ར་ཝཱ་ས་ཀོ ཨ་དྷི་ཊྛཱ་ཏ་བྦོ. ཨི་མི་ནཱ ཨ་ནྟ་ར་ཝཱ་ས་ཀེ་ན ཀ་ཐི་ནཾ ཨ་ཏྠ་རཱ་མཱི་ཏི ཝཱ་ཙཱ བྷི་ནྡི་ཏ་བྦཱ. ཏེ་ན ཀ་ཐི་ན་ཏྠཱ་ར་ཀེ་ན བྷི་ཀྑུ་ནཱ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ‘‘ཨ་ཏྠ་ཏཾ, བྷ་ནྟེ, ས་ངྒྷ་སྶ ཀ་ཐི་ནཾ, དྷ་མྨི་ཀོ ཀ་ཐི་ན་ཏྠཱ་རོ, ཨ་ནུ་མོ་ད་ཐཱ’’ཏི. ཏེ་ཧི ཨ་ནུ་མོ་ད་ཀེ་ཧི བྷི་ཀྑཱུ་ཧི ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ‘‘ཨ་ཏྠ་ཏཾ, ཨཱ་ཝུ་སོ, ས་ངྒྷ་སྶ ཀ་ཐི་ནཾ, དྷ་མྨི་ཀོ ཀ་ཐི་ན་ཏྠཱ་རོ, ཨ་ནུ་མོ་དཱ་མཱ’’ཏི. ཏེ་ན ཀ་ཐི་ན་ཏྠཱ་ར་ཀེ་ན བྷི་ཀྑུ་ནཱ ས་མྦ་ཧུ་ལེ བྷི་ཀྑཱུ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨ་ཏྠ་ཏཾ, བྷ་ནྟེ, ས་ངྒྷ་སྶ ཀ་ཐི་ནཾ, དྷ་མྨི་ཀོ ཀ་ཐི་ན་ཏྠཱ་རོ, ཨ་ནུ་མོ་ད་ཐཱ’’ཏི. ཏེ་ཧི ཨ་ནུ་མོ་ད་ཀེ་ཧི བྷི་ཀྑཱུ་ཧི ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ‘‘ཨ་ཏྠ་ཏཾ, ཨཱ་ཝུ་སོ, ས་ངྒྷ་སྶ ཀ་ཐི་ནཾ, དྷ་མྨི་ཀོ ཀ་ཐི་ན་ཏྠཱ་རོ ཨ་ནུ་མོ་དཱ་མཱ’’ཏི. ཏེ་ན ཀ་ཐི་ན་ཏྠཱ་ར་ཀེ་ན བྷི་ཀྑུ་ནཱ ཨེ་ཀཾ བྷི་ཀྑུཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ‘‘ཨ་ཏྠ་ཏཾ, ཨཱ་ཝུ་སོ, ས་ངྒྷ་སྶ ཀ་ཐི་ནཾ, དྷ་མྨི་ཀོ ཀ་ཐི་ན་ཏྠཱ་རོ, ཨ་ནུ་མོ་དཱ་ཧཱི’’ཏི. ཏེ་ན ཨ་ནུ་མོ་ད་ཀེ་ན བྷི་ཀྑུ་ནཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ – ‘‘ཨ་ཏྠ་ཏཾ, ཨཱ་ཝུ་སོ, ས་ངྒྷ་སྶ ཀ་ཐི་ནཾ, དྷ་མྨི་ཀོ ཀ་ཐི་ན་ཏྠཱ་རོ, ཨ་ནུ་མོ་དཱ་མཱི’’ཏི.

༥. པུ་གྒ་ལ་སྶེ་ཝ་ཀ་ཐི་ན་ཏྠཱ་རོ

༤༡༤. ས་ངྒྷོ ཀ་ཐི་ནཾ ཨ་ཏྠ་ར་ཏི, ག་ཎོ ཀ་ཐི་ནཾ ཨ་ཏྠ་ར་ཏི, པུ་གྒ་ལོ ཀ་ཐི་ནཾ ཨ་ཏྠ་ར་ཏཱི་ཏི. ན ས་ངྒྷོ ཀ་ཐི་ནཾ ཨ་ཏྠ་ར་ཏི, ན ག་ཎོ ཀ་ཐི་ནཾ ཨ་ཏྠ་ར་ཏི, པུ་གྒ་ལོ ཀ་ཐི་ནཾ ཨ་ཏྠ་ར་ཏཱི་ཏི. ཧ་ཉྩི ན ས་ངྒྷོ ཀ་ཐི་ནཾ ཨ་ཏྠ་ར་ཏི, ན ག་ཎོ ཀ་ཐི་ནཾ ཨ་ཏྠ་ར་ཏི, པུ་གྒ་ལོ ཀ་ཐི་ནཾ ཨ་ཏྠ་ར་ཏི. ས་ངྒྷ་སྶ ཨ་ན་ཏྠ་ཏཾ ཧོ་ཏི ཀ་ཐི་ནཾ, ག་ཎ་སྶ ཨ་ན་ཏྠ་ཏཾ ཧོ་ཏི ཀ་ཐི་ནཾ, པུ་གྒ་ལ་སྶ ཨ་ཏྠ་ཏཾ ཧོ་ཏི ཀ་ཐི་ནཾ. ས་ངྒྷོ པཱ་ཏི་མོ་ཀྑཾ ཨུ་དྡི་ས་ཏི ག་ཎོ པཱ་ཏི་མོ་ཀྑཾ ཨུ་དྡི་ས་ཏི པུ་གྒ་ལོ པཱ་ཏི་མོ་ཀྑཾ ཨུ་དྡི་ས་ཏཱི་ཏི ན ས་ངྒྷོ པཱ་ཏི་མོ་ཀྑཾ ཨུ་དྡི་ས་ཏི, ན ག་ཎོ པཱ་ཏི་མོ་ཀྑཾ ཨུ་དྡི་ས་ཏི, པུ་གྒ་ལོ པཱ་ཏི་མོ་ཀྑཾ ཨུ་དྡི་ས་ཏཱི་ཏི. ཧ་ཉྩི ན ས་ངྒྷོ པཱ་ཏི་མོ་ཀྑཾ ཨུ་དྡི་ས་ཏི, ན ག་ཎོ པཱ་ཏི་མོ་ཀྑཾ ཨུ་དྡི་ས་ཏི, པུ་གྒ་ལོ པཱ་ཏི་མོ་ཀྑཾ ཨུ་དྡི་ས་ཏི. ས་ངྒྷ་སྶ ཨ་ནུ་དྡི་ཊྛཾ ཧོ་ཏི པཱ་ཏི་མོ་ཀྑཾ, ག་ཎ་སྶ ཨ་ནུ་དྡི་ཊྛཾ ཧོ་ཏི པཱ་ཏི་མོ་ཀྑཾ, པུ་གྒ་ལ་སྶ ཨུ་དྡི་ཊྛཾ ཧོ་ཏི པཱ་ཏི་མོ་ཀྑཾ. ས་ངྒྷ་སྶ སཱ་མ་གྒི་ཡཱ ག་ཎ་སྶ སཱ་མ་གྒི་ཡཱ པུ་གྒ་ལ་སྶ ཨུ་དྡེ་སཱ ས་ངྒྷ་སྶ ཨུ་དྡི་ཊྛཾ ཧོ་ཏི པཱ་ཏི་མོ་ཀྑཾ, ག་ཎ་སྶ ཨུ་དྡི་ཊྛཾ ཧོ་ཏི པཱ་ཏི་མོ་ཀྑཾ, པུ་གྒ་ལ་སྶ ཨུ་དྡི་ཊྛཾ ཧོ་ཏི པཱ་ཏི་མོ་ཀྑཾ. ཨེ་ཝ་མེ་ཝ ན ས་ངྒྷོ ཀ་ཐི་ནཾ ཨ་ཏྠ་ར་ཏི, ན ག་ཎོ ཀ་ཐི་ནཾ ཨ་ཏྠ་ར་ཏི, པུ་གྒ་ལོ ཀ་ཐི་ནཾ ཨ་ཏྠ་ར་ཏི. ས་ངྒྷ་སྶ ཨ་ནུ་མོ་ད་ནཱ་ཡ ག་ཎ་སྶ ཨ་ནུ་མོ་ད་ནཱ་ཡ པུ་གྒ་ལ་སྶ ཨ་ཏྠཱ་རཱ ས་ངྒྷ་སྶ ཨ་ཏྠ་ཏཾ ཧོ་ཏི ཀ་ཐི་ནཾ, ག་ཎ་སྶ ཨ་ཏྠ་ཏཾ ཧོ་ཏི ཀ་ཐི་ནཾ, པུ་གྒ་ལ་སྶ ཨ་ཏྠ་ཏཾ ཧོ་ཏི ཀ་ཐི་ན་ནྟི.