༩. ཚ་ཏྟུ་པཱ་ཧ་ན་ཝ་གྒོ
༡. པ་ཋ་མ་སི་ཀྑཱ་པ་དཾ
༡༡༧༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཚ་ཏྟུ་པཱ་ཧ་ནཾ དྷཱ་རེ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཚ་ཏྟུ་པཱ་ཧ་ནཾ དྷཱ་རེ་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཚ་ཏྟུ་པཱ་ཧ་ནཾ དྷཱ་རེ་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཚ་ཏྟུ་པཱ་ཧ་ནཾ དྷཱ་རེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཚ་ཏྟུ་པཱ་ཧ་ནཾ དྷཱ་རེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
‘‘ཡཱ པ་ན བྷི་ཀྑུ་ནཱི ཚ་ཏྟུ་པཱ་ཧ་ནཾ དྷཱ་རེ་ཡྻ, པཱ་ཙི་ཏྟི་ཡ’’ནྟི.
ཨེ་ཝ་ཉྩི་དཾ བྷ་ག་ཝ་ཏཱ བྷི་ཀྑུ་ནཱི་ནཾ སི་ཀྑཱ་པ་དཾ པ་ཉྙ་ཏྟཾ ཧོ་ཏི.
༡༡༧༩. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ བྷི་ཀྑུ་ནཱི གི་ལཱ་ནཱ ཧོ་ཏི. ཏ་སྶཱ ཝི་ནཱ ཚ་ཏྟུ་པཱ་ཧ་ནཾ ན ཕཱ་སུ ཧོ་ཏི…པེ… བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ཨ་ནུ་ཛཱ་ནཱ་མི, བྷི་ཀྑ་ཝེ, གི་ལཱ་ནཱ་ཡ བྷི་ཀྑུ་ནི་ཡཱ ཚ་ཏྟུ་པཱ་ཧ་ནཾ. ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༡༨༠. ‘‘ཡཱ པ་ན བྷི་ཀྑུ་ནཱི ཨ་གི་ལཱ་ནཱ ཚ་ཏྟུ་པཱ་ཧ་ནཾ དྷཱ་རེ་ཡྻ, པཱ་ཙི་ཏྟི་ཡ’’ནྟི.
༡༡༨༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་གི་ལཱ་ནཱ ནཱ་མ ཡ་སྶཱ ཝི་ནཱ ཚ་ཏྟུ་པཱ་ཧ་ནཾ ཕཱ་སུ ཧོ་ཏི.
གི་ལཱ་ནཱ ནཱ་མ ཡ་སྶཱ ཝི་ནཱ ཚ་ཏྟུ་པཱ་ཧ་ནཾ ན ཕཱ་སུ ཧོ་ཏི.
ཚ་ཏྟཾ ནཱ་མ ཏཱི་ཎི ཚ་ཏྟཱ་ནི – སེ་ཏ་ཙྪ་ཏྟཾ, ཀི་ལ་ཉྫ་ཙྪ་ཏྟཾ, པ་ཎྞ་ཙྪ་ཏྟཾ མ་ཎྜ་ལ་བ་དྡྷཾ ས་ལཱ་ཀ་བ་དྡྷཾ. དྷཱ་རེ་ཡྻཱཏི ས་ཀི་མྤི དྷཱ་རེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༡༨༢. ཨ་གི་ལཱ་ནཱ ཨ་གི་ལཱ་ན་ས་ཉྙཱ ཚ་ཏྟུ་པཱ་ཧ་ནཾ དྷཱ་རེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་གི་ལཱ་ནཱ ཝེ་མ་ཏི་ཀཱ ཚ་ཏྟུ་པཱ་ཧ་ནཾ དྷཱ་རེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་གི་ལཱ་ནཱ གི་ལཱ་ན་ས་ཉྙཱ ཚ་ཏྟུ་པཱ་ཧ་ནཾ དྷཱ་རེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཚ་ཏྟཾ དྷཱ་རེ་ཏི ན ཨུ་པཱ་ཧ་ནཾ, ཨཱ་པ་ཏྟི དུ་ཀྐ་ཊ་སྶ. ཨུ་པཱ་ཧ་ནཾ དྷཱ་རེ་ཏི ན ཚ་ཏྟཾ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ ཨ་གི་ལཱ་ན་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ གི་ལཱ་ན་ས་ཉྙཱ, ཨ་ནཱ་པ་ཏྟི.
༡༡༨༣. ཨ་ནཱ་པ་ཏྟི གི་ལཱ་ནཱ་ཡ, ཨཱ་རཱ་མེ ཨཱ་རཱ་མཱུ་པ་ཙཱ་རེ དྷཱ་རེ་ཏི, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
པ་ཋ་མ་སི་ཀྑཱ་པ་དཾ ནི་ཊྛི་ཏཾ.
༢. དུ་ཏི་ཡ་སི་ཀྑཱ་པ་དཾ
༡༡༨༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཡཱ་ནེ་ན ཡཱ་ཡ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཡཱ་ནེ་ན ཡཱ་ཡི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ. … ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཡཱ་ནེ་ན ཡཱ་ཡི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཡཱ་ནེ་ན ཡཱ་ཡ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཡཱ་ནེ་ན ཡཱ་ཡི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
‘‘ཡཱ པ་ན བྷི་ཀྑུ་ནཱི ཡཱ་ནེ་ན ཡཱ་ཡེ་ཡྻ, པཱ་ཙི་ཏྟི་ཡ’’ནྟི.
ཨེ་ཝ་ཉྩི་དཾ བྷ་ག་ཝ་ཏཱ བྷི་ཀྑུ་ནཱི་ནཾ སི་ཀྑཱ་པ་དཾ པ་ཉྙ་ཏྟཾ ཧོ་ཏི.
༡༡༨༥. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ བྷི་ཀྑུ་ནཱི གི་ལཱ་ནཱ ཧོ་ཏི, ན ས་ཀྐོ་ཏི པ་ད་སཱ ག་ནྟུཾ…པེ… བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ཨ་ནུ་ཛཱ་ནཱ་མི, བྷི་ཀྑ་ཝེ, གི་ལཱ་ནཱ་ཡ བྷི་ཀྑུ་ནི་ཡཱ ཡཱ་ནཾ. ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༡༨༦. ‘‘ཡཱ པ་ན བྷི་ཀྑུ་ནཱི ཨ་གི་ལཱ་ནཱ ཡཱ་ནེ་ན ཡཱ་ཡེ་ཡྻ, པཱ་ཙི་ཏྟི་ཡ’’ནྟི.
༡༡༨༧. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་གི་ལཱ་ནཱ ནཱ་མ ས་ཀྐོ་ཏི པ་ད་སཱ ག་ནྟུཾ.
གི་ལཱ་ནཱ ནཱ་མ ན ས་ཀྐོ་ཏི པ་ད་སཱ ག་ནྟུཾ.
ཡཱ་ནཾ ནཱ་མ ཝ་ཡ྄ཧཾ ར་ཐོ ས་ཀ་ཊཾ ས་ནྡ་མཱ་ནི་ཀཱ སི་ཝི་ཀཱ པཱ་ཊ་ངྐཱི.
ཡཱ་ཡེ་ཡྻཱཏི ས་ཀི་མྤི ཡཱ་ནེ་ན ཡཱ་ཡ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༡༨༨. ཨ་གི་ལཱ་ནཱ ཨ་གི་ལཱ་ན་ས་ཉྙཱ ཡཱ་ནེ་ན ཡཱ་ཡ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་གི་ལཱ་ནཱ ཝེ་མ་ཏི་ཀཱ ཡཱ་ནེ་ན ཡཱ་ཡ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་གི་ལཱ་ནཱ གི་ལཱ་ན་ས་ཉྙཱ ཡཱ་ནེ་ན ཡཱ་ཡ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
གི་ལཱ་ནཱ ཨ་གི་ལཱ་ན་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. གི་ལཱ་ནཱ གི་ལཱ་ན་ས་ཉྙཱ, ཨ་ནཱ་པ་ཏྟི.
༡༡༨༩. ཨ་ནཱ་པ་ཏྟི གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
དུ་ཏི་ཡ་སི་ཀྑཱ་པ་དཾ ནི་ཊྛི་ཏཾ.
༣. ཏ་ཏི་ཡ་སི་ཀྑཱ་པ་དཾ
༡༡༩༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ བྷི་ཀྑུ་ནཱི ཨ་ཉྙ་ཏ་རི་སྶཱ ཨི་ཏྠི་ཡཱ ཀུ་ལཱུ་པི་ཀཱ ཧོ་ཏི. ཨ་ཐ ཁོ སཱ ཨི་ཏྠཱི ཏཾ བྷི་ཀྑུ་ནིཾ ཨེ་ཏ་ད་ཝོ་ཙ – ‘‘ཧ་ནྡཱ་ཡྻེ, ཨི་མཾ ས་ངྒྷཱ་ཎིཾ ཨ་མུ་ཀཱ་ཡ ནཱ་མ ཨི་ཏྠི་ཡཱ དེ་ཧཱི’’ཏི. ཨ་ཐ ཁོ སཱ བྷི་ཀྑུ་ནཱི – ‘‘ས་ཙཱ་ཧཾ པ་ཏྟེ་ན ཨཱ་དཱ་ཡ ག་ཙྪཱ་མི ཝི་སྶ་རོ མེ བྷ་ཝི་སྶ་ཏཱི’’ཏི པ་ཊི་མུ་ཉྩི་ཏྭཱ ཨ་ག་མཱ་སི. ཏ་སྶཱ ར་ཐི་ཀཱ་ཡ སུ་ཏྟ་ཀེ ཚི་ནྣེ ཝི་པྤ་ཀི་རི་ཡིཾ་སུ. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ས་ངྒྷཱ་ཎིཾ དྷཱ་རེ་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ. … ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི ས་ངྒྷཱ་ཎིཾ དྷཱ་རེ་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི ས་ངྒྷཱ་ཎིཾ དྷཱ་རེ་ཏཱི’’ཏི [དྷཱ་རེ་སཱི་ཏི (ཀ.)]? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི ས་ངྒྷཱ་ཎིཾ དྷཱ་རེ་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༡༩༡. ‘‘ཡཱ པ་ན བྷི་ཀྑུ་ནཱི ས་ངྒྷཱ་ཎིཾ དྷཱ་རེ་ཡྻ, པཱ་ཙི་ཏྟི་ཡ’’ནྟི.
༡༡༩༢. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ས་ངྒྷཱ་ཎི ནཱ་མ ཡཱ ཀཱ་ཙི ཀ་ཊཱུ་པ་གཱ.
དྷཱ་རེ་ཡྻཱཏི ས་ཀི་མྤི དྷཱ་རེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༡༩༣. ཨ་ནཱ་པ་ཏྟི ཨཱ་བཱ་དྷ་པྤ་ཙྩ་ཡཱ, ཀ་ཊི་སུ་ཏྟ་ཀཾ དྷཱ་རེ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཏ་ཏི་ཡ་སི་ཀྑཱ་པ་དཾ ནི་ཊྛི་ཏཾ.
༤. ཙ་ཏུ་ཏྠ་སི་ཀྑཱ་པ་དཾ
༡༡༩༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཨི་ཏྠཱ་ལ་ངྐཱ་རཾ དྷཱ་རེ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨི་ཏྠཱ་ལ་ངྐཱ་རཾ དྷཱ་རེ་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཨི་ཏྠཱ་ལ་ངྐཱ་རཾ དྷཱ་རེ་སྶ་ནྟཱི’’ཏི …པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཨི་ཏྠཱ་ལ་ངྐཱ་རཾ དྷཱ་རེ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཨི་ཏྠཱ་ལ་ངྐཱ་རཾ དྷཱ་རེ་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༡༩༥. ‘‘ཡཱ པ་ན བྷི་ཀྑུ་ནཱི ཨི་ཏྠཱ་ལ་ངྐཱ་རཾ དྷཱ་རེ་ཡྻ, པཱ་ཙི་ཏྟི་ཡ’’ནྟི.
༡༡༩༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨི་ཏྠཱ་ལ་ངྐཱ་རོ ནཱ་མ སཱི་སཱུ་པ་གོ གཱི་ཝཱུ་པ་གོ ཧ་ཏྠཱུ་པ་གོ པཱ་དཱུ་པ་གོ ཀ་ཊཱུ་པ་གོ. དྷཱ་རེ་ཡྻཱཏི ས་ཀི་མྤི དྷཱ་རེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༡༩༧. ཨ་ནཱ་པ་ཏྟི ཨཱ་བཱ་དྷ་པ་ཙྩ་ཡཱ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.
༥. པ་ཉྩ་མ་སི་ཀྑཱ་པ་དཾ
༡༡༩༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ག་ནྡྷ་ཝ་ཎྞ་ཀེ་ན ན་ཧཱ་ཡ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ག་ནྡྷ་ཝ་ཎྞ་ཀེ་ན ན་ཧཱ་ཡི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ག་ནྡྷ་ཝ་ཎྞ་ཀེ་ན ན་ཧཱ་ཡི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ག་ནྡྷ་ཝ་ཎྞ་ཀེ་ན ན་ཧཱ་ཡ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ག་ནྡྷ་ཝ་ཎྞ་ཀེ་ན ན་ཧཱ་ཡི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༡༩༩. ‘‘ཡཱ པ་ན བྷི་ཀྑུ་ནཱི ག་ནྡྷ་ཝ་ཎྞ་ཀེ་ན ན་ཧཱ་ཡེ་ཡྻ, པཱ་ཙི་ཏྟི་ཡ’’ནྟི.
༡༢༠༠. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ག་ནྡྷོ ནཱ་མ ཡོ ཀོ་ཙི ག་ནྡྷོ. ཝ་ཎྞ་ཀཾ ནཱ་མ ཡཾ ཀི་ཉྩི ཝ་ཎྞ་ཀཾ. ན་ཧཱ་ཡེ་ཡྻཱཏི ན་ཧཱ་ཡ་ཏི. པ་ཡོ་གེ དུ་ཀྐ་ཊཾ, ན་ཧཱ་ན་པ་རི་ཡོ་སཱ་ནེ ཨཱ་པ་ཏྟི པཱ་ཙི་ཏྟི་ཡ་སྶ.
༡༢༠༡. ཨ་ནཱ་པ་ཏྟི ཨཱ་བཱ་དྷ་པྤ་ཙྩ་ཡཱ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
པ་ཉྩ་མ་སི་ཀྑཱ་པ་དཾ ནི་ཊྛི་ཏཾ.
༦. ཚ་ཊྛ་སི་ཀྑཱ་པ་དཾ
༡༢༠༢. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑུ་ནི་ཡོ ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡི་སྶ་ནྟི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑུ་ནི་ཡོ ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, ཚ་བྦ་གྒི་ཡཱ བྷི་ཀྑུ་ནི་ཡོ ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༠༣. ‘‘ཡཱ པ་ན བྷི་ཀྑུ་ནཱི ཝཱ་སི་ཏ་ཀེ་ན པི་ཉྙཱ་ཀེ་ན ན་ཧཱ་ཡེ་ཡྻ, པཱ་ཙི་ཏྟི་ཡ’’ནྟི.
༡༢༠༤. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཝཱ་སི་ཏ་ཀཾ ནཱ་མ ཡཾ ཀི་ཉྩི ག་ནྡྷ་ཝཱ་སི་ཏ་ཀཾ. པི་ཉྙཱ་ཀཾ ནཱ་མ ཏི་ལ་པི་ཊྛཾ ཝུ་ཙྩ་ཏི. ན་ཧཱ་ཡེ་ཡྻཱཏི ན་ཧཱ་ཡ་ཏི. པ་ཡོ་གེ དུ་ཀྐ་ཊཾ, ན་ཧཱ་ན་པ་རི་ཡོ་སཱ་ནེ ཨཱ་པ་ཏྟི པཱ་ཙི་ཏྟི་ཡ་སྶ.
༡༢༠༥. ཨ་ནཱ་པ་ཏྟི ཨཱ་བཱ་དྷ་པྤ་ཙྩ་ཡཱ, པ་ཀ་ཏི་པི་ཉྙཱ་ཀེ་ན ན་ཧཱ་ཡ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཚ་ཊྛ་སི་ཀྑཱ་པ་དཾ ནི་ཊྛི་ཏཾ.
༧. ས་ཏྟ་མ་སི་ཀྑཱ་པ་དཾ
༡༢༠༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ བྷི་ཀྑུ་ནི་ཡཱ ཨུ་མྨ་དྡཱ་པེ་ནྟི་པི པ་རི་མ་དྡཱ་པེ་ནྟི་པི. མ་ནུ་སྶཱ ཝི་ཧཱ་ར་ཙཱ་རི་ཀཾ ཨཱ་ཧི་ཎྜ་ནྟཱ པ་སྶི་ཏྭཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ བྷི་ཀྑུ་ནི་ཡཱ ཨུ་མྨ་དྡཱ་པེ་སྶ་ནྟི་པི པ་རི་མ་དྡཱ་པེ་སྶ་ནྟི་པི སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ བྷི་ཀྑུ་ནི་ཡཱ ཨུ་མྨ་དྡཱ་པེ་སྶ་ནྟི་པི པ་རི་མ་དྡཱ་པེ་སྶ་ནྟི་པཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ བྷི་ཀྑུ་ནི་ཡཱ ཨུ་མྨ་དྡཱ་པེ་ནྟི་པི པ་རི་མ་དྡཱ་པེ་ནྟི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ བྷི་ཀྑུ་ནི་ཡཱ ཨུ་མྨ་དྡཱ་པེ་སྶ་ནྟི་པི པ་རི་མ་དྡཱ་པེ་སྶ་ནྟི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༠༧. ‘‘ཡཱ པ་ན བྷི་ཀྑུ་ནཱི བྷི་ཀྑུ་ནི་ཡཱ ཨུ་མྨ་དྡཱ་པེ་ཡྻ ཝཱ པ་རི་མ་དྡཱ་པེ་ཡྻ ཝཱ, པཱ་ཙི་ཏྟི་ཡ’’ནྟི.
༡༢༠༨. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
བྷི་ཀྑུ་ནི་ཡཱཏི ཨ་ཉྙཱ་ཡ བྷི་ཀྑུ་ནི་ཡཱ. ཨུ་མྨ་དྡཱ་པེ་ཡྻ ཝཱཏི ཨུ་མྨ་དྡཱ་པེ་ཏི [ཨུ་བྦ་ཊྚཱ་པེ་ཏི (སཱི.)], ཨཱ་པ་ཏྟི པཱ་ཙི་ཏྟི་ཡ་སྶ. པ་རི་མ་དྡཱ་པེ་ཡྻ ཝཱཏི ས་མྦཱ་ཧཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༢༠༩. ཨ་ནཱ་པ་ཏྟི གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.
༨-༩-༡༠. ཨ་ཊྛ་མ-ན་ཝ་མ-ད་ས་མ་སི་ཀྑཱ་པ་དཾ
༡༢༡༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ སི་ཀྑ་མཱ་ནཱ་ཡ ཨུ་མྨ་དྡཱ་པེ་ནྟི་པི པ་རི་མ་དྡཱ་པེ་ནྟི་པི…པེ… སཱ་མ་ཎེ་རི་ཡཱ ཨུ་མྨ་དྡཱ་པེ་ནྟི་པི པ་རི་མ་དྡཱ་པེ་ནྟི་པི…པེ… གི་ཧི་ནི་ཡཱ ཨུ་མྨ་དྡཱ་པེ་ནྟི་པི པ་རི་མ་དྡཱ་པེ་ནྟི་པི. མ་ནུ་སྶཱ ཝི་ཧཱ་ར་ཙཱ་རི་ཀཾ ཨཱ་ཧི་ཎྜ་ནྟཱ པ་སྶི་ཏྭཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ གི་ཧི་ནི་ཡཱ ཨུ་མྨ་དྡཱ་པེ་སྶ་ནྟི་པི པ་རི་མ་དྡཱ་པེ་སྶ་ནྟི་པི, སེ་ཡྻ་ཐཱ་པི གི་ཧི་ནི་ཡོ ཀཱ་མ་བྷོ་གི་ནི་ཡོ’’ཏི! ཨ་སྶོ་སུཾ ཁོ བྷི་ཀྑུ་ནི་ཡོ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ཀ་ཐ་ཉྷི ནཱ་མ བྷི་ཀྑུ་ནི་ཡོ གི་ཧི་ནི་ཡཱ ཨུ་མྨ་དྡཱ་པེ་སྶ་ནྟི་པི པ་རི་མ་དྡཱ་པེ་སྶ་ནྟི་པཱི་ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ གི་ཧི་ནི་ཡཱ ཨུ་མྨ་དྡཱ་པེ་ནྟི་པི པ་རི་མ་དྡཱ་པེ་ནྟི་པཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ གི་ཧི་ནི་ཡཱ ཨུ་མྨ་དྡཱ་པེ་སྶ་ནྟི་པི པ་རི་མ་དྡཱ་པེ་སྶ་ནྟི་པི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༡༡. ‘‘ཡཱ པ་ན བྷི་ཀྑུ་ནཱི (སི་ཀྑ་མཱ་ནཱ་ཡ…པེ… སཱ་མ་ཎེ་རི་ཡཱ…པེ…) གི་ཧི་ནི་ཡཱ ཨུ་མྨ་དྡཱ་པེ་ཡྻ ཝཱ པ་རི་མ་དྡཱ་པེ་ཡྻ ཝཱ, པཱ་ཙི་ཏྟི་ཡ’’ནྟི.
༡༢༡༢. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
སི་ཀྑ་མཱ་ནཱ ནཱ་མ དྭེ ཝ་སྶཱ་ནི ཚ་སུ དྷ་མྨེ་སུ སི་ཀྑི་ཏ་སི་ཀྑཱ.
སཱ་མ་ཎེ་རཱི ནཱ་མ ད་ས་སི་ཀྑཱ་པ་དི་ཀཱ.
གི་ཧི་ནཱི ནཱ་མ ཨ་གཱ་རི་ནཱི ཝུ་ཙྩ་ཏི.
ཨུ་མྨ་དྡཱ་པེ་ཡྻ ཝཱཏི ཨུ་མྨ་དྡཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
པ་རི་མ་དྡཱ་པེ་ཡྻ ཝཱཏི ས་མྦཱ་ཧཱ་པེ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༢༡༣. ཨ་ནཱ་པ་ཏྟི གི་ལཱ་ནཱ་ཡ [ཨཱ་བཱ་དྷ་པྤ་ཙྩ་ཡཱ (ཀ.)], ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཨ་ཊྛ་མ ན་ཝ་མ ད་ས་མ་སི་ཀྑཱ་པ་དཱ་ནི ནི་ཊྛི་ཏཱ་ནི.
༡༡. ཨེ་ཀཱ་ད་ས་མ་སི་ཀྑཱ་པ་དཾ
༡༢༡༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་ད་ནྟི. བྷི་ཀྑཱུ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་དི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་ད་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་དི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༡༥. ‘‘ཡཱ པ་ན བྷི་ཀྑུ་ནཱི བྷི་ཀྑུ་སྶ པུ་ར་ཏོ ཨ་ནཱ་པུ་ཙྪཱ ཨཱ་ས་ནེ ནི་སཱི་དེ་ཡྻ, པཱ་ཙི་ཏྟི་ཡ’’ནྟི.
༡༢༡༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
བྷི་ཀྑུ་སྶ པུ་ར་ཏོཏི ཨུ་པ་ས་མྤ་ནྣ་སྶ པུ་ར་ཏོ. ཨ་ནཱ་པུ་ཙྪཱཏི ཨ་ན་པ་ལོ་ཀེ་ཏྭཱ. ཨཱ་ས་ནེ ནི་སཱི་དེ་ཡྻཱཏི ཨ་ནྟ་མ་སོ ཚ་མཱ་ཡ་པི ནི་སཱི་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༢༡༧. ཨ་ནཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ ཨཱ་ས་ནེ ནི་སཱི་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཝེ་མ་ཏི་ཀཱ ཨཱ་ས་ནེ ནི་སཱི་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ ཨཱ་ས་ནེ ནི་སཱི་ད་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཨཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ, ཨ་ནཱ་པ་ཏྟི.
༡༢༡༨. ཨ་ནཱ་པ་ཏྟི ཨཱ་པུ་ཙྪཱ ཨཱ་ས་ནེ ནི་སཱི་ད་ཏི, གི་ལཱ་ནཱ་ཡ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཨེ་ཀཱ་ད་ས་མ་སི་ཀྑཱ་པ་དཾ ནི་ཊྛི་ཏཾ.
༡༢. དྭཱ་ད་ས་མ་སི་ཀྑཱ་པ་དཾ
༡༢༡༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན བྷི་ཀྑུ་ནི་ཡོ ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪ་ནྟི. བྷི་ཀྑཱུ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནི་ཡོ ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪི་སྶ་ནྟཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནི་ཡོ ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪ་ནྟཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནི་ཡོ ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪི་སྶ་ནྟི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༢༠. ‘‘ཡཱ པ་ན བྷི་ཀྑུ་ནཱི ཨ་ནོ་ཀཱ་ས་ཀ་ཏཾ བྷི་ཀྑུཾ པ་ཉྷཾ པུ་ཙྪེ་ཡྻ, པཱ་ཙི་ཏྟི་ཡ’’ནྟི.
༡༢༢༡. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་ནོ་ཀཱ་ས་ཀ་ཏནྟི ཨ་ནཱ་པུ་ཙྪཱ. བྷི་ཀྑུནྟི ཨུ་པ་ས་མྤ་ནྣཾ. པ་ཉྷཾ པུ་ཙྪེ་ཡྻཱཏི སུ་ཏྟ་ནྟེ ཨོ་ཀཱ་སཾ ཀཱ་རཱ་པེ་ཏྭཱ ཝི་ན་ཡཾ ཝཱ ཨ་བྷི་དྷ་མྨཾ ཝཱ པུ་ཙྪ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཝི་ན་ཡེ ཨོ་ཀཱ་སཾ ཀཱ་རཱ་པེ་ཏྭཱ སུ་ཏྟ་ནྟཾ ཝཱ ཨ་བྷི་དྷ་མྨཾ ཝཱ པུ་ཙྪ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་བྷི་དྷ་མྨེ ཨོ་ཀཱ་སཾ ཀཱ་རཱ་པེ་ཏྭཱ སུ་ཏྟ་ནྟཾ ཝཱ ཝི་ན་ཡཾ ཝཱ པུ་ཙྪ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
༡༢༢༢. ཨ་ནཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ པ་ཉྷཾ པུ་ཙྪ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཝེ་མ་ཏི་ཀཱ པ་ཉྷཾ པུ་ཙྪ་ཏི, ཨཱ་པ་ཏྟི པཱ་ཙི་ཏྟི་ཡ་སྶ. ཨ་ནཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ པ་ཉྷཾ པུ་ཙྪ་ཏི, ཨཱ་པ་ཏྟི པཱ་ཙི་ཏྟི་ཡ་སྶ.
ཨཱ་པུ་ཙྪི་ཏེ ཨ་ནཱ་པུ་ཙྪི་ཏ་ས་ཉྙཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཝེ་མ་ཏི་ཀཱ, ཨཱ་པ་ཏྟི དུ་ཀྐ་ཊ་སྶ. ཨཱ་པུ་ཙྪི་ཏེ ཨཱ་པུ་ཙྪི་ཏ་ས་ཉྙཱ, ཨ་ནཱ་པ་ཏྟི.
༡༢༢༣. ཨ་ནཱ་པ་ཏྟི ཨོ་ཀཱ་སཾ ཀཱ་རཱ་པེ་ཏྭཱ པུ་ཙྪ་ཏི, ཨ་ནོ་དི་སྶ ཨོ་ཀཱ་སཾ ཀཱ་རཱ་པེ་ཏྭཱ ཡ་ཏྠ ཀ་ཏྠ་ཙི པུ་ཙྪ་ཏི, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
དྭཱ་ད་ས་མ་སི་ཀྑཱ་པ་དཾ ནི་ཊྛི་ཏཾ.
༡༣. ཏེ་ར་ས་མ་སི་ཀྑཱ་པ་དཾ
༡༢༢༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཱ བྷི་ཀྑུ་ནཱི ཨ་ས་ངྐ་ཙྩི་ཀཱ [ཨ་ས་ངྐ་ཙྪི་ཀཱ (སྱཱ.)] གཱ་མཾ པི་ཎྜཱ་ཡ པཱ་ཝི་སི. ཏ་སྶཱ ར་ཐི་ཀཱ་ཡ ཝཱ་ཏ་མ་ཎྜ་ལི་ཀཱ ས་ངྒྷཱ་ཊི་ཡོ ཨུ་ཀྑི་པིཾ་སུ. མ་ནུ་སྶཱ ཨུ་ཀྐུ་ཊྛིཾ ཨ་ཀཾ་སུ – ‘‘སུ་ནྡ་རཱ ཨ་ཡྻཱ་ཡ ཐ་ནུ་ད་རཱ’’ཏི. སཱ བྷི་ཀྑུ་ནཱི ཏེ་ཧི མ་ནུ་སྶེ་ཧི ཨུ་པྤ་ཎྜི་ཡ་མཱ་ནཱ མ་ངྐུ ཨ་ཧོ་སི. ཨ་ཐ ཁོ སཱ བྷི་ཀྑུ་ནཱི ཨུ་པ་སྶ་ཡཾ ག་ནྟྭཱ བྷི་ཀྑུ་ནཱི་ནཾ ཨེ་ཏ་མ་ཏྠཾ ཨཱ་རོ་ཙེ་སི. ཡཱ ཏཱ བྷི་ཀྑུ་ནི་ཡོ ཨ་པྤི་ཙྪཱ…པེ… ཏཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ བྷི་ཀྑུ་ནཱི ཨ་ས་ངྐ་ཙྩི་ཀཱ གཱ་མཾ པ་ཝི་སི་སྶ་ཏཱི’’ཏི…པེ… ས་ཙྩཾ ཀི་ར, བྷི་ཀྑ་ཝེ, བྷི་ཀྑུ་ནཱི ཨ་ས་ངྐ་ཙྩི་ཀཱ གཱ་མཾ པཱ་ཝི་སཱི་ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ, བྷི་ཀྑ་ཝེ, བྷི་ཀྑུ་ནཱི ཨ་ས་ངྐ་ཙྩི་ཀཱ གཱ་མཾ པ་ཝི་སི་སྶ་ཏི! ནེ་ཏཾ, བྷི་ཀྑ་ཝེ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, བྷི་ཀྑུ་ནི་ཡོ ཨི་མཾ སི་ཀྑཱ་པ་དཾ ཨུ་དྡི་ས་ནྟུ –
༡༢༢༥. ‘‘ཡཱ པ་ན བྷི་ཀྑུ་ནཱི ཨ་ས་ངྐ་ཙྩི་ཀཱ [ཨ་ས་ངྐ་ཙྪི་ཀཱ (སྱཱ.)] གཱ་མཾ པ་ཝི་སེ་ཡྻ, པཱ་ཙི་ཏྟི་ཡ’’ནྟི.
༡༢༢༦. ཡཱ པ་ནཱཏི ཡཱ ཡཱ་དི་སཱ…པེ… བྷི་ཀྑུ་ནཱིཏི…པེ… ཨ་ཡཾ ཨི་མ་སྨིཾ ཨ་ཏྠེ ཨ་དྷི་པྤེ་ཏཱ བྷི་ཀྑུ་ནཱི་ཏི.
ཨ་ས་ངྐ་ཙྩི་ཀཱཏི ཝི་ནཱ ས་ངྐ་ཙྩི་ཀཾ.
ས་ངྐ་ཙྩི་ཀཾ ནཱ་མ ཨ་དྷ་ཀྑ་ཀཾ ཨུ་བྦྷ་ནཱ་བྷི, ཏ་སྶ པ་ཊི་ཙྪཱ་ད་ན་ཏྠཱ་ཡ.
གཱ་མཾ པ་ཝི་སེ་ཡྻཱཏི པ་རི་ཀྑི་ཏྟ་སྶ གཱ་མ་སྶ པ་རི་ཀྑེ་པཾ ཨ་ཏི་ཀྐཱ་མེ་ནྟི་ཡཱ ཨཱ་པ་ཏྟི པཱ་ཙི་ཏྟི་ཡ་སྶ. ཨ་པ་རི་ཀྑི་ཏྟ་སྶ གཱ་མ་སྶ ཨུ་པ་ཙཱ་རཾ ཨོ་ཀྐ་མ་ནྟི་ཡཱ ཨཱ་པ་ཏྟི པཱ་ཙི་ཏྟི་ཡ་སྶ.
༡༢༢༧. ཨ་ནཱ་པ་ཏྟི ཨ་ཙྪི་ནྣ་ཙཱི་ཝ་རི་ཀཱ་ཡ, ན་ཊྛ་ཙཱི་ཝ་རི་ཀཱ་ཡ, གི་ལཱ་ནཱ་ཡ, ཨ་སྶ་ཏི་ཡཱ, ཨ་ཛཱ་ན་ནྟི་ཡཱ, ཨཱ་པ་དཱ་སུ, ཨུ་མྨ་ཏྟི་ཀཱ་ཡ, ཨཱ་དི་ཀ་མྨི་ཀཱ་ཡཱ་ཏི.
ཏེ་ར་ས་མ་སི་ཀྑཱ་པ་དཾ ནི་ཊྛི་ཏཾ.
ཚ་ཏྟུ་པཱ་ཧ་ན་ཝ་གྒོ ན་ཝ་མོ.
ཨུ་དྡི་ཊྛཱ ཁོ, ཨ་ཡྻཱ་ཡོ, ཚ་ས་ཊྛི་ས་ཏཱ པཱ་ཙི་ཏྟི་ཡཱ དྷ་མྨཱ. ཏ་ཏྠཱ་ཡྻཱ་ཡོ པུ་ཙྪཱ་མི – ‘‘ཀ་ཙྩི་ཏྠ པ་རི་སུ་དྡྷཱ’’? དུ་ཏི་ཡ་མྤི པུ་ཙྪཱ་མི – ‘‘ཀ་ཙྩི་ཏྠ པ་རི་སུ་དྡྷཱ’’? ཏ་ཏི་ཡ་མྤི པུ་ཙྪཱ་མི – ‘‘ཀ་ཙྩི་ཏྠ པ་རི་སུ་དྡྷཱ’’? པ་རི་སུ་དྡྷེ་ཏྠཱ་ཡྻཱ་ཡོ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི་ཏི.
ཁུ་དྡ་ཀཾ ས་མ་ཏྟཾ.
བྷི་ཀྑུ་ནི་ཝི་བྷ་ངྒེ པཱ་ཙི་ཏྟི་ཡ་ཀ་ཎྜཾ ནི་ཊྛི་ཏཾ.