༡. པ་རི་མ་ཎྜ་ལ་ཝ་གྒོ

ཨི་མེ ཁོ པ་ནཱ་ཡ་སྨ་ནྟོ སེ་ཁི་ཡཱ

དྷ་མྨཱ ཨུ་དྡེ་སཾ ཨཱ་ག་ཙྪ་ནྟི.

༥༧༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ པུ་ར་ཏོ་པི པ་ཙྪ་ཏོ་པི ཨོ་ལ་མྦེ་ནྟཱ ནི་ཝཱ་སེ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ས་མ་ཎཱ ས་ཀྱ་པུ་ཏྟི་ཡཱ པུ་ར་ཏོ་པི པ་ཙྪ་ཏོ་པི ཨོ་ལ་མྦེ་ནྟཱ ནི་ཝཱ་སེ་སྶ་ནྟི, སེ་ཡྻ་ཐཱ་པི གི་ཧཱི ཀཱ་མ་བྷོ་གི་ནོ’’ཏི. ཨ་སྶོ་སུཾ ཁོ བྷི་ཀྑཱུ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཡེ ཏེ བྷི་ཀྑཱུ ཨ་པྤི་ཙྪཱ…པེ… ཏེ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑཱུ པུ་ར་ཏོ་པི པ་ཙྪ་ཏོ་པི ཨོ་ལ་མྦེ་ནྟཱ ནི་ཝཱ་སེ་སྶ་ནྟཱི’’ཏི! ཨ་ཐ ཁོ ཏེ བྷི་ཀྑཱུ ཚ་བྦ་གྒི་ཡེ བྷི་ཀྑཱུ ཨ་ནེ་ཀ་པ་རི་ཡཱ་ཡེ་ན ཝི་ག་ར་ཧི་ཏྭཱ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ཐ ཁོ བྷ་ག་ཝཱ ཨེ་ཏ་སྨིཾ ནི་དཱ་ནེ ཨེ་ཏ་སྨིཾ པ་ཀ་ར་ཎེ བྷི་ཀྑུ་ས་ངྒྷཾ ས་ནྣི་པཱ་ཏཱ་པེ་ཏྭཱ ཚ་བྦ་གྒི་ཡེ བྷི་ཀྑཱུ པ་ཊི་པུ་ཙྪི – ‘‘ས་ཙྩཾ ཀི་ར ཏུ་མྷེ, བྷི་ཀྑ་ཝེ, པུ་ར་ཏོ་པི པ་ཙྪ་ཏོ་པི ཨོ་ལ་མྦེ་ནྟཱ ནི་ཝཱ་སེ་ཐཱ’’ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ ཏུ་མྷེ, མོ་གྷ་པུ་རི་སཱ, པུ་ར་ཏོ་པི པ་ཙྪ་ཏོ་པི ཨོ་ལ་མྦེ་ནྟཱ ནི་ཝཱ་སེ་སྶ་ཐ! ནེ་ཏཾ, མོ་གྷ་པུ་རི་སཱ, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཨེ་ཝ་ཉྩ པ་ན, བྷི་ཀྑ་ཝེ, ཨི་མཾ སི་ཀྑཱ་པ་དཾ ཨུ་དྡི་སེ་ཡྻཱ་ཐ –

‘‘པ་རི་མ་ཎྜ་ལཾ ནི་ཝཱ་སེ་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

པ་རི་མ་ཎྜ་ལཾ ནི་ཝཱ་སེ་ཏ་བྦཾ ནཱ་བྷི་མ་ཎྜ་ལཾ ཛཱ་ཎུ་མ་ཎྜ་ལཾ པ་ཊི་ཙྪཱ་དེ་ནྟེ་ན. ཡོ ཨ་ནཱ་ད་རི་ཡཾ པ་ཊི་ཙྩ པུ་ར་ཏོ ཝཱ པ་ཙྪ་ཏོ ཝཱ ཨོ་ལ་མྦེ་ནྟོ ནི་ཝཱ་སེ་ཏི, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ, ཨ་སྶ་ཏི་ཡཱ, ཨ་ཛཱ་ན་ནྟ་སྶ, གི་ལཱ་ན་སྶ, ཨཱ་པ་དཱ་སུ, ཨུ་མྨ་ཏྟ་ཀ་སྶ,

ཨཱ་དི་ཀ་མྨི་ཀ་སྶཱ་ཏི.

པ་ཋ་མ་སི་ཀྑཱ་པ་དཾ ནི་ཊྛི་ཏཾ.

༥༧༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ པུ་ར་ཏོ་པི པ་ཙྪ་ཏོ་པི ཨོ་ལ་མྦེ་ནྟཱ པཱ་རུ་པ་ནྟི…པེ….

‘‘པ་རི་མ་ཎྜ་ལཾ པཱ་རུ་པི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

པ་རི་མ་ཎྜ་ལཾ པཱ་རུ་པི་ཏ་བྦཾ ཨུ་བྷོ ཀ་ཎྞེ ས་མཾ ཀ་ཏྭཱ. ཡོ ཨ་ནཱ་ད་རི་ཡཾ པ་ཊི་ཙྩ པུ་ར་ཏོ ཝཱ པ་ཙྪ་ཏོ ཝཱ ཨོ་ལ་མྦེ་ནྟོ པཱ་རུ་པ་ཏི, ཨཱ་པ་ཏྟི དུ་ཀྐ་ཊ་སྶ.

ཨཱ་དི་ཀ་མྨི་ཀ་སྶཱ་ཏི.

དུ་ཏི་ཡ་སི་ཀྑཱ་པ་དཾ ནི་ཊྛི་ཏཾ.

༥༧༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཀཱ་ཡཾ ཝི་ཝ་རི་ཏྭཱ ཨ་ནྟ་ར་གྷ་རེ ག་ཙྪ་ནྟི…པེ….

‘‘སུ་པྤ་ཊི་ཙྪ་ནྣོ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

སུ་པྤ་ཊི་ཙྪ་ནྣེ་ན ཨ་ནྟ་ར་གྷ་རེ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཀཱ་ཡཾ ཝི་ཝ་རི་ཏྭཱ ཨ་ནྟ་ར་གྷ་རེ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ.

ཨཱ་དི་ཀ་མྨི་ཀ་སྶཱ་ཏི.

ཏ་ཏི་ཡ་སི་ཀྑཱ་པ་དཾ ནི་ཊྛི་ཏཾ.

༥༧༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཀཱ་ཡཾ ཝི་ཝ་རི་ཏྭཱ ཨ་ནྟ་ར་གྷ་རེ ནི་སཱི་ད་ནྟི…པེ….

‘‘སུ་པྤ་ཊི་ཙྪ་ནྣོ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

སུ་པྤ་ཊི་ཙྪ་ནྣེ་ན ཨ་ནྟ་ར་གྷ་རེ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཀཱ་ཡཾ ཝི་ཝ་རི་ཏྭཱ ཨ་ནྟ་ར་གྷ་རེ ནི་སཱི་ད་ཏི, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ, ཨ་སྶ་ཏི་ཡཱ, ཨ་ཛཱ་ན་ནྟ་སྶ, གི་ལཱ་ན་སྶ, ཝཱ་སཱུ་པ་ག་ཏ་སྶ, ཨཱ་པ་དཱ་སུ, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.

༥༨༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཧ་ཏྠ་མྤི པཱ་ད་མྤི ཀཱི་ལཱ༹་པེ་ནྟཱ ཨ་ནྟ་ར་གྷ་རེ ག་ཙྪ་ནྟི…པེ….

‘‘སུ་སཾ་ཝུ་ཏོ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

སུ་སཾ་ཝུ་ཏེ་ན ཨ་ནྟ་ར་གྷ་རེ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཧ་ཏྠཾ ཝཱ པཱ་དཾ ཝཱ ཀཱི་ལཱ༹་པེ་ནྟོ ཨ་ནྟ་ར་གྷ་རེ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ, ཨ་སྶ་ཏི་ཡཱ, ཨ་ཛཱ་ན་ནྟ་སྶ, གི་ལཱ་ན་སྶ, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

པ་ཉྩ་མ་སི་ཀྑཱ་པ་དཾ ནི་ཊྛི་ཏཾ.

༥༨༡. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཧ་ཏྠ་མྤི པཱ་ད་མྤི ཀཱི་ལཱ༹་པེ་ནྟཱ ཨ་ནྟ་ར་གྷ་རེ ནི་སཱི་ད་ནྟི…པེ….

‘‘སུ་སཾ་ཝུ་ཏོ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

སུ་སཾ་ཝུ་ཏེ་ན ཨ་ནྟ་ར་གྷ་རེ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཧ་ཏྠཾ ཝཱ པཱ་དཾ ཝཱ ཀཱི་ལཱ༹་པེ་ནྟོ ཨ་ནྟ་ར་གྷ་རེ ནི་སཱི་ད་ཏི, ཨཱ་པ་ཏྟི དུ་ཀྐ་ཊ་སྶ.

ཚ་ཊྛ་སི་ཀྑཱ་པ་དཾ ནི་ཊྛི་ཏཾ.

༥༨༢. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཏ་ཧཾ ཏ་ཧཾ ཨོ་ལོ་ཀེ་ནྟཱ ཨ་ནྟ་ར་གྷ་རེ ག་ཙྪ་ནྟི…པེ….

‘‘ཨོ་ཀྑི་ཏྟ་ཙ་ཀྑུ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ཨོ་ཀྑི་ཏྟ་ཙ་ཀྑུ་ནཱ ཨ་ནྟ་ར་གྷ་རེ ག་ནྟ་བྦཾ ཡུ་ག་མ་ཏྟཾ པེ་ཀྑ་ནྟེ་ན. ཡོ ཨ་ནཱ་ད་རི་ཡཾ པ་ཊི་ཙྩ ཏ་ཧཾ ཏ་ཧཾ ཨོ་ལོ་ཀེ་ནྟོ ཨ་ནྟ་ར་གྷ་རེ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ.

ཨཱ་དི་ཀ་མྨི་ཀ་སྶཱ་ཏི.

ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.

༥༨༣. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཏ་ཧཾ ཏ་ཧཾ ཨོ་ལོ་ཀེ་ནྟཱ ཨ་ནྟ་ར་གྷ་རེ ནི་སཱི་ད་ནྟི…པེ….

‘‘ཨོ་ཀྑི་ཏྟ་ཙ་ཀྑུ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ཨོ་ཀྑི་ཏྟ་ཙ་ཀྑུ་ནཱ ཨ་ནྟ་ར་གྷ་རེ ནི་སཱི་དི་ཏ་བྦཾ ཡུ་ག་མ་ཏྟཾ པེ་ཀྑ་ནྟེ་ན. ཡོ ཨ་ནཱ་ད་རི་ཡཾ པ་ཊི་ཙྩ ཏ་ཧཾ ཏ་ཧཾ ཨོ་ལོ་ཀེ་ནྟོ ཨ་ནྟ་ར་གྷ་རེ ནི་སཱི་ད་ཏི, ཨཱ་པ་ཏྟི དུ་ཀྐ་ཊ་སྶ.

ཨཱ་དི་ཀ་མྨི་ཀ་སྶཱ་ཏི.

ཨ་ཊྛ་མ་སི་ཀྑཱ་པ་དཾ ནི་ཊྛི་ཏཾ.

༥༨༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ག་ཙྪ་ནྟི…པེ….

‘‘ན ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཨེ་ཀ་ཏོ ཝཱ ཨུ་བྷ་ཏོ ཝཱ ཨུ་ཀྑི་པི་ཏྭཱ ཨ་ནྟ་ར་གྷ་རེ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ.

ཨཱ་དི་ཀ་མྨི་ཀ་སྶཱ་ཏི.

ན་ཝ་མ་སི་ཀྑཱ་པ་དཾ ནི་ཊྛི་ཏཾ.

༥༨༥. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ནི་སཱི་ད་ནྟི…པེ….

‘‘ན ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན ཨུ་ཀྑི་ཏྟ་ཀཱ་ཡ ཨ་ནྟ་ར་གྷ་རེ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཨེ་ཀ་ཏོ ཝཱ ཨུ་བྷ་ཏོ ཝཱ ཨུ་ཀྑི་པི་ཏྭཱ ཨ་ནྟ་ར་གྷ་རེ ནི་སཱི་ད་ཏི, ཨཱ་པ་ཏྟི དུ་ཀྐ་ཊ་སྶ.

ད་ས་མ་སི་ཀྑཱ་པ་དཾ ནི་ཊྛི་ཏཾ.

པ་རི་མ་ཎྜ་ལ་ཝ་གྒོ པ་ཋ་མོ.