༢. ཨུ་ཛྫ་གྒྷི་ཀ་ཝ་གྒོ

༥༨༦. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ མ་ཧཱ་ཧ་སི་ཏཾ ཧ་ས་ནྟཱ ཨ་ནྟ་ར་གྷ་རེ ག་ཙྪ་ནྟི…པེ….

‘‘ན ཨུ་ཛྫ་གྒྷི་ཀཱ་ཡ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན ཨུ་ཛྫ་གྒྷི་ཀཱ་ཡ ཨ་ནྟ་ར་གྷ་རེ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ མ་ཧཱ་ཧ་སི་ཏཾ ཧ་ས་ནྟོ ཨ་ནྟ་ར་གྷ་རེ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ, ཨ་སྶ་ཏི་ཡཱ, ཨ་ཛཱ་ན་ནྟ་སྶ, གི་ལཱ་ན་སྶ, ཧ་ས་ནཱི་ཡ་སྨིཾ ཝ་ཏྠུ་སྨིཾ མི་ཧི་ཏ་མ་ཏྟཾ ཀ་རོ་ཏི, ཨཱ་པ་དཱ་སུ, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

པ་ཋ་མ་སི་ཀྑཱ་པ་དཾ ནི་ཊྛི་ཏཾ.

༥༨༧. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ མ་ཧཱ་ཧ་སི་ཏཾ ཧ་ས་ནྟཱ ཨ་ནྟ་ར་གྷ་རེ ནི་སཱི་ད་ནྟི…པེ….

‘‘ན ཨུ་ཛྫ་གྒྷི་ཀཱ་ཡ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན ཨུ་ཛྫ་གྒྷི་ཀཱ་ཡ ཨ་ནྟ་ར་གྷ་རེ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ མ་ཧཱ་ཧ་སི་ཏཾ ཧ་ས་ནྟོ ཨ་ནྟ་ར་གྷ་རེ ནི་སཱི་ད་ཏི, ཨཱ་པ་ཏྟི དུ་ཀྐ་ཊ་སྶ.

དུ་ཏི་ཡ་སི་ཀྑཱ་པ་དཾ ནི་ཊྛི་ཏཾ.

༥༨༨. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨུ་ཙྩཱ་ས་དྡཾ མ་ཧཱ་ས་དྡཾ ཀ་རོ་ནྟཱ ཨ་ནྟ་ར་གྷ་རེ ག་ཙྪ་ནྟི…པེ….

‘‘ཨ་པྤ་ས་དྡོ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ཨ་པྤ་ས་དྡེ་ན ཨ་ནྟ་ར་གྷ་རེ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཨུ་ཙྩཱ་ས་དྡཾ མ་ཧཱ་ས་དྡཾ ཀ་རོ་ནྟོ ཨ་ནྟ་ར་གྷ་རེ ག་ཙྪ་ཏི, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ, ཨ་སྶ་ཏི་ཡཱ, ཨ་ཛཱ་ན་ནྟ་སྶ, གི་ལཱ་ན་སྶ, ཨཱ་པ་དཱ་སུ, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

ཏ་ཏི་ཡ་སི་ཀྑཱ་པ་དཾ ནི་ཊྛི་ཏཾ.

༥༨༩. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨུ་ཙྩཱ་ས་དྡཾ མ་ཧཱ་ས་དྡཾ ཀ་རོ་ནྟཱ ཨ་ནྟ་ར་གྷ་རེ ནི་སཱི་ད་ནྟི…པེ….

‘‘ཨ་པྤ་ས་དྡོ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ཨ་པྤ་ས་དྡེ་ན ཨ་ནྟ་ར་གྷ་རེ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཨུ་ཙྩཱ་ས་དྡཾ མ་ཧཱ་ས་དྡཾ ཀ་རོ་ནྟོ ཨ་ནྟ་ར་གྷ་རེ ནི་སཱི་ད་ཏི, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ…པེ… ཨཱ་དི་ཀ་མྨི་ཀ་སྶཱ་ཏི.

ཙ་ཏུ་ཏྠ་སི་ཀྑཱ་པ་དཾ ནི་ཊྛི་ཏཾ.

༥༩༠. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ག་ཙྪ་ནྟི ཀཱ་ཡཾ ཨོ་ལ་མྦེ་ནྟཱ…པེ….

‘‘ན ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ག་ནྟ་བྦཾ. ཀཱ་ཡཾ པ་གྒ་ཧེ་ཏྭཱ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ག་ཙྪ་ཏི ཀཱ་ཡཾ ཨོ་ལ་མྦེ་ནྟོ, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ…པེ… ཨཱ་དི་ཀ་མྨི་ཀ་སྶཱ་ཏི.

པ་ཉྩ་མ་སི་ཀྑཱ་པ་དཾ ནི་ཊྛི་ཏཾ.

༥༩༡. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་ད་ནྟི, ཀཱ་ཡཾ ཨོ་ལ་མྦེ་ནྟཱ…པེ….

‘‘ན ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་དི་ཏ་བྦཾ. ཀཱ་ཡཾ པ་གྒ་ཧེ་ཏྭཱ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ ཀཱ་ཡ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་ད་ཏི ཀཱ་ཡཾ ཨོ་ལ་མྦེ་ནྟོ, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ, ཨ་སྶ་ཏི་ཡཱ, ཨ་ཛཱ་ན་ནྟ་སྶ, གི་ལཱ་ན་སྶ, ཝཱ་སཱུ་པ་ག་ཏ་སྶ, ཨཱ་པ་དཱ་སུ, ཨུ་མྨ་ཏྟ་ཀ་སྶ, ཨཱ་དི་ཀ་མྨི་ཀ་སྶཱ་ཏི.

ཚ་ཊྛ་སི་ཀྑཱ་པ་དཾ ནི་ཊྛི་ཏཾ.

༥༩༢. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ག་ཙྪ་ནྟི བཱ་ཧུཾ ཨོ་ལ་མྦེ་ནྟཱ…པེ….

‘‘ན བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ག་ནྟ་བྦཾ. བཱ་ཧུཾ པ་གྒ་ཧེ་ཏྭཱ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ག་ཙྪ་ཏི བཱ་ཧུཾ ཨོ་ལ་མྦེ་ནྟོ, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ…པེ… ཨཱ་དི་ཀ་མྨི་ཀ་སྶཱ་ཏི.

ས་ཏྟ་མ་སི་ཀྑཱ་པ་དཾ ནི་ཊྛི་ཏཾ.

༥༩༣. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་ད་ནྟི བཱ་ཧུཾ ཨོ་ལ་མྦེ་ནྟཱ…པེ….

‘‘ན བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་དི་ཏ་བྦཾ. བཱ་ཧུཾ པ་གྒ་ཧེ་ཏྭཱ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ བཱ་ཧུ་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་ད་ཏི བཱ་ཧུཾ ཨོ་ལ་མྦེ་ནྟོ, ཨཱ་པ་ཏྟི དུ་ཀྐ་ཊ་སྶ.

ཨ་ཊྛ་མ་སི་ཀྑཱ་པ་དཾ ནི་ཊྛི་ཏཾ.

༥༩༤. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜ་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ག་ཙྪ་ནྟི སཱི་སཾ ཨོ་ལ་མྦེ་ནྟཱ…པེ….

‘‘ན སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ག་མི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ག་ནྟ་བྦཾ. སཱི་སཾ པ་གྒ་ཧེ་ཏྭཱ ག་ནྟ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ག་ཙྪ་ཏི སཱི་སཾ ཨོ་ལ་མྦེ་ནྟོ, ཨཱ་པ་ཏྟི དུ་ཀྐ་ཊ་སྶ.

ཨ་ནཱ་པ་ཏྟི ཨ་ས་ཉྩི་ཙྩ…པེ… ཨཱ་དི་ཀ་མྨི་ཀ་སྶཱ་ཏི.

ན་ཝ་མ་སི་ཀྑཱ་པ་དཾ ནི་ཊྛི་ཏཾ.

༥༩༥. ཏེ་ན ས་མ་ཡེ་ན བུ་དྡྷོ བྷ་ག་ཝཱ སཱ་ཝ་ཏྠི་ཡཾ ཝི་ཧ་ར་ཏི ཛེ་ཏ་ཝ་ནེ ཨ་ནཱ་ཐ་པི་ཎྜི་ཀ་སྶ ཨཱ་རཱ་མེ. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་ད་ནྟི སཱི་སཾ ཨོ་ལ་མྦེ་ནྟཱ…པེ….

‘‘ན སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་དི་སྶཱ་མཱི་ཏི སི་ཀྑཱ ཀ་ར་ཎཱི་ཡཱ’’ཏི.

ན སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་དི་ཏ་བྦཾ. སཱི་སཾ པ་གྒ་ཧེ་ཏྭཱ ནི་སཱི་དི་ཏ་བྦཾ. ཡོ ཨ་ནཱ་ད་རི་ཡཾ པ་ཊི་ཙྩ སཱི་ས་པྤ་ཙཱ་ལ་ཀཾ ཨ་ནྟ་ར་གྷ་རེ ནི་སཱི་ད་ཏི སཱི་སཾ ཨོ་ལ་མྦེ་ནྟོ, ཨཱ་པ་ཏྟི དུ་ཀྐ་ཊ་སྶ.

ད་ས་མ་སི་ཀྑཱ་པ་དཾ ནི་ཊྛི་ཏཾ.

ཨུ་ཛྫ་གྒྷི་ཀ་ཝ་གྒོ དུ་ཏི་ཡོ.