༢༣༢. ཨ་ཊྛ་ཙཱི་ཝ་ར་མཱ་ཏི་ཀཱ

༣༧༩. ཨ་ཊྛི་མཱ, བྷི་ཀྑ་ཝེ, མཱ་ཏི་ཀཱ ཙཱི་ཝ་ར་སྶ ཨུ་པྤཱ་དཱ་ཡ – སཱི་མཱ་ཡ དེ་ཏི, ཀ་ཏི་ཀཱ་ཡ དེ་ཏི, བྷི་ཀྑཱ་པ་ཉྙ་ཏྟི་ཡཱ དེ་ཏི, ས་ངྒྷ་སྶ དེ་ཏི, ཨུ་བྷ་ཏོ་ས་ངྒྷ་སྶ དེ་ཏི, ཝ་སྶཾ་ཝུ་ཊྛ་ས་ངྒྷ་སྶ དེ་ཏི, ཨཱ་དི་སྶ དེ་ཏི, པུ་གྒ་ལ་སྶ དེ་ཏི.

སཱི་མཱ་ཡ དེ་ཏི – ཡཱ་ཝ་ཏི་ཀཱ བྷི་ཀྑཱུ ཨ་ནྟོ་སཱི་མ་ག་ཏཱ ཏེ་ཧི བྷཱ་ཛེ་ཏ་བྦཾ. ཀ་ཏི་ཀཱ་ཡ དེ་ཏི – ས་མྦ་ཧུ་ལཱ ཨཱ་ཝཱ་སཱ ས་མཱ་ན་ལཱ་བྷཱ ཧོ་ནྟི ཨེ་ཀ་སྨིཾ ཨཱ་ཝཱ་སེ དི་ནྣེ ས་བྦ་ཏྠ དི་ནྣཾ ཧོ་ཏི. བྷི་ཀྑཱ་པ་ཉྙ་ཏྟི་ཡཱ དེ་ཏི, ཡ་ཏྠ ས་ངྒྷ་སྶ དྷུ་ཝ་ཀཱ་རཱ ཀ་རི་ཡྻ་ནྟི, ཏ་ཏྠ དེ་ཏི. ས་ངྒྷ་སྶ དེ་ཏི, ས་མྨུ་ཁཱི་བྷཱུ་ཏེ་ན ས་ངྒྷེ་ན བྷཱ་ཛེ་ཏ་བྦཾ. ཨུ་བྷ་ཏོ་ས་ངྒྷ་སྶ དེ་ཏི, བ་ཧུ་ཀཱ་པི བྷི་ཀྑཱུ ཧོ་ནྟི, ཨེ་ཀཱ བྷི་ཀྑུ་ནཱི ཧོ་ཏི, ཨུ་པ་ཌྜྷཾ དཱ་ཏ་བྦཾ, བ་ཧུ་ཀཱ་པི བྷི་ཀྑུ་ནི་ཡོ ཧོ་ནྟི, ཨེ་ཀོ བྷི་ཀྑུ ཧོ་ཏི, ཨུ་པ་ཌྜྷཾ དཱ་ཏ་བྦཾ. ཝ་སྶཾ་ཝུ་ཊྛ་ས་ངྒྷ་སྶ དེ་ཏི, ཡཱ་ཝ་ཏི་ཀཱ བྷི་ཀྑཱུ ཏ་སྨིཾ ཨཱ་ཝཱ་སེ ཝ་སྶཾ་ཝུ་ཊྛཱ, ཏེ་ཧི བྷཱ་ཛེ་ཏ་བྦཾ. ཨཱ་དི་སྶ དེ་ཏི, ཡཱ་གུ་ཡཱ ཝཱ བྷ་ཏྟེ ཝཱ ཁཱ་ད་ནཱི་ཡེ ཝཱ ཙཱི་ཝ་རེ ཝཱ སེ་ནཱ་ས་ནེ ཝཱ བྷེ་ས་ཛྫེ ཝཱ. པུ་གྒ་ལ་སྶ དེ་ཏི, ‘‘ཨི་མཾ ཙཱི་ཝ་རཾ ཨི་ཏྠ་ནྣཱ་མ་སྶ ད་མྨཱི’’ཏི.

ཨ་ཊྛ་ཙཱི་ཝ་ར་མཱ་ཏི་ཀཱ ནི་ཊྛི་ཏཱ.

ཙཱི་ཝ་ར་ཀྑ་ནྡྷ་ཀོ ཨ་ཊྛ་མོ.