༢༢༦. ན་གྒི་ཡ་པ་ཊི་ཀྑེ་པ་ཀ་ཐཱ

༣༧༠. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རོ བྷི་ཀྑུ ན་གྒོ ཧུ་ཏྭཱ ཡེ་ན བྷ་ག་ཝཱ ཏེ་ནུ་པ་ས་ངྐ་མི, ཨུ་པ་ས་ངྐ་མི་ཏྭཱ བྷ་ག་ཝ་ནྟཾ ཨེ་ཏ་ད་ཝོ་ཙ – ‘‘བྷ་ག་ཝཱ, བྷ་ནྟེ, ཨ་ནེ་ཀ་པ་རི་ཡཱ་ཡེ་ན ཨ་པྤི་ཙྪ་སྶ ས་ནྟུ་ཊྛ་སྶ ས་ལླེ་ཁ་སྶ དྷུ་ཏ་སྶ པཱ་སཱ་དི་ཀ་སྶ ཨ་པ་ཙ་ཡ་སྶ ཝཱི་རི་ཡཱ་ར་མྦྷ་སྶ ཝ་ཎྞ་ཝཱ་དཱི. ཨི་དཾ, བྷ་ནྟེ, ན་གྒི་ཡཾ ཨ་ནེ་ཀ་པ་རི་ཡཱ་ཡེ་ན ཨ་པྤི་ཙྪ་ཏཱ་ཡ ས་ནྟུ་ཊྛི་ཏཱ་ཡ ས་ལླེ་ཁཱ་ཡ དྷུ་ཏ་ཏཱ་ཡ [དྷུ་ཏ་ཏྟཱ་ཡ (ཀ.)] པཱ་སཱ་དི་ཀ་ཏཱ་ཡ ཨ་པ་ཙ་ཡཱ་ཡ ཝཱི་རི་ཡཱ་ར་མྦྷཱ་ཡ སཾ་ཝ་ཏྟ་ཏི. སཱ་དྷུ, བྷ་ནྟེ, བྷ་ག་ཝཱ བྷི་ཀྑཱུ་ནཾ ན་གྒི་ཡཾ ཨ་ནུ་ཛཱ་ནཱ་ཏཱུ’’ཏི. ཝི་ག་ར་ཧི བུ་དྡྷོ བྷ་ག་ཝཱ – ‘‘ཨ་ན་ནུ་ཙྪ་ཝི་ཀཾ, མོ་གྷ་པུ་རི་ས, ཨ་ན་ནུ་ལོ་མི་ཀཾ ཨ་པྤ་ཏི་རཱུ་པཾ ཨ་སྶཱ་མ་ཎ་ཀཾ ཨ་ཀ་པྤི་ཡཾ ཨ་ཀ་ར་ཎཱི་ཡཾ. ཀ་ཐ་ཉྷི ནཱ་མ ཏྭཾ, མོ་གྷ་པུ་རི་ས, ན་གྒི་ཡཾ ཏི་ཏྠི་ཡ་ས་མཱ་དཱ་ནཾ ས་མཱ་དི་ཡི་སྶ་སི. ནེ་ཏཾ, མོ་གྷ་པུ་རི་ས, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ…’’ ཝི་ག་ར་ཧི་ཏྭཱ དྷ་མྨིཾ ཀ་ཐཾ ཀ་ཏྭཱ བྷི་ཀྑཱུ ཨཱ་མ་ནྟེ་སི – ‘‘ན, བྷི་ཀྑ་ཝེ, ན་གྒི་ཡཾ ཏི་ཏྠི་ཡ་ས་མཱ་དཱ་ནཾ ས་མཱ་དི་ཡི་ཏ་བྦཾ. ཡོ ས་མཱ་དི་ཡེ་ཡྻ, ཨཱ་པ་ཏྟི ཐུ་ལླ་ཙྩ་ཡ་སྶཱ’’ཏི.

ན་གྒི་ཡ་པ་ཊི་ཀྑེ་པ་ཀ་ཐཱ ནི་ཊྛི་ཏཱ.