༡༥༤. ཨུ་ཙྩཱ་ས་ཡ་ན་མ་ཧཱ་ས་ཡ་ན་པ་ཊི་ཀྑེ་པོ

༢༥༤. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨུ་ཙྩཱ་ས་ཡ་ན་མ་ཧཱ་ས་ཡ་ནཱ་ནི དྷཱ་རེ་ནྟི, སེ་ཡྻ་ཐི་དཾ – ཨཱ་ས་ནྡིཾ, པ་ལླ་ངྐཾ, གོ་ན་ཀཾ, ཙི་ཏྟ་ཀཾ, པ་ཊི་ཀཾ, པ་ཊ་ལི་ཀཾ, ཏཱུ་ལི་ཀཾ, ཝི་ཀ་ཏི་ཀཾ, ཨུ་དྡྷ་ལོ་མིཾ [ཨུ་ནྡ་ལོ་མིཾ (ཀ.), ཨུ་དྡ་ལོ་མིཾ (ཀ.)], ཨེ་ཀ་ནྟ་ལོ་མིཾ, ཀ་ཊྚི་སྶཾ, ཀོ་སེ་ཡྻཾ, ཀུ་ཏྟ་ཀཾ, ཧ་ཏྠ་ཏྠ་རཾ, ཨ་སྶ་ཏྠ་རཾ, ར་ཐ་ཏྠ་རཾ, ཨ་ཛི་ན་པ་ཝེ་ཎིཾ, ཀ་ད་ལི་མི་ག་པ་ཝ་ར་པ་ཙྩ་ཏྠ་ར་ཎཾ, ས་ཨུ་ཏྟ་ར་ཙྪ་དཾ, ཨུ་བྷ་ཏོ་ལོ་ཧི་ཏ་ཀཱུ་པ་དྷཱ་ན་ནྟི. མ་ནུ་སྶཱ ཝི་ཧཱ་ར་ཙཱ་རི་ཀཾ ཨཱ་ཧི་ཎྜ་ནྟཱ པ་སྶི་ཏྭཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘སེ་ཡྻ་ཐཱ་པི གི་ཧཱི ཀཱ་མ་བྷོ་གི་ནོ’’ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ཨུ་ཙྩཱ་ས་ཡ་ན་མ་ཧཱ་ས་ཡ་ནཱ་ནི དྷཱ་རེ་ཏ་བྦཱ་ནི, སེ་ཡྻ་ཐི་དཾ – ཨཱ་ས་ནྡི, པ་ལླ་ངྐོ, གོ་ན་ཀོ, ཙི་ཏྟ་ཀོ, པ་ཊི་ཀཱ, པ་ཊ་ལི་ཀཱ, ཏཱུ་ལི་ཀཱ, ཝི་ཀ་ཏི་ཀཱ, ཨུ་དྡྷ་ལོ་མི, ཨེ་ཀ་ནྟ་ལོ་མི, ཀ་ཊྚི་སྶཾ, ཀོ་སེ་ཡྻཾ, ཀུ་ཏྟ་ཀཾ, ཧ་ཏྠ་ཏྠ་རཾ, ཨ་སྶ་ཏྠ་རཾ, ར་ཐ་ཏྠ་རཾ, ཨ་ཛི་ན་པ་ཝེ་ཎི, ཀ་ད་ལི་མི་ག་པ་ཝ་ར་པ་ཙྩ་ཏྠ་ར་ཎཾ, ས་ཨུ་ཏྟ་ར་ཙྪ་དཾ, ཨུ་བྷ་ཏོ་ལོ་ཧི་ཏ་ཀཱུ་པ་དྷཱ་ནཾ. ཡོ དྷཱ་རེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཨུ་ཙྩཱ་ས་ཡ་ན་མ་ཧཱ་ས་ཡ་ན་པ་ཊི་ཀྑེ་པོ ནི་ཊྛི་ཏོ.