༡༡༧. ཨ་དྷ་མྨི་ཀ་ཀ་ཏི་ཀཱ

༢༠༥. ཏེ་ན ཁོ པ་ན ས་མ་ཡེ་ན སཱ་ཝ་ཏྠི་ཡཱ ས་ངྒྷེ་ན ཨེ་ཝ་རཱུ་པཱ ཀ་ཏི་ཀཱ ཀ་ཏཱ ཧོ་ཏི – ཨ་ནྟ་རཱ་ཝ་སྶཾ ན པ་བྦཱ་ཛེ་ཏ་བྦ་ནྟི. ཝི་སཱ་ཁཱ་ཡ མི་གཱ་ར་མཱ་ཏུ་ཡཱ ན་ཏྟཱ བྷི་ཀྑཱུ ཨུ་པ་ས་ངྐ་མི་ཏྭཱ པ་བྦ་ཛྫཾ ཡཱ་ཙི. བྷི་ཀྑཱུ ཨེ་ཝ་མཱ་ཧཾ་སུ – ‘‘ས་ངྒྷེ་ན ཁོ, ཨཱ་ཝུ་སོ, ཨེ་ཝ་རཱུ་པཱ ཀ་ཏི་ཀཱ ཀ་ཏཱ ‘ཨ་ནྟ་རཱ་ཝ་སྶཾ ན པ་བྦཱ་ཛེ་ཏ་བྦ’ནྟི. ཨཱ་ག་མེ་ཧི, ཨཱ་ཝུ་སོ, ཡཱ་ཝ བྷི་ཀྑཱུ ཝ་སྶཾ ཝ་ས་ནྟི. ཝ་སྶཾ་ཝུ་ཊྛཱ པ་བྦཱ་ཛེ་སྶ་ནྟཱི’’ཏི. ཨ་ཐ ཁོ ཏེ བྷི་ཀྑཱུ ཝ་སྶཾ་ཝུ་ཊྛཱ ཝི་སཱ་ཁཱ་ཡ མི་གཱ་ར་མཱ་ཏུ་ཡཱ ན་ཏྟཱ་རཾ ཨེ་ཏ་ད་ཝོ་ཙུཾ – ‘‘ཨེ་ཧི, དཱ་ནི, ཨཱ་ཝུ་སོ, པ་བྦ་ཛཱ་ཧཱི’’ཏི. སོ ཨེ་ཝ་མཱ་ཧ – ‘‘ས་ཙཱ་ཧཾ, བྷ་ནྟེ, པ་བྦ་ཛི་ཏོ ཨ་སྶཾ, ཨ་བྷི་ར་མེ་ཡྻཱ་མ་ཧཾ [ཨ་བྷི་ར་མེ་ཡྻཾ ཙཱ་ཧཾ (སཱི.)]. ན དཱ་ནཱ་ཧཾ, བྷ་ནྟེ, པ་བྦ་ཛི་སྶཱ་མཱི’’ཏི. ཝི་སཱ་ཁཱ མི་གཱ་ར་མཱ་ཏཱ ཨུ་ཛ྄ཛྷཱ་ཡ་ཏི ཁི་ཡྻ་ཏི ཝི་པཱ་ཙེ་ཏི – ‘‘ཀ་ཐ་ཉྷི ནཱ་མ ཨ་ཡྻཱ ཨེ་ཝ་རཱུ་པཾ ཀ་ཏི་ཀཾ ཀ་རི་སྶ་ནྟི ‘ན ཨ་ནྟ་རཱ་ཝ་སྶཾ པ་བྦཱ་ཛེ་ཏ་བྦ’ནྟི. ཀཾ ཀཱ་ལཾ དྷ་མྨོ ན ཙ་རི་ཏ་བྦོ’’ཏི? ཨ་སྶོ་སུཾ ཁོ བྷི་ཀྑཱུ ཝི་སཱ་ཁཱ་ཡ མི་གཱ་ར་མཱ་ཏུ་ཡཱ ཨུ་ཛ྄ཛྷཱ་ཡ་ནྟི་ཡཱ ཁི་ཡྻ་ནྟི་ཡཱ ཝི་པཱ་ཙེ་ནྟི་ཡཱ. ཨ་ཐ ཁོ ཏེ བྷི་ཀྑཱུ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ཨེ་ཝ་རཱུ་པཱ ཀ་ཏི་ཀཱ ཀཱ་ཏ་བྦཱ – ‘ན ཨ་ནྟ་རཱ་ཝ་སྶཾ པ་བྦཱ་ཛེ་ཏ་བྦ’ནྟི. ཡོ ཀ་རེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཨ་དྷ་མྨི་ཀ་ཀ་ཏི་ཀཱ ནི་ཊྛི་ཏཱ.