༡༡༨. པ་ཊི་སྶ་ཝ་དུ་ཀྐ་ཊཱ་པ་ཏྟི

༢༠༦. ཏེ་ན ཁོ པ་ན ས་མ་ཡེ་ན ཨཱ་ཡ་སྨ་ཏཱ ཨུ་པ་ན་ནྡེ་ན ས་ཀྱ་པུ་ཏྟེ་ན ར་ཉྙོ པ་སེ་ན་དི་སྶ ཀོ་ས་ལ་སྶ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ ཨ་དྡ་ས ཨ་ནྟ་རཱ་མ་གྒེ དྭེ ཨཱ་ཝཱ་སེ བ་ཧུ་ཙཱི་ཝ་ར་ཀེ. ཏ་སྶ ཨེ་ཏ་ད་ཧོ་སི – ‘‘ཡཾ་ནཱུ་ནཱ་ཧཾ ཨི་མེ་སུ དྭཱི་སུ ཨཱ་ཝཱ་སེ་སུ ཝ་སྶཾ ཝ་སེ་ཡྻཾ. ཨེ་ཝཾ མེ བ་ཧུཾ ཙཱི་ཝ་རཾ [བ་ཧུ་ཙཱི་ཝ་རཾ (ཀ.)] ཨུ་པྤ་ཛྫི་སྶ་ཏཱི’’ཏི. སོ ཏེ་སུ དྭཱི་སུ ཨཱ་ཝཱ་སེ་སུ ཝ་སྶཾ ཝ་སི. རཱ་ཛཱ པ་སེ་ན་དི ཀོ་ས་ལོ ཨུ་ཛ྄ཛྷཱ་ཡ་ཏི ཁི་ཡྻ་ཏི ཝི་པཱ་ཙེ་ཏི – ‘‘ཀ་ཐ་ཉྷི ནཱ་མ ཨ་ཡྻོ ཨུ་པ་ན་ནྡོ ས་ཀྱ་པུ་ཏྟོ ཨ་མྷཱ་ཀཾ ཝ་སྶཱ་ཝཱ་སཾ པ་ཊི་སྶུ་ཎི་ཏྭཱ ཝི་སཾ་ཝཱ་དེ་སྶ་ཏི. ན་ནུ བྷ་ག་ཝ་ཏཱ ཨ་ནེ་ཀ་པ་རི་ཡཱ་ཡེ་ན མུ་སཱ་ཝཱ་དོ ག་ར་ཧི་ཏོ, མུ་སཱ་ཝཱ་དཱ ཝེ་ར་མ་ཎཱི པ་ས་ཏྠཱ’’ཏི. ཨ་སྶོ་སུཾ ཁོ བྷི་ཀྑཱུ ར་ཉྙོ པ་སེ་ན་དི་སྶ ཀོ་ས་ལ་སྶ ཨུ་ཛ྄ཛྷཱ་ཡ་ནྟ་སྶ ཁི་ཡྻ་ནྟ་སྶ ཝི་པཱ་ཙེ་ནྟ་སྶ. ཡེ ཏེ བྷི་ཀྑཱུ ཨ་པྤི་ཙྪཱ…པེ… ཏེ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཨཱ་ཡ་སྨཱ ཨུ་པ་ན་ནྡོ ས་ཀྱ་པུ་ཏྟོ ར་ཉྙོ པ་སེ་ན་དི་སྶ ཀོ་ས་ལ་སྶ ཝ་སྶཱ་ཝཱ་སཾ པ་ཊི་སྶུ་ཎི་ཏྭཱ ཝི་སཾ་ཝཱ་དེ་སྶ་ཏི. ན་ནུ བྷ་ག་ཝ་ཏཱ ཨ་ནེ་ཀ་པ་རི་ཡཱ་ཡེ་ན མུ་སཱ་ཝཱ་དོ ག་ར་ཧི་ཏོ, མུ་སཱ་ཝཱ་དཱ ཝེ་ར་མ་ཎཱི པ་ས་ཏྠཱ’’ཏི. ཨ་ཐ ཁོ ཏེ བྷི་ཀྑཱུ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ཨ་ཐ ཁོ བྷ་ག་ཝཱ ཨེ་ཏ་སྨིཾ ནི་དཱ་ནེ ཨེ་ཏ་སྨིཾ པ་ཀ་ར་ཎེ བྷི་ཀྑུ་ས་ངྒྷཾ ས་ནྣི་པཱ་ཏཱ་པེ་ཏྭཱ ཨཱ་ཡ་སྨ་ནྟཾ ཨུ་པ་ན་ནྡཾ ས་ཀྱ་པུ་ཏྟཾ པ་ཊི་པུ་ཙྪི – ‘‘ས་ཙྩཾ ཀི་ར ཏྭཾ, ཨུ་པ་ན་ནྡ, ར་ཉྙོ པ་སེ་ན་དི་སྶ ཀོ་ས་ལ་སྶ ཝ་སྶཱ་ཝཱ་སཾ པ་ཊི་སྶུ་ཎི་ཏྭཱ ཝི་སཾ་ཝཱ་དེ་སཱི’’ཏི? ‘‘ས་ཙྩཾ, བྷ་ག་ཝཱ’’ཏི. ཝི་ག་ར་ཧི བུ་དྡྷོ བྷ་ག་ཝཱ…པེ… ཀ་ཐ་ཉྷི ནཱ་མ ཏྭཾ, མོ་གྷ་པུ་རི་ས, ར་ཉྙོ པ་སེ་ན་དི་སྶ ཀོ་ས་ལ་སྶ ཝ་སྶཱ་ཝཱ་སཾ པ་ཊི་སྶུ་ཎི་ཏྭཱ ཝི་སཾ་ཝཱ་དེ་སྶ་སི. ན་ནུ མ་ཡཱ, མོ་གྷ་པུ་རི་ས, ཨ་ནེ་ཀ་པ་རི་ཡཱ་ཡེ་ན མུ་སཱ་ཝཱ་དོ ག་ར་ཧི་ཏོ, མུ་སཱ་ཝཱ་དཱ ཝེ་ར་མ་ཎཱི པ་ས་ཏྠཱ. ནེ་ཏཾ, མོ་གྷ་པུ་རི་ས, ཨ་པྤ་ས་ནྣཱ་ནཾ ཝཱ པ་སཱ་དཱ་ཡ…པེ… ཝི་ག་ར་ཧི་ཏྭཱ…པེ… དྷ་མྨིཾ ཀ་ཐཾ ཀ་ཏྭཱ བྷི་ཀྑཱུ ཨཱ་མ་ནྟེ་སི –

༢༠༧. ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ པ་སྶ་ཏི ཨ་ནྟ་རཱ་མ་གྒེ དྭེ ཨཱ་ཝཱ་སེ བ་ཧུ་ཙཱི་ཝ་ར་ཀེ. ཏ་སྶ ཨེ་ཝཾ ཧོ་ཏི – ‘‘ཡཾ་ནཱུ་ནཱ་ཧཾ ཨི་མེ་སུ དྭཱི་སུ ཨཱ་ཝཱ་སེ་སུ ཝ་སྶཾ ཝ་སེ་ཡྻཾ. ཨེ་ཝཾ མེ བ་ཧུཾ ཙཱི་ཝ་རཾ ཨུ་པྤ་ཛྫི་སྶ་ཏཱི’’ཏི. སོ ཏེ་སུ དྭཱི་སུ ཨཱ་ཝཱ་སེ་སུ ཝ་སྶཾ ཝ་ས་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ [པཱ་ཊི་པ་དེ་ན (ཀ.)] ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ཏ་ད་ཧེ་ཝ ཨ་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ཏ་ད་ཧེ་ཝ ས་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ཨ་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ས་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ བ་ཧི་དྡྷཱ ཝཱི་ཏི་ནཱ་མེ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ ཨ་ནྟོ ས་ནྣི་ཝ་ཏྟཾ ཀ་རོ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ས་ཏྟཱ་ཧཾ ཨ་ནཱ་ག་ཏཱ་ཡ པ་ཝཱ་ར་ཎཱ་ཡ ས་ཀ་ར་ཎཱི་ཡོ པ་ཀྐ་མ་ཏི. ཨཱ་ག་ཙྪེ་ཡྻ ཝཱ སོ, བྷི་ཀྑ་ཝེ, བྷི་ཀྑུ ཏཾ ཨཱ་ཝཱ་སཾ ན ཝཱ ཨཱ་ག་ཙྪེ་ཡྻ, ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པུ་རི་མི་ཀཱ་ཡ. སོ ཏཾ ཨཱ་ཝཱ་སཾ ག་ནྟྭཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ཏ་ད་ཧེ་ཝ ས་ཀ་ར་ཎཱི་ཡོ པ་ཀྐ་མ་ཏི…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ཨ་ཀ་ར་ཎཱི་ཡོ པ་ཀྐ་མ་ཏི…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ས་ཀ་ར་ཎཱི་ཡོ པ་ཀྐ་མ་ཏི…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ བ་ཧི་དྡྷཱ ཝཱི་ཏི་ནཱ་མེ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ ཨ་ནྟོ ས་ནྣི་ཝ་ཏྟཾ ཀ་རོ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི…པེ… སོ ས་ཏྟཱ་ཧཾ ཨ་ནཱ་ག་ཏཱ་ཡ པ་ཝཱ་ར་ཎཱ་ཡ ས་ཀ་ར་ཎཱི་ཡོ པ་ཀྐ་མ་ཏི. ཨཱ་ག་ཙྪེ་ཡྻ ཝཱ སོ, བྷི་ཀྑ་ཝེ, བྷི་ཀྑུ ཏཾ ཨཱ་ཝཱ་སཾ ན ཝཱ ཨཱ་ག་ཙྪེ་ཡྻ, ཏ་སྶ, བྷི་ཀྑ་ཝེ, བྷི་ཀྑུ་ནོ པུ་རི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི.

༢༠༨. ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ཏ་ད་ཧེ་ཝ ཨ་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ཏ་ད་ཧེ་ཝ ས་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ཨ་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ས་ཀ་ར་ཎཱི་ཡོ པ་ཀྐ་མ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ བ་ཧི་དྡྷཱ ཝཱི་ཏི་ནཱ་མེ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ ཨ་ནྟོ ས་ནྣི་ཝ་ཏྟཾ ཀ་རོ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ཙྪ་ནྟོ བ་ཧི་དྡྷཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ས་ཏྟཱ་ཧཾ ཨ་ནཱ་ག་ཏཱ་ཡ ཀོ་མུ་དི་ཡཱ ཙཱ་ཏུ་མཱ་སི་ནི་ཡཱ ས་ཀ་ར་ཎཱི་ཡོ པ་ཀྐ་མ་ཏི. ཨཱ་ག་ཙྪེ་ཡྻ ཝཱ སོ, བྷི་ཀྑ་ཝེ, བྷི་ཀྑུ ཏཾ ཨཱ་ཝཱ་སཾ ན ཝཱ ཨཱ་ག་ཙྪེ་ཡྻ, ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི.

ཨི་དྷ པ་ན, བྷི་ཀྑ་ཝེ, བྷི་ཀྑུ་ནཱ ཝ་སྶཱ་ཝཱ་སོ པ་ཊི་སྶུ་ཏོ ཧོ་ཏི པ་ཙྪི་མི་ཀཱ་ཡ. སོ ཏཾ ཨཱ་ཝཱ་སཾ ག་ནྟྭཱ ཨུ་པོ་ས་ཐཾ ཀ་རོ་ཏི, པཱ་ཊི་པ་དེ ཝི་ཧཱ་རཾ ཨུ་པེ་ཏི, སེ་ནཱ་ས་ནཾ པ་ཉྙ་པེ་ཏི, པཱ་ནཱི་ཡཾ པ་རི་བྷོ་ཛ་ནཱི་ཡཾ ཨུ་པ་ཊྛཱ་པེ་ཏི, པ་རི་ཝེ་ཎཾ ས་མྨ་ཛྫ་ཏི. སོ ཏ་ད་ཧེ་ཝ ས་ཀ་ར་ཎཱི་ཡོ པ་ཀྐ་མ་ཏི…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ཨ་ཀ་ར་ཎཱི་ཡོ པ་ཀྐ་མ་ཏི …པེ… སོ དྭཱི་ཧ་ཏཱི་ཧཾ ཝ་སི་ཏྭཱ ས་ཀ་ར་ཎཱི་ཡོ པ་ཀྐ་མ་ཏི…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ བ་ཧི་དྡྷཱ ཝཱི་ཏི་ནཱ་མེ་ཏི. ཏ་སྶ, བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ ན པ་ཉྙཱ་ཡ་ཏི, པ་ཊི་སྶ་ཝེ ཙ ཨཱ་པ་ཏྟི དུ་ཀྐ་ཊ་སྶ…པེ… སོ དྭཱི་ཧ་ཏཱི་ཧཾ ཝ་སི་ཏྭཱ ས་ཏྟཱ་ཧ་ཀ་ར་ཎཱི་ཡེ་ན པ་ཀྐ་མ་ཏི. སོ ཏཾ ས་ཏྟཱ་ཧཾ ཨ་ནྟོ ས་ནྣི་ཝ་ཏྟཾ ཀ་རོ་ཏི. ཏ་སྶ བྷི་ཀྑ་ཝེ, བྷི་ཀྑུ་ནོ པ་ཙྪི་མི་ཀཱ ཙ པ་ཉྙཱ་ཡ་ཏི, པ་ཊི་སྶ་ཝེ ཙ ཨ་ནཱ་པ་ཏྟི.

པ་ཊི་སྶ་ཝ་དུ་ཀྐ་ཊཱ་པ་ཏྟི ནི་ཊྛི་ཏཱ.

ཝ་སྶཱུ་པ་ནཱ་ཡི་ཀ་ཀྑ་ནྡྷ་ཀོ ཏ་ཏི་ཡོ.