༨༩. ཉཱ་ཏ་ཀཱ་དི་གྒ་ཧ་ཎ་ཀ་ཐཱ

༡༦༦. ཏེ་ན ཁོ པ་ན ས་མ་ཡེ་ན ཨ་ཉྙ་ཏ་རཾ བྷི་ཀྑུཾ ཏ་ད་ཧུ་པོ་ས་ཐེ ཉཱ་ཏ་ཀཱ ག་ཎྷིཾ་སུཾ. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ.

ཨི་དྷ པ་ན, བྷི་ཀྑ་ཝེ, བྷི་ཀྑུཾ ཏ་ད་ཧུ་པོ་ས་ཐེ ཉཱ་ཏ་ཀཱ ག་ཎྷ་ནྟི. ཏེ ཉཱ་ཏ་ཀཱ བྷི་ཀྑཱུ་ཧི ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨི་ངྒྷ, ཏུ་མྷེ ཨཱ་ཡ་སྨ་ནྟོ ཨི་མཾ བྷི་ཀྑུཾ མུ་ཧུ་ཏྟཾ མུ་ཉྩ་ཐ, ཡཱ་ཝཱ་ཡཾ བྷི་ཀྑུ ཨུ་པོ་ས་ཐཾ ཀ་རོ་ཏཱི’’ཏི. ཨེ་ཝ་ཉྩེ་ཏཾ ལ་བྷེ་ཐ, ཨི་ཙྩེ་ཏཾ ཀུ་ས་ལཾ. ནོ ཙེ ལ་བྷེ་ཐ, ཏེ ཉཱ་ཏ་ཀཱ བྷི་ཀྑཱུ་ཧི ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨི་ངྒྷ, ཏུ་མྷེ ཨཱ་ཡ་སྨ་ནྟོ མུ་ཧུ་ཏྟཾ ཨེ་ཀ་མ་ནྟཾ ཧོ་ཐ, ཡཱ་ཝཱ་ཡཾ བྷི་ཀྑུ པཱ་རི་སུ་དྡྷིཾ དེ་ཏཱི’’ཏི. ཨེ་ཝ་ཉྩེ་ཏཾ ལ་བྷེ་ཐ, ཨི་ཙྩེ་ཏཾ ཀུ་ས་ལཾ. ནོ ཙེ ལ་བྷེ་ཐ, ཏེ ཉཱ་ཏ་ཀཱ བྷི་ཀྑཱུ་ཧི ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨི་ངྒྷ, ཏུ་མྷེ ཨཱ་ཡ་སྨ་ནྟོ ཨི་མཾ བྷི་ཀྑུཾ མུ་ཧུ་ཏྟཾ ནི་སྶཱི་མཾ ནེ་ཐ, ཡཱ་ཝ ས་ངྒྷོ ཨུ་པོ་ས་ཐཾ ཀ་རོ་ཏཱི’’ཏི. ཨེ་ཝ་ཉྩེ་ཏཾ ལ་བྷེ་ཐ, ཨི་ཙྩེ་ཏཾ ཀུ་ས་ལཾ. ནོ ཙེ ལ་བྷེ་ཐ, ན ཏྭེ་ཝ ཝ་གྒེ་ན ས་ངྒྷེ་ན ཨུ་པོ་ས་ཐོ ཀཱ་ཏ་བྦོ. ཀ་རེ་ཡྻ ཙེ, ཨཱ་པ་ཏྟི དུ་ཀྐ་ཊ་སྶ.

ཨི་དྷ པ་ན, བྷི་ཀྑ་ཝེ, བྷི་ཀྑུཾ ཏ་ད་ཧུ་པོ་ས་ཐེ རཱ་ཛཱ་ནོ ག་ཎྷ་ནྟི,…པེ… ཙོ་རཱ ག་ཎྷ་ནྟི – དྷུ་ཏྟཱ ག་ཎྷ་ནྟི – བྷི་ཀྑུ་པ་ཙྩ་ཏྠི་ཀཱ ག་ཎྷ་ནྟི, ཏེ བྷི་ཀྑུ་པ་ཙྩ་ཏྠི་ཀཱ བྷི་ཀྑཱུ་ཧི ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨི་ངྒྷ, ཏུ་མྷེ ཨཱ་ཡ་སྨ་ནྟོ ཨི་མཾ བྷི་ཀྑུཾ མུ་ཧུ་ཏྟཾ མུ་ཉྩ་ཐ, ཡཱ་ཝཱ་ཡཾ བྷི་ཀྑུ ཨུ་པོ་ས་ཐཾ ཀ་རོ་ཏཱི’’ཏི. ཨེ་ཝ་ཉྩེ་ཏཾ ལ་བྷེ་ཐ, ཨི་ཙྩེ་ཏཾ ཀུ་ས་ལཾ. ནོ ཙེ ལ་བྷེ་ཐ, ཏེ བྷི་ཀྑུ་པ་ཙྩ་ཏྠི་ཀཱ བྷི་ཀྑཱུ་ཧི ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨི་ངྒྷ, ཏུ་མྷེ ཨཱ་ཡ་སྨ་ནྟོ མུ་ཧུ་ཏྟཾ ཨེ་ཀ་མ་ནྟཾ ཧོ་ཐ, ཡཱ་ཝཱ་ཡཾ བྷི་ཀྑུ པཱ་རི་སུ་དྡྷིཾ དེ་ཏཱི’’ཏི. ཨེ་ཝ་ཉྩེ་ཏཾ ལ་བྷེ་ཐ, ཨི་ཙྩེ་ཏཾ ཀུ་ས་ལཾ. ནོ ཙེ ལ་བྷེ་ཐ, ཏེ བྷི་ཀྑུ་པ་ཙྩ་ཏྠི་ཀཱ བྷི་ཀྑཱུ་ཧི ཨེ་ཝ་མ་སྶུ ཝ་ཙ་ནཱི་ཡཱ – ‘‘ཨི་ངྒྷ, ཏུ་མྷེ ཨཱ་ཡ་སྨ་ནྟོ ཨི་མཾ བྷི་ཀྑུཾ མུ་ཧུ་ཏྟཾ ནི་སྶཱི་མཾ ནེ་ཐ, ཡཱ་ཝ ས་ངྒྷོ ཨུ་པོ་ས་ཐཾ ཀ་རོ་ཏཱི’’ཏི. ཨེ་ཝ་ཉྩེ་ཏཾ ལ་བྷེ་ཐ, ཨི་ཙྩེ་ཏཾ ཀུ་ས་ལཾ. ནོ ཙེ ལ་བྷེ་ཐ, ན ཏྭེ་ཝ ཝ་གྒེ་ན ས་ངྒྷེ་ན ཨུ་པོ་ས་ཐོ ཀཱ་ཏ་བྦོ. ཀ་རེ་ཡྻ ཙེ, ཨཱ་པ་ཏྟི དུ་ཀྐ་ཊ་སྶཱ་ཏི.