༧༧. ཨུ་པོ་ས་ཐ་བྷེ་དཱ་དི

༡༤༩. ཨ་ཐ ཁོ བྷི་ཀྑཱུ་ནཾ ཨེ་ཏ་ད་ཧོ་སི – ‘‘ཀ་ཏི ནུ ཁོ ཨུ་པོ་ས་ཐཱ’’ཏི? བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. དྭེ་མེ, བྷི་ཀྑ་ཝེ, ཨུ་པོ་ས་ཐཱ – ཙཱ་ཏུ་དྡ་སི་ཀོ ཙ པ་ནྣ་ར་སི་ཀོ ཙ. ཨི་མེ ཁོ, བྷི་ཀྑ་ཝེ, དྭེ ཨུ་པོ་ས་ཐཱ་ཏི.

ཨ་ཐ ཁོ བྷི་ཀྑཱུ་ནཾ ཨེ་ཏ་ད་ཧོ་སི – ‘‘ཀ་ཏི ནུ ཁོ ཨུ་པོ་ས་ཐ་ཀ་མྨཱ་ནཱི’’ཏི? བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཙ་ཏྟཱ་རི་མཱ་ནི, བྷི་ཀྑ་ཝེ, ཨུ་པོ་ས་ཐ་ཀ་མྨཱ་ནི – ཨ་དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, ཨ་དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ, དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨ་ནྟི. ཏ་ཏྲ, བྷི་ཀྑ་ཝེ, ཡ་དི་དཾ ཨ་དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, ན, བྷི་ཀྑ་ཝེ, ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ, ཀཱ་ཏ་བྦཾ. ན ཙ མ་ཡཱ ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ ཨ་ནུ་ཉྙཱ་ཏཾ. ཏ་ཏྲ, བྷི་ཀྑ་ཝེ, ཡ་དི་དཾ ཨ་དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ, ན, བྷི་ཀྑ་ཝེ, ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ ཀཱ་ཏ་བྦཾ. ན ཙ མ་ཡཱ ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ ཨ་ནུ་ཉྙཱ་ཏཾ. ཏ་ཏྲ, བྷི་ཀྑ་ཝེ, ཡ་དི་དཾ དྷ་མྨེ་ན ཝ་གྒཾ ཨུ་པོ་ས་ཐ་ཀ་མྨཾ, ན, བྷི་ཀྑ་ཝེ, ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ ཀཱ་ཏ་བྦཾ. ན ཙ མ་ཡཱ ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ ཨ་ནུ་ཉྙཱ་ཏཾ. ཏ་ཏྲ, བྷི་ཀྑ་ཝེ, ཡ་དི་དཾ དྷ་མྨེ་ན ས་མ་གྒཾ ཨུ་པོ་ས་ཐ་ཀ་མྨཾ, ཨེ་ཝ་རཱུ་པཾ, བྷི་ཀྑ་ཝེ, ཨུ་པོ་ས་ཐ་ཀ་མྨཾ ཀཱ་ཏ་བྦཾ, ཨེ་ཝ་རཱུ་པ་ཉྩ མ་ཡཱ ཨུ་པོ་ས་ཐ་ཀ་མྨཾ ཨ་ནུ་ཉྙཱ་ཏཾ. ཏ་སྨཱ་ཏི་ཧ, བྷི་ཀྑ་ཝེ, ཨེ་ཝ་རཱུ་པཾ ཨུ་པོ་ས་ཐ་ཀ་མྨཾ ཀ་རི་སྶཱ་མ ཡ་དི་དཾ དྷ་མྨེ་ན ས་མ་གྒ་ནྟི – ཨེ་ཝ་ཉྷི ཝོ, བྷི་ཀྑ་ཝེ, སི་ཀྑི་ཏ་བྦ་ནྟི.