༦༡. དྭེ་ཨུ་པ་ས་མྤ་དཱ་པེ་ཀྑཱ་དི་ཝ་ཏྠུ

༡༢༣. ཏེ་ན ཁོ པ་ན ས་མ་ཡེ་ན ཨཱ་ཡ་སྨ་ཏོ མ་ཧཱ་ཀ་སྶ་པ་སྶ དྭེ ཨུ་པ་ས་མྤ་དཱ་པེ་ཀྑཱ ཧོ་ནྟི. ཏེ ཝི་ཝ་ད་ནྟི – ཨ་ཧཾ པ་ཋ་མཾ ཨུ་པ་ས་མྤ་ཛྫི་སྶཱ་མི, ཨ་ཧཾ པ་ཋ་མཾ ཨུ་པ་ས་མྤ་ཛྫི་སྶཱ་མཱི་ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, དྭེ ཨེ་ཀཱ་ནུ་སྶཱ་ཝ་ནེ ཀཱ་ཏུ་ནྟི.

ཏེ་ན ཁོ པ་ན ས་མ་ཡེ་ན ས་མྦ་ཧུ་ལཱ་ནཾ ཐེ་རཱ་ནཾ ཨུ་པ་ས་མྤ་དཱ་པེ་ཀྑཱ ཧོ་ནྟི. ཏེ ཝི་ཝ་ད་ནྟི – ཨ་ཧཾ པ་ཋ་མཾ ཨུ་པ་ས་མྤ་ཛྫི་སྶཱ་མི, ཨ་ཧཾ པ་ཋ་མཾ ཨུ་པ་ས་མྤ་ཛྫི་སྶཱ་མཱི་ཏི. ཐེ་རཱ ཨེ་ཝ་མཱ་ཧཾ་སུ – ‘‘ཧ་ནྡ, མ་ཡཾ, ཨཱ་ཝུ་སོ, ས་བྦེ་ཝ ཨེ་ཀཱ་ནུ་སྶཱ་ཝ་ནེ ཀ་རོ་མཱ’’ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, དྭེ ཏ་ཡོ ཨེ་ཀཱ་ནུ་སྶཱ་ཝ་ནེ ཀཱ་ཏུཾ, ཏ་ཉྩ ཁོ ཨེ་ཀེ་ན ཨུ་པ་ཛ྄ཛྷཱ་ཡེ་ན, ན ཏྭེ་ཝ ནཱ་ནུ་པ་ཛ྄ཛྷཱ་ཡེ་ནཱ་ཏི.