༥༨. ཨ་ལ་ཛྫཱི་ནི་སྶ་ཡ་ཝ་ཏྠཱུ་ནི

༡༢༠. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨ་ལ་ཛྫཱི་ནཾ ནི་སྶ་ཡཾ དེ་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ཨ་ལ་ཛྫཱི་ནཾ ནི་སྶ་ཡོ དཱ་ཏ་བྦོ. ཡོ ད་དེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཏེ་ན ཁོ པ་ན ས་མ་ཡེ་ན བྷི་ཀྑཱུ ཨ་ལ་ཛྫཱི་ནཾ ནི་སྶཱ་ཡ ཝ་ས་ནྟི. ཏེ་པི ན་ཙི་ར་སྶེ་ཝ ཨ་ལ་ཛྫི་ནོ ཧོ་ནྟི པཱ་པ་ཀཱ་བྷི་ཀྑཱུ. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ཨ་ལ་ཛྫཱི་ནཾ ནི་སྶཱ་ཡ ཝ་ཏྠ་བྦཾ. ཡོ ཝ་སེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཨ་ཐ ཁོ བྷི་ཀྑཱུ་ནཾ ཨེ་ཏ་ད་ཧོ་སི – ‘‘བྷ་ག་ཝ་ཏཱ པ་ཉྙ་ཏྟཾ ‘ན ཨ་ལ་ཛྫཱི་ནཾ ནི་སྶ་ཡོ དཱ་ཏ་བྦོ, ན ཨ་ལ་ཛྫཱི་ནཾ ནི་སྶཱ་ཡ ཝ་ཏྠ་བྦ’ནྟི. ཀ་ཐཾ ནུ ཁོ མ་ཡཾ ཛཱ་ནེ་ཡྻཱ་མ ལ་ཛྫིཾ ཝཱ ཨ་ལ་ཛྫིཾ ཝཱ’’ཏི? བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ཨ་ནུ་ཛཱ་ནཱ་མི, བྷི་ཀྑ་ཝེ, ཙ་ཏཱུ་ཧ་པ་ཉྩཱ་ཧཾ ཨཱ་ག་མེ་ཏུཾ ཡཱ་ཝ བྷི་ཀྑུ་ས་བྷཱ་ག་ཏཾ ཛཱ་ནཱ་མཱི་ཏི.