༥༥. ཨ་ནུ་པ་ཛ྄ཛྷཱ་ཡ་ཀཱ་དི་ཝ་ཏྠཱུ་ནི

༡༡༧. ཏེ་ན ཁོ པ་ན ས་མ་ཡེ་ན བྷི་ཀྑཱུ ཨ་ནུ་པ་ཛ྄ཛྷཱ་ཡ་ཀཾ ཨུ་པ་ས་མྤཱ་དེ་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ཨ་ནུ་པ་ཛ྄ཛྷཱ་ཡ་ཀོ ཨུ་པ་ས་མྤཱ་དེ་ཏ་བྦོ. ཡོ ཨུ་པ་ས་མྤཱ་དེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཏེ་ན ཁོ པ་ན ས་མ་ཡེ་ན བྷི་ཀྑཱུ ས་ངྒྷེ་ན ཨུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ས་ངྒྷེ་ན ཨུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ. ཡོ ཨུ་པ་ས་མྤཱ་དེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཏེ་ན ཁོ པ་ན ས་མ་ཡེ་ན བྷི་ཀྑཱུ ག་ཎེ་ན ཨུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ག་ཎེ་ན ཨུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ. ཡོ ཨུ་པ་ས་མྤཱ་དེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཏེ་ན ཁོ པ་ན ས་མ་ཡེ་ན བྷི་ཀྑཱུ པ་ཎྜ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… ཐེ་ཡྻ་སཾ་ཝཱ་ས་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… ཏི་ཏྠི་ཡ་པ་ཀྐ་ནྟ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི …པེ… ཏི་ར་ཙྪཱ་ན་ག་ཏུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… མཱ་ཏུ་གྷཱ་ཏ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… པི་ཏུ་གྷཱ་ཏ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… ཨ་ར་ཧ་ནྟ་གྷཱ་ཏ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… བྷི་ཀྑུ་ནི་དཱུ་ས་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… ས་ངྒྷ་བྷེ་ད་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… ལོ་ཧི་ཏུ་པྤཱ་ད་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི…པེ… ཨུ་བྷ་ཏོ་བྱ་ཉྫ་ན་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ནྟི བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, པ་ཎྜ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, ཐེ་ཡྻ་སཾ་ཝཱ་ས་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, ཏི་ཏྠི་ཡ་པ་ཀྐ་ནྟ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, ཏི་ར་ཙྪཱ་ན་ག་ཏུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, མཱ་ཏུ་གྷཱ་ཏ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ …པེ… ན, བྷི་ཀྑ་ཝེ, པི་ཏུ་གྷཱ་ཏ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, ཨ་ར་ཧ་ནྟ་གྷཱ་ཏ་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, བྷི་ཀྑུ་ནི་དཱུ་ས་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ …པེ… ན, བྷི་ཀྑ་ཝེ, ས་ངྒྷ་བྷེ་ད་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, ལོ་ཧི་ཏུ་པྤཱ་ད་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ…པེ… ན, བྷི་ཀྑ་ཝེ, ཨུ་བྷ་ཏོ་བྱ་ཉྫ་ན་ཀུ་པ་ཛ྄ཛྷཱ་ཡེ་ན ཨུ་པ་ས་མྤཱ་དེ་ཏ་བྦོ. ཡོ ཨུ་པ་ས་མྤཱ་དེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.