༤༤. ཨ་ནཱ་པུ་ཙྪཱ་ཝ་ར་ཎ་ཝ་ཏྠུ

༡༠༨. ཏེ་ན ཁོ པ་ན ས་མ་ཡེ་ན ཚ་བྦ་གྒི་ཡཱ བྷི་ཀྑཱུ ཨུ་པ་ཛ྄ཛྷཱ་ཡེ ཨ་ནཱ་པུ་ཙྪཱ སཱ་མ་ཎེ་རཱ་ནཾ ཨཱ་ཝ་ར་ཎཾ ཀ་རོ་ནྟི. ཨུ་པ་ཛ྄ཛྷཱ་ཡཱ ག་ཝེ་ས་ནྟི – ཀ་ཐཾ [ཀ་ཧཾ (ཀ.)] ནུ ཁོ ཨ་མྷཱ་ཀཾ སཱ་མ་ཎེ་རཱ ན དི་སྶ་ནྟཱི་ཏི. བྷི་ཀྑཱུ ཨེ་ཝ་མཱ་ཧཾ་སུ – ‘‘ཚ་བྦ་གྒི་ཡེ་ཧི, ཨཱ་ཝུ་སོ, བྷི་ཀྑཱུ་ཧི ཨཱ་ཝ་ར་ཎཾ ཀ་ཏ’’ནྟི. ཨུ་པ་ཛ྄ཛྷཱ་ཡཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ཚ་བྦ་གྒི་ཡཱ བྷི་ཀྑཱུ ཨ་མྷེ ཨ་ནཱ་པུ་ཙྪཱ ཨ་མྷཱ་ཀཾ སཱ་མ་ཎེ་རཱ་ནཾ ཨཱ་ཝ་ར་ཎཾ ཀ་རི་སྶ་ནྟཱི’’ཏི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ. ན, བྷི་ཀྑ་ཝེ, ཨུ་པ་ཛ྄ཛྷཱ་ཡེ ཨ་ནཱ་པུ་ཙྪཱ ཨཱ་ཝ་ར་ཎཾ ཀཱ་ཏ་བྦཾ. ཡོ ཀ་རེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཨ་ནཱ་པུ་ཙྪཱ་ཝ་ར་ཎ་ཝ་ཏྠུ ནི་ཊྛི་ཏཾ.