༢༨. ཨ་ངྒུ་ལི་མཱ་ལ་ཙོ་ར་ཝ་ཏྠུ

༩༡. ཏེ་ན ཁོ པ་ན ས་མ་ཡེ་ན ཙོ་རོ ཨ་ངྒུ་ལི་མཱ་ལོ བྷི་ཀྑཱུ་སུ པ་བྦ་ཛི་ཏོ ཧོ་ཏི. མ་ནུ་སྶཱ པ་སྶི་ཏྭཱ ཨུ་བྦི་ཛྫ་ནྟི་པི, ཨུ་ཏྟ་ས་ནྟི་པི, པ་ལཱ་ཡ་ནྟི་པི, ཨ་ཉྙེ་ན་པི ག་ཙྪ་ནྟི, ཨ་ཉྙེ་ན་པི མུ་ཁཾ ཀ་རོ་ནྟི, དྭཱ་ར་མྤི ཐ་ཀེ་ནྟི. མ་ནུ་སྶཱ ཨུ་ཛ྄ཛྷཱ་ཡ་ནྟི ཁི་ཡྻ་ནྟི ཝི་པཱ་ཙེ་ནྟི – ‘‘ཀ་ཐ་ཉྷི ནཱ་མ ས་མ་ཎཱ ས་ཀྱ་པུ་ཏྟི་ཡཱ དྷ་ཛ་བ་ནྡྷཾ ཙོ་རཾ པ་བྦཱ་ཛེ་སྶ་ནྟཱི’’ཏི. ཨ་སྶོ་སུཾ ཁོ བྷི་ཀྑཱུ ཏེ་སཾ མ་ནུ་སྶཱ་ནཾ ཨུ་ཛ྄ཛྷཱ་ཡ་ནྟཱ་ནཾ ཁི་ཡྻ་ནྟཱ་ནཾ ཝི་པཱ་ཙེ་ནྟཱ་ནཾ. ཨ་ཐ ཁོ ཏེ བྷི་ཀྑཱུ བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ…པེ… ན, བྷི་ཀྑ་ཝེ, དྷ་ཛ་བ་ནྡྷོ ཙོ་རོ པ་བྦཱ་ཛེ་ཏ་བྦོ. ཡོ པ་བྦཱ་ཛེ་ཡྻ, ཨཱ་པ་ཏྟི དུ་ཀྐ་ཊ་སྶཱ་ཏི.

ཨ་ངྒུ་ལི་མཱ་ལ་ཙོ་ར་ཝ་ཏྠུ ནི་ཊྛི་ཏཾ.