༢༢. ནི་སྶ་ཡ་པ་ཊི་པྤ་སྶ་དྡྷི་ཀ་ཐཱ

༨༣. ཏེ་ན ཁོ པ་ན ས་མ་ཡེ་ན བྷི་ཀྑཱུ ཨཱ་ཙ་རི་ཡུ་པ་ཛ྄ཛྷཱ་ཡེ་སུ པ་ཀྐ་ནྟེ་སུ་པི ཝི་བྦྷ་ནྟེ་སུ་པི ཀཱ་ལ་ངྐ་ཏེ་སུ་པི པ་ཀྑ་ས་ངྐ་ནྟེ་སུ་པི ནི་སྶ་ཡ་པ་ཊི་པྤ་སྶ་དྡྷི་ཡོ ན ཛཱ་ན་ནྟི. བྷ་ག་ཝ་ཏོ ཨེ་ཏ་མ་ཏྠཾ ཨཱ་རོ་ཙེ་སུཾ.

‘‘པ་ཉྩི་མཱ, བྷི་ཀྑ་ཝེ, ནི་སྶ་ཡ་པ་ཊི་པྤ་སྶ་དྡྷི་ཡོ ཨུ་པ་ཛ྄ཛྷཱ་ཡ་མྷཱ – ཨུ་པ་ཛ྄ཛྷཱ་ཡོ པ་ཀྐ་ནྟོ ཝཱ ཧོ་ཏི, ཝི་བྦྷ་ནྟོ ཝཱ, ཀཱ་ལ་ངྐ་ཏོ ཝཱ, པ་ཀྑ་ས་ངྐ་ནྟོ ཝཱ, ཨཱ་ཎ་ཏྟི་ཡེ་ཝ པ་ཉྩ་མཱི. ཨི་མཱ ཁོ, བྷི་ཀྑ་ཝེ, པ་ཉྩ ནི་སྶ་ཡ་པ་ཊི་པྤ་སྶ་དྡྷི་ཡོ ཨུ་པ་ཛ྄ཛྷཱ་ཡ་མྷཱ.

‘‘ཚ་ཡི་མཱ, བྷི་ཀྑ་ཝེ, ནི་སྶ་ཡ་པ་ཊི་པྤ་སྶ་དྡྷི་ཡོ ཨཱ་ཙ་རི་ཡ་མྷཱ – ཨཱ་ཙ་རི་ཡོ པ་ཀྐ་ནྟོ ཝཱ ཧོ་ཏི, ཝི་བྦྷ་ནྟོ ཝཱ, ཀཱ་ལ་ངྐ་ཏོ ཝཱ, པ་ཀྑ་ས་ངྐ་ནྟོ ཝཱ, ཨཱ་ཎ་ཏྟི་ཡེ་ཝ པ་ཉྩ་མཱི, ཨུ་པ་ཛ྄ཛྷཱ་ཡེ་ན ཝཱ ས་མོ་དྷཱ་ན་ག་ཏོ ཧོ་ཏི. ཨི་མཱ ཁོ, བྷི་ཀྑ་ཝེ, ཚ ནི་སྶ་ཡ་པ་ཊི་པྤ་སྶ་དྡྷི་ཡོ ཨཱ་ཙ་རི་ཡ་མྷཱ’’.

ནི་སྶ་པ་ཊི་པྤ་སྶ་དྡྷི་ཀ་ཐཱ ནི་ཊྛི་ཏཱ.