༩. པ་རི་ཝ་ཏྟ་ན་ཧཱ་ར་ས་མྤཱ་ཏ་ཝི་བྷཱ་ཝ་ནཱ

༧༡. ཡེ་ན ཡེ་ན ཝི་བྷ་ཏྟི་ཧཱ་ར་ས་མྤཱ་ཏེ་ན སུ་ཏྟ་པྤ་དེ་ས་ཏྠཱ ཝི་བྷ་ཏྟཱ, སོ ཝི་བྷ་ཏྟི་ཧཱ་ར་ས་མྤཱ་ཏོ པ་རི་པུ་ཎྞོ, ‘‘ཀ་ཏ་མོ པ་རི་ཝ་ཏྟ་ན་ཧཱ་ར་ས་མྤཱ་ཏོ’’ཏི པུ་ཙྪི་ཏ་བྦ་ཏྟཱ ‘‘ཏ་ཏྠ ཀ་ཏ་མོ པ་རི་ཝ་ཏྟ་ནོ ཧཱ་ར་ས་མྤཱ་ཏོ’’ཏི་ཨཱ་དི ཝུ་ཏྟཾ.

‘‘ཀ་ཏ་མེ སུ་ཏྟ་པྤ་དེ་ས་ཏྠཱ ཀ་ཐཾ པ་རི་ཝ་ཏྟེ་ཏ་བྦཱ’’ཏི པུ་ཙྪི་ཏ་བྦ་ཏྟཱ ‘‘ཏ་སྨཱ’’ཏི་ཨཱ་དི ཝུ་ཏྟཾ. ཡཱ ‘‘ཏ་སྨཱ…པེ… གོ་ཙ་རོ’’ཏི གཱ་ཐཱ ཝུ་ཏྟཱ, ཏཱ་ཡ གཱ་ཐཱ་ཡ ཡཱ ས་མ་ཐ་ཝི་པ་སྶ་ནཱ ནི་དྡྷཱ་རི་ཏཱ, ཏཱ་ཡ ས་མ་ཐ་ཝི་པ་སྶ་ནཱ་ཡ བྷཱ་ཝི་ཏཱ་ཡ ཨ་ཀུ་ས་ལཱ་ནཾ ནི་རོ་དྷོ ཕ་ལཾ པ་ཡོ་ཛ་ནཾ ཧོ་ཏི, པ་རི་ཉྙཱ་ཏཾ དུ་ཀྑཾ ཧོ་ཏི, ས་མུ་ད་ཡོ པ་ཧཱི་ནོ ཧོ་ཏི, མ་གྒོ བྷཱ་ཝི་ཏོ ཧོ་ཏཱི་ཏི པ་རི་ཝ་ཏྟེ་ཏ་བྦོ. པ་ཊི་པ་ཀྑེ་ན པ་ན ས་མ་ཐ་ཝི་པ་སྶ་ནཱ་ཡ ཨ་བྷཱ་ཝི་ཏཱ་ཡ ཨ་ཀུ་ས་ལཱ་ནཾ ཨ་ནི་རོ་དྷོ, ཨ་པ་རི་ཉྙཱ་ཏཾ དུ་ཀྑཾ, ས་མུ་ད་ཡོ ཨ་པྤ་ཧཱི་ནོ, མ་གྒོ ཨ་བྷཱ་ཝི་ཏོ ཧོ་ཏཱི་ཏི པ་རི་ཝ་ཏྟེ་ཏ་བྦོ.

‘‘ཨེ་ཏྟ་ཀོ་ཝ པ་རི་ཝ་ཏྟ་ན་ཧཱ་ར་ས་མྤཱ་ཏོ པ་རི་པུ་ཎྞོ’’ཏི ཝ་ཏྟ་བྦ་ཏྟཱ ‘‘ནི་ཡུ་ཏྟོ པ་རི་ཝ་ཏྟ་ནོ ཧཱ་ར་ས་མྤཱ་ཏོ’’ཏི ཝུ་ཏྟཾ. ཡེ་ན ཡེ་ན སཾ་ཝ་ཎྞ་ནཱ་ཝི་སེ་ས་བྷཱུ་ཏེ་ན པ་རི་ཝ་ཏྟ་ན་ཧཱ་ར་ས་མྤཱ་ཏེ་ན སུ་ཏྟ་པྤ་དེ་ས་ཏྠཱ པ་རི་ཝ་ཏྟེ་ཏ་བྦཱ, སོ སོ སཾ་ཝ་ཎྞ་ནཱ་ཝི་སེ་ས་བྷཱུ་ཏོ པ་རི་ཝ་ཏྟ་ན་ཧཱ་ར་ས་མྤཱ་ཏོ ནི་ཡུ་ཏྟོ ཡ་ཐཱ་ར་ཧཾ ནཱི་ཧ་རི་ཏྭཱ ཡུ་ཛྫི་ཏ་བྦོ་ཏི ཨ་ཏྠོ ག་ཧེ་ཏ་བྦོ་ཏི.

ཨི་ཏི པ་རི་ཝ་ཏྟ་ན་ཧཱ་ར་ས་མྤཱ་ཏེ ས་ཏྟི་བ་ལཱ་ནུ་རཱུ་པཱ ར་ཙི་ཏཱ

ཝི་བྷཱ་ཝ་ནཱ ནི་ཊྛི་ཏཱ.

པ་ཎྜི་ཏེ་ཧི པ་ན…པེ… ག་ཧེ་ཏ་བྦོ་ཏི.