༥. ལ་ཀྑ་ཎ་ཧཱ་ར་ས་མྤཱ་ཏ་ཝི་བྷཱ་ཝ་ནཱ

༦༧. ཡེ་ན ཡེ་ན པ་ད་ཊྛཱ་ན་ཧཱ་ར་ས་མྤཱ་ཏེ་ན སུ་ཏྟ་པྤ་དེ་ས་ཏྠཱ་ནི པ་ད་ཊྛཱ་ནཱ་ནི ཨཱ་ཙ་རི་ཡེ་ན ནི་དྡྷཱ་རི་ཏཱ་ནི, ཨ་མྷེ་ཧི ཙ ཉཱ་ཏཱ་ནི, སོ པ་ད་ཊྛཱ་ན་ཧཱ་ར་ས་མྤཱ་ཏོ པ་རི་པུ་ཎྞོ, ‘‘ཀ་ཏ་མོ ལ་ཀྑ་ཎ་ཧཱ་ར་ས་མྤཱ་ཏོ’’ཏི པུ་ཙྪི་ཏ་བྦ་ཏྟཱ ‘‘ཏ་ཏྠ ཀ་ཏ་མོ ལ་ཀྑ་ཎོ ཧཱ་ར་ས་མྤཱ་ཏོ’’ཏི་ཨཱ་དི ཝུ་ཏྟཾ. ཏ་ཏྠ ཏེ་སུ དེ་ས་ནཱ་ཧཱ་ར་ས་མྤཱ་ཏཱ་དཱི་སུ སོ་ལ༹་ས་སུ ཧཱ་ར་ས་མྤཱ་ཏེ་སུ ཀ་ཏ་མོ སཾ་ཝ་ཎྞ་ནཱ་ཝི་སེ་སོ ལ་ཀྑ་ཎ་ཧཱ་ར་ས་མྤཱ་ཏོ ནཱ་མཱ་ཏི པུ་ཙྪ་ཏི.

‘‘ཀ་ཏ་མེ་ཧི སུ་ཏྟ་ཏྠེ་ཧི ས་མཱ་ན་ལ་ཀྑ་ཎཱ ཀ་ཏ་མེ དྷ་མྨཱ ག་ཧི་ཏཱ’’ཏི པུ་ཙྪི་ཏ་བྦ་ཏྟཱ ‘‘ཏ་སྨཱ’’ཏི་ཨཱ་དི ཝུ་ཏྟཾ. ‘‘ཏ་སྨཱ ར་ཀྑི་ཏ་ཙི་ཏྟ་སྶ, ས་མྨཱ་ས་ངྐ་པྤ་གོ་ཙ་རོ’’ཏི སུ་ཏྟ་པྤ་དེ་སེ་ན ཝུ་ཏྟཾ ཨི་དཾ ར་ཀྑ་ཎཾ ས་ཏི་ནྡྲི་ཡཾ ག་ཧི་ཏཾ, ས་ཏི་ནྡྲི་ཡེ ག་ཧི་ཏེ ས་དྡྷཱ་དི་པ་ཉྩི་ནྡྲི་ཡཱ་ནི ག་ཧི་ཏཱ་ནི བྷ་ཝ་ནྟི ཨི་ནྡྲི་ཡ་ཊྛེ་ན ས་མཱ་ན་ལ་ཀྑ་ཎ་ཏྟཱ. ‘‘ས་མྨཱ་དི་ཊྛི་པུ་རེ་ཀྑཱ་རོ’’ཏི སུ་ཏྟ་པྤ་དེ་སེ་ན ཝུ་ཏྟཱ ས་མྨཱ་དི་ཊྛི ག་ཧི་ཏཱ, ས་མྨཱ་དི་ཊྛི་ཡཱ ག་ཧི་ཏཱ་ཡ ཨ་རི་ཡོ ཨ་ཊྛ་ངྒི་ཀོ མ་གྒོ ག་ཧི་ཏོ བྷ་ཝ་ཏི. ཏཾ ཀི་སྶ ཧེ་ཏཱུཏི ཀཱ་ར་ཎཾ པུ་ཙྪ་ཏི. པུ་ཙྪི་ཏྭཱ ཀཱ་ར་ཎ་མཱ་ཧ ‘‘ས་མྨཱ་དི་ཊྛི་ཏོ ཧཱི’’ཏི་ཨཱ་དི་ནཱ. ས་མྨཱ་དི་ཊྛི་ཧེ་ཏུ་ཏོ ས་མྨཱ་ས་ངྐ་པྤོ ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ས་ངྐ་པྤ་ཏོ ས་མྨཱ་ཝཱ་ཙཱ ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ཝཱ་ཙཱ་ཏོ ས་མྨཱ་ཀ་མྨ་ནྟོ ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ཀ་མྨ་ནྟ་ཏོ ས་མྨཱ་ཨཱ་ཛཱི་ཝོ ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ཨཱ་ཛཱི་ཝ་ཏོ ས་མྨཱ་ཝཱ་ཡཱ་མོ ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ཝཱ་ཡཱ་མ་ཏོ ས་མྨཱ་ས་ཏིཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ས་ཏི་ཏོ ས་མྨཱ་ས་མཱ་དྷི ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ས་མཱ་དྷི་ཏོ ས་མྨཱ་ཝི་མུ་ཏྟི ཧི ཡ་སྨཱ པ་བྷ་ཝ་ཏི, ཏ་སྨཱ, ས་མྨཱ་ཝི་མུ་ཏྟི་ཏོ ས་མྨཱ་ཝི་མུ་ཏྟི་ཉཱ་ཎ་ད་སྶ་ནཾ ཧི ཡ་སྨཱ པ་བྷ་ཝ་ཏི, ཏ་སྨཱ, ཨ་རི་ཡོ ཨ་ཊྛ་ངྒི་ཀོ མ་གྒོ ག་ཧི་ཏོ བྷ་ཝ་ཏཱི་ཏི.

‘‘ཨེ་ཏྟ་ཀོ་ཝ ལ་ཀྑ་ཎ་ཧཱ་ར་ས་མྤཱ་ཏོ པ་རི་པུ་ཎྞོ’’ཏི ཝ་ཏྟ་བྦ་ཏྟཱ ‘‘ནི་ཡུ་ཏྟོ ལ་ཀྑ་ཎོ ཧཱ་ར་ས་མྤཱ་ཏོ’’ཏི ཝུ་ཏྟཾ. ཡེ་ན ཡེ་ན སཾ་ཝ་ཎྞ་ནཱ་ཝི་སེ་ས་བྷཱུ་ཏེ་ན ལ་ཀྑ་ཎ་ཧཱ་ར་ས་མྤཱ་ཏེ་ན སུ་ཏྟ་པྤ་དེ་ས་ཏྠཱ ས་མཱ་ན་ལ་ཀྑ་ཎེ་ན ག་ཧི་ཏཱ བྷ་ཝ་ནྟི, སོ སོ སཾ་ཝ་ཎྞ་ནཱ་ཝི་སེ་ས་བྷཱུ་ཏོ ལ་ཀྑ་ཎ་ཧཱ་ར་ས་མྤཱ་ཏོ ནི་ཡུ་ཏྟོ ཡ་ཐཱ་ར་ཧཾ ནི་དྡྷཱ་རེ་ཏྭཱ ཡུ་ཛྫི་ཏ་བྦོ་ཏི ཨ་ཏྠོ ག་ཧི་ཏོ་ཏི.

ཨི་ཏི ལ་ཀྑ་ཎ་ཧཱ་ར་ས་མྤཱ་ཏེ ས་ཏྟི་བ་ལཱ་ནུ་རཱུ་པཱ ར་ཙི་ཏཱ

ཝི་བྷཱ་ཝ་ནཱ ནི་ཊྛི་ཏཱ.

པ་ཎྜི་ཏེ་ཧི པ་ན…པེ… ག་ཧེ་ཏ་བྦོ་ཏི.