༡. ན་ཡ་མཱ་ཏི་ཀཱ་ཝ་ཎྞ་ནཱ

༡. ཙུ་དྡ་ས་ཝི་དྷེ་ནཱཏི ཙུ་དྡ་ས་པྤ་ཀཱ་རེ་ན, ཙུ་དྡ་ས་ཧི པ་དེ་ཧཱི་ཏི ཨ་ཏྠོ. ཏ་ཏྠ ‘‘ས་ངྒ་ཧོ ཨ་ས་ངྒ་ཧོ’’ཏི ཨི་ད་མེ་ཀཾ པ་དཾ, ཏ་ཐཱ ‘‘ས་མྤ་ཡོ་གོ ཝི་པྤ་ཡོ་གོ’’ཏི. ‘‘ས་ངྒ་ཧི་ཏེ་ན ས་མྤ་ཡུ་ཏྟཾ ཝི་པྤ་ཡུ་ཏྟ’’ནྟི་ཨཱ་དཱི་ནི པ་ན ཏཱི་ཎི ཏཱི་ཎི པ་དཱ་ནི ཨེ་ཀེ་ཀཾ པ་དཾ. ཨི་ཏ་རེ་སུ པ་ད་ཝི་བྷཱ་གོ སུ་ཝི་ཉྙེ་ཡྻོ་ཝ. ཨེ་ཏེ་ཧཱིཏི ས་ངྒ་ཧཱ་དི་པྤ་ཀཱ་རེ་ཧི. ན་ཡ་ནཾ པཱ་པ་ནཾ, ཏཾ པ་ན པ་ཝ་ཏྟ་ནཾ ཉཱ་པ་ན་ཉྩ ཧོ་ཏཱི་ཏི ‘‘པ་ཝ་ཏྟཱི་ཡ་ཏི ཉཱ་ཡ་ནྟཱི’’ཏི ཙ དྭི་དྷཱ་པི ཨ་ཏྠོ ཝུ་ཏྟོ. ན་ཡཱ ཨེ་ཝ ཨུ་དྡི་སི་ཡ་མཱ་ནཱ མཱ་ཏི་ཀཱ. ཨ་ཏྠ་དྭ་ཡེ་པི པ་ཝ་ཏྟ་ན་ཉཱ་ཎ་ཀི་རི་ཡཱ་ནཾ ཀ་ར་ཎ་བྷཱ་ཝེ་ན ས་ངྒ་ཧཱ་དི་པྤ་ཀཱ་རཱ ན་ཡཱ་ཏི ཝུ་ཏྟཱ. ཏེ་ནཱ་ཧ ཨ་ཊྛ་ཀ་ཐཱ་ཡཾ ‘‘ཨི་མི་ནཱ ས་ངྒ་ཧཱ་དི་ཀེ་ན ན་ཡེ་ནཱ’’ཏི (དྷཱ་ཏུ. ཨ་ཊྛ. ༡). པ་དཱ་ནནྟི ཨ་ཏྠ་དཱི་པ་ཀཱ་ནཾ ཝ་ཙ་ནཱ་ནཾ. པ་ཛྫ་ཏི ཨེ་ཏེ་ན ཨ་ཏྠོ་ཏི ཧི པ་དཾ. པ་དཱ་ནནྟི ཙ སཾ་སཱ་མི་ས་མྦ་ནྡྷེ སཱ་མི་ཝ་ཙ་ནཾ, པ་ཀ་ར་ཎ་སྶཱཏི པ་ན ཨ་ཝ་ཡ་ཝཱ་ཝ་ཡ་ཝཱི་ས་མྦ་ནྡྷེ.