ཨ་པ་ར་དུ་ཏི་ཡ་གཱ་ཐཱ་ས་ངྒ་ཎི་ཀཾ

ཀཱ་ཡི་ཀཱ་དི་ཨཱ་པ་ཏྟི་ཝ་ཎྞ་ནཱ

༤༧༤. ཝི་ན་ཡེ ག་རུ་ཀཱ ཝི་ན་ཡ་ག་རུ་ཀཱ. ཀི་ཉྩཱ་པི ཨི་དཾ དྭཱི་སུ གཱ་ཐཱ་སུ ཨཱ་ག་ཏཾ, ཨ་ཉྙེ་ཧི པ་ན མི་སྶེ་ཏྭཱ ཝུ་ཏྟ་བྷཱ་ཝ་ཏོ ནཱ་ནཱ་ཀ་ར་ཎཾ པ་ཙྩེ་ཏ་བྦཾ.

དེ་ས་ནཱ་གཱ་མི་ནི་ཡཱ་དི་ཝ་ཎྞ་ནཱ

༤༧༥. དྭེ སཾ་ཝཱ་ས་ཀ་བྷཱུ་མི་ཡོཏི ཨེ་ཏྠ བྷཱུ་མཱིཏི ཨ་ཝ་ཏྠཱ. ཨ་ངྒ་ཧཱི་ན་ཏཱ ཀཱ་ར་ཎ་ཝེ་ཀ་ལླ་ཝ་སེ་ན་པི ཝེ་དི་ཏ་བྦཱ་ཏི ཨཱ་ཧ ‘‘ཨ་པི་ཙེ་ཏྠཱ’’ཏི་ཨཱ་དི. ཨེ་ས ན་ཡོཏི ‘‘ཨ་པི་ཙེ་ཏྠཱ’’ཏི་ཨཱ་དི་ནཱ ཝུ་ཏྟ་ན་ཡོ. ཝ་ན་པྤ་ཏིཾ ཚི་ནྡ་ནྟ་སྶ པཱ་རཱ་ཛི་ཀནྟི ཨ་དི་ནྣཱ་དཱ་ནེ ཝ་ན་པྤ་ཏི་ཀ་ཐཱ་ཡ ཨཱ་ག་ཏཾ པ་ར་ས་ནྟ་ཀཾ ས་ནྡྷཱ་ཡ ཝུ་ཏྟཾ. ཝི་སྶ་ཊྛི་ཚ་ཌྜ་ནེཏི སུ་ཀྐ་ཝི་སྶ་ཊྛི་ཡཱ མོ་ཙ་ནེ. དུ་ཀྐ་ཊཱ ཀ་ཏཱཏི དུ་ཀྐ་ཊཾ ཝུ་ཏྟཾ. པ་ཋ་མ་སི་ཀྑཱ་པ་ད་མྷི་ཡེ་ཝཱཏི བྷི་ཀྑུ་ནོ་ཝཱ་ད་ཀ་ཝ་གྒ་སྶ པ་ཋ་མ་སི་ཀྑཱ་པ་དེ་ཡེ་ཝ. ཨཱ་མ་ཀ་དྷ་ཉྙཾ ཝི་ཉྙཱ་པེ་ཏྭཱ བྷུ་ཉྫ་ནྟི་ཡཱ པུ་བྦ་པ་ཡོ་གེ དུ་ཀྐ་ཊཾ, ཨ་ཛ྄ཛྷོ་ཧཱ་རེ པཱ་ཙི་ཏྟི་ཡཾ.

པཱ་ཙི་ཏྟི་ཡ་ཝ་ཎྞ་ནཱ

༤༧༦. ཨ་བྦྷུ་ཎྷ་སཱི་ལོཏི ཨ་བྷི་ན་ཝ་སཱི་ལོ.

༤༧༨. ཨ་སུ་ཏྟ་ཀནྟི སུ་ཏྟ་ཝི་ར་ཧི་ཏཾ, སུ་ཏྟ་ཏོ ཨ་པ་ནཱི་ཏཾ ན་ཏྠཱི་ཏི ཨ་ཏྠོ.