༨. ཝ་ཏྟ་ཀྑ་ནྡྷ་ཀཾ
ཨཱ་ག་ནྟུ་ཀ་ཝ་ཏྟ་ཀ་ཐཱ་ཝ་ཎྞ་ནཱ
༣༥༦-༣༥༧. ཝ་ཏྟ་ཀྑ་ནྡྷ་ཀེ ཨུ་པ་རི་པི་ཊྛི་ཏོཏི པི་ཊྛི་ས་ངྒྷཱ་ཊ་སྶ ཨུ་པ་རི་བྷཱ་ག་ཏོ, དྭཱ་ར་བཱ་ཧ་སྶ ཨུ་པ་རི་པ་དེ་ས་ཏོ་ཏི ཨ་ཏྠོ. ཝི་སྶ་ཛྫེ་ཏ་བྦནྟི སུ་ཀྑཱ་པ་ན་ཏྠཾ ཨཱ་ཏ་པེ ཝི་སྶ་ཛྫི་ཏ་བྦཾ. ཨ་བྷི་ཝཱ་དཱ་པེ་ཏ་བྦོཏི ཏ་སྶ ཝ་སྶེ པུ་ཙྪི་ཏེ ཡ་དི ད་ཧ་རོ ཧོ་ཏི, ས་ཡ་མེ་ཝ ཝ་ནྡི་སྶ་ཏི, ཏ་དཱ ཨི་མི་ནཱ་ཝ ཝ་ནྡཱ་པི་ཏོ ནཱ་མ ཧོ་ཏི. ནི་ལློ་ཀེ་ཏ་བྦོཏི ཨོ་ལོ་ཀེ་ཏ་བྦོ. ཡ་ཐཱ་བྷཱ་གནྟི པུ་བྦེ པ་ཉྙ་ཏྟཾ པ་དེ་ས་བྷཱ་གཾ ཨ་ན་ཏི་ཀྐ་མི་ཏྭཱ. ས་ནྟཱ་ན་ཀནྟི ཨུ་ཎྞ་ནཱ་བྷི་སུ་ཏྟཾ. ཨུ་ལློ་ཀཱཏི གེ་ཧ་སྶ ཨུ་པ་རི་བྷཱ་ག་ཏོ པ་ཊྛཱ་ཡ, པ་ཋ་མཾ ཨུ་པ་རི་བྷཱ་གོ ས་མྨ་ཛྫི་ཏ་བྦོ་ཏི ཝུ་ཏྟཾ ཧོ་ཏི.
ཨཱ་ཝཱ་སི་ཀ་ཝ་ཏྟ་ཀ་ཐཱ་ཝ་ཎྞ་ནཱ
༣༥༩. མ་ཧཱ་ཨཱ་ཝཱ་སེཏི མ་ཧཱ་ཝི་ཧཱ་ར་ས་དི་སེ མ་ཧཱ་ཨཱ་ཝཱ་སེ.
ཨ་ནུ་མོ་ད་ན་ཝ་ཏྟ་ཀ་ཐཱ་ཝ་ཎྞ་ནཱ
༣༦༢. པ་ཉྩ་མེ ནི་སི་ནྣེཏི ཨ་ནུ་མོ་ད་ན་ཏྠཱ་ཡ ནི་སི་ནྣེ. ཨུ་པ་ནི་སི་ནྣ་ཀ་ཐཱ ནཱ་མ བ་ཧཱུ་སུ ས་ནྣི་པ་ཏི་ཏེ་སུ པ་རི་ཀ་ཐཱ་ཀ་ཐ་ནཾ.
བྷ་ཏྟ་གྒ་ཝ་ཏྟ་ཀ་ཐཱ་ཝ་ཎྞ་ནཱ
༣༦༤. མ་ནུ་སྶཱ་ནཾ པ་རི་ཝི་ས་ན་ཊྛཱ་ནནྟི ཡ་ཏྠ མ་ནུ་སྶཱ ས་པུ་ཏྟ་དཱ་རཱ ཨཱ་ཝ་སི་ཏྭཱ དེ་ནྟི. ཧ་ཏྠ་དྷོ་ཝ་ན་ཨུ་ད་ཀཾ ས་ནྡྷཱ་ཡཱཏི བྷུ་ཏྟཱ་ཝི་སྶ བྷོ་ཛ་ནཱ་ཝ་སཱ་ནེ ཧ་ཏྠ་དྷོ་ཝ་ན་ཨུ་ད་ཀཾ ས་ནྡྷཱ་ཡ. ཏེ་ནེ་ཝཱ་ཧ ‘‘ཨ་ནྟ་རཱ པི་པཱ་སི་ཏེ་ན པ་ན…པེ… ཧ་ཏྠཱ ན དྷོ་ཝི་ཏ་བྦཱ’’ཏི. པོ་ཏྠ་ཀེ་སུ པ་ན ‘‘པཱ་ནཱི་ཡཾ པི་ཝི་ཏྭཱ ཧ་ཏྠཱ ན དྷོ་ཝི་ཏ་བྦཱ’’ཏི ལི་ཁ་ནྟི, ‘‘ཧ་ཏྠཱ དྷོ་ཝི་ཏ་བྦཱ’’ཏི པཱ་ཋེ་ན བྷ་ཝི་ཏ་བྦ་ནྟི ཨ་མྷཱ་ཀཾ ཁ་ནྟི. ཨ་ཉྙ་ཐཱ ‘‘ན ཏཱ་ཝ ཨུ་ད་ཀ་ནྟི ཨི་དཾ ཧ་ཏྠ་དྷོ་ཝ་ན་ཨུ་ད་ཀཾ ས་ནྡྷཱ་ཡ ཝུ་ཏྟ’’ནྟི ཝ་ཏྭཱ ‘‘ཨ་ནྟ་རཱ པི་པཱ་སི་ཏེ་ན པ་ནཱ’’ཏི་ཨཱ་དི་ནཱ ཝུ་ཏྟ་ཝི་སེ་སོ ན ཨུ་པ་ལ་བྦྷ་ཏི. ཨ་ཐ མ་ཏཾ ‘‘ན ཏཱ་ཝ ཐེ་རེ་ན ཨུ་ད་ཀཾ པ་ཊི་གྒ་ཧེ་ཏ་བྦནྟི ཨི་དཾ ཀིཾ པཱ་ནཱི་ཡ་པ་ཊི་གྒ་ཧ་ཎཾ ས་ནྡྷཱ་ཡ ཝུ་ཏྟཾ, ཨུ་དཱ་ཧུ ཧ་ཏྠ་དྷོ་ཝ་ན་ཨུ་ད་ཀ་གྒ་ཧ་ཎཾ ས་ནྡྷཱ་ཡཱ་ཏི ཨཱ་ས་ངྐཱ་ནི་ཝ་ཏྟ་ན་ཏྠཾ ‘ཨི་དཾ ཧ་ཏྠ་དྷོ་ཝ་ན་ཨུ་ད་ཀཾ ས་ནྡྷཱ་ཡ ཝུ་ཏྟ’ནྟི་ཨཱ་དི ཀ་ཐི་ཏ’’ནྟི, ཏ་ཉྩ ན, ཏ་ཏྠ ཨཱ་ས་ངྐཱ་ཡ ཨེ་ཝ ཨ་ས་མྦྷ་ཝ་ཏོ. ན ཧི བྷ་ག་ཝཱ ‘‘ཡཱ་ཝ ཨ་ཉྙེ ན བྷུ་ཏྟཱ་ཝི་ནོ ཧོ་ནྟི, ཏཱ་ཝ པཱ་ནཱི་ཡཾ ན པཱ་ཏ་བྦ’’ནྟི ཝ་ཀྑ་ཏཱི་ཏི ས་ཀྐཱ ཝི་ཉྙཱ་ཏུཾ. ཡ་དི ཙེ་ཏཾ པཱ་ནཱི་ཡ་པ་ཊི་གྒ་ཧ་ཎཾ ས་ནྡྷཱ་ཡ ཝུ་ཏྟཾ, ‘‘ན ཏཱ་ཝ ཐེ་རེ་ན ཨུ་ད་ཀཾ པ་ཊི་གྒ་ཧེ་ཏ་བྦ’’ནྟི ཨུ་ད་ཀ་ས་དྡ་པྤ་ཡོ་གོ ཙ ན ཀ་ཏྟ་བྦོ སི་ཡཱ, ཨ་ཊྛ་ཀ་ཐཱ་ཡ་ཉྩ ‘‘ཨི་དཾ ཧ་ཏྠ་དྷོ་ཝ་ན་ཨུ་ད་ཀཾ ས་ནྡྷཱ་ཡ ཝུ་ཏྟ’’ནྟི ཝ་ཏྭཱ ཏེ་ན ནི་ཝ་ཏྟི་ཏ་བྦ་མ་ཏྠཾ ད་སྶེ་ནྟེ་ན ‘‘ཨ་ནྟ་རཱ པི་པཱ་སི་ཏེ་ན པ་ན ག་ལེ ཝི་ལ་གྒཱ་མི་སེ་ན ཝཱ པཱ་ནཱི་ཡཾ པི་ཝི་ཏ་བྦ’’ནྟི ཨེ་ཏྟ་ཀ་མེ་ཝ ཝ་ཏྟ་བྦཾ, ‘‘པཱ་ནཱི་ཡཾ པི་ཝི་ཏྭཱ ཧ་ཏྠཱ ན དྷོ་ཝི་ཏ་བྦཱ’’ཏི ཨེ་ཝཾ པ་ན ན ཝ་ཏྟ་བྦ་ནྟི. དྷུ་རེ ནི་སི་ནྣཱ ཧོ་ནྟཱིཏི དྭཱ་ར་ས་མཱི་པེ ནི་སི་ནྣཱ ཧོ་ནྟི.
པི་ཎྜ་ཙཱ་རི་ཀ་ཝ་ཏྟ་ཀ་ཐཱ་ཝ་ཎྞ་ནཱ
༣༦༦. པ་རཱ་མ་ས་ཏཱིཏི ག་ཎྷཱ་ཏི. ཋ་པེ་ཏི ཝཱཏི ‘‘ཏི་ཊྛ་ཐ, བྷ་ནྟེ’’ཏི ཝ་ད་ནྟཱི ཋ་པེ་ཏི ནཱ་མ.
ཨཱ་ར་ཉྙི་ཀ་ཝ་ཏྟ་ཀ་ཐཱ་ཝ་ཎྞ་ནཱ
༣༦༧. ཀེ་ན་ཛྫ, བྷ་ནྟེ, ཡུ་ཏྟནྟི ཀེ་ན ན་ཀྑ་ཏྟེ་ན ཨ་ཛྫ ཙ་ནྡོ ཡུ་ཏྟོ་ཏི ཨེ་ཝཾ ཝ་ད་ནྟེ་ན ན་ཀྑ་ཏྟཾ པུ་ཙྪི་ཏཾ ཧོ་ཏི.
སེ་ནཱ་ས་ན་ཝ་ཏྟ་ཀ་ཐཱ་ཝ་ཎྞ་ནཱ
༣༦༩-༣༧༠. ཨ་ངྒ་ཎེཏི ཨ་བྦྷོ་ཀཱ་སེ. ན ཝུ་ཌྜྷཾ ཨ་ནཱ་པུ་ཙྪཱཏི ཨེ་ཏྠ ཏ་སྶ ཨོ་ཝ་ར་ཀེ ཏ་དུ་པ་ཙཱ་རེ ཙ ཨཱ་པུ་ཙྪི་ཏ་བྦ་ནྟི ཝ་ད་ནྟི. བྷོ་ཛ་ན་སཱ་ལཱ་དཱི་སུ་པི ཨེ་ཝ་མེ་ཝ པ་ཊི་པ་ཛྫི་ཏ་བྦནྟི བྷོ་ཛ་ན་སཱ་ལཱ་དཱི་སུ་པི ཨུ་དྡེ་ས་དཱ་ནཱ་དི ཨཱ་པུ་ཙྪི་ཏྭཱ་ཝ ཀཱ་ཏ་བྦ་ནྟི ཨ་ཏྠོ.
ཝ་ཙྩ་ཀུ་ཊི་ཝ་ཏྟ་ཀ་ཐཱ་ཝ་ཎྞ་ནཱ
༣༧༣-༣༧༤. ཨི་དཾ ཨ་ཏི་ཝི་ཝ་ཊནྟི ཨི་དཾ ཋཱ་ནཾ གུ་མྦཱ་དཱི་ཧི ཨ་པྤ་ཊི་ཙྪ་ནྣ་ཏྟཱ ཨ་ཏི་ཝི་ཡ པ་ཀཱ་ས་ནཾ. ནི་བ་དྡྷ་ག་མ་ན་ཏྠཱ་ཡཱཏི ཨ་ཏྟ་ནོ ནི་བ་དྡྷ་ག་མ་ན་ཏྠཱ་ཡ. པུ་གྒ་ལི་ཀ་ཊྛཱ་ནཾ ཝཱཏི ཨ་ཏྟ་ནོ ཝི་ཧཱ་རཾ ས་ནྡྷཱ་ཡ ཝུ་ཏྟཾ. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.
ཨི་མ་སྨིཾ ཝ་ཏྟ་ཀྑ་ནྡྷ་ཀེ ཨཱ་ག་ཏཱ་ནི ཨཱ་ག་ནྟུ་ཀཱ་ཝཱ་སི་ཀ་ག་མི་ཡཱ་ནུ་མོ་ད་ན་བྷ་ཏྟ་གྒ་པི་ཎྜ་ཙཱ་རི་ཀཱ་ར་ཉྙི་ཀ སེ་ནཱ་ས་ན ཛ་ནྟཱ་གྷ་ར ཝ་ཙྩ་ཀུ་ཊི ཨུ་པ་ཛ྄ཛྷཱ་ཙ་རི་ཡ ས་དྡྷི་ཝི་ཧཱ་རི་ཀ ཨ་ནྟེ་ཝཱ་སི་ཀ་ཝ་ཏྟཱ་ནི ཙུ་དྡ་ས མ་ཧཱ་ཝ་ཏྟཱ་ནི ནཱ་མ, ཨི་ཏོ ཨ་ཉྙཱ་ནི པ་ན ཀ་དཱ་ཙི ཏ་ཛྫ་ནཱི་ཡ་ཀ་མྨ་ཀ་ཏཱ་དི་ཀཱ་ལེ་ཡེ་ཝ ཙ་རི་ཏ་བྦཱ་ནི ཨ་སཱི་ཏི ཁ་ནྡྷ་ཀ་ཝ་ཏྟཱ་ནཱིཏི ཝེ་དི་ཏ་བྦཱ་ནི. ག་ཎྛི་པ་དེ་སུ པ་ན ‘‘ཨི་མཱ་ནི་ཡེ་ཝ ཙུ་དྡ་ས མ་ཧཱ་ཝ་ཏྟཱ་ནི ཨ་གྒ་ཧི་ཏ་གྒ་ཧ་ཎེ་ན ག་ཧི་ཡ་མཱ་ནཱ་ནི ཨ་སཱི་ཏི ཁ་ནྡྷ་ཀ་ཝ་ཏྟཱ་ཨཱ་ནཱི’’ཏི ཝུ་ཏྟཾ, ཏཾ ན ག་ཧེ་ཏ་བྦཾ.
ཝ་ཏྟ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.