༣. ས་མུ་ཙྩ་ཡ་ཀྑ་ནྡྷ་ཀཾ
སུ་ཀྐ་ཝི་སྶ་ཊྛི་ཀ་ཐཱ་ཝ་ཎྞ་ནཱ
༩༧. ས་མུ་ཙྩ་ཡ་ཀྑ་ནྡྷ་ཀེ ཝུ་ཏྟ་ན་ཡེ་ན ཝ་ཏྟཾ ས་མཱ་དཱ་ཏ་བྦནྟི པཱ་རི་ཝཱ་སི་ཀ་ཀྑ་ནྡྷ་ཀ་ཝ་ཎྞ་ནཱ་ཡཾ ཝུ་ཏྟ་ན་ཡེ་ན དྭཱི་ཧི པ་དེ་ཧི ཨེ་ཀེ་ན ཝཱ ས་མཱ་དཱ་ཏ་བྦཾ. ཝེ་དི་ཡཱ་མཱིཏི ཙི་ཏྟེ་ན ས་མྤ་ཊི་ཙྪི་ཏྭཱ སུ་ཁཾ ཨ་ནུ་བྷ་ཝཱ་མི, ན ཏ་པྤ་ཙྩ་ཡཱ ཨ་ཧཾ དུ་ཀྑི་ཏོ་ཏི ཨ་དྷི་པྤཱ་ཡོ. ཝུ་ཏྟ་ན་ཡེ་ནེ་ཝ ས་ངྒྷ་མ་ཛ྄ཛྷེ ནི་ཀྑི་པི་ཏ་བྦནྟི པཱ་རི་ཝཱ་སི་ཀ་ཀྑ་ནྡྷ་ཀེ ཝུ་ཏྟ་ན་ཡེ་ན ‘‘མཱ་ན་ཏྟཾ ནི་ཀྑི་པཱ་མི, ཝ་ཏྟཾ ནི་ཀྑི་པཱ་མཱི’’ཏི ཨི་མེ་ཧི དྭཱི་ཧི ཨེ་ཀེ་ན ཝཱ ནི་ཀྑི་པི་ཏ་བྦཾ. ཏ་སྶ ཨཱ་རོ་ཙེ་ཏྭཱ ནི་ཀྑི་པི་ཏ་བྦནྟི ཨ་ནཱ་རོ་ཙ་ནེ་ན ཝ་ཏྟ་བྷེ་ད་དུ་ཀྐ་ཊ་པ་རི་མོ་ཙ་ན་ཏྠཾ ཝུ་ཏྟཾ. དྭེ ལེ་ཌྜུ་པཱ་ཏེ ཨ་ཏི་ཀྐ་མི་ཏྭཱཏི བྷི་ཀྑཱུ་ནཾ ས་ཛ྄ཛྷཱ་ཡ་ན་ས་དྡ་ས་ཝ་ནཱུ་པ་ཙཱ་ར་ཝི་ཛ་ཧ་ན་ཏྠཾ ཝུ་ཏྟཾ, མ་ཧཱ་མ་གྒ་ཏོ ཨོ་ཀྐ་མྨཱཏི མ་གྒ་པྤ་ཊི་པ་ནྣ་བྷི་ཀྑཱུ་ནཾ ཨུ་པ་ཙཱ་ར་ཝི་ཛ་ཧ་ན་ཏྠཾ, གུ་མྦེ་ན ཝཱ ཝ་ཏི་ཡཱ ཝཱ པ་ཊི་ཙྪ་ནྣ་ཊྛཱ་ནེཏི ད་སྶ་ནཱུ་པ་ཙཱ་ར་ཝི་ཛ་ཧ་ན་ཏྠཾ. ཨ་ནི་ཀྑི་ཏྟ་ཝ་ཏྟེ་ན ཨ་ནྟོ་ཨུ་པ་ཙཱ་ར་ག་ཏཱ་ནཾ ས་བྦེ་ས་མྤི ཨཱ་རོ་ཙེ་ཏ་བྦ་ཏྟཱ ‘‘ཨ་ཡཾ ནི་ཀྑི་ཏྟ་ཝ་ཏྟ་སྶ པ་རི་ཧཱ་རོ’’ཏི ཝུ་ཏྟཾ. ཏ་ཏྠ ནི་ཀྑི་ཏྟ་ཝ་ཏྟ་སྶཱཏི ཝ་ཏྟཾ ནི་ཀྑི་པི་ཏྭཱ པ་རི་ཝ་ས་ནྟ་སྶཱ་ཏི ཨ་ཏྠོ. ཨ་ཡཾ པ་ནེ་ཏྠ ཐེ་ར་སྶ ཨ་དྷི་པྤཱ་ཡོ – ཝ་ཏྟཾ ནི་ཀྑི་པི་ཏྭཱ པ་རི་ཝ་ས་ནྟ་སྶ ཨུ་པ་ཙཱ་ར་ག་ཏཱ་ནཾ ས་བྦེ་སཾ ཨཱ་རོ་ཙ་ན་ཀི་ཙྩཾ ན་ཏྠི, དི་ཊྛ་རཱུ་པཱ་ནཾ སུ་ཏ་ས་དྡཱ་ནཾ ཨཱ་རོ་ཙེ་ཏ་བྦཾ, ཨ་དི་ཊྛ་ཨ་སུ་ཏཱ་ན་མྤི ཨ་ནྟོ་དྭཱ་ད་ས་ཧ་ཏྠ་ག་ཏཱ་ནཾ ཨཱ་རོ་ཙེ་ཏ་བྦཾ. ཨི་དཾ ཝ་ཏྟཾ ནི་ཀྑི་པི་ཏྭཱ པ་རི་ཝ་ས་ནྟ་སྶ ལ་ཀྑ་ཎ་ནྟི.
པ་རི་ཝཱ་ས་ཀ་ཐཱ་ཝ་ཎྞ་ནཱ
༡༠༢. ‘‘ས་ཏི་ཡེ་ཝ ཨ་ནྟ་རཱ་ཡེ ཨ་ནྟ་རཱ་ཡི་ཀ་ས་ཉྙཱི ཚཱ་དེ་ཏི, ཨ་ཙྪ་ནྣཱ ཧོ་ཏི. ཨ་ནྟ་རཱ་ཡི་ཀ་སྶ པ་ན ཨ་ན་ནྟ་རཱ་ཡི་ཀ་ས་ཉྙཱ་ཡ ཚཱ་ད་ཡ་ཏོ ཨ་ཙྪ་ནྣཱ་ཝཱ’’ཏི་པི པཱ་ཋོ. ཨ་ཝེ་རཱིཏི ཧི་ཏ་ཀཱ་མོ. ཨུ་དྡྷ་སྟེ ཨ་རུ་ཎེཏི ཨུ་ཊྛི་ཏེ ཨ་རུ་ཎེ. སུ་དྡྷ་སྶ ས་ནྟི་ཀེཏི ས་བྷཱ་ག་ས་ངྒྷཱ་དི་སེ་སཾ ཨ་ནཱ་པ་ནྣ་སྶ ས་ནྟི་ཀེ. ཝ་ཏྠུནྟི ཨ་སུ་ཙི་མོ་ཙ་ནཱ་དི་ཝཱི་ཏི་ཀྐ་མཾ.
སུ་ཀྐ་ཝི་སྶ་ཊྛཱི་ཏི ཝ་ཏྠུ ཙེ་ཝ གོ་ཏྟ་ཉྩཱཏི སུ་ཀྐ་ཝི་སྶ་ཊྛཱིཏི ཨི་དཾ ཨ་སུ་ཙི་མོ་ཙ་ན་ལ་ཀྑ་ཎ་སྶ ཝཱི་ཏི་ཀྐ་མ་སྶ པ་ཀཱ་ས་ན་ཏོ ཝ་ཏྠུ ཙེ་ཝ ཧོ་ཏི, ས་ཛཱ་ཏི་ཡ་སཱ་དྷཱ་ར་ཎ་ཝི་ཛཱ་ཏི་ཡ་ཝི་ནི་ཝ་ཏྟ་ས་བྷཱ་ཝཱ་ཡ སུ་ཀྐ་ཝི་སྶ་ཊྛི་ཡཱ ཨེ་ཝ པ་ཀཱ་ས་ན་ཏོ གོ་ཏྟ་ཉྩ ཧོ་ཏཱི་ཏི ཨ་ཏྠོ. གཾ ཏཱ་ཡ་ཏཱི་ཏི ཧི གོ་ཏྟཾ. ས་ངྒྷཱ་དི་སེ་སོ་ཏི ནཱ་མ་ཉྩེ་ཝ ཨཱ་པ་ཏྟི ཙཱཏི ས་ངྒྷཱ་དི་སེ་སོཏི ཏེ་ན ཏེ་ན ཝཱི་ཏི་ཀྐ་མེ་ན ཨཱ་པ་ནྣ་སྶ ཨཱ་པ་ཏྟི་ནི་ཀཱ་ཡ་སྶ ནཱ་མ་པྤ་ཀཱ་ས་ན་ཏོ ནཱ་མ་ཉྩེ་ཝ ཧོ་ཏི ཨཱ་པ་ཏྟི་ས་བྷཱ་ག་ཏྟཱ ཨཱ་པ་ཏྟི ཙ.
ཏ་ད་ནུ་རཱུ་པཾ ཀ་མྨ་ཝཱ་ཙཾ ཀ་ཏྭཱ མཱ་ན་ཏྟཾ དཱ་ཏ་བྦནྟི –
‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ཨེ་ཀཾ ཨཱ་པ་ཏྟིཾ ཨཱ་པ་ཛྫི ས་ཉྩེ་ཏ་ནི་ཀཾ སུ་ཀྐ་ཝི་སྶ་ཊྛིཾ ཨེ་ཀཱ་ཧ་པ་ཊི་ཙྪ་ནྣཾ, སོ ས་ངྒྷཾ ཨེ་ཀི་སྶཱ ཨཱ་པ་ཏྟི་ཡཱ ས་ཉྩེ་ཏ་ནི་ཀཱ་ཡ སུ་ཀྐ་ཝི་སྶ་ཊྛི་ཡཱ ཨེ་ཀཱ་ཧ་པ་ཊི་ཙྪ་ནྣཱ་ཡ ཨེ་ཀཱ་ཧ་པ་རི་ཝཱ་སཾ ཡཱ་ཙི. ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཨེ་ཀི་སྶཱ ཨཱ་པ་ཏྟི་ཡཱ ས་ཉྩེ་ཏ་ནི་ཀཱ་ཡ སུ་ཀྐ་ཝི་སྶ་ཊྛི་ཡཱ ཨེ་ཀཱ་ཧ་པ་ཊི་ཙྪ་ནྣཱ་ཡ ཨེ་ཀཱ་ཧ་པ་རི་ཝཱ་སཾ ཨ་དཱ་སི. སོ པ་རི་ཝུ་ཏྠ་པ་རི་ཝཱ་སོ. ཨ་ཡཾ ཨི་ཏྠ་ནྣཱ་མོ བྷི་ཀྑུ ཨེ་ཀཾ ཨཱ་པ་ཏྟིཾ ཨཱ་པ་ཛྫི ས་ཉྩེ་ཏ་ནི་ཀཾ སུ་ཀྐ་ཝི་སྶ་ཊྛིཾ ཨ་པྤ་ཊི་ཙྪ་ནྣཾ, སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ས་ཉྩེ་ཏ་ནི་ཀཱ་ནཾ སུ་ཀྐ་ཝི་སྶ་ཊྛཱི་ནཾ པ་ཊི་ཙྪ་ནྣཱ་ཡ ཙ ཨ་པྤ་ཊི་ཙྪ་ནྣཱ་ཡ ཙ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི. ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ དྭི་ནྣཾ ཨཱ་པ་ཏྟཱི་ནཾ ས་ཉྩེ་ཏ་ནི་ཀཱ་ནཾ སུ་ཀྐ་ཝི་སྶ་ཊྛཱི་ནཾ པ་ཊི་ཙྪ་ནྣཱ་ཡ ཙ ཨ་པྤ་ཊི་ཙྪ་ནྣཱ་ཡ ཙ ཚཱ་ར་ཏྟཾ མཱ་ན་ཏྟཾ ད་དེ་ཡྻ, ཨེ་སཱ ཉ་ཏྟི.
སུ་ཎཱ་ཏུ མེ, བྷ་ནྟེ…པེ… སོ པ་རི་ཝུ་ཏྠ་པ་རི་ཝཱ་སོ. ཨ་ཡཾ ཨི་ཏྠ་ནྣཱ་མོ བྷི་ཀྑུ ཨེ་ཀཾ ཨཱ་པ་ཏྟིཾ ཨཱ་པ་ཛྫི ས་ཉྩེ་ཏ་ནི་ཀཾ སུ་ཀྐ་ཝི་སྶ་ཊྛིཾ ཨ་པྤ་ཊི་ཙྪ་ནྣཾ, སོ ས་ངྒྷཾ ཏཱ་སཾ…པེ… ཡཱ་ཙ་ཏི. ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ དྭི་ནྣཾ ཨཱ་པ་ཏྟཱི་ནཾ ས་ཉྩེ་ཏ་ནི་ཀཱ་ནཾ སུ་ཀྐ་ཝི་སྶ་ཊྛཱི་ནཾ པ་ཊི་ཙྪ་ནྣཱ་ཡ ཙ ཨ་པྤ་ཊི་ཙྪ་ནྣཱ་ཡ ཙ ཚཱ་ར་ཏྟཾ མཱ་ན་ཏྟཾ དེ་ཏི. ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ དྭི་ནྣཾ ཨཱ་པ་ཏྟཱི་ནཾ ས་ཉྩེ་ཏ་ནི་ཀཱ་ནཾ སུ་ཀྐ་ཝི་སྶ་ཊྛཱི་ནཾ པ་ཊི་ཙྪ་ནྣཱ་ཡ ཙ ཨ་པྤ་ཊི་ཙྪ་ནྣཱ་ཡ ཙ ཚཱ་ར་ཏྟཾ མཱ་ན་ཏྟ་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.
དུ་ཏི་ཡ་མྤི ཨེ་ཏ་མ་ཏྠཾ ཝ་དཱ་མི…པེ… ཏ་ཏི་ཡ་མྤི ཨེ་ཏ་མ་ཏྠཾ ཝ་དཱ་མི…པེ…
དི་ནྣཾ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ དྭི་ནྣཾ ཨཱ་པ་ཏྟཱི་ནཾ ས་ཉྩེ་ཏ་ནི་ཀཱ་ནཾ སུ་ཀྐ་ཝི་སྶ་ཊྛཱི་ནཾ པ་ཊི་ཙྪ་ནྣཱ་ཡ ཙ ཨ་པྤ་ཊི་ཙྪ་ནྣཱ་ཡ ཙ ཚཱ་ར་ཏྟཾ མཱ་ན་ཏྟཾ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི. ཨེ་ཝ་མེ་ཏཾ དྷཱ་ར་ཡཱ་མཱི་ཏི –
ཨེ་ཝཾ ཀ་མྨ་ཝཱ་ཙཾ ཀ་ཏྭཱ མཱ་ན་ཏྟཾ དཱ་ཏ་བྦཾ. ཙི་ཎྞ་མཱ་ན་ཏྟ་སྶ ཙ ཨི་མི་ནཱ་ཝ ན་ཡེ་ན ཀ་མྨ་ཝཱ་ཙཾ ཡོ་ཛེ་ཏྭཱ ཨ་བྦྷཱ་ནཾ ཀཱ་ཏ་བྦཾ.
ཨ་ཉྙ་སྨིནྟི སུ་དྡྷ་ནྟ་པ་རི་ཝཱ་ས་ཝ་སེ་ན ཨཱ་པ་ཏྟི་ཝུ་ཊྛཱ་ན་ཏོ ཨ་ཉྙ་སྨིཾ. ད་ས་ས་ཏཾ ཨཱ་པ་ཏྟི་ཡོ ར་ཏྟི་ས་ཏཾ ཚཱ་ད་ཡི་ཏྭཱ་ཏི ཡོ་ཛེ་ཏ་བྦཾ.
པ་རི་ཝཱ་ས་ཀ་ཐཱ་ཝ་ཎྞ་ནཱ ནི་ཊྛི་ཏཱ.
ཨ་ཏྟ་ནོ སཱི་མཾ སོ་དྷེ་ཏྭཱ ཝི་ཧཱ་ར་སཱི་མཱ་ཡཱཏི ཝི་ཧཱ་རེ བ་དྡྷ་སཱི་མ་མེ་ཝ ས་ནྡྷཱ་ཡ ཝུ་ཏྟཾ. ཝི་ཧཱ་རཱུ་པ་ཙཱ་ར་ཏོ་པི དྭེ ལེ་ཌྜུ་པཱ་ཏཱ ཨ་ཏི་ཀྐ་མི་ཏ་བྦཱཏི བྷི་ཀྑུ་ཝི་ཧཱ་རཾ ས་ནྡྷཱ་ཡ ཝ་ད་ཏི གཱ་མཱུ་པ་ཙཱ་རཱ་ཏི་ཀྐ་མེ་ནེ་ཝ བྷི་ཀྑུ་ནཱི་ཝི་ཧཱ་རཱུ་པ་ཙཱ་རཱ་ཏི་ཀྐ་མ་སྶ སི་དྡྷ་ཏྟཱ. ཝི་ཧཱ་ར་སྶ ཙཱཏི བྷི་ཀྑུ་ཝི་ཧཱ་ར་སྶ. གཱ་མ་སྶཱ་ཏི ན ཝུ་ཏྟནྟི གཱ་མ་སྶ ཨུ་པ་ཙཱ་རཾ མུ་ཉྩི་ཏུཾ ཝ་ཊྚ་ཏཱི་ཏི ན ཝུ་ཏྟཾ, ཏ་སྨཱ གཱ་མཱུ་པ་ཙཱ་རེ་པི ཝ་ཊྚ་ཏཱི་ཏི ཨ་དྷི་པྤཱ་ཡོ.
ཏ་ཏྠེ་ཝ ཋཱ་ནཾ པ་ཙྩཱ་སཱི་ས་ནྟཱིཏི བྷི་ཀྑཱུ་ནཾ ཋཱ་ནཾ པ་ཙྩཱ་སཱི་ས་ནྟི. པ་རི་ཝཱ་ས་ཝ་ཏྟཱ་དཱི་ནནྟི པ་རི་ཝཱ་ས་ནི་སྶ་ཡ་པ་ཊི་པྤ་སྶ་དྡྷི་ཨཱ་དཱི་ནཾ. ཡུ་ཏྟ་ཏ་རཾ དི་སྶ་ཏཱིཏི ཨི་མི་ནཱ ཨ་ནི་ཀྑི་ཏྟ་ཝ་ཏྟ་བྷི་ཀྑུ་ནཱ ཝི་ཡ བྷི་ཀྑུ་ནི་ཡཱ་པི ཨ་ནྟོ་ཨུ་པ་ཙཱ་ར་སཱི་མ་ག་ཏཱ་ནཾ་ཡེ་ཝ ཨཱ་རོ་ཙེ་ཏ་བྦཾ, ན གཱ་མེ ཋི་ཏཱ་ན་མྤི ག་ནྟྭཱ ཨཱ་རོ་ཙེ་ཏ་བྦ་ནྟི དཱི་པེ་ཏི. ཏ་སྨིཾ གཱ་མེཏི ཡ་སྨིཾ གཱ་མེ བྷི་ཀྑུ་ནུ་པ་སྶ་ཡོ ཧོ་ཏི, ཏ་སྨིཾ གཱ་མེ. བ་ཧི ཨུ་པ་ཙཱ་ར་སཱི་མཱ་ཡ ཋ་ཏྭཱཏི ཨུ་པ་ཙཱ་ར་སཱི་མ་ཏོ བ་ཧི ཋ་ཏྭཱ. ས་མྨ་ནྣི་ཏྭཱ དཱ་ཏ་བྦཱཏི ཨེ་ཏྠ ས་མྨ་ནྣི་ཏྭཱ དི་ནྣཱ་ཡ ས་ཧ་ཝཱ་སེ་པི ར་ཏྟི་ཙྪེ་དོ ན ཧོ་ཏི.
པ་ཊི་ཙྪ་ནྣ་པ་རི་ཝཱ་ས་ཀ་ཐཱ་ཝ་ཎྞ་ནཱ
༡༠༨. ཝི་སུཾ མཱ་ན་ཏྟཾ ཙ་རི་ཏ་བྦནྟི མཱུ་ལཱ་ཡ་པ་ཊི་ཀ་སྶ་ནཾ ཨ་ཀ་ཏྭཱ ཝི་སུཾ ཀ་མྨ་ཝཱ་ཙཱ་ཡ མཱ་ན་ཏྟཾ ག་ཧེ་ཏྭཱ ཙ་རི་ཏ་བྦཾ.
སུ་ཀྐ་ཝི་སྶ་ཊྛི་ཀ་ཐཱ་ཝ་ཎྞ་ནཱ ནི་ཊྛི་ཏཱ.
ཨ་གྒྷ་ས་མོ་དྷཱ་ན་པ་རི་ཝཱ་ས་ཀ་ཐཱ་ཝ་ཎྞ་ནཱ
༡༣༤. ཨེ་ཀཱ་པ་ཏྟི་མཱུ་ལ་ཀནྟི ‘‘ཨེ་ཀཱ ཨཱ་པ་ཏྟི ཨེ་ཀཱ་ཧ་པྤ་ཊི་ཙྪ་ནྣཱ, ཨེ་ཀཱ ཨཱ་པ་ཏྟི དྭཱི་ཧ་པྤ་ཊི་ཙྪ་ནྣཱ’’ཏི་ཨཱ་དི་ནཱ ཝུ་ཏྟ་ན་ཡཾ ས་ནྡྷཱ་ཡ ཝ་ད་ཏི. ཨཱ་པ་ཏྟི་ཝ་ཌྜྷ་ན་ཀནྟི ‘‘ཨེ་ཀཱ ཨཱ་པ་ཏྟི ཨེ་ཀཱ་ཧ་པྤ་ཊི་ཙྪ་ནྣཱ, དྭེ ཨཱ་པ་ཏྟི་ཡོ དྭཱི་ཧ་པྤ་ཊི་ཙྪ་ནྣཱ’’ཏི་ཨཱ་དི་ནཱ ཝུ་ཏྟཾ ཨཱ་པ་ཏྟི་ཝ་ཌྜྷ་ན་ཀ་ན་ཡཾ ས་ནྡྷཱ་ཡ.
དྭེ་བྷི་ཀྑུ་ཝཱ་ར་ཨེ་ཀཱ་ད་ས་ཀཱ་དི་ཀ་ཐཱ་ཝ་ཎྞ་ནཱ
༡༨༡. ཐུ་ལླ་ཙྩ་ཡཱ་དཱི་ཧི མི་སྶ་ཀནྟི ཨེ་ཀ་ཝ་ཏྠུ་མྷི པུ་བྦ་བྷཱ་གེ ཨཱ་པ་ནྣ་ཐུ་ལླ་ཙྩ་ཡ་དུ་ཀྐ་ཊེ་ཧི མི་སྶ་ཀཾ. མ་ཀྑ་དྷ་མྨོ ནཱ་མ ཚཱ་དེ་ཏུ་ཀཱ་མ་ཏཱ.
༡༨༢. ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫ་ཏི པ་རི་མཱ་ཎ་མྤཱིཏི་ཨཱ་དི ཛཱ་ཏི་ཝ་སེ་ནེ་ཀ་ཝ་ཙ་ནཾ, བྷཱ་ཝ་ན་པུཾ་ས་ཀ་ནི་དྡེ་སོ ཝཱ. སེ་ས་མེ་ཏྠ པཱ་ལི༹་ཏོ ཨ་ཊྛ་ཀ་ཐཱ་ཏོ ཙ སུ་ཝི་ཉྙེ་ཡྻ་མེ་ཝ.
ས་མུ་ཙྩ་ཡ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.