༢. པཱ་རི་ཝཱ་སི་ཀ་ཀྑ་ནྡྷ་ཀཾ
པཱ་རི་ཝཱ་སི་ཀ་ཝ་ཏྟ་ཀ་ཐཱ་ཝ་ཎྞ་ནཱ
༧༥. པཱ་རི་ཝཱ་སི་ཀ་ཀྑ་ནྡྷ་ཀེ ན་ཝ་ཀ་ཏ་རཾ པཱ་རི་ཝཱ་སི་ཀནྟི ཨ་ཏྟ་ནོ ན་ཝ་ཀ་ཏ་རཾ པཱ་རི་ཝཱ་སི་ཀཾ. པཱ་རི་ཝཱ་སི་ཀ་སྶ ཧི ཨ་ཏྟ་ནོ ན་ཝ་ཀ་ཏ་རཾ པཱ་རི་ཝཱ་སི་ཀཾ ཋ་པེ་ཏྭཱ ཨ་ཉྙེ མཱུ་ལཱ་ཡ་པ་ཊི་ཀ་སྶ་ནཱ་ར་ཧ་མཱ་ན་ཏྟཱ་ར་ཧ་མཱ་ན་ཏྟ་ཙཱ་རི་ཀ་ཨ་བྦྷཱ་ནཱ་ར་ཧཱ་པི པ་ཀ་ཏ་ཏྟ་ཊྛཱ་ནེ་ཡེ་ཝ ཏི་ཊྛ་ནྟི. ཏེ་ནཱ་ཧ ‘‘ཨ་ནྟ་མ་སོ མཱུ་ལཱ་ཡ་པ་ཨ་ཀ་སྶ་ནཱ་ར་ཧཱ་དཱི་ན་མྤཱི’’ཏི. པཱ་དེ གྷཾ་སེ་ནྟི ཨེ་ཏེ་ནཱ་ཏི པཱ་ད་གྷཾ་ས་ནཾ, ས་ཀྑ་ར་ཀ་ཐ་ལཱ་དི. ‘‘ཨ་ནུ་ཛཱ་ནཱ་མི, བྷི་ཀྑ་ཝེ, ཏི་སྶོ པཱ་ད་གྷཾ་ས་ནི་ཡོ ས་ཀྑ་རཾ ཀ་ཐ་ལཾ ས་མུ་དྡ་ཕེ་ཎ་ཀ’’ནྟི (ཙཱུ་ལ༹་ཝ. ༢༦༩) ཧི ཝུ་ཏྟཾ. ས་དྡྷི་ཝི་ཧཱ་རི་ཀཱ་དཱི་ན་མྤི སཱ་དི་ཡ་ནྟ་སྶཱཏི ས་དྡྷི་ཝི་ཧཱ་རི་ཀཱ་ན་མྤི ཨ་བྷི་ཝཱ་ད་ནཱ་དིཾ སཱ་དི་ཡ་ནྟ་སྶ. ‘‘མཱ མཾ གཱ་མ་པྤ་ཝེ་ས་ནཾ ཨཱ་པུ་ཙྪ་ཐཱ’’ཏི ཝུ་ཏྟེ ཨ་ནཱ་པུ་ཙྪཱ་པི གཱ་མཾ པ་ཝི་སི་ཏུཾ ཝ་ཊྚ་ཏི. ཡོ ཡོ ཝུ་ཌྜྷོཏི པཱ་རི་ཝཱ་སི་ཀེ་སུ བྷི་ཀྑཱུ་སུ ཡོ ཡོ ཝུ་ཌྜྷོ. ན་ཝ་ཀ་ཏ་ར་སྶ སཱ་དི་ཏུནྟི པཱ་རི་ཝཱ་སི་ཀ་ན་ཝ་ཀ་ཏ་ར་སྶ ཨ་བྷི་ཝཱ་ད་ནཱ་དིཾ སཱ་དི་ཏུཾ.
ཏ་ཏྠེ་ཝཱཏི ས་ངྒྷ་ན་ཝ་ཀ་ཊྛཱ་ནེ་ཡེ་ཝ. ཨ་ཏྟ་ནོ པཱ་ལི༹་ཡཱ པ་ཝཱ་རེ་ཏ་བྦནྟི ཨ་ཏྟ་ནོ ཝ་སྶ་གྒེ་ན པ་ཏྟ་པཱ་ལི༹་ཡཱ པ་ཝཱ་རེ་ཏ་བྦཾ, ན པ་ན ས་བྦེ་སུ པ་ཝཱ་རི་ཏེ་སཱུ་ཏི ཨ་ཏྠོ. ཡ་དི པ་ན ན ག་ཎྷཱ་ཏི ན ཝི་སྶ་ཛྫེ་ཏཱིཏི ཡ་དི པུ་རི་མ་དི་ཝ་སེ ཨ་ཏྟ་ནོ ན ག་ཎྷཱ་ཏི ག་ཧེ་ཏྭཱ ཙ ན ཝི་སྶ་ཛྫེ་ཏི. ཙ་ཏུ་སྶཱ་ལ་བྷ་ཏྟནྟི བྷོ་ཛ་ན་སཱ་ལཱ་ཡཾ པ་ཊི་པཱ་ཊི་ཡཱ དི་ཡྻ་མཱ་ན་བྷ་ཏྟཾ. ཧ་ཏྠ་པཱ་སེ ཋི་ཏེ་ནཱཏི དཱ་ཡ་ཀ་སྶ ཧ་ཏྠ་པཱ་སེ ཋི་ཏེ་ན.
༧༦. ཨ་ཉྙོ སཱ་མ་ཎེ་རོ ན ག་ཧེ་ཏ་བྦོཏི ཨུ་པ་ཛ྄ཛྷཱ་ཡེ་ན ཧུ་ཏྭཱ ཨ་ཉྙོ སཱ་མ་ཎེ་རོ ན ག་ཧེ་ཏ་བྦོ. ཨུ་པ་ཛ྄ཛྷཾ ད་ཏྭཱ ག་ཧི་ཏ་སཱ་མ་ཎེ་རཱ་པཱིཏི པ་ཀ་ཏ་ཏྟ་ཀཱ་ལེ ཨུ་པ་ཛ྄ཛྷཾ ད་ཏྭཱ ག་ཧི་ཏ་སཱ་མ་ཎེ་རཱ་པི. ལ་དྡྷ་ས་མྨུ་ཏི་ཀེ་ན ཨཱ་ཎ་ཏྟོ་པི ག་རུ་དྷ་མྨེ་ཧི ཨ་ཉྙེ་ཧི ཝཱ ཨོ་ཝ་དི་ཏུཾ ལ་བྷ་ཏཱི་ཏི ཨཱ་ཧ ‘‘པ་ཊི་བ་ལ་སྶ ཝཱ བྷི་ཀྑུ་སྶ བྷཱ་རོ ཀཱ་ཏ་བྦོ’’ཏི. ཨཱ་ག་ཏཱ བྷི་ཀྑུ་ནི་ཡོ ཝ་ཏྟ་བྦཱ་ཏི ས་མྦ་ནྡྷོ. ས་ཝ་ཙ་ནཱི་ཡནྟི ས་དོ་སཾ. ཛེ་ཊྛ་ཀ་ཊྛཱ་ནཾ ན ཀཱ་ཏ་བྦནྟི པ་དྷཱ་ན་ཊྛཱ་ནཾ ན ཀཱ་ཏ་བྦཾ. ཀིཾ ཏ་ནྟི ཨཱ་ཧ ‘‘པཱ་ཏི་མོ་ཀྑུ་དྡེ་ས་ཀེ་ན ཝཱ’’ཏི་ཨཱ་དི.
ར་ཛེ་ཧི ཧ་ཏཱ ཨུ་པ་ཧ་ཏཱ བྷཱུ་མི ཨེ་ཏི་སྶཱ་ཏི ར་ཛོ་ཧ་ཏ་བྷཱུ་མི, ར་ཛོ་ཀི་ཎྞ་བྷཱུ་མཱི་ཏི ཨ་ཏྠོ. པ་ཙྩ་ཡནྟི ཝ་སྶཱ་ཝཱ་སི་ཀ་ལཱ་བྷཾ ས་ནྡྷཱ་ཡ ཝུ་ཏྟཾ. ཨེ་ཀ་པ་སྶེ ཋ་ཏྭཱཏི པཱ་ལི༹ཾ ཝི་ཧཱ་ཡ བྷི་ཀྑཱུ་ནཾ པ་ཙྪ་ཏོ ཋ་ཏྭཱ. སེ་ནཱ་ས་ནཾ ན ལ་བྷ་ཏཱིཏི སེ་ཡྻཱ་པ་རི་ཡ་ནྟ་བྷཱ་གི་ཏཱ་ཡ ཝ་སྶ་གྒེ་ན ག་ཎྷི་ཏུཾ ན ལ་བྷ་ཏི. ཨ་སྶཱཏི བྷ་ཝེ་ཡྻ. ‘‘ཨཱ་ག་ནྟུ་ཀེ་ན ཨཱ་རོ་ཙེ་ཏ་བྦཾ, ཨཱ་ག་ནྟུ་ཀ་སྶ ཨཱ་རོ་ཙེ་ཏ་བྦ’’ནྟི ཨ་ཝི་སེ་སེ་ན ཝུ་ཏྟ་ཏྟཱ ས་ཙེ དྭེ པཱ་རི་ཝཱ་སི་ཀཱ ག་ཏ་ཊྛཱ་ནེ ཨ་ཉྙ་མ་ཉྙཾ པ་སྶ་ནྟི, ཨུ་བྷོ་ཧི་པི ཨ་ཉྙ་མ་ཉྙ་སྶ ཨཱ་རོ་ཙེ་ཏ་བྦཾ. ཡ་ཐཱ བ་ཧི དི་སྭཱ ཨཱ་རོ་ཙི་ཏ་སྶ བྷི་ཀྑུ་ནོ ཝི་ཧཱ་རཾ ཨཱ་ག་ཏེ པུ་ན ཨཱ་རོ་ཙ་ན་ཀི་ཙྩཾ ན་ཏྠི, ཨེ་ཝཾ ཨ་ཉྙཾ ཝི་ཧཱ་རཾ ག་ཏེ་ན་པི ཏ་ཏྠ པུ་བྦེ ཨཱ་རོ་ཙི་ཏ་སྶ པུ་ན ཨཱ་རོ་ཙ་ན་ཀི་ཙྩཾ ན་ཏྠཱི་ཏི ཝ་ད་ནྟི.
༨༡. ཨ་ཝི་སེ་སེ་ནཱཏི པཱ་རི་ཝཱ་སི་ཀ་སྶ ཨུ་ཀྑི་ཏྟ་ཀ་སྶ ཙ ཨ་ཝི་སེ་སེ་ན. ཨོ་བ་དྡྷནྟི པ་ལི་བུ་དྡྷཾ.
༨༣. ས་ཧ་ཝཱ་སོཏི ཝུ་ཏྟ་པྤ་ཀཱ་རེ ཚ་ནྣེ པ་ཀ་ཏ་ཏྟེ་ན བྷི་ཀྑུ་ནཱ ས་དྡྷིཾ ས་ཡ་ན་མེ་ཝ ཨ་དྷི་པྤེ་ཏཾ, ན སེ་ས་ཨི་རི་ཡཱ་པ་ཐ་ཀ་པྤ་ནཾ. སེ་ས་མེ་ཏྠ སུ་ཝི་ཉྙེ་ཡྻ་མེ་ཝ.
པཱ་རི་ཝཱ་སི་ཀ་ཀྑ་ནྡྷ་ཀ་ཝ་ཎྞ་ནཱ ནི་ཊྛི་ཏཱ.