༦. ཨ་ནུ་པ་ཁ་ཛྫ་སི་ཀྑཱ་པ་ད་ཝ་ཎྞ་ནཱ

༡༡༩-༡༢༡. ཚ་ཊྛེ ཨ་ནུ་པ་ཝི་སི་ཏྭཱཏི ས་མཱི་པཾ པ་ཝི་སི་ཏྭཱ. བ་ཧཱུ་པ་ཀཱ་ར་ཏཾ གུ་ཎ་ཝི་སི་ཊྛ་ཏ་ཉྩ ས་ལླ་ཀྑེ་ནྟོཏི བྷ་ཎྜཱ་གཱ་རི་ཀ་སྶ བ་ཧཱུ་པ་ཀཱ་ར་ཏཾ དྷ་མྨ་ཀ་ཐི་ཀཱ་དཱི་ནཾ གུ་ཎ་ཝི་སི་ཊྛ་ཏ་ཉྩ ས་ལླ་ཀྑེ་ནྟོ. ས་མ་ནྟཱ དི་ཡ་ཌྜྷོ ཧ་ཏྠོཏི མ་ཛ྄ཛྷེ པ་ཉྙ་ཏྟ་མ་ཉྩ་པཱི་ཋཾ ས་ནྡྷཱ་ཡ ཝུ་ཏྟཾ.

༡༢༢. ཨུ་པ་ཙཱ་རཾ ཋ་པེ་ཏྭཱཏི ཝུ་ཏྟ་ལ་ཀྑ་ཎཾ ཨུ་པ་ཙཱ་རཾ ཋ་པེ་ཏྭཱ. ཨེ་ཀ་ཝི་ཧཱ་རེཏི ཨེ་ཀ་སྨིཾ སེ་ནཱ་ས་ནེ. ཨེ་ཀ་པ་རི་ཝེ་ཎེཏི ཏ་སྶ ཝི་ཧཱ་ར་སྶ པ་རི་ཀྑེ་པ་བྦྷ་ནྟ་རེ. ‘‘གི་ལཱ་ནོ པ་ཝི་ས་ཏཱི་ཏི་ཨཱ་དཱི་སུ ཨ་ནཱ་པ་ཏྟི་ཀཱ་ར་ཎ་ས་བྦྷཱ་ཝ་ཏོ གི་ལཱ་ནཱ་དི་ཏཱ་ཡ པ་ཝི་སི་སྶཱ་མཱི་ཏི ཨུ་པ་ཙཱ་རཾ པ་ཝི་ས་ནྟ་སྶ ས་ཏི་པི ས་མྦཱ་དྷེ་ཏུ་ཀཱ་མ་ཏཱ་ཡ ཨ་ནཱ་པ་ཏྟི ཝུ་ཏྟཱ་ཡེ་ཝཱ’’ཏི ཏཱི་སུ་པི ག་ཎྛི་པ་དེ་སུ ཝུ་ཏྟཾ. ཨེ་ཝ་ཉྩ ས་ཏི ཨ་གི་ལཱ་ནཱ་དི་བྷཱ་ཝོ་པི ཝི་སུཾ ཨ་ངྒེ་སུ ཝ་ཏྟ་བྦོ སི་ཡཱ, མཱ་ཏི་ཀཱ་ཊྛ་ཀ་ཐཱ་ཡཾ (ཀ་ངྑཱ. ཨ་ཊྛ. ཨ་ནུ་པ་ཁ་ཛྫ་སི་ཀྑཱ་པ་ད་ཝ་ཎྞ་ནཱ) པ་ན ‘‘ས་ངྒྷི་ཀ་ཝི་ཧཱ་ར་ཏཱ, ཨ་ནུ་ཊྛཱ་པ་ནཱི་ཡ་བྷཱ་ཝ་ཛཱ་ན་ནཾ, ས་མྦཱ་དྷེ་ཏུ་ཀཱ་མ་ཏཱ, ཨུ་པ་ཙཱ་རེ ནི་སཱི་ད་ནཾ ཝཱ ནི་པ་ཛྫ་ནཾ ཝཱ་ཏི ཨི་མཱ་ནི པ་ནེ་ཏྠ ཙ་ཏྟཱ་རི ཨ་ངྒཱ་ནཱི’’ཏི ཨེ་ཏྟ་ཀ་མེ་ཝ ཝུ་ཏྟཾ, ཏ་སྨཱ ཝཱི་མཾ་སི་ཏ་བྦཾ.

ཨ་ནུ་པ་ཁ་ཛྫ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.