ཙ་ཏུ་ཝི་པ་ཏྟི་ཀ་ཐཱ་ཝ་ཎྞ་ནཱ

༢༧༣. ཨི་དཱ་ནི ཨུ་བྷ་ཡ་སཱ་དྷཱ་ར་ཎཾ ཀ་ཏྭཱ ཝི་པ་ཏྟི་ཝཱ་རཱ་དཱི་ནཾ ཝི་སི་ཊྛ་ཝཱ་རཱ་ནཾ ས་ངྒ་ཧཾ ཀཱ་ཏུ་མཱ་ཧ ‘‘ཀ་ཏི ཨཱ་པ་ཏྟི་ཡོ’’ཏི་ཨཱ་དི.

༢༧༤. བྷི་ཀྑུ་ནཱི ས་ཙེ ཚཱ་དེ་ཏི, ཙུ་ཏཱ ཧོ་ཏི. ས་ཙེ ཝེ་མ་ཏི་ཀཱ ཚཱ་དེ་ཏི, ཐུ་ལླ་ཙྩ་ཡཾ སི་ཡཱ་ཏི ཡོ་ཛ་ནཱ.

༢༧༥. ས་ངྒྷཱ་དི་སེ་སནྟི པ་ར་སྶ ས་ངྒྷཱ་དི་སེ་སཾ.

༢༧༦. ‘‘ཀ་ཏི ཨཱ་ཙཱ་ར་ཝི་པ་ཏྟི་པ་ཙྩ་ཡཱ’’ཏི པ་ད་ཙྪེ་དོ.

༢༧༧. ཨཱ་ཙཱ་ར་ཝི་པ་ཏྟིནྟི ཨ་ཏྟ་ནོ ཝཱ པ་ར་སྶ ཝཱ ཨཱ་ཙཱ་ར་ཝི་པ་ཏྟིཾ.

༢༧༩. པཱ་པི་ཀཾ དི་ཊྛིནྟི ཨ་ཧེ་ཏུ་ཀ་ཨ་ཀི་རི་ཡ་ན་ཏྠི་ཀ་དི་ཊྛི་ཨཱ་དིཾ ལཱ་མི་ཀཾ དི་ཊྛིཾ.

༢༨༡. མ་ནུ་སྶུ་ཏྟ་རི་དྷ་མྨནྟི ཨུ་ཏྟ་རི་མ་ནུ་སྶ་དྷ་མྨཾ.

༢༨༢. ཨཱ་ཛཱི་ཝ་ཧེ་ཏུ ས་ཉྩ་རི་ཏྟཾ ས་མཱ་པ་ནྣོ་ཏི ཡོ་ཛ་ནཱ. པ་རི་ཡཱ་ཡ་ཝ་ཙ་ནེཏི ‘‘ཡོ ཏེ ཝི་ཧཱ་རེ ཝ་ས་ཏི, སོ བྷི་ཀྑུ ཨ་ར་ཧཱ’’ཏི་ཨཱ་དི་ཀེ ལེ་ས་ཝ་ཙ་ནེ. ཉཱ་ཏེ་ཏི ཡཾ ཨུ་དྡི་སྶ ཝ་ད་ཏི, ཏ་སྨིཾ མ་ནུ་སྶ་ཛཱ་ཏི་ཀེ ཝ་ཙ་ན་ས་མ་ན་ནྟ་ར་མེ་ཝ ཉཱ་ཏེ.

༢༨༣. ཝ་ཏྭཱཏི ཨ་གི་ལཱ་ནོ ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏྭཱ. བྷི་ཀྑུ་ནཱི པ་ན ས་ཙེ ཨེ་ཝཾ ཧོ་ཏི, བྷི་ཀྑུ་ནཱི ཨ་གི་ལཱ་ནཱ ཨ་ཏྟ་ནོ ཨ་ཏྠཱ་ཡ པ་ཎཱི་ཏ་བྷོ་ཛ་ནཾ ཝི་ཉྙཱ་པེ་ཏྭཱ བྷུ་ཏྟཱ་ཝི་ནཱི ས་ཙེ ཧོ་ཏཱི་ཏི ཨ་དྷི་པྤཱ་ཡོ. ཏ་སྶཱ པཱ་ཊི་དེ་ས་ནཱི་ཡཾ སི་ཡཱ་ཏི ཡོ་ཛ་ནཱ.

༢༨༤. ‘‘ཨ་ཏྟ་ནོ ཨ་ཏྠཱ་ཡ ཝི་ཉྙཱ་པེ་ཏྭཱ་ནཱ’’ཏི ཨི་མི་ནཱ པ་ར་སྶ ཉཱ་ཏ་ཀ་པ་ཝཱ་རི་ཏེ ཏ་སྶེ་ཝ་ཏྠཱ་ཡ ཝི་ཉྙཱ་པེ་ཏྭཱ ཏེ་ན དི་ནྣཾ ཝཱ ཏ་སྶ ཝི་སྶཱ་སེ་ན ཝཱ པ་རི་བྷུ་ཉྫ་ནྟ་སྶ ཏེ་སཾ ཨ་ཏྟ་ནོ ཨ་ཉྙཱ་ཏ་ཀ་ཨ་པྤ་ཝཱ་རི་ཏེ སུ་དྡྷ་ཙི་ཏྟ་ཏཱ་ཡ ཨ་ནཱ་པ་ཏྟཱི་ཏི དཱི་པེ་ཏི.

ཨི་ཏི ཨུ་ཏྟ་རེ ལཱི་ན་ཏྠ་པ་ཀཱ་ས་ནི་ཡཱ

ཙ་ཏུ་ཝི་པ་ཏྟི་ཀ་ཐཱ་ཝ་ཎྞ་ནཱ ནི་ཊྛི་ཏཱ.