༣༢. ག་རུ་ཀཱ་པ་ཏྟི་ཝུ་ཊྛཱ་ན་ཝི་ནི་ཙྪ་ཡ་ཀ་ཐཱ

༢༣༦. ག་རུ་ཀཱ་པ་ཏྟི་ཝུ་ཊྛཱ་ནནྟི པ་རི་ཝཱ་ས་མཱ་ན་ཏྟཱ་དཱི་ཧི ཝི་ན་ཡ་ཀ་མྨེ་ཧི ག་རུ་ཀཱ་པ་ཏྟི་ཏོ ཝུ་ཊྛཱ་ནཾ. ཏ་ཏྠ (ཙཱུ་ལ༹་ཝ. ཨ་ཊྛ. ༡༠༢) ཏི་ཝི་དྷོ པ་རི་ཝཱ་སོ པ་ཊི་ཙྪ་ནྣ་པ་རི་ཝཱ་སོ སུ་དྡྷ་ནྟ་པ་རི་ཝཱ་སོ ས་མོ་དྷཱ་ན་པ་རི་ཝཱ་སོ་ཏི. ཏེ་སུ པ་ཊི་ཙྪ་ནྣ་པ་རི་ཝཱ་སོ ཏཱ་ཝ ཡ་ཐཱ་པ་ཊི་ཙྪ་ནྣཱ་ཡ ཨཱ་པ་ཏྟི་ཡཱ དཱ་ཏ་བྦོ. ཀ་སྶ་ཙི ཧི ཨེ་ཀཱ་ཧ་པྤ་ཊི་ཙྪ་ནྣཱ ཨཱ་པ་ཏྟི ཧོ་ཏི, ཀ་སྶ་ཙི དྭཱི་ཧ་པྤ་ཊི་ཙྪ་ནྣཱ, ཀ་སྶ་ཙི ཨེ་ཀཱ་པ་ཏྟི ཧོ་ཏི, ཀ་སྶ་ཙི དྭེ ཏི་སྶོ ཏ་ཏུ་ཏྟ་རི ཝཱ. ཏ་སྨཱ པ་ཊི་ཙྪ་ནྣ་པ་རི་ཝཱ་སཾ དེ་ནྟེ་ན པ་ཋ་མཾ ཏཱ་ཝ པ་ཊི་ཙྪ་ནྣ་བྷཱ་ཝོ ཛཱ་ནི་ཏ་བྦོ. ཨ་ཡ་ཉྷི ཨཱ་པ་ཏྟི ནཱ་མ ད་ས་ཧཱ་ཀཱ་རེ་ཧི པ་ཊི་ཙྪ་ནྣཱ ཧོ་ཏི.

ཏ་ཏྲཱ་ཡཾ མཱ་ཏི་ཀཱ – ཨཱ་པ་ཏྟི ཙ ཧོ་ཏི ཨཱ་པ་ཏྟི་ས་ཉྙཱི ཙ, པ་ཀ་ཏ་ཏྟོ ཙ ཧོ་ཏི པ་ཀ་ཏ་ཏྟ་ས་ཉྙཱི ཙ, ཨ་ན་ནྟ་རཱ་ཡི་ཀོ ཙ ཧོ་ཏི ཨ་ན་ནྟ་རཱ་ཡི་ཀ་ས་ཉྙཱི ཙ, པ་ཧུ ཙ ཧོ་ཏི པ་ཧུ་ས་ཉྙཱི ཙ, ཚཱ་དེ་ཏུ་ཀཱ་མོ ཙ ཧོ་ཏི ཚཱ་དེ་ཏི ཙཱ་ཏི. ཏ་ཏྠ ཨཱ་པ་ཏྟི ཙ ཧོ་ཏི ཨཱ་པ་ཏྟི་ས་ཉྙཱི ཙཱཏི ཡཾ ཨཱ་པ་ནྣོ, སཱ ཨཱ་པ་ཏྟི་ཡེ་ཝ ཧོ་ཏི, སོ་པི ཙ ཏ་ཏྠ ཨཱ་པ་ཏྟི་ས་ཉྙཱི་ཡེ་ཝ. ཨི་ཏི ཛཱ་ན་ནྟོ ཚཱ་དེ་ཏི, ཚ་ནྣཱ ཧོ་ཏི, ཨ་ཐ པ་ནཱ་ཡཾ ཏ་ཏྠ ཨ་ནཱ་པ་ཏྟི་ས་ཉྙཱི, ཨ་ཙྪ་ནྣཱ ཧོ་ཏི. ཨ་ནཱ་པ་ཏྟི པ་ན ཨཱ་པ་ཏྟི་ས་ཉྙཱ་ཡ་པི ཨ་ནཱ་པ་ཏྟི་ས་ཉྙཱ་ཡ་པི ཚཱ་དེ་ནྟེ་ན ཨ་ཙྪཱ་དི་ཏཱ་ཝ ཧོ་ཏི, ལ་ཧུ་ཀཾ ཝཱ ག་རུ་ཀཱ་ཏི ག་རུ་ཀཾ ཝཱ ལ་ཧུ་ཀཱ་ཏི ཚཱ་དེ་ཏི, ཨ་ལ་ཛྫི་པ་ཀྑེ ཏི་ཊྛ་ཏི, ཨཱ་པ་ཏྟི པ་ན ཨ་ཙྪ་ནྣཱ ཧོ་ཏི, ག་རུ་ཀཾ ལ་ཧུ་ཀཱ་ཏི མ་ཉྙ་མཱ་ནོ དེ་སེ་ཏི, ནེ་ཝ དེ་སི་ཏཱ ཧོ་ཏི, ན ཚ་ནྣཱ, ག་རུ་ཀཾ ཝཱ ག་རུ་ཀཱ་ཏི ཉ་ཏྭཱ ཚཱ་དེ་ཏི, ཚ་ནྣཱ ཧོ་ཏི, ག་རུ་ཀ་ལ་ཧུ་ཀ་བྷཱ་ཝཾ ན ཛཱ་ནཱ་ཏི, ཨཱ་པ་ཏྟིཾ ཚཱ་དེ་མཱི་ཏི ཚཱ་དེ་ཏི, ཚ་ནྣཱ་ཝ ཧོ་ཏི.

པ་ཀ་ཏ་ཏྟོཏི ཏི་ཝི་དྷཾ ཨུ་ཀྑེ་པ་ནཱི་ཡ་ཀ་མྨཾ ཨ་ཀ་ཏོ. སོ ཙེ པ་ཀ་ཏ་ཏྟ་ས་ཉྙཱི ཧུ་ཏྭཱ ཚཱ་དེ་ཏི, ཚ་ནྣཱ ཧོ་ཏི. ཨ་ཐ ‘‘མ་ཡ྄ཧཾ ས་ངྒྷེ་ན ཀ་མྨཾ ཀ་ཏ’’ནྟི ཨ་པ་ཀ་ཏ་ཏྟ་ས་ཉྙཱི ཧུ་ཏྭཱ ཚཱ་དེ་ཏི, ཨ་ཙྪ་ནྣཱ ཧོ་ཏི. ཨ་པ་ཀ་ཏ་ཏྟེ་ན པ་ན པ་ཀ་ཏ་ཏྟ་ས་ཉྙི་ནཱ ཝཱ ཨ་པ་ཀ་ཏ་ཏྟ་ས་ཉྙི་ནཱ ཝཱ ཚཱ་དི་ཏཱ་པི ཨ་ཙྪ་ནྣཱ་ཝ ཧོ་ཏི. ཝུ་ཏྟ་མྤི ཙེ་ཏཾ –

‘‘ཨཱ་པ་ཛྫ་ཏི ག་རུ་ཀཾ སཱ་ཝ་སེ་སཾ,

ཚཱ་དེ་ཏི ཨ་ནཱ་ད་རི་ཡཾ པ་ཊི་ཙྩ;

ན བྷི་ཀྑུ་ནཱི ནོ ཙ ཕུ་སེ་ཡྻ ཝ་ཛྫཾ,

པ་ཉྷཱ མེ་སཱ ཀུ་ས་ལེ་ཧི ཙི་ནྟི་ཏཱ’’ཏི. (པ་རི. ༤༨༡) –

ཨ་ཡ་ཉྷི པ་ཉྷོ ཨུ་ཀྑི་ཏྟ་ཀེ་ན ཀ་ཐི་ཏོ.

ཨ་ན་ནྟ་རཱ་ཡི་ཀོཏི ཡ་སྶ ད་ས་སུ ཨ་ནྟ་རཱ་ཡེ་སུ ཨེ་ཀོ་པི ན་ཏྠི, སོ ཙེ ཨ་ན་ནྟ་རཱ་ཡི་ཀ་ས་ཉྙཱི ཧུ་ཏྭཱ ཚཱ་དེ་ཏི, ཚ་ནྣཱ ཧོ་ཏི. ས་ཙེ་པི སོ བྷཱི་རུ་ཛཱ་ཏི་ཀ་ཏཱ་ཡ ཨ་ནྡྷ་ཀཱ་རེ ཨ་མ་ནུ་སྶ་ཙ་ཎྜ་མི་ག་བྷ་ཡེ་ན ཨ་ནྟ་རཱ་ཡི་ཀ་ས་ཉྙཱི ཧུ་ཏྭཱ ཚཱ་དེ་ཏི, ཨ་ཙྪ་ནྣཱ་ཝ ཧོ་ཏི. ཡ་སྶ་པི པ་བྦ་ཏ་ཝི་ཧཱ་རེ ཝ་ས་ནྟ་སྶ ཀ་ནྡ་རཾ ཝཱ ན་དིཾ ཝཱ ཨ་ཏི་ཀྐ་མི་ཏྭཱ ཨཱ་རོ་ཙེ་ཏ་བྦཾ ཧོ་ཏི, ཨ་ནྟ་རཱ་མ་གྒེ ཙ ཙ་ཎྜ་ཝཱ་ལ༹་ཨ་མ་ནུ་སྶཱ་དི་བྷ་ཡཾ ཨ་ཏྠི, མ་གྒེ ཨ་ཛ་ག་རཱ ནི་པ་ཛྫ་ནྟི, ན་དཱི པཱུ་རཱ ཧོ་ཏི, ཨེ་ཏ་སྨིཾ པ་ན ས་ཏི་ཡེ་ཝ ཨ་ནྟ་རཱ་ཡེ ཨ་ནྟ་རཱ་ཡི་ཀ་ས་ཉྙཱི ཚཱ་དེ་ཏི, ཨ་ཙྪ་ནྣཱ ཧོ་ཏི. ཨ་ནྟ་རཱ་ཡི་ཀ་སྶ པ་ན ཨ་ནྟ་རཱ་ཡི་ཀ་ས་ཉྙཱ་ཡ ཚཱ་ད་ཡ་ཏོ ཨ་ཙྪ་ནྣཱ་ཝ.

པ་ཧཱུཏི སོ ས་ཀྐོ་ཏི བྷི་ཀྑུ་ནོ ས་ནྟི་ཀཾ ག་ནྟུ་ཉྩེ་ཝ ཨཱ་རོ་ཙེ་ཏུ་ཉྩ, སོ ཙེ པ་ཧུ་ས་ཉྙཱི ཧུ་ཏྭཱ ཚཱ་དེ་ཏི, ཚ་ནྣཱ ཧོ་ཏི. ས་ཙ་སྶ མུ་ཁེ ཨ་པྤ་མ་ཏྟ་ཀོ ག་ཎྜོ ཝཱ ཧོ་ཏི, ཧ་ནུ་ཀ་ཝཱ་ཏོ ཝཱ ཝི་ཛ྄ཛྷ་ཏི, ད་ནྟོ ཝཱ རུ་ཛྫ་ཏི, བྷི་ཀྑཱ ཝཱ མ་ནྡཱ ལ་དྡྷཱ ཧོ་ཏི, ཏཱ་ཝ་ཏ་ཀེ་ན པ་ན ནེ་ཝ ཝ་ཏྟུཾ ན ས་ཀྐོ་ཏི, ན ག་ནྟུཾ, ཨ་པི་ཙ ཁོ ‘‘ན ས་ཀྐོ་མཱི’’ཏི ས་ཉྙཱི ཧོ་ཏི, ཨ་ཡཾ པ་ཧུ ཧུ་ཏྭཱ ཨ་པྤ་ཧུ་ས་ཉྙཱི ནཱ་མ. ཨི་མི་ནཱ ཚཱ་དི་ཏཱ་པི ཨ་ཙྪཱ་དི་ཏཱ. ཨ་པྤ་ཧུ་ནཱ པ་ན ཝ་ཏྟུཾ ཝཱ ག་ནྟུཾ ཝཱ ཨ་ས་མ་ཏྠེ་ན པ་ཧུ་ས་ཉྙི་ནཱ ཝཱ ཨ་པྤ་ཧུ་ས་ཉྙི་ནཱ ཝཱ ཚཱ་དི་ཏཱ ཧོ་ཏི, ཨ་ཙྪཱ་དི་ཏཱ་ཝ.

ཚཱ་དེ་ཏུ་ཀཱ་མོ ཙ ཧོ་ཏི ཚཱ་དེ་ཏི ཙཱཏི ཨི་དཾ ཨུ་ཏྟཱ་ན་ཏྠ་མེ་ཝ. ས་ཙེ པ་ན ‘‘ཚཱ་དེ་སྶཱ་མཱི’’ཏི དྷུ་ར་ནི་ཀྑེ་པཾ ཀ་ཏྭཱ པུ་རེ་བྷ་ཏྟེ ཝཱ པ་ཙྪཱ་བྷ་ཏྟེ ཝཱ པ་ཋ་མ་ཡཱ་མཱ་དཱི་སུ ཝཱ ལ་ཛྫི་དྷ་མྨཾ ཨོ་ཀྐ་མི་ཏྭཱ ཨ་ནྟོ་ཨ་རུ་ཎེ་ཡེ་ཝ ཨཱ་རོ་ཙེ་ཏི, ཨ་ཡཾ ཚཱ་དེ་ཏུ་ཀཱ་མོ ན ཚཱ་དེ་ཏི ནཱ་མ. ཡ་སྶ པ་ན ཨ་བྷི་ཀྑུ་ཀེ ཋཱ་ནེ ཝ་ས་ནྟ་སྶ ཨཱ་པ་ཛྫི་ཏྭཱ ས་བྷཱ་ག་སྶ བྷི་ཀྑུ་ནོ ཨཱ་ག་མ་ནཾ ཨཱ་ག་མེ་ནྟ་སྶ, ས་བྷཱ་ག་སྶ ས་ནྟི་ཀཾ ཝཱ ག་ཙྪ་ནྟ་སྶ ཨ་ཌྜྷ་མཱ་སོ་པི མཱ་སོ་པི ཨ་ཏི་ཀྐ་མ་ཏི, ཨ་ཡཾ ན ཚཱ་དེ་ཏུ་ཀཱ་མོ ཚཱ་དེ་ཏི ནཱ་མ, ཨ་ཡ་མྤི ཨ་ཙྪ་ནྣཱ་ཝ ཧོ་ཏི. ཡོ པ་ན ཨཱ་པ་ནྣ་མ་ཏྟོ་ཝ ཨ་གྒིཾ ཨ་ཀྐ་ནྟ་པུ་རི་སོ ཝི་ཡ ས་ཧ་སཱ པ་ཀྐ་མི་ཏྭཱ ས་བྷཱ་ག་ཊྛཱ་ནཾ ག་ནྟྭཱ ཨཱ་ཝི་ཀ་རོ་ཏི, ཨ་ཡཾ ན ཚཱ་དེ་ཏུ་ཀཱ་མོ་ཝ ན ཚཱ་དེ་ཏི ནཱ་མ. ས་ཙེ པ་ན ས་བྷཱ་གཾ དི་སྭཱ་པི ‘‘ཨ་ཡཾ མེ ཨུ་པ་ཛ྄ཛྷཱ་ཡོ ཝཱ ཨཱ་ཙ་རི་ཡོ ཝཱ’’ཏི ལ་ཛྫཱ་ཡ ནཱ་རོ་ཙེ་ཏི, ཚ་ནྣཱ་ཝ ཧོ་ཏི ཨཱ་པ་ཏྟི. ཨུ་པ་ཛ྄ཛྷཱ་ཡཱ་དི་བྷཱ་ཝོ ཧི ཨི་དྷ ཨ་པྤ་མཱ་ཎཾ, ཨ་ཝེ་རི་ས་བྷཱ་ག་མ་ཏྟ་མེ་ཝ པ་མཱ་ཎཾ. ཏ་སྨཱ ཨ་ཝེ་རི་ས་བྷཱ་ག་སྶ ས་ནྟི་ཀེ ཨཱ་རོ་ཙེ་ཏ་བྦཱ. ཡོ པ་ན ཝི་ས་བྷཱ་གོ ཧོ་ཏི སུ་ཏྭཱ པ་ཀཱ་སེ་ཏུ་ཀཱ་མོ, ཨེ་ཝ་རཱུ་པ་སྶ ཨུ་པ་ཛ྄ཛྷཱ་ཡ་སྶ་པི ས་ནྟི་ཀེ ན ཨཱ་རོ་ཙེ་ཏ་བྦཱ.

ཏ་ཏྠ པུ་རེ་བྷ་ཏྟཾ ཝཱ ཨཱ་པ་ཏྟིཾ ཨཱ་པ་ནྣོ ཧོ་ཏུ པ་ཙྪཱ་བྷ་ཏྟཾ ཝཱ དི་ཝཱ ཝཱ ར་ཏྟིཾ ཝཱ, ཡཱ་ཝ ཨ་རུ་ཎཾ ན ཨུ་གྒ་ཙྪ་ཏི, ཏཱ་ཝ ཨཱ་རོ་ཙེ་ཏ་བྦཾ. ཨུ་དྡྷ་སྟེ ཨ་རུ་ཎེ པ་ཊི་ཙྪ་ནྣཱ ཧོ་ཏི, པ་ཊི་ཙྪཱ་ད་ན་པ་ཙྩ་ཡཱ ཙ དུ་ཀྐ་ཊཾ ཨཱ་པ་ཛྫ་ཏི, ས་བྷཱ་ག་ས་ངྒྷཱ་དི་སེ་སཾ ཨཱ་པ་ནྣ་སྶ པ་ན ས་ནྟི་ཀེ ཨཱ་ཝི་ཀཱ་ཏུཾ ན ཝ་ཊྚ་ཏི. ས་ཙེ ཨཱ་ཝི་ཀ་རོ་ཏི, ཨཱ་པ་ཏྟི ཨཱ་ཝི་ཀ་ཏཱ ཧོ་ཏི, དུ་ཀྐ་ཊཱ པ་ན ན མུ་ཙྩ་ཏི. ཏ་སྨཱ སུ་དྡྷ་སྶ ས་ནྟི་ཀེ ཨཱ་ཝི་ཀཱ་ཏ་བྦཱ. ཨཱ་ཝི་ཀ་རོ་ནྟོ ཙ ‘‘ཏུ་ཡ྄ཧཾ ས་ནྟི་ཀེ ཨེ་ཀཾ ཨཱ་པ་ཏྟིཾ ཨཱ་ཝི་ཀ་རོ་མཱི’’ཏི ཝཱ ‘‘ཨཱ་ཙི་ཀྑཱ་མཱི’’ཏི ཝཱ ཨཱ་རོ་ཙེ་མཱི’’ཏི ཝཱ ‘‘མ་མ ཨེ་ཀཾ ཨཱ་པ་ཏྟིཾ ཨཱ་པ་ནྣ་བྷཱ་ཝཾ ཛཱ་ནཱ་ཧཱི’’ཏི ཝཱ ཝ་ད་ཏུ, ‘‘ཨེ་ཀཾ ག་རུ་ཀཱ་པ་ཏྟིཾ ཨཱ་ཝི་ཀ་རོ་མཱི’’ཏི་ཨཱ་དི་ནཱ ཝཱ ན་ཡེ་ན ཝ་ད་ཏུ, ས་བྦེ་ཧི་པི ཨཱ་ཀཱ་རེ་ཧི ཨ་པྤ་ཊི་ཙྪ་ནྣཱ་ཝ ཧོ་ཏཱི་ཏི ཀུ་རུ་ནྡི་ཡཾ ཝུ་ཏྟཾ. ས་ཙེ པ་ན ‘‘ལ་ཧུ་ཀཱ་པ་ཏྟིཾ ཨཱ་ཝི་ཀ་རོ་མཱི’’ཏི་ཨཱ་དི་ནཱ ན་ཡེ་ན ཝ་ད་ཏི, པ་ཊི་ཙྪ་ནྣཱ་ཝ ཧོ་ཏི. ཝ་ཏྠུཾ ཨཱ་རོ་ཙེ་ཏི, ཨཱ་པ་ཏྟིཾ ཨཱ་རོ་ཙེ་ཏི, ཨུ་བྷ་ཡཾ ཨཱ་རོ་ཙེ་ཏི, ཏི་ཝི་དྷེ་ན་པི ཨཱ་རོ་ཙི་ཏཱ་ཝ ཧོ་ཏི.

༢༣༧. ཨི་ཏི ཨི་མཱ་ནི ད་ས ཀཱ་ར་ཎཱ་ནི ཨུ་པ་པ་རི་ཀྑི་ཏྭཱ པ་ཊི་ཙྪ་ནྣ་པ་རི་ཝཱ་སཾ དེ་ནྟེ་ན པ་ཋ་མ་མེ་ཝ པ་ཊི་ཙྪ་ནྣ་བྷཱ་ཝོ ཛཱ་ནི་ཏ་བྦོ, ཏ་ཏོ པ་ཊི་ཙྪ་ནྣ་དི་ཝ་སེ ཙ ཨཱ་པ་ཏྟི་ཡོ ཙ ས་ལླ་ཀྑེ་ཏྭཱ ས་ཙེ ཨེ་ཀཱ་ཧ་པྤ་ཊི་ཙྪ་ནྣཱ ཧོ་ཏི, ‘‘ཨ་ཧཾ, བྷ་ནྟེ, ཨེ་ཀཾ ཨཱ་པ་ཏྟིཾ ཨཱ་པ་ཛྫིཾ ས་ཉྩེ་ཏ་ནི་ཀཾ སུ་ཀྐ་ཝི་སྶ་ཊྛིཾ ཨེ་ཀཱ་ཧ་པྤ་ཊི་ཙྪ་ནྣ’’ནྟི ཨེ་ཝཾ ཡཱ་ཙཱ་པེ་ཏྭཱ ཁ་ནྡྷ་ཀེ (ཙཱུ་ལ༹་ཝ. ༩༨) ཨཱ་ག་ཏ་ན་ཡེ་ནེ་ཝ ཀ་མྨ་ཝཱ་ཙཾ ཝ་ཏྭཱ པ་རི་ཝཱ་སོ དཱ་ཏ་བྦོ. ཨ་ཐ དྭཱི་ཧ་ཏཱི་ཧཱ་དི་པ་ཊི་ཙྪ་ནྣཱ ཧོ་ཏི, ‘‘དྭཱི་ཧ་པྤ་ཊི་ཙྪ་ནྣཾ, ཏཱི་ཧ་པྤ་ཊི་ཙྪ་ནྣཾ, ཙ་ཏཱུ་ཧ་པྤ་ཊི་ཙྪ་ནྣཾ, པ་ཉྩཱ་ཧ་པྤ་ཊི་ཙྪ་ནྣཾ…པེ… ཙུ་དྡ་སཱ་ཧ་པྤ་ཊི་ཙྪ་ནྣ’’ནྟི ཨེ་ཝཾ ཡཱ་ཝ ཙུ་དྡ་ས་དི་ཝ་སཱ་ནི དི་ཝ་ས་ཝ་སེ་ན ཡོ་ཛ་ནཱ ཀཱ་ཏ་བྦཱ, པ་ཉྩ་ད་ས་དི་ཝ་ས་པ་ཊི་ཙྪ་ནྣཱ་ཡ ‘‘པ་ཀྑ་པ་ཊི་ཙྪ་ནྣ’’ནྟི ཡོ་ཛ་ནཱ ཀཱ་ཏ་བྦཱ. ཏ་ཏོ ཡཱ་ཝ ཨེ་ཀཱུ་ན་ཏིཾ་ས་ཏི་མོ དི་ཝ་སོ, ཏཱ་ཝ ‘‘ཨ་ཏི་རེ་ཀ་པ་ཀྑ་པ་ཊི་ཙྪ་ནྣ’’ནྟི, ཏ་ཏོ ‘‘མཱ་ས་པ་ཊི་ཙྪ་ནྣཾ, ཨ་ཏི་རེ་ཀ་མཱ་ས་པ་ཊི་ཙྪ་ནྣཾ, དྭེ་མཱ་ས་པ་ཊི་ཙྪ་ནྣཾ, ཨ་ཏི་རེ་ཀ་དྭེ་མཱ་ས་པ་ཊི་ཙྪ་ནྣཾ, ཏེ་མཱ་ས…པེ… ཨ་ཏི་རེ་ཀ་ཨེ་ཀཱ་ད་ས་མཱ་ས་པ་ཊི་ཙྪ་ནྣ’’ནྟི ཨེ་ཝཾ ཡོ་ཛ་ནཱ ཀཱ་ཏ་བྦཱ. སཾ་ཝ་ཙྪ་རེ པུ་ཎྞེ ‘‘ཨེ་ཀ་སཾ་ཝ་ཙྪ་ར་པ་ཊི་ཙྪ་ནྣ’’ནྟི, ཏ་ཏོ པ་རཾ ‘‘ཨ་ཏི་རེ་ཀ་སཾ་ཝ་ཙྪ་རཾ, དྭེ་སཾ་ཝ་ཙྪ་ར’’ནྟི ཨེ་ཝཾ ཡཱ་ཝ ‘‘ས་ཊྛི་སཾ་ཝ་ཙྪ་རཾ, ཨ་ཏི་རེ་ཀ་ས་ཊྛི་སཾ་ཝ་ཙྪ་ར་པ་ཊི་ཙྪ་ནྣ’’ནྟི ཝཱ ཏ་ཏོ ཝཱ བྷི་ཡྻོ་པི ཝ་ཏྭཱ ཡོ་ཛ་ནཱ ཀཱ་ཏ་བྦཱ.

ས་ཙེ པ་ན དྭེ ཏི་སྶོ ཏ་ཏུ་ཏྟ་རི ཝཱ ཨཱ་པ་ཏྟི་ཡོ ཧོ་ནྟི, ཡ་ཐཱ ‘‘ཨེ་ཀཾ ཨཱ་པ་ཏྟི’’ནྟི ཝུ་ཏྟཾ, ཨེ་ཝཾ ‘‘དྭེ ཨཱ་པ་ཏྟི་ཡོ, ཏི་སྶོ ཨཱ་པ་ཏྟི་ཡོ’’ཏི ཝ་ཏྟ་བྦཾ. ཏ་ཏོ པ་རཾ པ་ན ས་ཏཾ ཝཱ ཧོ་ཏུ ས་ཧ་སྶཾ ཝཱ, ‘‘ས་མྦ་ཧུ་ལཱ’’ཏི ཝ་ཏྟུཾ ཝ་ཊྚ་ཏི. ནཱ་ནཱ་ཝ་ཏྠུ་ཀཱ་སུ་པི ‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཾ སུ་ཀྐ་ཝི་སྶ་ཊྛིཾ, ཨེ་ཀཾ ཀཱ་ཡ་སཾ་ས་གྒཾ, ཨེ་ཀཾ དུ་ཊྛུ་ལླ་ཝཱ་ཙཾ, ཨེ་ཀཾ ཨ་ཏྟ་ཀཱ་མཾ, ཨེ་ཀཾ ས་ཉྩ་རི་ཏྟཾ, ཨེ་ཀཱ་ཧ་པྤ་ཊི་ཙྪ་ནྣཱ་ཡོ’’ཏི ཨེ་ཝཾ ག་ཎ་ན་ཝ་སེ་ན ཝཱ ‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ ནཱ་ནཱ་ཝ་ཏྠུ་ཀཱ ཨེ་ཀཱ་ཧ་པྤ་ཊི་ཙྪ་ནྣཱ་ཡོ’’ཏི ཨེ་ཝཾ ཝ་ཏྠུ་ཀི་ཏྟ་ན་ཝ་སེ་ན ཝཱ ‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ’’ཏི ཨེ་ཝཾ ནཱ་མ་མ་ཏྟ་ཝ་སེ་ན ཝཱ ཡོ་ཛ་ནཱ ཀཱ་ཏ་བྦཱ. ཏ་ཏྠ ནཱ་མཾ དུ་ཝི་དྷཾ ས་ཛཱ་ཏི་སཱ་དྷཱ་ར་ཎཾ ས་བྦ་སཱ་དྷཱ་ར་ཎ་ཉྩ. ཏ་ཏྠ ས་ངྒྷཱ་དི་སེ་སོ་ཏི ས་ཛཱ་ཏི་སཱ་དྷཱ་ར་ཎཾ. ཨཱ་པ་ཏྟཱི་ཏི ས་བྦ་སཱ་དྷཱ་ར་ཎཾ. ཏ་སྨཱ ‘‘ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ’’ཏི ཨེ་ཝཾ ས་བྦ་སཱ་དྷཱ་ར་ཎ་ནཱ་མ་ཝ་སེ་ན་པི ཝ་ཊྚ་ཏི. ཨི་ད་ཉྷི པ་རི་ཝཱ་སཱ་དི་ཝི་ན་ཡ་ཀ་མྨཾ ཝ་ཏྠུ་ཝ་སེ་ན གོ་ཏྟ་ཝ་སེ་ན ནཱ་མ་ཝ་སེ་ན ཨཱ་པ་ཏྟི་ཝ་སེ་ན ཙ ཀཱ་ཏུཾ ཝ་ཊྚ་ཏི་ཡེ་ཝ.

ཏ་ཏྠ སུ་ཀྐ་ཝི་སྶ་ཊྛཱི་ཏི ཝ་ཏྠུ ཙེ་ཝ གོ་ཏྟཉྩ. ས་ངྒྷཱ་དི་སེ་སོ་ཏི ནཱ་མཉྩེ་ཝ ཨཱ་པ་ཏྟི ཙ. ཏ་ཏྠ ‘‘སུ་ཀྐ་ཝི་སྶ་ཊྛིཾ ཀཱ་ཡ་སཾ་ས་གྒ’’ནྟི་ཨཱ་དི་ནཱ ཝ་ཙ་ནེ་ན་པི ‘‘ནཱ་ནཱ་ཝ་ཏྠུ་ཀཱ་ཡོ’’ཏི ཝ་ཙ་ནེ་ན་པི ཝ་ཏྠུ ཙེ་ཝ གོ་ཏྟ་ཉྩ ག་ཧི་ཏཾ ཧོ་ཏི. ‘‘ས་ངྒྷཱ་དི་སེ་སོ’’ཏི ཝ་ཙ་ནེ་ན་པི ‘‘ཨཱ་པ་ཏྟི་ཡོ’’ཏི ཝ་ཙ་ནེ་ན་པི ནཱ་མ་ཉྩེ་ཝ ཨཱ་པ་ཏྟི ཙ ག་ཧི་ཏཱ ཧོ་ཏི. ཏ་སྨཱ ཨེ་ཏེ་སུ ཡ་སྶ ཀ་སྶ་ཙི ཝ་སེ་ན ཀ་མྨ་ཝཱ་ཙཱ ཀཱ་ཏ་བྦཱ. ཨི་དྷ པ་ན ས་བྦཱ་པ་ཏྟཱི་ནཾ སཱ་དྷཱ་ར་ཎ་ཝ་སེ་ན ས་མྦ་ཧུ་ལ་ན་ཡེ་ནེ་ཝ ཙ ས་བྦ་ཏྠ ཀ་མྨ་ཝཱ་ཙཾ ཡོ་ཛེ་ཏྭཱ ད་སྶ་ཡི་སྶཱ་མ. ཨེ་ཀ་ཉྷི ཨཱ་པ་ཏྟིཾ ཨཱ་པ་ཛྫི་ཏྭཱ ‘‘ས་མྦ་ཧུ་ལཱ’’ཏི ཝི་ན་ཡ་ཀ་མྨཾ ཀ་རོ་ནྟ་སྶ་པི ཝུ་ཊྛཱ་ཏི ཨེ་ཀཾ ཝི་ནཱ ས་མྦ་ཧུ་ལཱ་ནཾ ཨ་བྷཱ་ཝ་ཏོ. ས་མྦ་ཧུ་ལཱ པ་ན ཨཱ་པ་ཛྫི་ཏྭཱ ‘‘ཨེ་ཀཾ ཨཱ་པ་ཛྫི’’ནྟི ཀ་རོ་ནྟ་སྶ ན ཝུ་ཊྛཱ་ཏི, ཏ་སྨཱ ས་མྦ་ཧུ་ལ་ན་ཡེ་ནེ་ཝ ཡོ་ཛ་ཡི་སྶཱ་མ. སེ་ཡྻ་ཐི་དཾ – པ་ཊི་ཙྪ་ནྣ་པ་རི་ཝཱ་སཾ དེ་ནྟེ་ན ས་ཙེ ཨེ་ཀཱ་ཧ་པྤ་ཊི་ཙྪ་ནྣཱ ཨཱ་པ་ཏྟི ཧོ་ཏི.

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙཱ་མི. ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, དུ་ཏི་ཡ་མྤི, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙཱ་མི. ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, ཏ་ཏི་ཡ་མྤི, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙཱ་མཱི་ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘དུ་ཏི་ཡ་མྤི ཨེ་ཏ་མ་ཏྠཾ ཝ་དཱ་མི…པེ… ཏ་ཏི་ཡ་མྤི ཨེ་ཏ་མ་ཏྠཾ ཝ་དཱ་མི…པེ….

‘‘དི་ནྣོ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སོ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཡོ ཡོ ཨཱ་པ་ནྣོ ཧོ་ཏི, ཏ་སྶ ཏ་སྶ ནཱ་མཾ ག་ཧེ་ཏྭཱ ཀ་མྨ་ཝཱ་ཙཱ ཀཱ་ཏ་བྦཱ.

ཀ་མྨ་ཝཱ་ཙཱ་པ་རི་ཡོ་སཱ་ནེ ཙ ཏེ་ན བྷི་ཀྑུ་ནཱ མཱ་ལ༹་ཀ་སཱི་མཱ་ཡ་མེ་ཝ ‘‘པ་རི་ཝཱ་སཾ ས་མཱ་དི་ཡཱ་མི, ཝ་ཏྟཾ ས་མཱ་དི་ཡཱ་མཱི’’ཏི ཝ་ཏྟཾ ས་མཱ་དཱ་ཏ་བྦཾ, ས་མཱ་དི་ཡི་ཏྭཱ ཏ་ཏྠེ་ཝ ས་ངྒྷ་སྶ ཨཱ་རོ་ཙེ་ཏ་བྦཾ. ཨཱ་རོ་ཙེ་ནྟེ་ན ཙ –

ཨེ་ཝཾ ཨཱ་རོ་ཙེ་ཏ་བྦཾ. ཨི་མ་ཉྩ ཨ་ཏྠཾ ག་ཧེ་ཏྭཱ ཡཱ་ཡ ཀཱ་ཡ་ཙི ཝཱ་ཙཱ་ཡ ཨཱ་རོ་ཙེ་ཏུཾ ཝ་ཊྚ་ཏི་ཡེ་ཝ.

ཨཱ་རོ་ཙེ་ཏྭཱ (ཙཱུ་ལ༹་ཝ. ཨ་ཊྛ. ༡༠༢) ས་ཙེ ནི་ཀྑི་པི་ཏུ་ཀཱ་མོ ཧོ་ཏི, ‘‘པ་རི་ཝཱ་སཾ ནི་ཀྑི་པཱ་མི, ཝ་ཏྟཾ ནི་ཀྑི་པཱ་མཱི’’ཏི ནི་ཀྑི་པི་ཏ་བྦཾ. ཨེ་ཀ་པ་དེ་ན་པི ཙེ་ཏྠ ནི་ཀྑི་ཏྟོ ཧོ་ཏི པ་རི་ཝཱ་སོ, དྭཱི་ཧི པ་ན སུ་ནི་ཀྑི་ཏྟོ་ཡེ་ཝ. ས་མཱ་དཱ་ནེ་པི ཨེ་སེ་ཝ ན་ཡོ. ནི་ཀྑི་ཏྟ་ཀཱ་ལ་ཏོ པ་ཊྛཱ་ཡ པ་ཀ་ཏ་ཏྟ་ཊྛཱ་ནེ ཏི་ཊྛ་ཏི. མཱ་ལ༹་ཀ་ཏོ བྷི་ཀྑཱུ་སུ ནི་ཀྑ་ནྟེ་སུ ཨེ་ཀ་སྶ་པི ས་ནྟི་ཀེ ནི་ཀྑི་པི་ཏུཾ ཝ་ཊྚ་ཏི, མཱ་ལ༹་ཀ་ཏོ ནི་ཀྑ་མི་ཏྭཱ ས་ཏིཾ པ་ཊི་ལ་བྷ་ནྟེ་ན ས་ཧ་ག་ཙྪ་ནྟ་སྶ ས་ནྟི་ཀེ ནི་ཀྑི་པི་ཏ་བྦཾ. ས་ཙེ སོ་པི པ་ཀྐ་ནྟོ, ཨ་ཉྙ་སྶ ཡ་སྶ མཱ་ལ༹་ཀེ ནཱ་རོ་ཙི་ཏཾ, ཏ་སྶ ཨཱ་རོ་ཙེ་ཏྭཱ ནི་ཀྑི་པི་ཏ་བྦཾ. ཨཱ་རོ་ཙེ་ནྟེ་ན ཙ ཨ་ཝ་སཱ་ནེ ‘‘ཝེ་དི་ཡ་ཏཱི་ཏི མཾ ཨཱ་ཡ་སྨཱ དྷཱ་རེ་ཏཱུ’’ཏི ཝ་ཏྟ་བྦཾ. དྭི་ནྣཾ ཨཱ་རོ་ཙེ་ནྟེ་ན ‘‘ཨཱ་ཡ་སྨ་ནྟཱ དྷཱ་རེ་ནྟཱུ’’ཏི, ཏི་ཎྞཾ ཨཱ་རོ་ཙེ་ནྟེ་ན ‘‘ཨཱ་ཡ་སྨ་ནྟོ དྷཱ་རེ་ནྟཱུ’’ཏི ཝ་ཏྟ་བྦཾ. ས་ཙེ ཨ་པྤ་བྷི་ཀྑུ་ཀོ ཝི་ཧཱ་རོ ཧོ་ཏི, ས་བྷཱ་གཱ བྷི་ཀྑཱུ ཝ་ས་ནྟི, ཝ་ཏྟཾ ཨ་ནི་ཀྑི་པི་ཏྭཱ ཝི་ཧཱ་རེ་ཡེ་ཝ ར་ཏྟི་པ་རི་གྒ་ཧོ ཀཱ་ཏ་བྦོ. ཨ་ཐ ན ས་ཀྐཱ སོ་དྷེ་ཏུཾ, ཝུ་ཏྟ་ན་ཡེ་ནེ་ཝ ཝ་ཏྟཾ ནི་ཀྑི་པི་ཏྭཱ པ་ཙྩཱུ་ས་ས་མ་ཡེ ཨེ་ཀེ་ན བྷི་ཀྑུ་ནཱ ས་དྡྷིཾ པ་རི་ཀྑི་ཏྟ་སྶ ཝི་ཧཱ་ར་སྶ པ་རི་ཀྑེ་པ་ཏོ, ཨ་པ་རི་ཀྑི་ཏྟ་སྶ ཝི་ཧཱ་ར་སྶ པ་རི་ཀྑེ་པཱ་ར་ཧ་ཊྛཱ་ན་ཏོ དྭེ ལེ་ཌྜུ་པཱ་ཏེ ཨ་ཏི་ཀྐ་མི་ཏྭཱ མ་ཧཱ་མ་གྒ་ཏོ ཨོ་ཀྐ་མྨ གུ་མྦེ་ན ཝཱ ཝ་ཏི་ཡཱ ཝཱ པ་ཊི་ཙྪ་ནྣ་ཊྛཱ་ནེ ནི་སཱི་དི་ཏ་བྦཾ, ཨ་ནྟོ་ཨ་རུ་ཎེ་ཡེ་ཝ ཝུ་ཏྟ་ན་ཡེ་ན ཝ་ཏྟཾ ས་མཱ་དི་ཡི་ཏྭཱ ཨཱ་རོ་ཙེ་ཏ་བྦཾ. ཨཱ་རོ་ཙེ་ནྟེ་ན ས་ཙེ ན་ཝ་ཀ་ཏ་རོ ཧོ་ཏི, ‘‘ཨཱ་ཝུ་སོ’’ཏི ཝ་ཏྟ་བྦཾ. ས་ཙེ ཝུ་ཌྜྷ་ཏ་རོ, ‘‘བྷ་ནྟེ’’ཏི ཝ་ཏྟ་བྦཾ. ས་ཙེ ཨ་ཉྙོ ཀོ་ཙི བྷི་ཀྑུ ཀེ་ན་ཙི་དེ་ཝ ཀ་ར་ཎཱི་ཡེ་ན ཏཾ ཋཱ་ནཾ ཨཱ་ག་ཙྪ་ཏི, ས་ཙེ ཨེ་ས ཏཾ པ་སྶ་ཏི, ས་དྡཾ ཝཱ་སྶ སུ་ཎཱ་ཏི, ཨཱ་རོ་ཙེ་ཏ་བྦཾ, ཨ་ནཱ་རོ་ཙེ་ནྟ་སྶ ར་ཏྟི་ཙྪེ་དོ ཙེ་ཝ ཝ་ཏྟ་བྷེ་དོ ཙ. ཨ་ཐ དྭཱ་ད་ས་ཧ་ཏྠཾ ཨུ་པ་ཙཱ་རཾ ཨོ་ཀྐ་མི་ཏྭཱ ཨ་ཛཱ་ན་ནྟ་སྶེ་ཝ ག་ཙྪ་ཏི, ར་ཏྟི་ཙྪེ་དོ ཧོ་ཏི་ཡེ་ཝ, ཝ་ཏྟ་བྷེ་དོ པ་ན ན་ཏྠི, ཨུ་གྒ་ཏེ ཨ་རུ་ཎེ ཝ་ཏྟཾ ནི་ཀྑི་པི་ཏ་བྦཾ. ས་ཙེ སོ བྷི་ཀྑུ ཀེ་ན་ཙི་དེ་ཝ ཀ་ར་ཎཱི་ཡེ་ན པ་ཀྐ་ནྟོ ཧོ་ཏི, ཡཾ ཨ་ཉྙཾ ས་བྦ་པ་ཋ་མཾ པ་སྶ་ཏི, ཏ་སྶ ཨཱ་རོ་ཙེ་ཏྭཱ ནི་ཀྑི་པི་ཏ་བྦཾ. ཝི་ཧཱ་རཾ ག་ནྟྭཱ་པི ཡཾ པ་ཋ་མཾ པ་སྶ་ཏི, ཏ་སྶ ཨཱ་རོ་ཙེ་ཏྭཱ ནི་ཀྑི་པི་ཏ་བྦཾ. ཨ་ཡཾ ནི་ཀྑི་ཏྟ་ཝ་ཏྟ་སྶ པ་རི་ཧཱ་རོ.

༢༣༨. ཨེ་ཝཾ ཡ་ཏྟ་ཀཱ་ནི དི་ཝ་སཱ་ནི ཨཱ་པ་ཏྟི པ་ཊི་ཙྪ་ནྣཱ ཧོ་ཏི, ཏ་ཏྟ་ཀཱ་ནི ཏ་ཏོ ཨ་དྷི་ཀ་ཏ་རཱ་ནི ཝཱ ཀུ་ཀྐུ་ཙྩ་ཝི་ནོ་ད་ན་ཏྠཱ་ཡ པ་རི་ཝ་སི་ཏྭཱ ས་ངྒྷཾ ཨུ་པ་ས་ངྐ་མི་ཏྭཱ ཝ་ཏྟཾ ས་མཱ་དི་ཡི་ཏྭཱ མཱ་ན་ཏྟཾ ཡཱ་ཙི་ཏ་བྦཾ. ཨ་ཡ་ཉྷི ཝ་ཏྟེ ས་མཱ་དི་ནྣེ ཨེ་ཝ མཱ་ན་ཏྟཱ་ར་ཧོ ཧོ་ཏི ནི་ཀྑི་ཏྟ་ཝ་ཏྟེ་ན པ་རི་ཝུ་ཏྠ་ཏྟཱ. ཨ་ནི་ཀྑི་ཏྟ་ཝ་ཏྟ་སྶ པ་ན པུ་ན ས་མཱ་དཱ་ན་ཀི་ཙྩཾ ན་ཏྠི. སོ ཧི པ་ཊི་ཙྪ་ནྣ་དི་ཝ་སཱ་ཏི་ཀྐ་མེ་ནེ་ཝ མཱ་ན་ཏྟཱ་ར་ཧོ ཧོ་ཏི, ཏ་སྨཱ ཏ་སྶ མཱ་ན་ཏྟཾ དཱ་ཏ་བྦ་མེ་ཝ. ཏཾ དེ་ནྟེ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ་ཧཾ, བྷ་ནྟེ, པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མི. ཨ་ཧཾ, བྷ་ནྟེ…པེ… སོ་ཧཾ པ་རི་ཝུ་ཏྠ་པ་རི་ཝཱ་སོ, དུ་ཏི་ཡ་མྤི, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མི. ཨ་ཧཾ, བྷ་ནྟེ…པེ… སོ་ཧཾ པ་རི་ཝུ་ཏྠ་པ་རི་ཝཱ་སོ, ཏ་ཏི་ཡ་མྤི, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟ་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘དི་ནྣཾ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཀ་མྨ་ཝཱ་ཙཱ ཀཱ་ཏ་བྦཱ.

ཀ་མྨ་ཝཱ་ཙཱ་པ་རི་ཡོ་སཱ་ནེ ཙ ཏེ་ན བྷི་ཀྑུ་ནཱ མཱ་ལ༹་ཀ་སཱི་མཱ་ཡ་མེ་ཝ ‘‘མཱ་ན་ཏྟཾ ས་མཱ་དི་ཡཱ་མི, ཝ་ཏྟཾ ས་མཱ་དི་ཡཱ་མཱི’’ཏི ཝ་ཏྟཾ ས་མཱ་དཱ་ཏ་བྦཾ, ས་མཱ་དི་ཡི་ཏྭཱ ཏ་ཏྠེ་ཝ ས་ངྒྷ་སྶ ཨཱ་རོ་ཙེ་ཏ་བྦཾ. ཨཱ་རོ་ཙེ་ནྟེ་ན ཙ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ མཱ་ན་ཏྟཾ ཙ་རཱ་མི, ཝེ་དི་ཡཱ་མ་ཧཾ བྷ་ནྟེ, ཝེ་དི་ཡ་ཏཱི་ཏི མཾ ས་ངྒྷོ དྷཱ་རེ་ཏཱུ’’ཏི –

ཨེ་ཝཾ ཨཱ་རོ་ཙེ་ཏ་བྦཾ. ཨི་མ་ཉྩ པ་ན ཨ་ཏྠཾ ག་ཧེ་ཏྭཱ ཡཱ་ཡ ཀཱ་ཡ་ཙི ཝཱ་ཙཱ་ཡ ཨཱ་རོ་ཙེ་ཏུཾ ཝ་ཊྚ་ཏི་ཡེ་ཝ.

ཨཱ་རོ་ཙེ་ཏྭཱ ས་ཙེ ནི་ཀྑི་པི་ཏུ་ཀཱ་མོ ཧོ་ཏི, ‘‘མཱ་ན་ཏྟཾ ནི་ཀྑི་པཱ་མི, ཝ་ཏྟཾ ནི་ཀྑི་པཱ་མཱི’’ཏི ས་ངྒྷ་མ་ཛ྄ཛྷེ ནི་ཀྑི་པི་ཏ་བྦཾ. མཱ་ལ༹་ཀ་ཏོ བྷི་ཀྑཱུ་སུ ནི་ཀྑ་ནྟེ་སུ ཨེ་ཀ་སྶ་པི ས་ནྟི་ཀེ ནི་ཀྑི་པི་ཏུཾ ཝ་ཊྚ་ཏི. མཱ་ལ༹་ཀ་ཏོ ནི་ཀྑ་མི་ཏྭཱ ས་ཏིཾ པ་ཊི་ལ་བྷ་ནྟེ་ན ས་ཧ་ག་ཙྪ་ནྟ་སྶ ས་ནྟི་ཀེ ནི་ཀྑི་པི་ཏ་བྦཾ. ས་ཙེ སོ་པི པ་ཀྐ་ནྟོ, ཨ་ཉྙ་སྶ ཡ་སྶ མཱ་ལ༹་ཀེ ནཱ་རོ་ཙི་ཏཾ, ཏ་སྶ ཨཱ་རོ་ཙེ་ཏྭཱ ནི་ཀྑི་པི་ཏ་བྦཾ. ཨཱ་རོ་ཙེ་ནྟེ་ན པ་ན ཨ་ཝ་སཱ་ནེ ‘‘ཝེ་དི་ཡ་ཏཱི་ཏི མཾ ཨཱ་ཡ་སྨཱ དྷཱ་རེ་ཏཱུ’’ཏི ཝ་ཏྟ་བྦཾ. དྭི་ནྣཾ ཨཱ་རོ་ཙེ་ནྟེ་ན ‘‘ཨཱ་ཡ་སྨ་ནྟཱ དྷཱ་རེ་ནྟཱུ’’ཏི, ཏི་ཎྞཾ ཨཱ་རོ་ཙེ་ནྟེ་ན ‘‘ཨཱ་ཡ་སྨ་ནྟོ དྷཱ་རེ་ནྟཱུ’’ཏི ཝ་ཏྟ་བྦཾ. ནི་ཀྑི་ཏྟ་ཀཱ་ལ་ཏོ པ་ཊྛཱ་ཡ པ་ཀ་ཏ་ཏྟ་ཊྛཱ་ནེ ཏི་ཊྛ་ཏི. ས་ཙེ ཨ་པྤ་བྷི་ཀྑུ་ཀོ ཝི་ཧཱ་རོ ཧོ་ཏི, ས་བྷཱ་གཱ བྷི་ཀྑཱུ ཝ་ས་ནྟི, ཝ་ཏྟཾ ཨ་ནི་ཀྑི་པི་ཏྭཱ ཨ་ནྟོ་ཝི་ཧཱ་རེ་ཡེ་ཝ ར་ཏྟི་ཡོ ག་ཎེ་ཏ་བྦཱ. ཨ་ཐ ན ས་ཀྐཱ སོ་དྷེ་ཏུཾ, ཝུ་ཏྟ་ན་ཡེ་ནེ་ཝ ཝ་ཏྟཾ ནི་ཀྑི་པི་ཏྭཱ པ་ཙྩཱུ་ས་ས་མ་ཡེ ཙ་ཏཱུ་ཧི པ་ཉྩ་ཧི ཝཱ བྷི་ཀྑཱུ་ཧི ས་དྡྷིཾ པ་རི་ཀྑི་ཏྟ་སྶ ཝི་ཧཱ་ར་སྶ པ་རི་ཀྑེ་པ་ཏོ, ཨ་པ་རི་ཀྑི་ཏྟ་སྶ པ་རི་ཀྑེ་པཱ་ར་ཧ་ཊྛཱ་ན་ཏོ དྭེ ལེ་ཌྜུ་པཱ་ཏེ ཨ་ཏི་ཀྐ་མི་ཏྭཱ མ་ཧཱ་མ་གྒ་ཏོ ཨོ་ཀྐ་མྨ གུ་མྦེ་ན ཝཱ ཝ་ཏི་ཡཱ ཝཱ པ་ཊི་ཙྪ་ནྣ་ཊྛཱ་ནེ ནི་སཱི་དི་ཏ་བྦཾ, ཨ་ནྟོ་ཨ་རུ་ཎེ་ཡེ་ཝ ཝུ་ཏྟ་ན་ཡེ་ན ཝ་ཏྟཾ ས་མཱ་དི་ཡི་ཏྭཱ ཨཱ་རོ་ཙེ་ཏ་བྦཾ. ས་ཙེ ཨ་ཉྙོ ཀོ་ཙི བྷི་ཀྑུ ཀེ་ན་ཙི་དེ་ཝ ཀ་ར་ཎཱི་ཡེ་ན ཏཾ ཋཱ་ནཾ ཨཱ་ག་ཙྪ་ཏི, ས་ཙེ ཨེ་ས ཏཾ པ་སྶ་ཏི, ས་དྡཾ ཝཱ་སྶ སུ་ཎཱ་ཏི, ཨཱ་རོ་ཙེ་ཏ་བྦཾ. ཨ་ནཱ་རོ་ཙེ་ནྟ་སྶ ར་ཏྟི་ཙྪེ་དོ ཙེ་ཝ ཝ་ཏྟ་བྷེ་དོ ཙ, ཨ་ཐ དྭཱ་ད་ས་ཧ་ཏྠཾ ཨུ་པ་ཙཱ་རཾ ཨོ་ཀྐ་མི་ཏྭཱ ཨ་ཛཱ་ན་ནྟ་སྶེ་ཝ ག་ཙྪ་ཏི, ར་ཏྟི་ཙྪེ་དོ ཧོ་ཏི ཨེ་ཝ, ཝ་ཏྟ་བྷེ་དོ པ་ན ན་ཏྠི. ཨཱ་རོ་ཙི་ཏ་ཀཱ་ལ་ཏོ པ་ཊྛཱ་ཡ ཨེ་ཀཾ བྷི་ཀྑུཾ ཋ་པེ་ཏྭཱ སེ་སེ་ཧི ས་ཏི ཀ་ར་ཎཱི་ཡེ ག་ནྟུ་མྤི ཝ་ཊྚ་ཏི, ཨ་རུ་ཎེ ཨུ་ཊྛི་ཏེ ཏ་སྶ བྷི་ཀྑུ་སྶ ས་ནྟི་ཀེ ཝ་ཏྟཾ ནི་ཀྑི་པི་ཏ་བྦཾ. ས་ཙེ སོ་པི ཀེ་ན་ཙི ཀ་མྨེ་ན པུ་རེ ཨ་རུ་ཎེ་ཡེ་ཝ ག་ཙྪ་ཏི, ཨ་ཉྙཾ ཝི་ཧཱ་ར་ཏོ ནི་ཀྑ་ནྟཾ ཝཱ ཨཱ་ག་ནྟུ་ཀཾ ཝཱ ཡཾ པ་ཋ་མཾ པ་སྶ་ཏི, ཏ་སྶ ས་ནྟི་ཀེ ཨཱ་རོ་ཙེ་ཏྭཱ ཝ་ཏྟཾ ནི་ཀྑི་པི་ཏ་བྦཾ. ཨ་ཡ་ཉྩ ཡ་སྨཱ ག་ཎ་སྶ ཨཱ་རོ་ཙེ་ཏྭཱ བྷི་ཀྑཱུ་ན་ཉྩ ཨ་ཏྠི་བྷཱ་ཝཾ ས་ལླ་ཀྑེ་ཏྭཱ་ཝ ཝ་སི, ཏེ་ན་སྶ ཨཱུ་ནེ ག་ཎེ ཙ་ར་ཎ་དོ་སོ ཝཱ ཝི་པྤ་ཝཱ་སོ ཝཱ ན ཧོ་ཏི. ས་ཙེ ན ཀ་ཉྩི པ་སྶ་ཏི, ཝི་ཧཱ་རཾ ག་ནྟྭཱ་པི ཡཾ པ་ཋ་མཾ པ་སྶ་ཏི, ཏ་སྶ ཨཱ་རོ་ཙེ་ཏྭཱ ནི་ཀྑི་པི་ཏ་བྦཾ. ཨ་ཡཾ ནི་ཀྑི་ཏྟ་ཝ་ཏྟ་སྶ པ་རི་ཧཱ་རོ.

༢༣༩. ཨེ་ཝཾ ཚཱ་ར་ཏྟཾ མཱ་ན་ཏྟཾ ཨ་ཁ་ཎྜཾ ཙ་རི་ཏྭཱ ཡ་ཏྠ སི་ཡཱ ཝཱི་ས་ཏི་ག་ཎོ བྷི་ཀྑུ་ས་ངྒྷོ, ཏ་ཏྠ སོ བྷི་ཀྑུ ཨ་བྦྷེ་ཏ་བྦོ. ཨ་བྦྷེ་ནྟེ་ཧི ཙ པ་ཋ་མཾ ཨ་བྦྷཱ་ནཱ་ར་ཧོ ཀཱ་ཏ་བྦོ. ཨ་ཡ་ཉྷི ནི་ཀྑི་ཏྟ་ཝ་ཏྟ་ཏྟཱ པ་ཀ་ཏ་ཏྟ་ཊྛཱ་ནེ ཋི་ཏོ, པ་ཀ་ཏ་ཏྟ་སྶ ཙ ཨ་བྦྷཱ་ནཾ ཀཱ་ཏུཾ ན ཝ་ཊྚ་ཏི, ཏ་སྨཱ ཝ་ཏྟཾ ས་མཱ་དཱ་པེ་ཏ་བྦོ, ཝ་ཏྟེ ས་མཱ་དི་ནྣེ ཨ་བྦྷཱ་ནཱ་ར་ཧོ ཧོ་ཏི. ཏེ་ན་པི ཝ་ཏྟཾ ས་མཱ་དི་ཡི་ཏྭཱ ཨཱ་རོ་ཙེ་ཏྭཱ ཨ་བྦྷཱ་ནཾ ཡཱ་ཙི་ཏ་བྦཾ. ཨ་ནི་ཀྑི་ཏྟ་ཝ་ཏྟ་སྶ པུ་ན ཝ་ཏྟ་ས་མཱ་དཱ་ན་ཀི་ཙྩཾ ན་ཏྠི. སོ ཧི ཚཱ་ར་ཏྟཱ་ཏི་ཀྐ་མེ་ནེ་ཝ ཨ་བྦྷཱ་ནཱ་ར་ཧོ ཧོ་ཏི, ཏ་སྨཱ སོ ཨ་བྦྷེ་ཏ་བྦོ. ཨ་བྦྷེ་ནྟེ་ན ཙ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ, བྷ་ནྟེ, ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙཱ་མི. ཨ་ཧཾ, བྷ་ནྟེ…པེ… སོ་ཧཾ ཙི་ཎྞ་མཱ་ན་ཏྟོ དུ་ཏི་ཡ་མྤི, བྷ་ནྟེ, ས་ངྒྷཾ ཨ་བྦྷཱ་ནཾ ཡཱ་ཙཱ་མི. ཨ་ཧཾ, བྷ་ནྟེ…པེ… སོ་ཧཾ ཙི་ཎྞ་མཱ་ན་ཏྟོ ཏ་ཏི་ཡ་མྤི, བྷ་ནྟེ, ས་ངྒྷཾ ཨ་བྦྷཱ་ནཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཨ་བྦྷཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘ཨ་བྦྷི་ཏོ ས་ངྒྷེ་ན ཨི་ཏྠ་ནྣཱ་མོ བྷི་ཀྑུ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཀ་མྨ་ཝཱ་ཙཱ ཀཱ་ཏ་བྦཱ.

ཨེ་ཝཾ ཏཱ་ཝ ཨེ་ཀཱ་ཧ་པྤ་ཊི་ཙྪ་ནྣཱ་ཡ ཨཱ་པ་ཏྟི་ཡཱ པ་ཊི་ཙྪ་ནྣ་པ་རི་ཝཱ་སོ མཱ་ན་ཏྟ་དཱ་ནཾ ཨ་བྦྷཱ་ན་ཉྩ ཝེ་དི་ཏ་བྦཾ. ཨི་མི་ནཱ་ཝ ན་ཡེ་ན དྭཱི་ཧཱ་དི་པ་ཊི་ཙྪ་ནྣཱ་སུ་པི ཏ་ད་ནུ་རཱུ་པཱ ཀ་མྨ་ཝཱ་ཙཱ ཀཱ་ཏ་བྦཱ.

༢༤༠. ས་ཙེ པ་ན ཨ་པྤ་ཊི་ཙྪ་ནྣཱ ཨཱ་པ་ཏྟི ཧོ་ཏི, པ་རི་ཝཱ་སཾ ཨ་ད་ཏྭཱ མཱ་ན་ཏྟ་མེ་ཝ ད་ཏྭཱ ཙི་ཎྞ་མཱ་ན་ཏྟོ ཨ་བྦྷེ་ཏ་བྦོ. ཀ་ཐཾ? མཱ་ན་ཏྟཾ དེ་ནྟེ་ན ཏཱ་ཝ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨ་པྤ་ཊི་ཙྪ་ནྣཱ་ཡོ, སོ་ཧཾ, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མི. ཨ་ཧཾ, བྷ་ནྟེ…པེ… དུ་ཏི་ཡ་མྤི, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མི. ཨ་ཧཾ, བྷ་ནྟེ…པེ… ཏ་ཏི་ཡ་མྤི, བྷ་ནྟེ, ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མཱི’’ཏི –

ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ད་དེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟ་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘དི་ནྣཾ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཀ་མྨ་ཝཱ་ཙཱ ཀཱ་ཏ་བྦཱ.

ཀ་མྨ་ཝཱ་ཙཱ་པ་རི་ཡོ་སཱ་ནེ ཙ ཝ་ཏྟ་ས་མཱ་དཱ་ནཾ ཝ་ཏྟ་ནི་ཀྑེ་པོ མཱ་ན་ཏྟ་ཙ་ར་ཎ་ཉྩ ས་བྦཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. ཨཱ་རོ་ཙེ་ནྟེ་ན པ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ མཱ་ན་ཏྟཾ ཙ་རཱ་མི, ཝེ་དི་ཡཱ་མ་ཧཾ, བྷ་ནྟེ, ཝེ་དི་ཡ་ཏཱི་ཏི མཾ ས་ངྒྷོ དྷཱ་རེ་ཏཱུ’’ཏི –

ཨེ་ཝཾ ཨཱ་རོ་ཙེ་ཏ་བྦཾ.

ཨེ་ཀ་སྶ དྭི་ནྣཾ ཏི་ཎྞཾ ཝཱ ཨཱ་རོ་ཙེ་ནྟེ་ན པ་ཊི་ཙྪ་ནྣ་མཱ་ན་ཏྟེ ཝུ་ཏྟ་ན་ཡེ་ནེ་ཝ ཨཱ་རོ་ཙེ་ཏ་བྦཾ. ཙི་ཎྞ་མཱ་ན་ཏྟོ ཙ ཡ་ཏྠ སི་ཡཱ ཝཱི་ས་ཏི་ག་ཎོ བྷི་ཀྑུ་ས་ངྒྷོ, ཏ་ཏྠ སོ ཨ་བྦྷེ་ཏ་བྦོ. ཨ་བྦྷེ་ནྟེ་ན ཙ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙཱ་མི. ཨ་ཧཾ, བྷ་ནྟེ…པེ… སོ་ཧཾ ཙི་ཎྞ་མཱ་ན་ཏྟོ དུ་ཏི་ཡ་མྤི, བྷ་ནྟེ, ས་ངྒྷཾ ཨ་བྦྷཱ་ནཾ ཡཱ་ཙཱ་མི. ཨ་ཧཾ, བྷ་ནྟེ…པེ… སོ་ཧཾ ཙི་ཎྞ་མཱ་ན་ཏྟོ ཏ་ཏི་ཡ་མྤི, བྷ་ནྟེ, ས་ངྒྷཾ ཨ་བྦྷཱ་ནཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨ་པྤ་ཊི་ཙྪ་ནྣཱ་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཨ་བྦྷཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

ཨ་བྦྷི་ཏོ ས་ངྒྷེ་ན ཨི་ཏྠ་ནྣཱ་མོ བྷི་ཀྑུ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཀ་མྨ་ཝཱ་ཙཾ ཝ་ཏྭཱ ཨ་བྦྷེ་ཏ་བྦོ. ཨེ་ཝཾ ཨ་པྤ་ཊི་ཙྪ་ནྣཱ་ཡ ཨཱ་པ་ཏྟི་ཡཱ ཝུ་ཊྛཱ་ནཾ ཝེ་དི་ཏ་བྦཾ.

༢༤༡. ས་ཙེ ཀ་སྶ་ཙི ཨེ་ཀཱ་པ་ཏྟི པ་ཊི་ཙྪ་ནྣཱ ཧོ་ཏི, ཨེ་ཀཱ ཨ་པྤ་ཊི་ཙྪ་ནྣཱ, ཏ་སྶ པ་ཊི་ཙྪ་ནྣཱ་ཡ ཨཱ་པ་ཏྟི་ཡཱ པ་རི་ཝཱ་སཾ ད་ཏྭཱ པ་རི་ཝུ་ཏྠ་པ་རི་ཝཱ་ས་སྶ མཱ་ན་ཏྟཾ དེ་ནྟེ་ན ཨ་པྤ་ཊི་ཙྪ་ནྣཱ་པ་ཏྟིཾ པ་ཊི་ཙྪ་ནྣཱ་པ་ཏྟི་ཡཱ ས་མོ་དྷཱ་ནེ་ཏྭཱ་པི དཱ་ཏུཾ ཝ་ཊྚ་ཏི. ཀ་ཐཾ? ས་ཙེ པ་ཊི་ཙྪ་ནྣཱ་པ་ཏྟི ཨེ་ཀཱ་ཧ་པྤ་ཊི་ཙྪ་ནྣཱ ཧོ་ཏི –

ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ད་དེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟ་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘དི་ནྣཾ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཀ་མྨ་ཝཱ་ཙཱ ཀཱ་ཏ་བྦཱ.

ཀ་མྨ་ཝཱ་ཙཱ་པ་རི་ཡོ་སཱ་ནེ ཙ ཝ་ཏྟ་ས་མཱ་དཱ་ནཱ་དི ས་བྦཾ ཝུ་ཏྟ་ན་ཡ་མེ་ཝ. ཨཱ་རོ་ཙེ་ནྟེ་ན པ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝུ་ཏྠ་པ་རི་ཝཱ་སོ, ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨ་པྤ་ཊི་ཙྪ་ནྣཱ་ཡོ, སོ་ཧཾ, བྷ་ནྟེ, ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ མཱ་ན་ཏྟཾ ཙ་རཱ་མི, ཝེ་དི་ཡཱ་མ་ཧཾ, བྷ་ནྟེ, ཝེ་དི་ཡ་ཏཱི་ཏི མཾ ས་ངྒྷོ དྷཱ་རེ་ཏཱུ’’ཏི –

ཨེ་ཝཾ ཨཱ་རོ་ཙེ་ཏ་བྦཾ.

ས་མཱ་དི་ནྣ་མཱ་ན་ཏྟེ་ན ཙ ཨ་ནཱུ་ནཾ ཀ་ཏྭཱ ཝུ་ཏྟ་ན་ཡེ་ན ཚཱ་ར་ཏྟཾ མཱ་ན་ཏྟཾ ཙ་རི་ཏ་བྦཾ. ཙི་ཎྞ་མཱ་ན་ཏྟོ ཙ ཡ་ཏྠ སི་ཡཱ ཝཱི་ས་ཏི་ག་ཎོ བྷི་ཀྑུ་ས་ངྒྷོ, ཏ་ཏྠ སོ ཨ་བྦྷེ་ཏ་བྦོ. ཨ་བྦྷེ་ནྟེ་ན ཙ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝུ་ཏྠ་པ་རི་ཝཱ་སོ, ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ ཨ་པྤ་ཊི་ཙྪ་ནྣཱ་ཡོ, སོ་ཧཾ, བྷ་ནྟེ, ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ, བྷ་ནྟེ, ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨེ་ཀཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཨེ་ཀཱ་ཧ་པྤ་ཊི་ཙྪ་ནྣཱ་ནཾ ཨེ་ཀཱ་ཧ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི ཨ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཊི་ཙྪ་ནྣཱ་ན་ཉྩ ཨ་པྤ་ཊི་ཙྪ་ནྣཱ་ན་ཉྩ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཨ་བྦྷཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

ཨེ་ཝཾ ཀ་མྨ་ཝཱ་ཙཾ ཀ་ཏྭཱ ཨ་བྦྷེ་ཏ་བྦོ.

པ་ཊི་ཙྪ་ནྣ་པ་རི་ཝཱ་ས་ཀ་ཐཱ ནི་ཊྛི་ཏཱ.

༢༤༢. སུ་དྡྷ་ནྟ་པ་རི་ཝཱ་སོ ས་མོ་དྷཱ་ན་པ་རི་ཝཱ་སོ་ཏི དྭེ ཨ་ཝ་སེ་སཱ. ཏ་ཏྠ (ཙཱུ་ལ༹་ཝ. ཨ་ཊྛ. ༡༠༢) སུ་དྡྷ་ནྟ་པ་རི་ཝཱ་སོ དུ་ཝི་དྷོ ཙཱུ་ལ༹་སུ་དྡྷ་ནྟོ མ་ཧཱ་སུ་དྡྷ་ནྟོ་ཏི. དུ་ཝི་དྷོ་པི ཙེ་ས ར་ཏྟི་པ་རི་ཙྪེ་དཾ ས་ཀ་ལཾ ཝཱ ཨེ་ཀ་ཙྩཾ ཝཱ ཨ་ཛཱ་ན་ནྟ་སྶ ཙ ཨ་སྶ་ར་ནྟ་སྶ ཙ ཏ་ཏྠ ཝེ་མ་ཏི་ཀ་སྶ ཙ དཱ་ཏ་བྦོ. ཨཱ་པ་ཏྟི་པ་རི་ཡ་ནྟཾ པ་ན ‘‘ཨེ་ཏྟ་ཀཱ ཨ་ཧཾ ཨཱ་པ་ཏྟི་ཡོ ཨཱ་པ་ནྣོ’’ཏི ཛཱ་ནཱ་ཏུ ཝཱ མཱ ཝཱ, ཨ་ཀཱ་ར་ཎ་མེ་ཏཾ, ཏ་ཏྠ ཡོ ཨུ་པ་ས་མྤ་ད་ཏོ པ་ཊྛཱ་ཡ ཨ་ནུ་ལོ་མ་ཀྐ་མེ་ན ཝཱ ཨཱ་རོ་ཙི་ཏ་དི་ཝ་ས་ཏོ པ་ཊྛཱ་ཡ པ་ཊི་ལོ་མ་ཀྐ་མེ་ན ཝཱ ‘‘ཨ་སུ་ཀ་ཉྩ ཨ་སུ་ཀ་ཉྩ དི་ཝ་སཾ ཝཱ པ་ཀྑཾ ཝཱ མཱ་སཾ ཝཱ སཾ་ཝ་ཙྪ་རཾ ཝཱ ཏ་ཝ སུ་དྡྷ་བྷཱ་ཝཾ ཛཱ་ནཱ་སཱི’’ཏི པུ་ཙྪི་ཡ་མཱ་ནོ ‘‘ཨཱ་མ, བྷ་ནྟེ, ཛཱ་ནཱ་མི, ཨེ་ཏྟ་ཀཾ ནཱ་མ ཀཱ་ལཾ ཨ་ཧཾ སུ་དྡྷོ’’ཏི ཝ་ད་ཏི, ཏ་སྶ དི་ནྣོ སུ་དྡྷ་ནྟ་པ་རི་ཝཱ་སོ ཙཱུ་ལ༹་སུ་དྡྷ་ནྟོཏི ཝུ་ཙྩ་ཏི.

ཏཾ ག་ཧེ་ཏྭཱ པ་རི་ཝ་ས་ནྟེ་ན ཡ་ཏྟ་ཀཾ ཀཱ་ལཾ ཨ་ཏྟ་ནོ སུ་དྡྷིཾ ཛཱ་ནཱ་ཏི, ཏ་ཏྟ་ཀཾ ཨ་པ་ནེ་ཏྭཱ ཨ་ཝ་སེ་སཾ མཱ་སཾ ཝཱ དྭེ་མཱ་སཾ ཝཱ པ་རི་ཝ་སི་ཏ་བྦཾ. ས་ཙེ ‘‘མཱ་ས་མ་ཏྟཾ ཨ་སུ་དྡྷོ་མྷཱི’’ཏི ས་ལླ་ཀྑེ་ཏྭཱ ཨ་གྒ་ཧེ་སི, པ་རི་ཝ་ས་ནྟོ ཙ པུ་ན ཨ་ཉྙཾ མཱ་སཾ ས་ར་ཏི, ཏ་མྤི མཱ་སཾ པ་རི་ཝ་སི་ཏ་བྦ་མེ་ཝ, པུ་ན པ་རི་ཝཱ་ས་དཱ་ན་ཀི་ཙྩཾ ན་ཏྠི. ཨ་ཐ ‘‘དྭེ་མཱ་སཾ ཨ་སུ་དྡྷོ་མྷཱི’’ཏི ས་ལླ་ཀྑེ་ཏྭཱ ཨ་གྒ་ཧེ་སི, པ་རི་ཝ་ས་ནྟོ ཙ ‘‘མཱ་ས་མ་ཏྟ་མེ་ཝཱ་ཧཾ ཨ་སུ་དྡྷོ་མྷཱི’’ཏི ས་ནྣི་ཊྛཱ་ནཾ ཀ་རོ་ཏི, མཱ་ས་མེ་ཝ པ་རི་ཝ་སི་ཏ་བྦཾ, པུ་ན པ་རི་ཝཱ་ས་དཱ་ན་ཀི་ཙྩཾ ན་ཏྠི. ཨ་ཡ་ཉྷི སུ་དྡྷ་ནྟ་པ་རི་ཝཱ་སོ ནཱ་མ ཨུ་དྡྷ་མྤི ཨཱ་རོ་ཧ་ཏི, ཧེ་ཊྛཱ་པི ཨོ་རོ་ཧ་ཏི. ཨི་ད་མ་སྶ ལ་ཀྑ་ཎཾ. ཨ་ཉྙ་སྨིཾ པ་ན ཨཱ་པ་ཏྟི་ཝུ་ཊྛཱ་ནེ ཨི་དཾ ལ་ཀྑ་ཎཾ – ཡོ ཨ་པྤ་ཊི་ཙྪ་ནྣཾ ཨཱ་པ་ཏྟིཾ ‘‘པ་ཊི་ཙྪ་ནྣཱ’’ཏི ཝི་ན་ཡ་ཀ་མྨཾ ཀ་རོ་ཏི, ཏ་སྶཱ་པ་ཏྟི ཝུ་ཊྛཱ་ཏི. ཡོ པ་ཊི་ཙྪ་ནྣཾ ‘‘ཨ་པྤ་ཊི་ཙྪ་ནྣཱ’’ཏི ཝི་ན་ཡ་ཀ་མྨཾ ཀ་རོ་ཏི, ཏ་སྶ ན ཝུ་ཊྛཱ་ཏི. ཨ་ཙི་ར་པ་ཊི་ཙྪ་ནྣཾ ‘‘ཙི་ར་པ་ཊི་ཙྪ་ནྣཱ’’ཏི ཀ་རོ་ནྟ་སྶ་པི ཝུ་ཊྛཱ་ཏི, ཙི་ར་པ་ཊི་ཙྪ་ནྣཾ ‘‘ཨ་ཙི་ར་པ་ཊི་ཙྪ་ནྣཱ’’ཏི ཀ་རོ་ནྟ་སྶ ན ཝུ་ཊྛཱ་ཏི. ཨེ་ཀཾ ཨཱ་པ་ཏྟིཾ ཨཱ་པ་ཛྫི་ཏྭཱ ‘‘ས་མྦ་ཧུ་ལཱ’’ཏི ཀ་རོ་ནྟ་སྶ ཝུ་ཊྛཱ་ཏི ཨེ་ཀཾ ཝི་ནཱ ས་མྦ་ཧུ་ལཱ་ནཾ ཨ་བྷཱ་ཝ་ཏོ. ས་མྦ་ཧུ་ལཱ པ་ན ཨཱ་པ་ཛྫི་ཏྭཱ ‘‘ཨེ་ཀཾ ཨཱ་པ་ཛྫི’’ནྟི ཀ་རོ་ནྟ་སྶ ན ཝུ་ཊྛཱ་ཏི.

ཡོ པ་ན ཡ་ཐཱ་ཝུ་ཏྟེ་ན ཨ་ནུ་ལོ་མ་པ་ཊི་ལོ་མ་ན་ཡེ་ན པུ་ཙྪི་ཡ་མཱ་ནོ་པི ར་ཏྟི་པ་རི་ཡ་ནྟཾ ན ཛཱ་ནཱ་ཏི ན་སྶ་ར་ཏི, ཝེ་མ་ཏི་ཀོ ཝཱ ཧོ་ཏི, ཏ་སྶ དི་ནྣོ སུ་དྡྷ་ནྟ་པ་རི་ཝཱ་སོ མ་ཧཱ་སུ་དྡྷ་ནྟོཏི ཝུ་ཙྩ་ཏི. ཏཾ ག་ཧེ་ཏྭཱ ག་ཧི་ཏ་དི་ཝ་ས་ཏོ པ་ཊྛཱ་ཡ ཡཱ་ཝ ཨུ་པ་ས་མྤ་ད་དི་ཝ་སོ, ཏཱ་ཝ ར་ཏྟི་ཡོ ག་ཎེ་ཏྭཱ པ་རི་ཝ་སི་ཏ་བྦཾ, ཨ་ཡཾ ཨུ་དྡྷཾ ནཱ་རོ་ཧ་ཏི, ཧེ་ཊྛཱ པ་ན ཨོ་རོ་ཧ་ཏི. ཏ་སྨཱ ས་ཙེ པ་རི་ཝ་ས་ནྟོ ར་ཏྟི་པ་རི་ཙྪེ་དེ ས་ནྣི་ཊྛཱ་ནཾ ཀ་རོ་ཏི ‘‘མཱ་སོ ཝཱ སཾ་ཝ་ཙྪ་རོ ཝཱ མ་ཡ྄ཧཾ ཨཱ་པ་ནྣ་སྶཱ’’ཏི, མཱ་སཾ ཝཱ སཾ་ཝ་ཙྪ་རཾ ཝཱ པ་རི་ཝ་སི་ཏ་བྦཾ.

པ་རི་ཝཱ་ས་ཡཱ་ཙ་ན་དཱ་ན་ལ་ཀྑ་ཎཾ པ་ནེ་ཏྠ ཨེ་ཝཾ ཝེ་དི་ཏ་བྦཾ – ཏེ་ན བྷི་ཀྑུ་ནཱ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཝུ་ཌྜྷཱ་ནཾ བྷི་ཀྑཱུ་ནཾ པཱ་དེ ཝ་ནྡི་ཏྭཱ ཨུ་ཀྐུ་ཊི་ཀཾ ནི་སཱི་དི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ –

དུ་ཏི་ཡ་མྤི ཡཱ་ཙི་ཏ་བྦོ. ཏ་ཏི་ཡ་མྤི ཡཱ་ཙི་ཏ་བྦོ.

བྱ་ཏྟེ་ན བྷི་ཀྑུ་ནཱ པ་ཊི་བ་ལེ་ན ས་ངྒྷོ ཉཱ་པེ་ཏ་བྦོ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫི, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་ཏི, ར་ཏྟི་པ་རི་ཡ་ནྟཾ ན ཛཱ་ནཱ་ཏི, ཨཱ་པ་ཏྟི་པ་རི་ཡ་ནྟཾ ན་སྶ་ར་ཏི, ར་ཏྟི་པ་རི་ཡ་ནྟཾ ན་སྶ་ར་ཏི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་ས་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘དི་ནྣོ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ. སུ་དྡྷ་ནྟ་པ་རི་ཝཱ་སོ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ སུ་དྡྷ་ནྟ་པ་རི་ཝཱ་སོ དཱ་ཏ་བྦོ.

ཀ་མྨ་ཝཱ་ཙཱ་པ་རི་ཡོ་སཱ་ནེ ཝ་ཏྟ་ས་མཱ་དཱ་ནཱ་དི ས་བྦཾ ཝུ་ཏྟ་ན་ཡ་མེ་ཝ. ཨཱ་རོ་ཙེ་ནྟེ་ན པ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་མི, ར་ཏྟི་པ་རི་ཡ་ནྟཾ ན ཛཱ་ནཱ་མི, ཨཱ་པ་ཏྟི་པ་རི་ཡ་ནྟཾ ན་སྶ་རཱ་མི, ར་ཏྟི་པ་རི་ཡ་ནྟཾ ན་སྶ་རཱ་མི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ་ཧཾ, བྷ་ནྟེ, ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝ་སཱ་མི, ཝེ་དི་ཡཱ་མ་ཧཾ, བྷ་ནྟེ, ཝེ་དི་ཡ་ཏཱི་ཏི མཾ ས་ངྒྷོ དྷཱ་རེ་ཏཱུ’’ཏི ཨཱ་རོ་ཙེ་ཏ་བྦཾ.

ཨེ་ཀ་སྶ དྭི་ནྣཾ ཝཱ ཏི་ཎྞཾ ཝཱ ཨཱ་རོ་ཙ་ནཾ ཝུ་ཏྟ་ན་ཡ་མེ་ཝ. པ་རི་ཝུ་ཏྠ་པ་རི་ཝཱ་ས་སྶ མཱ་ན་ཏྟཾ དེ་ནྟེ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་མི, ར་ཏྟི་པ་རི་ཡ་ནྟཾ ན ཛཱ་ནཱ་མི, ཨཱ་པ་ཏྟི་པ་རི་ཡ་ནྟཾ ན་སྶ་རཱ་མི, ར་ཏྟི་པ་རི་ཡ་ནྟཾ ན་སྶ་རཱ་མི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ་ཧཾ, བྷ་ནྟེ, ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ་ཧཾ, བྷ་ནྟེ, པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ར་ཏྟཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫི, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་ཏི, ར་ཏྟི་པ་རི་ཡ་ནྟཾ ན ཛཱ་ནཱ་ཏི, ཨཱ་པ་ཏྟི་པ་རི་ཡ་ནྟཾ ན་སྶ་ར་ཏི, ར་ཏྟི་པ་རི་ཡ་ནྟཾ ན་སྶ་ར་ཏི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ད་དེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫི, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་ཏི, ར་ཏྟི་པ་རི་ཡ་ནྟཾ ན ཛཱ་ནཱ་ཏི, ཨཱ་པ་ཏྟི་པ་རི་ཡ་ནྟཾ ན་སྶ་ར་ཏི, ར་ཏྟི་པ་རི་ཡ་ནྟཾ ན་སྶ་ར་ཏི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟ་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘དི་ནྣཾ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ཀ་མྨ་ཝཱ་ཙཱ ཀཱ་ཏ་བྦཱ.

ཀ་མྨ་ཝཱ་ཙཱ་པ་རི་ཡོ་སཱ་ནེ མཱ་ན་ཏྟ་ས་མཱ་དཱ་ནཱ་དི ས་བྦཾ ཝུ་ཏྟ་ན་ཡ་མེ་ཝ. ཨཱ་རོ་ཙེ་ནྟེ་ན པ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་མི, ར་ཏྟི་པ་རི་ཡ་ནྟཾ ན ཛཱ་ནཱ་མི, ཨཱ་པ་ཏྟི་པ་རི་ཡ་ནྟཾ ན་སྶ་རཱ་མི, ར་ཏྟི་པ་རི་ཡ་ནྟཾ ན་སྶ་རཱ་མི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ་ཧཾ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ མཱ་ན་ཏྟཾ ཙ་རཱ་མི, ཝེ་དི་ཡཱ་མ་ཧཾ, བྷ་ནྟེ, ཝེ་དི་ཡ་ཏཱི་ཏི མཾ ས་ངྒྷོ དྷཱ་རེ་ཏཱུ’’ཏི –

ཨེ་ཝཾ ཨཱ་རོ་ཙེ་ཏ་བྦཾ.

ཙི་ཎྞ་མཱ་ན་ཏྟོ ཙ ཡ་ཏྠ སི་ཡཱ ཝཱི་ས་ཏི་ག་ཎོ བྷི་ཀྑུ་ས་ངྒྷོ, ཏ་ཏྠ སོ བྷི་ཀྑུ ཨ་བྦྷེ་ཏ་བྦོ. ཨ་བྦྷེ་ནྟེ་ན ཙ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫིཾ, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་མི, ར་ཏྟི་པ་རི་ཡ་ནྟཾ ན ཛཱ་ནཱ་མི, ཨཱ་པ་ཏྟི་པ་རི་ཡ་ནྟཾ ན་སྶ་རཱ་མི, ར་ཏྟི་པ་རི་ཡ་ནྟཾ ན་སྶ་རཱ་མི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ་ཧཾ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙིཾ, ཏ་སྶ མེ ས་ངྒྷོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ་ཧཾ བྷ་ནྟེ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫི, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་ཏི, ར་ཏྟི་པ་རི་ཡ་ནྟཾ ན ཛཱ་ནཱ་ཏི, ཨཱ་པ་ཏྟི་པ་རི་ཡ་ནྟཾ ན་སྶ་ར་ཏི, ར་ཏྟི་པ་རི་ཡ་ནྟཾ ན་སྶ་ར་ཏི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ས་ངྒྷཱ་དི་སེ་སཱ ཨཱ་པ་ཏྟི་ཡོ ཨཱ་པ་ཛྫི, ཨཱ་པ་ཏྟི་པ་རི་ཡ་ནྟཾ ན ཛཱ་ནཱ་ཏི, ར་ཏྟི་པ་རི་ཡ་ནྟཾ ན ཛཱ་ནཱ་ཏི, ཨཱ་པ་ཏྟི་པ་རི་ཡ་ནྟཾ ན་སྶ་ར་ཏི, ར་ཏྟི་པ་རི་ཡ་ནྟཾ ན་སྶ་ར་ཏི, ཨཱ་པ་ཏྟི་པ་རི་ཡ་ནྟེ ཝེ་མ་ཏི་ཀོ, ར་ཏྟི་པ་རི་ཡ་ནྟེ ཝེ་མ་ཏི་ཀོ, སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ སུ་དྡྷ་ནྟ་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཏཱ་སཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཨ་དཱ་སི, སོ ཙི་ཎྞ་མཱ་ན་ཏྟོ ས་ངྒྷཾ ཨ་བྦྷཱ་ནཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་བྦྷེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཨ་བྦྷཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

ཨེ་ཝཾ ཀ་མྨ་ཝཱ་ཙཾ ཀ་ཏྭཱ ཨ་བྦྷེ་ཏ་བྦོ.

སུ་དྡྷ་ནྟ་པ་རི་ཝཱ་ས་ཀ་ཐཱ ནི་ཊྛི་ཏཱ.

༢༤༣. ས་མོ་དྷཱ་ན་པ་རི་ཝཱ་སོ པ་ན ཏི་ཝི་དྷོ ཧོ་ཏི – ཨོ་དྷཱ་ན་ས་མོ་དྷཱ་ནོ ཨ་གྒྷ་ས་མོ་དྷཱ་ནོ མི་སྶ་ཀ་ས་མོ་དྷཱ་ནོ་ཏི. ཏ་ཏྠ (ཙཱུ་ལ༹་ཝ. ཨ་ཊྛ. ༡༠༢) ཨོ་དྷཱ་ན་ས་མོ་དྷཱ་ནོ ནཱ་མ ཨ་ནྟ་རཱ་པ་ཏྟིཾ ཨཱ་པ་ཛྫི་ཏྭཱ པ་ཊི་ཙྪཱ་དེ་ནྟ་སྶ པ་རི་ཝུ་ཏྠ་དི་ཝ་སེ ཨོ་དྷུ་ནི་ཏྭཱ མ་ཀྑེ་ཏྭཱ པུ་རི་མཱ་ཡ ཨཱ་པ་ཏྟི་ཡཱ མཱུ་ལ་དི་ཝ་ས་པ་རི་ཙྪེ་དེ པ་ཙྪཱ ཨཱ་པ་ནྣཾ ཨཱ་པ་ཏྟིཾ ས་མོ་ད་ཧི་ཏྭཱ དཱ་ཏ་བྦ་པ་རི་ཝཱ་སོ ཝུ་ཙྩ་ཏི.

ཨ་ཡཾ པ་ནེ་ཏྠ ཝི་ནི་ཙྪ་ཡོ – ཡོ པ་ཊི་ཙྪ་ནྣཱ་ཡ ཨཱ་པ་ཏྟི་ཡཱ པ་རི་ཝཱ་སཾ ག་ཧེ་ཏྭཱ པ་རི་ཝ་ས་ནྟོ ཝཱ མཱ་ན་ཏྟཱ་ར་ཧོ ཝཱ མཱ་ན་ཏྟཾ ཙ་ར་ནྟོ ཝཱ ཨ་བྦྷཱ་ནཱ་ར་ཧོ ཝཱ ཨ་ནི་ཀྑི་ཏྟ་ཝ་ཏྟོ ཨ་ཉྙཾ ཨཱ་པ་ཏྟིཾ ཨཱ་པ་ཛྫི་ཏྭཱ པུ་རི་མཱ་ཡ ཨཱ་པ་ཏྟི་ཡཱ ས་མཱ ཝཱ ཨཱུ་ན་ཏ་རཱ ཝཱ ར་ཏྟི་ཡོ པ་ཊི་ཙྪཱ་དེ་ཏི, ཏ་སྶ མཱུ་ལཱ་ཡ་པ་ཊི་ཀ་སྶ་ནེ་ན ཏེ པ་རི་ཝུ་ཏྠ་དི་ཝ་སེ ཙ མཱ་ན་ཏྟ་ཙི་ཎྞ་དི་ཝ་སེ ཙ ས་བྦེ ཨོ་དྷུ་ནི་ཏྭཱ ཨ་དི་ཝ་སེ ཀ་ཏྭཱ པ་ཙྪཱ ཨཱ་པ་ནྣཱ་པ་ཏྟིཾ མཱུ་ལ་ཨཱ་པ་ཏྟི་ཡཾ ས་མོ་དྷཱ་ཡ པ་རི་ཝཱ་སོ དཱ་ཏ་བྦོ. ཏེ་ན ས་ཙེ མཱུ་ལཱ་པ་ཏྟི པ་ཀྑ་པ་ཊི་ཙྪ་ནྣཱ, ཨ་ནྟ་རཱ་པ་ཏྟི ཨཱུ་ན་ཀ་པ་ཀྑ་པ་ཊི་ཙྪ་ནྣཱ, པུ་ན པ་ཀྑ་མེ་ཝ པ་རི་ཝཱ་སོ པ་རི་ཝ་སི་ཏ་བྦོ. ཨ་ཐཱ་པི ཨ་ནྟ་རཱ་པ་ཏྟི པ་ཀྑ་པ་ཊི་ཙྪ་ནྣཱ་ཝ, པ་ཀྑ་མེ་ཝ པ་རི་ཝ་སི་ཏ་བྦཾ. ཨེ་ཏེ་ནུ་པཱ་ཡེ་ན ཡཱ་ཝ ས་ཊྛི་ཝ་སྶ་པ་ཊི་ཙྪ་ནྣཱ མཱུ་ལཱ་པ་ཏྟི, ཏཱ་ཝ ཝི་ནི་ཙྪ་ཡོ ཝེ་དི་ཏ་བྦོ. ས་ཊྛི་ཝ་སྶཱ་ནི་པི པ་རི་ཝ་སི་ཏྭཱ མཱ་ན་ཏྟཱ་ར་ཧོ ཧུ་ཏྭཱ་པི ཧི ཨེ་ཀ་དི་ཝ་སཾ ཨ་ནྟ་རཱ་པ་ཏྟིཾ པ་ཊི་ཙྪཱ་དེ་ཏྭཱ པུ་ན ས་ཊྛི་ཝ་སྶཱ་ནི པ་རི་ཝཱ་སཱ་ར་ཧོ ཧོ་ཏི. ཨེ་ཝཾ མཱ་ན་ཏྟ་ཙཱ་རི་ཀ་མཱ་ན་ཏྟཱ་ར་ཧ་ཀཱ་ལེ་པི ཨཱ་པ་ནྣཱ་ཡ ཨཱ་པ་ཏྟི་ཡཱ མཱུ་ལཱ་ཡ་པ་ཊི་ཀ་སྶ་ནེ ཀ་ཏེ མཱ་ན་ཏྟ་ཙི་ཎྞ་དི་ཝ་སཱ་པི པ་རི་ཝཱ་ས་ཝུ་ཏྠ་དི་ཝ་སཱ་པི ས་བྦེ མ་ཀྑི་ཏཱ་ཝ ཧོ་ནྟི. ས་ཙེ པ་ན ནི་ཀྑི་ཏྟ་ཝ་ཏྟོ ཨཱ་པ་ཛྫ་ཏི, མཱུ་ལཱ་ཡ་པ་ཊི་ཀ་སྶ་ནཱ་ར་ཧོ ནཱ་མ ན ཧོ་ཏི. ཀ་སྨཱ? ཡ་སྨཱ ན སོ པ་རི་ཝ་ས་ནྟོ ཨཱ་པ་ནྣོ, པ་ཀ་ཏ་ཏྟ་ཊྛཱ་ནེ ཋི་ཏོ ཨཱ་པ་ནྣོ, ཏ་སྨཱ ཏ་སྶཱ ཨཱ་པ་ཏྟི་ཡཱ ཝི་སུཾ མཱ་ན་ཏྟཾ ཙ་རི་ཏ་བྦཾ. ས་ཙེ པ་ཊི་ཙྪ་ནྣཱ ཧོ་ཏི, པ་རི་ཝཱ་སོ་པི ཝ་སི་ཏ་བྦོ.

‘‘ས་ཙེ པ་ན ཨ་ནྟ་རཱ་པ་ཏྟི མཱུ་ལཱ་པ་ཏྟི་ཏོ ཨ་ཏི་རེ་ཀ་པ་ཊི་ཙྪ་ནྣཱ ཧོ་ཏི, ཏ་ཏྠ ཀིཾ ཀཱ་ཏ་བྦ’’ནྟི ཝུ་ཏྟེ མ་ཧཱ་སུ་མ་ཏྠེ་རོ ཨཱ་ཧ ‘‘ཨ་ཏེ་ཀི་ཙྪོ ཨ་ཡཾ པུ་གྒ་ལོ, ཨ་ཏེ་ཀི་ཙྪོ ནཱ་མ ཨཱ་ཝི་ཀཱ་རཱ་པེ་ཏྭཱ ཝི་སྶ་ཛྫེ་ཏ་བྦོ’’ཏི. མ་ཧཱ་པ་དུ་མ་ཏྠེ་རོ པ་ནཱ་ཧ ‘‘ཀ་སྨཱ ཨ་ཏེ་ཀི་ཙྪོ ནཱ་མ, ན་ནུ ཨ་ཡཾ ས་མུ་ཙྩ་ཡ་ཀྑ་ནྡྷ་ཀོ ནཱ་མ བུ་དྡྷཱ་ནཾ ཋི་ཏ་ཀཱ་ལ་ས་དི་སོ, ཨཱ་པ་ཏྟི ནཱ་མ པ་ཊི་ཙྪ་ནྣཱ ཝཱ ཧོ་ཏུ ཨ་པྤ་ཊི་ཙྪ་ནྣཱ ཝཱ ས་མ་ཀ་ཨཱུ་ན་ཏ་ར་ཨ་ཏི་རེ་ཀ་པ་ཊི་ཙྪ་ནྣཱ ཝཱ, ཝི་ན་ཡ་དྷ་ར་སྶ ཀ་མྨ་ཝཱ་ཙཾ ཡོ་ཛེ་ཏུཾ ས་མ་ཏྠ་བྷཱ་ཝོ་ཡེ་ཝེ་ཏྠ པ་མཱ་ཎཾ, ཏ་སྨཱ ཡཱ ཨ་ཏི་རེ་ཀ་པ་ཊི་ཙྪ་ནྣཱ ཧོ་ཏི, ཏཾ མཱུ་ལཱ་པ་ཏྟིཾ ཀ་ཏྭཱ ཏ་ཏྠ ཨི་ཏ་རཾ ས་མོ་དྷཱ་ཡ པ་རི་ཝཱ་སོ དཱ་ཏ་བྦོ’’ཏི. ཨ་ཡཾ ཨོ་དྷཱ་ན་ས་མོ་དྷཱ་ནོ ནཱ་མ.

ཏཾ དེ་ནྟེ་ན པ་ཋ་མཾ མཱུ་ལཱ་ཡ པ་ཊི་ཀ་སྶི་ཏྭཱ པ་ཙྪཱ པ་རི་ཝཱ་སོ དཱ་ཏ་བྦོ. ས་ཙེ ཀོ་ཙི བྷི་ཀྑུ པ་ཀྑ་པ་ཊི་ཙྪ་ནྣཱ་ཡ ཨཱ་པ་ཏྟི་ཡཱ པ་རི་ཝ་ས་ནྟོ ཨ་ནྟ་རཱ ཨ་ནི་ཀྑི་ཏྟ་ཝ་ཏྟོ་ཝ པུ་ན པ་ཉྩཱ་ཧ་པྤ་ཊི་ཙྪ་ནྣཾ ཨཱ་པ་ཏྟིཾ ཨཱ་པ་ཛྫ་ཏི, ཏེ་ན བྷི་ཀྑུ་ནཱ ས་ངྒྷཾ ཨུ་པ་ས་ངྐ་མི་ཏྭཱ ཨེ་ཀཾ་སཾ ཨུ་ཏྟ་རཱ་ས་ངྒཾ ཀ་རི་ཏྭཱ ཝུ་ཌྜྷཱ་ནཾ བྷི་ཀྑཱུ་ནཾ པཱ་དེ ཝ་ནྡི་ཏྭཱ ཨུ་ཀྐུ་ཊི་ཀཾ ནི་སཱི་དི་ཏྭཱ ཨ་ཉྫ་ལིཾ པ་གྒ་ཧེ་ཏྭཱ ཨེ་ཝ་མ་སྶ ཝ་ཙ་ནཱི་ཡོ –

དུ་ཏི་ཡ་མྤི ཡཱ་ཙི་ཏ་བྦོ. ཏ་ཏི་ཡ་མྤི ཡཱ་ཙི་ཏ་བྦོ.

བྱ་ཏྟེ་ན བྷི་ཀྑུ་ནཱ པ་ཊི་བ་ལེ་ན ས་ངྒྷོ ཉཱ་པེ་ཏ་བྦོ –

‘‘པ་ཊི་ཀ་སྶི་ཏོ ས་ངྒྷེ་ན ཨི་ཏྠ་ནྣཱ་མོ བྷི་ཀྑུ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཱ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ མཱུ་ལཱ་ཡ་པ་ཊི་ཀ་སྶ་ནཱ ཀཱ་ཏ་བྦཱ.

ཨེ་ཝ་ཉྩ ས་མོ་དྷཱ་ན་པ་རི་ཝཱ་སོ དཱ་ཏ་བྦོ. ཏེ་ན བྷི་ཀྑུ་ནཱ ས་ངྒྷཾ ཨུ་པ་ས་ངྐ་མི་ཏྭཱ…པེ… ཨེ་ཝ་མ་སྶ ཝ་ཙ་ནཱི་ཡོ –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ པ་ཀྑ་པ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙིཾ, ཏཾ མཾ ས་ངྒྷོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ་ཧཾ, བྷ་ནྟེ, ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙཱ་མཱི’’ཏི.

དུ་ཏི་ཡ་མྤི ཡཱ་ཙི་ཏ་བྦོ. ཏ་ཏི་ཡ་མྤི ཡཱ་ཙི་ཏ་བྦོ.

བྱ་ཏྟེ་ན བྷི་ཀྑུ་ནཱ པ་ཊི་བ་ལེ་ན ས་ངྒྷོ ཉཱ་པེ་ཏ་བྦོ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཀྑ་པ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ད་དེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཀྑ་པ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་ས་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.

‘‘དི་ནྣོ ས་ངྒྷེ་ན ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སོ, ཁ་མ་ཏི ས་ངྒྷ་སྶ, ཏ་སྨཱ ཏུ་ཎྷཱི, ཨེ་ཝ་མེ་ཏཾ དྷཱ་ར་ཡཱ་མཱི’’ཏི –

ཨེ་ཝཾ ས་མོ་དྷཱ་ན་པ་རི་ཝཱ་སོ དཱ་ཏ་བྦོ.

ཀ་མྨ་ཝཱ་ཙཱ་པ་རི་ཡོ་སཱ་ནེ ཙ ཝ་ཏྟ་ས་མཱ་དཱ་ནཱ་དི ས་བྦཾ པུ་བྦེ ཝུ་ཏྟ་ན་ཡ་མེ་ཝ. ཨཱ་རོ་ཙེ་ནྟེ་ན པ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ པ་ཀྑ་པ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙིཾ, ཏཾ མཾ ས་ངྒྷོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ་ཧཾ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝ་སཱ་མི, ཝེ་དི་ཡཱ་མ་ཧཾ, བྷ་ནྟེ, ཝེ་དི་ཡ་ཏཱི་ཏི མཾ ས་ངྒྷོ དྷཱ་རེ་ཏཱུ’’ཏི –

ཨེ་ཝཾ ཨཱ་རོ་ཙེ་ཏ་བྦཾ.

པ་རི་ཝུ་ཏྠ་པ་རི་ཝཱ་ས་སྶ མཱ་ན་ཏྟཾ དེ་ནྟེ་ན –

‘‘ཨ་ཧཾ, བྷ་ནྟེ, ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ པ་ཀྑ་པ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ་ཧཾ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫིཾ པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ་ཧཾ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙིཾ, ཏཾ མཾ ས་ངྒྷོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ་ཧཾ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙིཾ, ཏ་སྶ མེ ས་ངྒྷོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཨ་དཱ་སི, སོ་ཧཾ, བྷ་ནྟེ, པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙཱ་མཱི’’ཏི –

ཨེ་ཝཾ ཏི་ཀྑ་ཏྟུཾ ཡཱ་ཙཱ་པེ་ཏྭཱ –

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཀྑ་པ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ཡ་དི ས་ངྒྷ་སྶ པ་ཏྟ་ཀ་ལླཾ, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ད་དེ་ཡྻ, ཨེ་སཱ ཉ་ཏྟི.

‘‘སུ་ཎཱ་ཏུ མེ, བྷ་ནྟེ, ས་ངྒྷོ, ཨ་ཡཾ ཨི་ཏྠ་ནྣཱ་མོ བྷི་ཀྑུ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཀྑ་པ་ཊི་ཙྪ་ནྣཱ་ཡོ, སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཀྑ་པ་ཊི་ཙྪ་ནྣཱ་ནཾ པ་ཀྑ་པ་རི་ཝཱ་སཾ ཨ་དཱ་སི, སོ པ་རི་ཝ་ས་ནྟོ ཨ་ནྟ་རཱ ས་མྦ་ཧུ་ལཱ ཨཱ་པ་ཏྟི་ཡོ ཨཱ་པ་ཛྫི པ་ཉྩཱ་ཧ་པྤ་ཊི་ཙྪ་ནྣཱ་ཡོ, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ་པ་ཊི་ཀ་སྶ་ནཾ ཡཱ་ཙི, ས་ངྒྷོ ཨི་ཏྠ་ནྣཱ་མཾ བྷི་ཀྑུཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ མཱུ་ལཱ་ཡ པ་ཊི་ཀ་སྶི, སོ ས་ངྒྷཾ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཡཱ་ཙི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ཨ་ནྟ་རཱ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ པ་ཉྩཱ་ཧ་པྤ་ཊི་ཙྪ་ནྣཱ་ནཾ པུ་རི་མཱ་སུ ཨཱ་པ་ཏྟཱི་སུ ས་མོ་དྷཱ་ན་པ་རི་ཝཱ་སཾ ཨ་དཱ་སི, སོ པ་རི་ཝུ་ཏྠ་པ་རི་ཝཱ་སོ ས་ངྒྷཾ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ ཡཱ་ཙ་ཏི, ས་ངྒྷོ ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟཾ དེ་ཏི, ཡ་སྶཱ་ཡ་སྨ་ཏོ ཁ་མ་ཏི ཨི་ཏྠ་ནྣཱ་མ་སྶ བྷི་ཀྑུ་ནོ ས་མྦ་ཧུ་ལཱ་ནཾ ཨཱ་པ་ཏྟཱི་ནཾ ཚཱ་ར་ཏྟཾ མཱ་ན་ཏྟ་སྶ དཱ་ནཾ, སོ ཏུ་ཎྷ་སྶ. ཡ་སྶ ན་ཀྑ་མ་ཏི, སོ བྷཱ་སེ་ཡྻ.