༢. དུ་ཏི་ཡ་ས་ངྒྷཱ་དི་སེ་ས་སི་ཀྑཱ་པ་ད་ཝ་ཎྞ་ནཱ

༦༨༣. པཱ་ལི༹་ཡཾ དུ་ཏི་ཡེ མ་ལླ་ག་ཎ་བྷ་ཊི་པུ་ཏྟ་ག་ཎཱ་དི་ཀནྟི་ཨཱ་དཱི་སུ མ་ལླ་རཱ་ཛཱུ་ནཾ ག་ཎོ མ་ལླ་ག་ཎོ. བྷ་ཊི་པུ་ཏྟཱ ནཱ་མ ཀེ་ཙི ག་ཎ་རཱ་ཛཱ་ནོ, ཏེ་སཾ ག་ཎོ. ཀེ་ཙི པ་ན ‘‘ནཱ་རཱ་ཡ་ན་བྷ་ཏྟི་ཀོ པུ་ཉྙ་ཀཱ་ར་ག་ཎོ མ་ལླ་ག་ཎོ. ཏ་ཐཱ ཀུ་མཱ་ར་བྷ་ཏྟི་ཀོ ཙ ག་ཎོ བྷ་ཊི་པུ་ཏྟ་ག་ཎོ’’ཏི་པི (སཱ་ར་ཏྠ. ཊཱི. སཾ་གྷཱ་དི་སེ་ས་ཀ་ཎྜ ༣.༦༨༣) ཝ་ད་ནྟི. དྷ་མྨ་ག་ཎོཏི སཱ་ས་ནེ, ལོ་ཀེ ཝཱ ཨ་ནེ་ཀ་པྤ་ཀཱ་ར་པུ་ཉྙ་ཀཱ་ར་ཀོ ག་ཎོ. ག་ནྡྷ་ཝི་ཀ་ཏི་ཀཱ་ར་ཀོ ག་ཎོ ག་ནྡྷི་ཀ་སེ་ཎཱི. པེ་ས་ཀཱ་རཱ་དི་ག་ཎོ དུ་སྶི་ཀ་སེ་ཎཱི. ཀ་པྤ་ག་ཏི་ཀནྟི ཀ་པྤི་ཡ་བྷཱ་ཝ་ག་ཏཾ, པ་བྦ་ཛི་ཏ་པུ་བྦ་ནྟི ཨ་ཏྠོ.

༦༨༥. པཱ་ལི༹་ཡཾ ཝུ་ཊྛཱ་པེ་ཏཱིཏི ཨུ་པ་ས་མྤཱ་དེ་ཏི. ཨ་ཀ་པྤ་ག་ཏ་མྤི པ་བྦཱ་ཛེ་ནྟི་ཡཱ དུ་ཀྐ་ཊ་ནྟི ཝ་ད་ནྟི. ཁཱི་ཎཱ་ས་ཝཱ་ཡ་པི ཨཱ་པ་ཛྫི་ཏ་བྦ་ཏོ ‘‘ཏི་ཙི་ཏྟ’’ནྟི ཝུ་ཏྟཾ. ཙོ་རི་ཏཱ, ཏཾ ཉ་ཏྭཱ ཨ་ན་ནུ་ཉྙཱ་ཏ་ཀཱ་ར་ཎཱ ཝུ་ཊྛཱ་པ་ན་ནྟི དྭེ ཨ་ངྒཱ་ནི.

དུ་ཏི་ཡ་ས་ངྒྷཱ་དི་སེ་ས་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.