༦. སུ་རུ་སུ་རུ་ཝ་གྒ་ཝ་ཎྞ་ནཱ

༦༢༧. པཱ་ལི༹་ཡཾ སཱི་ཏཱི་ཀ་ཏོཏི སཱི་ཏ་པཱི་ལི༹་ཏོ. སི་ལ་ཀ་བུ་དྡྷོཏི པ་རི་ཧཱ་ས་ཝ་ཙ་ན་མེ་ཏཾ. སི་ལ་ཀ་ཉྷི ཀི་ཉྩི དི་སྭཱ ‘‘བུ་དྡྷོ ཨ་ཡ’’ནྟི ཝོ་ཧ་ར་ནྟི.

༦༢༨. ‘‘ཨ་ངྒུ་ལི་ཡོ མུ་ཁེ པ་ཝེ་སེ་ཏྭཱ བྷུ་ཉྫི་ཏུཾ ཝ་ཊྚ་ཏཱི’’ཏི ཨི་མི་ནཱ ས་བྦཾ ཧ་ཏྠཾ ཨ་ནྟོ་མུ་ཁེ པ་ཀྑི་པ་ན་སི་ཀྑཱ་པ་ད་སྶ་པི པ་ཝི་ཊྛ་ངྒུ་ལི་ནི་ལླེ་ཧ་ནེ་ན ཨི་མ་སྶ་པི སི་ཀྑཱ་པ་ད་སྶ ཨ་ནཱ་པ་ཏྟིཾ ད་སྶེ་ཏི. ཨེ་སེ་ཝ ན་ཡོཏི གྷ་ན་ཡཱ་གུ་ཨཱ་དཱི་སུ པ་ཏྟཾ ཧ་ཏྠེ་ན, ཨོ་ཊྛ་ཉྩ ཛི་ཝ྄ཧཱ་ཡ ནི་ལླེ་ཧི་ཏུཾ ཝ་ཊྚ་ཏཱི་ཏི ཨ་ཏི་དི་ས་ཏི. ཏ་སྨཱཏི ཡ་སྨཱ གྷ་ན་ཡཱ་གུ་ཨཱ་དི་ཝི་ར་ཧི་ཏཾ ནི་ལླེ་ཧི་ཏུཾ ན ཝ་ཊྚ་ཏི.

༦༣༤. ཝི་ལཱི་ཝ་ཙྪ་ཏྟནྟི ཝེ་ཎུ་པེ་སི་ཀཱ་ཧི ཀ་ཏཾ. མ་ཎྜ་ལ་བ་དྡྷཱ་ནཱིཏི དཱི་གྷ་ས་ལཱ་ཀཱ་སུ ཏི་རི་ཡཾ ཝ་ལ་ཡཱ་ཀཱ་རེ་ན ས་ལཱ་ཀཾ ཋ་པེ་ཏྭཱ སུ་ཏྟེ་ཧི བ་དྡྷཱ་ནི དཱི་གྷ་ཉྩ ཏི་རི་ཡ་ཉྩ ཨུ་ཛུ་ཀ་མེ་ཝ ས་ལཱ་ཀཱ་ཡོ ཋ་པེ་ཏྭཱ ད་ལ༹ྷ་བ་དྡྷཱ་ནི ཙེ་ཝ ཏི་རི་ཡཾ ཋ་པེ་ཏྭཱ དཱི་གྷ་ད་ཎྜ་ཀེ་ཧེ་ཝ ས་ངྐོ་ཙཱ་ར་ཧཾ ཀ་ཏྭཱ སུ་ཏྟེ་ཧེ་ཝ ཏི་རི་ཡཾ བ་དྡྷཱ་ནི. ཏ་ཏྠ་ཛཱ་ཏ་ཀ་ད་ཎྜ་ཀེ་ན ཀ་ཏནྟི ས་ཧ ད་ཎྜ་ཀེ་ན ཚི་ནྣ་ཏཱ་ལ་པ་ཎྞཱ་དཱི་ཧི ཀ་ཏཾ. ཚ་ཏྟ་པཱ་དུ་ཀཱ་ཡཱཏི ཡ་སྨིཾ ཚ་ཏྟ་ད་ཎྜ་ཀོ་ཊིཾ པ་ཝེ་སེ་ཏྭཱ ཚ་ཏྟཾ ཨུ་ཛུ་ཀཾ ཋ་པེ་ཏྭཱ ཧེ་ཊྛཱ ཚཱ་ཡཱ་ཡ ནི་སཱི་ད་ནྟི, ཏི་ཊྛ་ནྟི ཝཱ, ཏཱ་དི་སེ ཚ་ཏྟཱ་དྷཱ་རེ.

༦༣༧. ཙཱ་པོཏི མ་ཛ྄ཛྷེ ཝ་ངྐ་ཀཱ་ཛ་ད་ཎྜ་ས་དི་སཱ དྷ་ནུ་ཝི་ཀ་ཏི. ཀོ་ད་ཎྜོཏི ཝི་དྡྷ་ད་ཎྜཱ དྷ་ནུ་ཝི་ཀ་ཏི.

སུ་རུ་སུ་རུ་ཝ་གྒ་ཝ་ཎྞ་ནཱ ནི་ཊྛི་ཏཱ.