༦. སུ་ཏྟ་ཝི་ཉྙ་ཏྟི་སི་ཀྑཱ་པ་ད་ཝ་ཎྞ་ནཱ

༦༣༦. ཚ་ཊྛེ ཝཱི་ཏ་ཝཱི་ཏ་ཊྛཱ་ནཾ ཡ་སྨིཾ ཙ་ཏུ་ར་སྶ་དཱ་རུ་མྷི པ་ལི་ཝེ་ཋེ་ནྟི, ཏ་སྶ ཏུ་རཱིཏི ནཱ་མཾ. ཝཱ་ཡ་ནྟཱ ཏི་རི་ཡཾ སུ་ཏྟཾ པ་ཝེ་སེ་ཏྭཱ ཡེ་ན ཨཱ་ཀོ་ཊེ་ནྟཱ ཝ་ཏྠེ གྷ་ན་བྷཱ་ཝཾ ཨཱ་པཱ་དེ་ནྟི, ཏཾ ‘‘ཝེ་མ’’ནྟི ཝུ་ཙྩ་ཏི.

‘‘ཨི་ཏ་ར་སྨིཾ ཏ་ཐེ་ཝ དུ་ཀྐ་ཊ’’ནྟི ཨི་མི་ནཱ ཝཱ་ཡི་ཏུཾ ཨཱ་ར་དྡྷ་ཀཱ་ལ་ཏོ པ་ཊྛཱ་ཡ ཡ་ཐཱ་ཝུ་ཏྟ་པ་རི་ཙྪེ་ད་ནི་ཊྛི་ཏེ་ཡེ་ཝ དུ་ཀྐ་ཊ་མྤི ཧོ་ཏི, ན ཏ་ཏོ པུ་བྦེ ཝཱ་ཡ་ན་པ་ཡོ་གེ་སཱུ་ཏི ད་སྶེ་ཏི.

ཏ་ནྟེ ཋི་ཏཾ་ཡེ་ཝ ཨ་དྷི་ཊྛཱ་ཏ་བྦནྟི ཨེ་ཏྠ ཨེ་ཀ་ཝཱ་རཾ ཨ་དྷི་ཊྛི་ཏེ པ་ཙྪཱ ཝཱི་ཏཾ ཨ་དྷི་ཊྛི་ཏ་ག་ཏི་ཀ་མེ་ཝ ཧོ་ཏི, པུ་ན ཨ་དྷི་ཊྛཱ་ན་ཀི་ཙྩཾ ན་ཏྠི. ས་ཙེ པ་ན ཨ་ནྟ་ར་ནྟ་རཱ ད་སཱ ཋ་པེ་ཏྭཱ ཝི་སུཾ ཝི་སུཾ ས་པ་རི་ཙྪེ་དཾ ཝཱི་ཏཾ ཧོ་ཏི, པ་ཙྩེ་ཀཾ ཨ་དྷི་ཊྛཱ་ཏ་བྦ་མེ་ཝཱ་ཏི ད་ཊྛ་བྦཾ. ཨེ་ཏྠ ཙ ཀ་པྤི་ཡ་སུ་ཏྟཾ ག་ཧེ་ཏྭཱ ཨ་ཉྙཱ་ཏ་ཀ་ཨ་པྤ་ཝཱ་རི་ཏེ་ནཱ་པི ཨ་ཀ་པྤི་ཡ་ཏ་ནྟ་ཝཱ་ཡེ་ན ‘‘སུ་ཏྟ་མ་ཏྠི, ཝཱ་ཡ་ནྟོ ན་ཏྠཱི’’ཏི་ཨཱ་དི་པ་རི་ཡཱ་ཡ་མུ་ཁེ་ན ཝཱ་ཡཱ་པེ་ནྟ་སྶ ཨ་ནཱ་པ་ཏྟི. ཏེ་ནེ་ཝ མཱ་ཏི་ཀཱ་ཊྛ་ཀ་ཐཱ་ཡཾ (ཀ་ངྑཱ. ཨ་ཊྛ. སུ་ཏྟ་ཝི་ཉྙ་ཏྟི་སི་ཀྑཱ་པ་ད་ཝ་ཎྞ་ནཱ) ‘‘ཝཱ་ཡཱ་པེ་ཡྻཱ’’ཏི པ་ད་སྶ ‘‘ཙཱི་ཝ་རཾ མེ, ཨཱ་ཝུ་སོ, ཝཱ་ཡ་ཐཱ་ཏི ཨ་ཀ་པྤི་ཡ་ཝི་ཉྙ་ཏྟི་ཡཱ ཝཱ་ཡཱ་པེ་ཡྻཱ’’ཏི ཨ་ཏྠོ ཝུ་ཏྟོ, ཨེ་ཝཾ ཝ་ད་ནྟོ ཨ་ཀ་པྤི་ཡ་ཏ་ནྟ་ཝཱ་ཡེ་ན ཝཱ་ཡཱ་པེ་ཏི ནཱ་མ, ནཱ་ཉྙ་ཐཱ.

༦༤༠. ཨ་ནཱ་པ་ཏྟི ཙཱི་ཝ་རཾ སི་བྦེ་ཏུནྟི་ཨཱ་དཱི་སུ ཨི་མི་ནཱ སི་ཀྑཱ་པ་དེ་ནེ་ཝ ཨ་ནཱ་པ་ཏྟི, ཨ་ཀ་ཏ་ཝི་ཉྙ་ཏྟི་པ་ཙྩ་ཡཱ པ་ན དུ་ཀྐ་ཊ་མེ་ཝཱ་ཏི ཝ་ད་ནྟི. ཨ་ཀ་པྤི་ཡ་སུ་ཏྟ་ཏཱ, ཨ་ཏྟུ་དྡེ་སི་ཀ་ཏཱ, ཨ་ཀ་པྤི་ཡ་ཏ་ནྟ་ཝཱ་ཡེ་ན ཨ་ཀ་པྤི་ཡ་ཝི་ཉྙ་ཏྟི་ཡཱ ཝཱ་ཡཱ་པ་ན་ནྟི ཨི་མཱ་ནེ་ཏྠ ཏཱི་ཎི ཨ་ངྒཱ་ནི.

སུ་ཏྟ་ཝི་ཉྙ་ཏྟི་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.