༦. ཚ་ཊྛ་སི་ཀྑཱ་པ་ད་ཝ་ཎྞ་ནཱ

༨༦༠. ‘‘ནི་སཱི་ད་ནྟི་ཡཱ ཨེ་ཀཱ, ནི་པ་ཛྫ་ནྟི་ཡཱ ཨེ་ཀཱ’’ཏི ཨ་ཝ་ཏྭཱ ‘‘ནི་སཱི་དི་ཏྭཱ ག་ཙྪ་ནྟི་ཡཱ’’ཏི་ཨཱ་དི ན ཝ་ཏྟ་བྦཾ. ན ཧི ག་མ་ན་པ་ཙྩ་ཡཱ ཨེ་སཱ ཨཱ་པ་ཏྟཱི་ཏི? ན, པ་རི་ཡོ་སཱ་ནཱ་དྷི་པྤཱ་ཡ་ཝ་སེ་ན ཝུ་ཏྟ་ཏྟཱ. ‘‘ནི་སཱི་དི་ཏྭཱ ནི་པ་ཛྫ་ནྟི་ཡཱ དྭེ’’ཏི ཝ་ཙ་ནེ་ན་པི ག་མ་ནཾ ཨི་དྷ ནཱ་དྷི་པྤེ་ཏ་ནྟི ད་སྶི་ཏཾ ཧོ་ཏི, ཏ་ཐཱ ‘‘ནི་པ་ཛྫི་ཏྭཱ ནི་སཱི་ད་ནྟི་ཡཱ དྭེ’’ཏི་པི ཝ་ཏྟ་བྦཾ. ཡ་དི ཨེ་ཝཾ ‘‘ཏ་སྨིཾ ཨ་བྷི་ནི་པ་ཛྫ་ཏི, ཨཱ་པ་ཏྟི དྭི་ནྣཾ པཱ་ཙི་ཏྟི་ཡཱ་ན’’ནྟི ཀ་སྨཱ ན ཝུ་ཏྟ་ནྟི ཙེ? ཨ་ནི་སཱི་དི་ཏྭཱ་པི ནི་པ་ཛྫ་ན་ས་མྦྷ་ཝ་ཏོ. ནི་པ་ཛྫ་ན་ཏྠཱ་ཡ ནི་སཱི་དི་ཏྭཱ ནི་པ་ཛྫ་ནྟི་ཡཱ ནི་པ་ཛྫ་ན་ཀ་པ་ཡོ་ག་ཏྟཱ ཨེ་ཀཱ ཨཱ་པ་ཏྟཱི་ཏི ཀེ་ཙི.

ཚ་ཊྛ་སི་ཀྑཱ་པ་ད་ཝ་ཎྞ་ནཱ ནི་ཊྛི་ཏཱ.