ས་མ་ཐ་བྷེ་ད་ཝ་ཎྞ་ནཱ
ཨ་དྷི་ཀ་ར་ཎ་པ་རི་ཡཱ་ཡ་ཝཱ་རཱ་དི་ཝ་ཎྞ་ནཱ
༢༩༣-༤. ལོ་བྷ་ཀཱ་ར་ཎཱ ཝི་ཝཱ་ད་ན་ཏོ ‘‘ལོ་བྷོ པུ་བྦ་ངྒ་མོ’’ཏི ཝུ་ཏྟཾ. ཨེ་ཝཾ སེ་སེ་སུ. ཋཱ་ནཱ་ནཱིཏི་ཨཱ་དཱི་ནི ཀཱ་ར་ཎ་ཝེ་ཝ་ཙ་ནཱ་ནི. ཀཱ་ར་ཎ་ཉྷི ཏི་ཊྛ་ནྟི ཨེ་ཏྠཱ་ཏི ཋཱ་ནཾ, ཝ་ས་ནྟི ཨེ་ཏྠཱ་ཏི ཝ་ཏྠུ, བྷ་ཝ་ནྟི ཨེ་ཏྠཱ་ཏི བྷཱུ་མཱིཏི ཝུ་ཙྩ་ཏི. ཀེ ཏི་ཊྛ་ནྟི ཝ་ས་ནྟི བྷ་ཝ་ནྟི ཙཱ་ཏི? ཝི་ཝཱ་དཱ་དྷི་ཀ་ར་ཎཱ་ད་ཡོ. ཀུ་ས་ལཱ་ཀུ་ས་ལཱ་བྱཱ་ཀ་ཏ་ཙི་ཏྟོ ཧུ་ཏྭཱ ཝི་ཝ་ད་ན་ཏོ ‘‘ན་ཝ ཧེ་ཏཱུ’’ཏི ཝུ་ཏྟཾ. ཀོ་དྷ་ནོ ཧོ་ཏི ཨུ་པ་ནཱ་ཧཱི་ཏི་ཨཱ་དཱི་ནི དྭཱ་ད་ས མཱུ་ལཱ་ནི. ཨ་ཀྐོ་ས་ནྟེ་ན ཧི ཙ་ཏཱུ་སུ ཝི་པ་ཏྟཱི་སུ ཨེ་ཀེ་ན ཨ་ནུ་ཝ་ད་ན་ཏོ ‘‘ཙ་ཏ་སྶོ ཝི་པ་ཏྟི་ཡོ ཋཱ་ནཱ་ནཱི’’ཏི ཝུ་ཏྟཾ. ཙུ་དྡ་ས མཱུ་ལཱ་ནཱིཏི ཝི་ཝཱ་དཱ་དྷི་ཀ་ར་ཎེ ཝུ་ཏྟཱ དྭཱ་ད་ས, ཀཱ་ཡོ, ཝཱ་ཙཱ ཙ.
༢༩༥-༦. ས་ཏྟ ཨཱ་པ་ཏྟི་ཀྑ་ནྡྷཱ ཋཱ་ནཱ་ནཱིཏི ཨེ་ཏྠ ‘‘ཨཱ་པ་ཏྟིཾ ཨཱ་པ་ཛྫི་ཏྭཱ པ་ཊི་ཙྪཱ་དེ་ནྟ་སྶ ཡཱ ཨཱ་པ་ཏྟི ཧོ་ཏི, ཏ་སྶཱ ཨཱ་པ་ཏྟི་ཡཱ པུ་བྦེ ཨཱ་པ་ནྣཱ ཨཱ་པ་ཏྟི ཋཱ་ནཾ ཧོ་ཏཱི’’ཏི ཝུ་ཏྟཾ. ‘‘ན་ཏྠི ཨཱ་པ་ཏྟཱ་དྷི་ཀ་ར་ཎཾ ཀུ་ས་ལ་ནྟི ཝ་ཙ་ན་ཏོ ན་ཏྠི ཨཱ་པ་ཏྟཱ་དྷི་ཀ་ར་ཎ་སྶ ཀུ་ས་ལ་ཧེ་ཏུ, ཀུ་ས་ལ་ཙི་ཏྟཾ པ་ན ཨ་ངྒཾ ཧོ་ཏཱི’’ཏི ལི་ཁི་ཏཾ. ཙ་ཏྟཱ་རི ཀ་མྨཱ་ནི ཋཱ་ནཱ་ནཱིཏི ཨེ་ཏྠ ‘‘ཨེ་ཝཾ ཀ་ཏྟ་བྦ་ནྟི ཋི་ཏ་པཱ་ལི༹ ཀ་མྨཾ ནཱ་མ. ‘ཡ་ཐཱ་ཋི་ཏ་པཱ་ལི༹་ཝ་སེ་ན ཀ་རོ་ནྟཱ་ནཾ ཀི་རི་ཡཱ ཀི་ཙྩཱ་དྷི་ཀ་ར་ཎཾ ནཱ་མཱ’’’ཏི ཝུ་ཏྟཾ, ‘‘པཱ་ལི༹་ཨ་ནུ་སཱ་རེ་ན པ་ཊི་ཀཱ་ཏ་བྦ་ལ་ཀྑ་ཎཾ ཝཱ ཀ་མྨཾ. ཏ་ཐེ་ཝ ཀ་ར་ཎཾ ཀི་ཙྩཱ་དྷི་ཀ་ར་ཎ’’ནྟི ཙ. ཉ་ཏྟི་ཉ་ཏྟི་དུ་ཏི་ཡ་ཉ་ཏྟི་ཙ་ཏུ་ཏྠ་ཀ་མྨཱ་ནི ཉ་ཏྟི་ཏོ ཛཱ་ཡ་ནྟི, ཨ་པ་ལོ་ཀ་ན་ཀ་མྨཾ ཨ་པ་ལོ་ཀ་ན་ཏོ, ‘‘ཀི་ཙྩཱ་དྷི་ཀ་ར་ཎཾ ཨེ་ཀེ་ན ས་མ་ཐེ་ན ས་མྨ་ཏི ས་མྤ་ཛྫ་ཏཱི་ཏི ཨ་ཏྠོ’’ཏི ལི་ཁི་ཏཾ. སི་ཡུནྟི ཧོ་ནྟི. ཀ་ཐ་ཉྩ སི་ཡཱཏི ཀ་ཐཾ ཧོ་ཏི. ཝི་ཝཱ་དཱ་དྷི་ཀ་ར་ཎ་སྶ དྭེཏི ཏེ དྭེ ཋ་པེ་ཏྭཱ ཨ་ཉྙེ་ཧི ན ས་མྨ་ཏི.
༢༩༧. སཱ་དྷཱ་ར་ཎཱཏི ཏཾ ས་མེ་ཏ་བྦཱ.
༢༩༨. ཏ་བྦྷཱ་གི་ཡཱཏི ཏཾ་ཀོ་ཊྛཱ་སཱ.
༢༩༩. ཨེ་ཀཱ་དྷི་ཀ་ར་ཎཾ ས་བྦེ ས་མ་ཐཱ ས་མ་གྒཱ ཧུ་ཏྭཱ ས་མེ་ཏུཾ བྷ་བྦཱ་ཏི པུ་ཙྪ་ནྟོ ‘‘ས་མ་ཐཱ ས་མ་ཐ་སྶ སཱ་དྷཱ་ར་ཎཱ’’ཏི ཨཱ་ཧ. ས་མ་ཐཱ ས་མ་ཐ་སྶཱ སི་ཡཱ སཱ་དྷཱ་ར་ཎཱ སི་ཡཱ ཨ་སཱ་དྷཱ་ར་ཎཱ.
༣༠༠. ས་མ་ཐཱ ས་མ་ཐ་སྶ ཏ་བྦྷཱ་གི་ཡ་ཝཱ་རེ་པི ཨེ་སེ་ཝ ན་ཡོ.
༣༠༡. ཨི་མེ ས་མ་ཐཱ ས་མ་ཐཱ, ན ས་མྨུ་ཁཱ་ཝི་ན་ཡོ་ཏི ཨ་ཏྠོ.
༣༠༢. ‘‘ས་མ་ཐཱ ཝི་ན་ཡོ’’ཏི་པི ཝུ་ཙྩ་ཏི, ཏ་སྨཱ ཝི་ན་ཡོ ས་མྨུ་ཁཱ་ཝི་ན་ཡོ་ཏི ཝི་ན་ཡ་ཝཱ་རོ ཨུ་དྡྷ་ཊོ སི་ཡཱ. ན ས་མྨུ་ཁཱ་ཝི་ན་ཡོཏི ས་མྨུ་ཁཱ་ཝི་ན་ཡཾ ཋ་པེ་ཏྭཱ ས་ཏི་ཝི་ན་ཡཱ་ད་ཡོ སེ་ས་ས་མ་ཐཱ.
༣༠༣. ས་ངྒྷ་སྶ ས་མྨུ་ཁཱ པ་ཊི་ཉྙཱ་ཏེ ཏཾ པ་ཊི་ཛཱ་ན་ནཾ ས་ངྒྷ་སྶ ས་མྨུ་ཁ་ཏཱ ནཱ་མ ཧོ་ཏཱི་ཏི ‘‘ཏ་སྶ པ་ཊི་ཛཱ་ན་ན་ཙི་ཏྟཾ ས་ནྡྷཱ་ཡ ‘ས་མྨུ་ཁཱ་ཝི་ན་ཡོ ཀུ་ས་ལོ’ཏི་ཨཱ་དི ཝུ་ཏྟ’’ནྟི ཝ་ད་ནྟི. ན་ཏྠི ས་མྨུ་ཁཱ་ཝི་ན་ཡོ ཨ་ཀུ་ས་ལོཏི ‘‘དྷ་མྨ་ཝི་ན་ཡ་པུ་གྒ་ལ་ས་མྨུ་ཁ་ཏཱ་ཧི ཏི་ཝ་ངྒི་ཀོ ས་མྨུ་ཁཱ་ཝི་ན་ཡོ ཨེ་ཏེ་ཧི ཝི་ནཱ ན་ཏྠི. ཏ་ཏྠ ཀུ་ས་ལ་ཙི་ཏྟེ་ཧི ཀ་ར་ཎ་ཀཱ་ལེ ཀུ་ས་ལོ, ཨ་ར་ཧ་ནྟཱ་ནཾ ཀ་ར་ཎ་ཀཱ་ལེ ཨ་བྱཱ་ཀ་ཏོ, ཨེ་ཏེ་སཾ ཨ་ཀུ་ས་ལ་པ་ཊི་པ་ཀྑ་ཏྟཱ ཨ་ཀུ་ས་ལ་སྶ ས་མྦྷ་ཝོ ན་ཏྠི, ཏ་སྨཱ ‘ན་ཏྠི ས་མྨུ་ཁཱ་ཝི་ན་ཡོ ཨ་ཀུ་ས་ལོ’ཏི ཝུ་ཏྟ’’ནྟི ལི་ཁི་ཏཾ. ‘‘ཡེ་བྷུ་ཡྻ་སི་ཀཱ ཨ་དྷ་མྨ་ཝཱ་དཱི་ཧི ཝཱུ་པ་ས་མ་ན་ཀཱ་ལེ ས་ལཱ་ཀ་གྒཱ་ཧཱ་པ་ཀེ དྷ་མྨ་ཝཱ་དི་མྷི ཀུ་ས་ལཱ, དྷ་མྨ་ཝཱ་དཱི་ན་མྤི ཨ་དྷ་མྨ་ཝཱ་དི་མྷི ས་ལཱ་ཀ་གྒཱ་ཧཱ་པ་ཀེ ཛཱ་ཏེ ཨ་ཀུ་ས་ལཱ, ས་བྦ་ཏྠ ཨ་ར་ཧ་ཏོ ཝ་སེ་ནེ་ཝ ཨ་བྱཱ་ཀ་ཏ་ཏཱ, ཨ་ན་ར་ཧ་ཏོ ས་ཉྩི་ཙྩ ས་ཏི་ཝི་ན་ཡ་དཱ་ནེ ས་ཏི་ཝི་ན་ཡོ ཨ་ཀུ་ས་ལོ, ཨ་མཱུ་ལ༹ྷ་ཝི་ན་ཡོ ཨ་ནུ་མྨ་ཏྟ་ཀ་སྶ དཱ་ནེ, པ་ཊི་ཉྙཱ་ཏ་ཀ་ར་ཎཾ མཱུ་ལ༹ྷ་སྶ ཨ་ཛཱ་ན་ན་ཏོ པ་ཊི་ཉྙཱ་ཡ་ཀ་ར་ཎེ, ཏ་སྶ་པཱ་པི་ཡ་སི་ཀཱ སུ་དྡྷ་སྶ ཀ་ར་ཎེ, ཏི་ཎ་ཝ་ཏྠཱ་ར་ཀཾ མ་ཧཱ་ཀ་ལ་ཧེ, ས་ཉྩི་ཙྩ ཀ་ར་ཎེ ཙ ཨ་ཀུ་ས་ལ’’ནྟི ལི་ཁི་ཏཾ.
ཡ་ཏྠ་ཝཱ་ར་པུ་ཙྪཱ་ཝཱ་ར་ཝ་ཎྞ་ནཱ
༣༠༤. ལ་བྦྷ་ཏཱིཏི པུ་ཙྪཱ.
ས་མ་ཐ་ཝཱ་ར་ཝི་སྶ་ཛྫ་ནཱ་ཝཱ་ར་ཝ་ཎྞ་ནཱ
༣༠༥. ཡ་སྨིཾ ས་མ་ཡེ ས་མྨུ་ཁཱ་ཝི་ན་ཡེ་ན ཙཱཏི་ཨཱ་དི ཏ་སྶཱ ཝི་སྶ་ཛྫ་ནཾ. ཡ་སྨིཾ ས་མ་ཡེ ས་མྨུ་ཁཱ་ཝི་ན་ཡེ་ན ཙ ཡེ་བྷུ་ཡྻ་སི་ཀཱ་ཡ ཙ ཨ་དྷི་ཀ་ར་ཎཾ ཝཱུ་པ་ས་མྨ་ཏི, ཏ་སྨིཾ ས་མ་ཡེ ཡ་ཏྠ ཡེ་བྷུ་ཡྻ་སི་ཀཱ ལ་བྦྷ་ཏི, ཏ་ཏྠ ས་མྨུ་ཁཱ་ཝི་ན་ཡོ ལ་བྦྷ་ཏཱི་ཏི ཨེ་ཝཾ ས་བྦ་ཏྠ ས་མྦ་ནྡྷོ. ཡ་ཏྠ པ་ཊི་ཉྙཱ་ཏ་ཀ་ར་ཎཾ ལ་བྦྷ་ཏི, ཏ་ཏྠ ས་མྨུ་ཁཱ་ཝི་ན་ཡོ ལ་བྦྷ་ཏཱིཏི ཨེ་ཏྠ ཨེ་ཀཾ ཝཱ དྭེ ཝཱ བ་ཧཱུ ཝཱ ཨཱ་པ་ཏྟི་ཡོ ཨཱ་པ་ནྣོ བྷི་ཀྑུ ‘‘ཨི་མཾ ནཱ་མ ཨཱ་པ་ཏྟིཾ ཨཱ་པ་ནྣོ་སཱི’’ཏི པུ་ཙྪི་ཏོ ‘‘ཨཱ་མཱ’’ཏི ཨཱ་པ་ཏྟིཾ པ་ཊི་ཛཱ་ནཱ་ཏི, དྭེ་པི ལ་བྦྷ་ནྟི. ཏ་ཏྠ ས་ངྒྷ་ས་མྨུ་ཁ་ཏཱ དྷ་མྨ་ཝི་ན་ཡ་པུ་གྒ་ལ་ས་མྨུ་ཁ་ཏཱ་ཏི ཨེ་ཝཾ ཝུ་ཏྟ་ས་མྨུ་ཁཱ་ཝི་ན་ཡེ ས་ངྒྷ་སྶ པུ་ར་ཏོ པ་ཊི་ཉྙཱ་ཏཾ ཀ་ཏཾ ཙེ, ས་ངྒྷ་ས་མྨུ་ཁ་ཏཱ. ཏ་ཏྠེ་ཝ དེ་སི་ཏཾ ཙེ, དྷ་མྨ་ཝི་ན་ཡ་ས་མྨུ་ཁ་ཏཱ་ཡོ་པི ལ་དྡྷཱ ཧོ་ནྟི. ཨ་ཝི་ཝ་ད་ནྟཱ ཨ་ཉྙ་མ་ཉྙཾ པ་ཊི་ཛཱ་ན་ནྟི ཙེ, པུ་གྒ་ལ་ས་མྨུ་ཁ་ཏཱ. ཏ་སྶེ་ཝ ས་ནྟི་ཀེ དེ་སི་ཏཾ ཙེ, དྷ་མྨ་ཝི་ན་ཡ་ས་མྨུ་ཁ་ཏཱ་ཡོ་པི ལ་དྡྷཱ ཧོ་ནྟི. ཨེ་ཀ་སྶེ་ཝ ཝཱ ཨེ་ཀ་སྶ ས་ནྟི་ཀེ ཨཱ་པ་ཏྟི་དེ་ས་ན་ཀཱ་ལེ ‘‘པ་སྶ་སི, པ་སྶཱ་མཱི’’ཏི ཝུ་ཏྟེ ཏ་ཏྠ དྷ་མྨ་ཝི་ན་ཡ་པུ་གྒ་ལ་ས་མྨུ་ཁ་ཏཱ་ས་ཉྙི་ཏོ ས་མྨུ་ཁཱ་ཝི་ན་ཡོ ཙ པ་ཊི་ཉྙཱ་ཏ་ཀ་ར་ཎ་ཉྩ ལ་དྡྷཾ ཧོ་ཏི.
སཾ་ས་ཊྛ་ཝཱ་རཱ་དི་ཝ་ཎྞ་ནཱ
༣༠༦. ཨ་དྷི་ཀ་ར་ཎཱ་ནཾ ཝཱུ་པ་ས་མོ་ཝ ས་མ་ཐོ ནཱ་མ, སོ ཨ་དྷི་ཀ་ར་ཎཾ ཝི་ནཱ ན་ཏྠི, ཏ་སྨཱ ན ཙ ལ་བྦྷཱ ཝི་ནི་བྷུ་ཛྫི་ཏྭཱ ནཱ་ནཱ་ཀ་ར་ཎཾ ཀཱ་ཏུཾ.
༣༠༩-༣༡༠. ས་མ་ཐཱ ས་མ་ཐེ་ཧི ས་མྨ་ནྟཱིཏི ཨེ་ཏྠ ས་མྨ་ནྟཱིཏི ས་མྤ་ཛྫ་ནྟི. ཨ་དྷི་ཀ་ར་ཎཱ ཝཱ པ་ན ས་མྨ་ནྟི ཝཱུ་པ་ས་མྨ་ནྟཱི་ཏི ཨ་ཏྠོ, ཏ་སྨཱ ‘‘ཡེ་བྷུ་ཡྻ་སི་ཀཱ ས་མྨུ་ཁཱ་ཝི་ན་ཡེ་ན ས་མྨ་ཏཱི’’ཏི ཨི་མཱ་ཡ ས་མྨུ་ཁཱ་ཝི་ན་ཡེ་ན ས་དྡྷིཾ ས་མྤ་ཛྫ་ཏི, ན ས་ཏི་ཝི་ན་ཡཱ་དཱི་ཧི ཏེ་སཾ ཏ་སྶཱ ཨ་ནུ་པ་ཀཱ་ར་ཏྟཱ་ཏི ཨ་ཏྠོ. ས་མ་ཐཱ ཨ་དྷི་ཀ་ར་ཎེ་ཧི ས་མྨ་ནྟཱིཏི ཨེ་ཏྠ ས་མ་ཐཱ ཨ་བྷཱ་ཝཾ ག་ཙྪ་ནྟཱི་ཏི ཨ་ཏྠོ.
༣༡༡. ‘‘ས་མྨུ་ཁཱ་ཝི་ན་ཡོ ཝི་ཝཱ་དཱ་དྷི་ཀ་ར་ཎེ་ན ན ས་མྨ་ཏཱི’’ཏི པཱ་ཋོ. ཡེ་བྷུ་ཡྻ་སི་ཀཱ་ཡ ས་མཱ་ན་བྷཱ་ཝ་ཏོ ཙ ཨ་ཝ་སཱ་ནེ ‘‘ས་མྨུ་ཁཱ་ཝི་ན་ཡོ ན ཀེ་ན་ཙི ས་མྨ་ཏཱི’’ཏི (པ་རི. ༣༡༣) ཝུ་ཏྟ་ཏྟཱ ཙ ས་མྨུ་ཁཱ་ཝི་ན་ཡོ ས་ཡཾ ས་མ་ཐེ་ན ཝཱ ཨ་དྷི་ཀ་ར་ཎེ་ན ཝཱ ས་མེ་ཏ་བྦོ ན ཧོ་ཏཱི་ཏི ཀ་ཏྭཱ ཝུ་ཏྟོ. ས་ཏི་ཝི་ན་ཡོ ཀི་ཙྩཱ་དྷི་ཀ་ར་ཎེ་ན ས་མྨ་ཏི. ཨ་མཱུ་ལ༹ྷ་ཝི་ན་ཡ་ཏ་སྶ་པཱ་པི་ཡ་སི་ཀ་ཏི་ཎ་ཝ་ཏྠཱ་ར་ཀཱ་པི ཀི་ཙྩཱ་དྷི་ཀ་ར་ཎེ་ན ས་མྨ་ནྟི.
༣༡༣. ཝི་ཝཱ་དཱ་དྷི་ཀ་ར་ཎཾ ཀི་ཙྩཱ་དྷི་ཀ་ར་ཎེ་ན ས་མྨ་ཏཱིཏི ‘‘སུ་ཎཱ་ཏུ མེ, བྷ་ནྟེ…པེ… པ་ཋ་མཾ ས་ལཱ་ཀཾ ནི་ཀྑི་པཱ་མཱི’’ཏི ཨེ་ཝཾ ཝི་ཝཱ་དཱ་དྷི་ཀ་ར་ཎཾ ཀི་ཙྩཱ་དྷི་ཀ་ར་ཎེ་ན ས་མྨ་ཏི. ཨ་ནུ་ཝཱ་དཱ་དྷི་ཀ་ར་ཎ་ཨཱ་པ་ཏྟཱ་དྷི་ཀ་ར་ཎཱ་པི ཀི་ཙྩཱ་དྷི་ཀ་ར་ཎེ་ན ས་མྨ་ནྟི. ‘‘‘ཨ་ཀ་ཏཾ ཀ་མྨཾ དུ་ཀྐ་ཊཾ ཀ་མྨ’ནྟི ཨེ་ཝཾ ཀི་ཙྩཱ་དྷི་ཀ་ར་ཎ་མྤི ཀི་ཙྩཱ་དྷི་ཀ་ར་ཎེ་ན ས་མྨ་ཏཱི་ཏི ཨེ་ཝཾ པཱ་ཋོ ཝེ་དི་ཏ་བྦོ’’ཏི ལི་ཁི་ཏཾ. ཨ་ཉྙ་ཏ་ར་སྨིཾ པ་ན ག་ཎྛི་པ་དེ ‘‘‘ས་མ་ཐཱ ཨ་དྷི་ཀ་ར་ཎེ་ཧི ས་མྨ་ནྟཱི’ཏི ཨེ་ཏྠ ཡ་སྨཱ ས་བྦེ ས་མ་ཐཱ ཀི་ཙྩཱ་དྷི་ཀ་ར་ཎེ་ན ས་མྨ་ནྟི, ཏ་སྨཱ ‘ས་མ་ཐཱ ཀི་ཙྩཱ་དྷི་ཀ་ར་ཎེ་ན ས་མྨ་ནྟཱི’ཏི པཱ་ཋོ ག་ཧེ་ཏ་བྦོ’’ཏི ཝུ་ཏྟཾ.
༣༡༤. ཝི་ཝཱ་དཱ་དྷི་ཀ་ར་ཎཾ ཀ་ཏ་མཾ ཨ་དྷི་ཀ་ར་ཎཾ ས་མུ་ཊྛཱ་པེ་ཏཱིཏི ‘‘ནཱ་ཡཾ དྷ་མྨོ’’ཏི ཝུ་ཏྟ་མ་ཏྟེ་ན ཀི་ཉྩི ཨ་དྷི་ཀ་ར་ཎཾ ན ས་མུ་ཊྛཱ་པེ་ཏི.
༣༡༨-༩. ‘‘ཀ་ཏ་མཱ་དྷི་ཀ་ར་ཎ་པ་རི་ཡཱ་པ་ནྣ’’ནྟི པཱ་ཋོ. ཝི་ཝཱ་དཱ་དྷི་ཀ་ར་ཎཾ ཝི་ཝཱ་དཱ་དྷི་ཀ་ར་ཎཾ བྷ་ཛ་ཏཱིཏི པ་ཋ་མུ་པྤ་ནྣ་ཝི་ཝཱ་དཾ པ་ཙྪཱ ཨུ་པྤ་ནྣོ བྷ་ཛ་ཏི. ཝི་ཝཱ་དཱ་དྷི་ཀ་ར་ཎཾ དྭེ ས་མ་ཐེ བྷ་ཛ་ཏཱིཏི ‘‘ཨི་མཾ ཝཱུ་པ་ས་མེ་ཏུཾ ས་མ་ཏྠཱ ཏུ་མྷེ’’ཏི ཝ་ད་ནྟཾ ཝི་ཡ བྷ་ཛ་ཏི ‘‘མ་ཡཾ ཏཾ ཝཱུ་པ་ས་མེ་སྶཱ་མཱ’’ཏི ཝ་ད་ནྟེ་ཧི ཝི་ཡ དྭཱི་ཧི ས་མ་ཐེ་ཧི ས་ངྒ་ཧི་ཏཾ.
ས་མ་ཐ་བྷེ་ད་ཝ་ཎྞ་ནཱ ནི་ཊྛི་ཏཱ.