༥. ས་གཱ་ཐ་ཀ་པུ་ཉྙཱ་བྷི་ས་ནྡ་ཝ་གྒོ

༡. པ་ཋ་མ་ཨ་བྷི་ས་ནྡ་སུ་ཏྟ་ཝ་ཎྞ་ནཱ

༡༠༣༧. ས་ངྑྱཱ ཨ་ཏྠི ཧེ་ཊྛཱ མ་ཧཱ་པ་ཐ་ཝི་ཡཱ, ཨུ་པ་རི ཨཱ་ཀཱ་སེ་ན, པ་རི་ཏོ ཙ་ཀྐ་ཝཱ་ལ༹་པ་བྦ་ཏེ་ན, མ་ཛ྄ཛྷེ ཏ་ཏྠ ཏ་ཏྠ ཋི་ཏེ་ཧི དཱི་པ་པ་བྦ་ཏ་པ་རི་ཡ་ནྟེ་ཧི པ་རི་ཙྪི་ནྣ་ཏྟཱ. ཛཱ་ན་ནྟེ་ན ཡོ་ཛ་ན་ཏོ ས་ངྑཱ་ཏུཾ ས་ཀྐཱ་ཏི ཨ་དྷི་པྤཱ་ཡོ. མ་ཧཱ་ས་རཱི་ར་མ་ཙྪ-ཀུ་མྦྷཱི་ལ-ཡ་ཀྑ-ར་ཀྑ་ས-མ་ཧཱ་ནཱ་ག་དཱ་ན་ཝཱ་དཱི་ནཾ ས་ཝི་ཉྙཱ་ཎ་ཀཱ་ནཾ, བ་ལ༹་ཝཱ་མུ་ཁ་པཱ་ཏཱ་ལཱ་དཱི་ནཾ ཨ་ཝི་ཉྙཱ་ཎ་ཀཱ་ནཾ བྷེ་ར་ཝཱ་ར་མྨ་ཎཱ་ནཾ ཝ་སེ་ན བ་ཧུ་བྷེ་ར་ཝཾ.

༢. དུ་ཏི་ཡ་ཨ་བྷི་ས་ནྡ་སུ་ཏྟ་ཝ་ཎྞ་ནཱ

༡༠༣༨. ས་མྦྷེ་དེཏི ས་མྦྷེ་དཾ ས་མོ་དྷཱ་ནཾ ག་ཏ་ཊྛཱ་ནེ. ཡ་ཏྠི་མཱ མ་ཧཱ་ན་དི་ཡོ སཾ་ས་ནྡ་ནྟི ས་མེ་ནྟཱིཏི པ་རི་ཀ་པྤ་ཝ་ཙ་ན་མེ་ཏཾ. ཏཱ་དི་སཱ་སུ ཧི མ་ཧཱ་ན་དཱི་སུ ཀཱ་ཙི པུ་ར་ཏྠི་མ་ས་མུ་དྡཾ པ་ཝི་ཊྛཱ, ཀཱ་ཙི པ་ཙྪི་མཾ.

༣. ཏ་ཏི་ཡ་ཨ་བྷི་ས་ནྡ་སུ་ཏྟ་ཝ་ཎྞ་ནཱ

༡༠༣༩. ‘‘ཀུ་ས་ལེ པ་ཏི་ཊྛི་ཏོ’’ཏི ཨེ་ཏྠ ཡཾ ཨ་ཙྩ་ནྟི་ཀཾ ཀུ་ས་ལེ པ་ཏི་ཊྛཱ་ནཾ. ཏཾ ད་སྶེ་ནྟོ ‘‘མ་གྒ་ཀུ་ས་ལེ པ་ཏི་ཊྛི་ཏོ’’ཏི ཨཱ་ཧ, ཧེ་ཊྛི་མ་མ་གྒ་ཀུ་ས་ལེ་ཏི ཨ་དྷི་པྤཱ་ཡོ. ཏེ་ནཱ་ཧ ‘‘བྷཱ་ཝེ་ཏི མ་གྒ’’ནྟི. ཨ་རི་ཡ་ཕ་ལཾ་ཡེ་ཝ དྷ་མྨ་སཱ་རོ. ཀི་ལེ་སཱ ཁཱི་ཡ་ནྟི ཨེ་ཏྠཱ་ཏི ཀི་ལེ་ས་ཀྑ་ཡོ, ནི་བྦཱ་ནཾ, ཏ་སྨིཾ ཀི་ལེ་ས་ཀྑ་ཡེ ར་ཏོ.

༤. པ་ཋ་མ་མ་ཧ་དྡྷ་ན་སུ་ཏྟ་ཝ་ཎྞ་ནཱ

༡༠༤༠. ཨ་རི་ཡཱ་ནཾ བུ་དྡྷཱ་ནཾ དྷ་ན་ནྟི་པི ཨ་རི་ཡ་དྷ་ནཾ, ནི་བྦཱ་ན་ནྟི ཀེ་ཙི. ཨ་ན་ཡ་ཏོ་པི ཝི་སུ་དྡྷ་ཊྛེ་ན ཨ་རི་ཡ་ཉྩ ཏཾ དྷ་ན་ཉྩ དྷ་ནཱ་ཡི་ཏ་ཊྛེ་ནཱ་ཏི ཨ་རི་ཡ་དྷ་ནཾ, ཏེ་ན ཨ་རི་ཡ་དྷ་ནེ་ན. ཏེ་ནེ་ཝ བྷོ་གེ་ནཱཏི ཨ་རི་ཡ་དྷ་ན་བྷོ་གེ་ན.

ས་གཱ་ཐ་ཀ་པུ་ཉྙཱ་བྷི་ས་ནྡ་ཝ་གྒ་ཝ་ཎྞ་ནཱ ནི་ཊྛི་ཏཱ.