༨. ཝ་སྶ་སུ་ཏྟ་ཝ་ཎྞ་ནཱ

༡༠༣༤. པཱ་རཾ ཝུ་ཙྩ་ཏི ནི་བྦཱ་ནཾ སཾ་སཱ་ར་མ་ཧོ་གྷ་སྶ པ་ར་ཏཱི་ར་བྷཱ་ཝ་ཏོ. ཏེ་ནཱ་ཧ – ‘‘ཏི་ཎྞོ པཱ་ར་ངྒ་ཏོ, ཐ་ལེ ཏི་ཊྛ་ཏི བྲཱ་ཧྨ་ཎོ (སཾ. ནི. ༤.༢༣༨; ཨི་ཏི་ཝུ. ༦༩; པུ. པ. ༡༨༨), ཡེ ཛ་ནཱ པཱ་ར་གཱ་མི་ནོ’’ཏི (དྷ. པ. ༨༥) ཙ. ཨ་ཐ ཝཱ པཱ་ཏི ར་ཀྑ་ཏཱི་ཏི པཱ་རཾ, ནི་བྦཱ་ནཾ. ཡོ པ་ཊི་ཝི་ཛ྄ཛྷ་ཏི, ཏཾ ཝ་ཊྚ་དུ་ཀྑ་ཏོ པཱ་ཏི ར་ཀྑ་ཏི, ཨ་ཙྩ་ནྟ་ཧི་ཏེ་ན ཙ ཝི་མུ་ཏྟི་སུ་ཁེ་ན ཙ ར་མེ་ཏི, ཏ་སྨཱ པཱ་རནྟི ཝུ་ཙྩ་ཏི. ག་ཙྪ་མཱ་ནཱ ཨེ་ཝཱཏི པཱ་རཾ ནི་བྦཱ་ནཾ ག་ཙྪ་མཱ་ནཱ ཨེ་ཝ. ཏེ དྷ་མྨཱ ཨཱ་ས་ཝཱ་ནཾ ཁ་ཡཱ་ཡ སཾ་ཝ་ཏྟ་ནྟི ས་ཙྪི་ཀི་རི་ཡཱ་པ་ཧཱ་ན་པ་ཊི་ཝེ་དྷཱ་ནཾ ས་མ་ཀཱ་ལ་ཏྟཱ.