༤. པ་ཋ་མ་ས་ར་ཎཱ་ནི་ས་ཀྐ་སུ་ཏྟ་ཝ་ཎྞ་ནཱ

༡༠༢༠. པ་མཱ་ཎེ་ནཱཏི ཨེ་ཀེ་ན པ་མཱ་ཎེ་ན, ན ས་བྦ་སོ. ཨོ་ལོ་ཀ་ནཾ ཁ་མ་ནྟཱིཏི ད་སྶ་ན་མ་གྒེ་ན ཙ་ཏུ་ས་ཙྩ་དྷ་མྨཱ པ་ཙྩ་ཏྟཾ པ་སྶི་ཏ་བྦཱ པ་ཊི་ཝི་ཛ྄ཛྷི་ཏ་བྦཱ. པ་ཋ་མ་མ་གྒ་ཀྑ་ཎེ ཧི ཙ་ཏུ་ས་ཙྩ་དྷ་མྨཱ ཨེ་ཀ་དེ་ས་ཏོ་ཝ དི་ཊྛཱ ནཱ་མ ཧོ་ནྟི. ‘‘པ་རི་མུ་ཙྩ་ཏཱི’’ཏི པ་ན ཝ་ཏྟུཾ ཝ་ཊྚ་ཏི པ་ཊི་ཝི་ཛ྄ཛྷ་ན་ཀི་རི་ཡཱ་ཡ ཝ་ཏྟ་མཱ་ན་ཏྟཱ. ཨ་ག་ནྟྭཱ ཨ་པཱ་ཡེ་སུ ཨ་ནུ་པྤ་ཏྟི་ར་ཧ་ཏྟཱ. ཏེ་ནཱ་ཧ ‘‘ན ག་ཙྪ་ཏཱི’’ཏི, ན ཨུ་པྤ་ཛྫ་ཏཱི་ཏི ཨ་ཏྠོ. མ་ཧཱ་སཱ་ར་རུ་ཀྑེ ད་སྶེ་ནྟོ ཨཱ་ཧ – ‘‘ཡོ ཀོ་ཙི ཝི་ཉྙུ་ཛཱ་ཏི་ཀོ མ་མ ཙེ གོ་ཙ་རཾ ག་ཙྪ་ཏི, ཨེ་ཀ་སྶ ཨཱ་ག་མ་ནཾ ཨ་ཝ་ཉྫྷཾ ཨ་མོ་གྷ’’ནྟི ད་སྶེ་ཏུཾ.