༡. ས་ཧ་སྶ་བྷི་ཀྑུ་ནི་ས་ངྒྷ་སུ་ཏྟ་ཝ་ཎྞ་ནཱ

༡༠༠༧. དྷ་མྨི་ཀ་ཏྟཱ དེ་ས་ཝཱ་སཱི་ཧི ཨ་ནུ་ཀ་མྤི་ཏོ རཱ་ཛཱ་ཏི རཱ་ཛ་ཀོ, ཏ་སྶ ཨཱ་རཱ་མོ རཱ་ཛ་ཀཱ་རཱ་མོ, ཏ་སྨིཾ. བྷཱུ་མི་སཱི་སཾ སེ་ཊྛ་པྤ་དེ་སོ, ཡ་ཏྠ ཝ་ས་ནྟོ ལཱ་བྷ་གྒ་ཡ་ས་གྒ་པྤ་ཏྟོ ཧོ་ཏཱི་ཏི ཏེ་སཾ ཨ་དྷི་པྤཱ་ཡོ.

ཝཱ་རཱ་པེ་ཧཱིཏི པ་ཊི་སེ་དྷེ་ཧི. ཡུ་ཛ྄ཛྷཱ་པེ་ཏུནྟི ཀ་ལ་ཧཾ ཀཱ་རཱ་པེ་ཏུཾ. པུ་ན ཨཱ་ག་ཙྪ་ནྟཱཏི ཨ་པ་ར་སྨིཾ སཾ་ཝ་ཙྪ་རེ ཨཱ་ག་ཙྪ་ནྟཱ. ཨུ་བྦ་ཊྚེ་ཏྭཱཏི མ་ཧ་ཏཱི ཝཱི་ཙི་ཡོ ཨུ་བྦ་ཊྚེ་ཏྭཱ. ཡ་ཐཱ ཏ་སྶ ས་ཀ་ལ་མེ་ཝ ར་ཊྛཾ ཨེ་ཀོ་ད་ཀཱི་བྷཱུ་ཏཾ ཧོ་ཏི, ཨེ་ཝཾ ཀ་ཏྭཱ ས་མུ་དྡ་མེ་ཝ ཛཱ་ཏཾ. ཏེ་ན ཝུ་ཏྟཾ ‘‘ས་མུ་དྡ་མེ་ཝ ཨ་ཀཾ་སཱུ’’ཏི.

ཨི་སཱི་ན་མ་ནྟ་རཾ ཀ་ཏྭཱཏི ཨི་སཱི་ནཾ ཀཱ་ར་ཎཾ ཀ་ཏྭཱ, ཨི་སཱི་ནཾ ཧེ་ཏཱུ་ཏི ཨ་ཏྠོ, ཨི་སཱི་ནཾ ཝཱ ཨ་ནྟ་ར་བྷེ་དཾ ཀ་ཏྭཱ. ཏ་ཐཱ ལོ་ཀེ ཀོ་ལཱ་ཧ་ལ་སྶ པ་ཏྠ་ཊ་ཏཾ ཝི་བྷཱ་ཝེ་ནྟོ བྷ་ག་ཝཱ ‘‘མེ སུ་ཏ’’ནྟི ཨཱ་ཧ པ་ཙྩ་ཀྑ་ཏོ ཛཱ་ན་མྤི. ཨུ་ཙྪི་ནྣོཏི ཀུ་ལ་ཙྪེ་དེ་ན ཨུ་ཙྪི་ནྣོ. ན ཀེ་ཝ་ལཾ ས་ཡ་མེ་ཝ, ཨ་ཐ ཁོ ས་ཧ ར་ཊྛེ་ཧི. ཝི་བྷ་ཝནྟི ཝི་ནཱ་སཾ ཨུ་པ་ག་ཏོ.

ཏཾ ས་ནྡྷཱ་ཡེ་ཏཾ ཝུ་ཏྟནྟི ཏཾ ཡ་ཐཱ་ཝུ་ཏྟཾ པ་སེ་ན་དི་ནཱ ཀོ་ས་ལ་རཱ་ཛེ་ན ཀཱ་རི་ཏཾ ཝི་ཧཱ་རཾ ས་ནྡྷཱ་ཡ ཨེ་ཏཾ ‘‘རཱ་ཛ་ཀཱ་རཱ་མེ’’ཏི ཝུ་ཏྟཾ.