༦. ས་ལླ་སུ་ཏྟ་ཝ་ཎྞ་ནཱ

༢༥༤. དྭཱི་སུ ཛ་ནེ་སཱུཏི སུ་ཏ་ཝ་ནྟ་ཨ་སྶུ་ཏ་ཝ་ནྟེ་སུ དྭཱི་སུ ཛ་ནེ་སུ. ཨ་ནུ་ག་ཏ་ཝེ་དྷནྟི པུ་བྦེ པ་ཝ་ཏྟ་ཝེ་དྷ་སྶ ཨ་ནུ་ག་ཏ་ཝེ་དྷཾ. བ་ལ་ཝ་ཏ་རཱ དི་གུ་ཎཱ ཝི་ཡ ཧུ་ཏྭཱ ད་ལ༹ྷ་ཏ་ར་པ་ཝ་ཏྟི་ཡཱ. ཨེ་ཝ་མེ་ཝཱཏི ཡ་ཐཱ ཝི་དྡྷ་སྶ པུ་རི་ས་སྶ ཨ་ནུ་ཝེ་དྷ་ནཱ བ་ལ་ཝ་ཏ་རཱ, ཨེ་ཝ་མེ་ཝ. ས་མཱ་དྷི་མ་གྒ་ཕ་ལཱ་ནི ནི་སྶ་ར་ཎཾ ཝི་ཀྑ་མྦྷ་ན་ས་མུ་ཙྪེ་ད་པ་ཊི་པྤ་སྶ་དྡྷི་ཝ་སེ་ན. ས་མཱ་དྷི་སཱི་སེ་ན ཧེ་ཏྠ ཛྷཱ་ན་ཉྩ ག་ཧི་ཏཾ. སོ ན ཛཱ་ནཱ་ཏི ཨ་ན་དྷི་ག་ཏ་ཏྟཱ. ནི་སྶ་ར་ཎ་ནྟི ཛཱ་ནཱ་ཏི ཨ་ནི་སྶ་ར་ཎ་མེ་ཝ. ཏཱ་སཾ ས་མ་དྷི་ག་ཏཱ་ནཾ སུ་ཁ་དུ་ཀྑ་ཝེ་ད་ནཱ་ནཾ. ན ཝི་པྤ་ཡུ་ཏྟོ ཨ་པྤ་ཧཱི་ན་ཀི་ལེ་ས་ཏྟཱ. ས་ངྑཱ་ཏ་དྷ་མྨ་སྶཱཏི ས་ངྑཱ་ཡ པ་ཉྙཱ་ཡ པ་རི་ཉྙཱ་ཏ་ཙ་ཏུ་ཀྑ་ནྡྷ་སྶ. ཏེ་ནཱ་ཧ ‘‘ཏུ་ལི་ཏ་དྷ་མྨ་སྶཱ’’ཏི. ཨི་མ་སྨི་མྤི སུ་ཏྟེ པུ་རི་མ་སུ་ཏྟེ ཝི་ཡ ཨཱ་ར་མྨ་ཎཱ་ནུ་ས་ཡོ་ཝ ཀ་ཐི་ཏོ, སོ པ་ན ཏ་ཏྠ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ. ཨ་ནུ་རོ་དྷ་ཝི་རོ་དྷ་པ་ཧཱ་ན་སྶ ཝུ་ཏྟ་ཏྟཱ ཁཱི་ཎཱ་ས་ཝོ དྷུ་རཾ. ཨ་ནཱ་གཱ་མཱི་པི ཝ་ཊྚ་ཏི, ཏ་སྶ ཝི་རོ་དྷ་པྤ་ཧཱ་ནཾ ལ་བྦྷ་ཏི.

ས་ལླ་སུ་ཏྟ་ཝ་ཎྞ་ནཱ ནི་ཊྛི་ཏཱ.