༧. པ་ཋ་མ་གེ་ལ་ཉྙ་སུ་ཏྟ་ཝ་ཎྞ་ནཱ

༢༥༥. ས་དྡ་ཧི་ཏྭཱ གི་ལཱ་ནེ ཨུ་པ་ཊྛཱ་ཏ་བྦེ མ་ཉྙི་སྶ་ནྟཱི་ཏི ཡོ་ཛ་ནཱ. ཏ་ཏྠཱཏི ཏ་སྨིཾ ཋཱ་ནེ. ཀ་མྨ་ཊྛཱ་ནཱ་ནུ་ཡོ་གོ ས་པྤཱ་ཡོ ཡེ་སཾ ཏེ ཀ་མྨ་ཊྛཱ་ན་ས་པྤཱ་ཡཱ, ས་ཏི་པ་ཊྛཱ་ན་ར་ཏཱ་ཏི ཨ་ཏྠོ. ཨ་ནི་ཙྩ་ཏཾ ཨ་ནུ་པ་སྶ་ནྟོཏི ཀཱ་ཡཾ པ་ཊི་ཙྩ ཨུ་པྤ་ནྣཱ་ཡ ཝེ་ད་ནཱ་ཡ ཙ ཨ་ནི་ཙྩ་ཏཾ ཨ་ནུ་པ་སྶ་ནྟོ. ཝ་ཡཾ ཨ་ནུ་པ་སྶ་ནྟོཏི་ཨཱ་དཱི་སུ་པི ཨེ་སེ་ཝ ན་ཡོ. ཝ་ཡནྟི པ་ན ཏཱ་ཡ ཨེ་ཝ ཁ་ཡ་ས་ངྑཱ་ཏཾ. ཝི་རཱ་གནྟི ཝི་ར་ཛྫ་ནཾ. པ་ཊི་ནི་སྶ་གྒནྟི པ་རི་ཙྩཱ་ག་པ་ཊི་ནི་སྶ་གྒཾ, པ་ཀྑ་ནྡ་ན་པ་ཊི་ནི་སྶ་གྒ་མྤི ཝཱ.

ཨཱ་ག་མ་ནཱི་ཡ་པ་ཊི་པ་དཱཏི ཨ་རི་ཡ་མ་གྒ་སྶ ཨཱ་ག་མ་ན་ཊྛཱ་ནི་ཡཱ པུ་བྦ་བྷཱ་ག་པ་ཊི་པ་དཱ. པུ་བྦ་བྷཱ་གཱ་ཡེ་ཝ ན ལོ་ཀུ་ཏྟ་རཱ. ས་མྤ་ཛ་ཉྙཾ པུ་བྦ་བྷཱ་གི་ཡ་མེ་ཝ. ཏི་སྶོ ཨ་ནུ་པ་སྶ་ནཱ པུ་བྦ་བྷཱ་གཱ་ཡེ་ཝ ཝི་པ་སྶ་ནཱ་པ་རི་ཡཱ་པ་ནྣ་ཏྟཱ. མི་སྶ་ཀཱཏི ལོ་ཀི་ཡ་ལོ་ཀུ་ཏྟ་ར་མི་སྶ་ཀཱ. བྷཱ་ཝ་ནཱ་ཀཱ་ལོ ད་སྶི་ཏོ ‘‘ནི་རོ་དྷཱ་ནུ་པ་སྶི་ནོ ཝི་ཧ་ར་ཏོ, པ་ཊི་ནི་སྶ་གྒཱ་ནུ་པ་སྶི་ནོ ཝི་ཧ་ར་ཏོ རཱ་གཱ་ནུ་ས་ཡོ པ་ཧཱི་ཡ་ཏཱི’’ཏི ཝུ་ཏྟ་ཏྟཱ.

པ་ཋ་མ་གེ་ལ་ཉྙ་སུ་ཏྟ་ཝ་ཎྞ་ནཱ ནི་ཊྛི་ཏཱ.