༡-༤. པ་ཋ་མ་པུ་བྦེ་ས་མྦོ་དྷ་སུ་ཏྟཱ་དི་ཝ་ཎྞ་ནཱ

༡༣-༡༦. དྭཱི་སུ་པི སུ་ཏྟེ་སུ ཨཱ་ཡ་ཏ་ནཱ་ནཾ ཝ་སེ་ན དེ་ས་ནཱ ཨེ་ཀ་ར་སཱ་ཝཱ་ཏི ‘‘པ་ཋ་མ་དུ་ཏི་ཡེ་སཱུ’’ཏི ཨེ་ཀ་ཛ྄ཛྷཾ པ་དུ་དྡྷཱ་རོ ཀ་ཏོ. ཨཱ་ཧི་ཏོ ཨ་ཧཾ་མཱ་ནོ ཨེ་ཏྠཱ་ཏི ཨ་ཏྟཱ, ཨ་ཏྟ་བྷཱ་ཝོ. ཨ་ཏྟཱ་ན་མ་དྷི ཨ་ཛ྄ཛྷ་ཏྟཾ, ཏ་པྤ་རི་ཡཱ་པ་ནྣ་ཏྟཱ ཏ་ཏྠ བྷ་ཝཱ་ནི ཨ་ཛ྄ཛྷ་ཏྟི་ཀཱ་ནི, ཏེ་སཾ ཨ་ཛ྄ཛྷ་ཏྟི་ཀཱ་ནཾ. ཨ་ཛ྄ཛྷ་ཏྟ་ཉྩ ནཱ་མ ཨ་ཛ྄ཛྷ་ཏྟ་ཛ྄ཛྷ་ཏྟཾ, ནི་ཡ་ཀ་ཛ྄ཛྷ་ཏྟཾ, གོ་ཙ་ར་ཛ྄ཛྷ་ཏྟཾ, ཝི་ས་ཡ་ཛ྄ཛྷ་ཏྟ་ནྟི ཙ་ཏུ་བྦི་དྷཾ. ཏ་ཏྠ ཨ་ཛ྄ཛྷ་ཏྟ་ཛ྄ཛྷ་ཏྟཾ ཨ་ཛ྄ཛྷ་ཏྟེ བྷ་ཝ་ནྟི ཨ་ཛ྄ཛྷ་ཏྟི་ཀ་ནྟི ཨཱ་ཧ ‘‘ཨ་ཛ྄ཛྷ་ཏྟ་ཛ྄ཛྷ་ཏྟ་ཝ་སེ་ན ཨ་ཛ྄ཛྷ་ཏྟི་ཀཱ་ན’’ནྟི. ཏེ་སཾ ཙ་ཀྑཱ་དཱི་ནཾ ཨ་ཛ྄ཛྷ་ཏྟེ་སུ་པི ཨ་ཛ྄ཛྷ་ཏྟི་ཀ་བྷཱ་ཝོ ཨ་དྷི་ཀ་སི་ནེ་ཧ་ཝ་ཏྠུ་ཏཱ་ཡཱ་ཏི ཨཱ་ཧ ‘‘ཚ་ནྡ་རཱ་ག་སྶ ཨ་དྷི་མ་ཏྟ་བ་ལ་ཝ་ཏཱ་ཡཱ’’ཏི. ཨི་དཱ་ནི ཏ་ཏྠ ཏ་མ་ཏྠཾ པ་ཊི་ཡོ་གི་ནཱ ས་དྡྷིཾ ཨུ་དཱ་ཧ་ར་ཎ་ཝ་སེ་ན ད་སྶེ་ནྟོ ‘‘མ་ནུ་སྶཱ་ནཾ ཧཱི’’ཏི་ཨཱ་དི་མཱ་ཧ. ཏཾ ཨུ་ཏྟཱ་ན་མེ་ཝ. བཱ་ཧི་རཱ་ནཱིཏི ཨ་ཛ྄ཛྷ་ཏྟི་ཀ་ཏོ བ་ཧི བྷ་ཝཱ་ནི.

པ་ཋ་མ་པུ་བྦེ་ས་མྦོ་དྷ་སུ་ཏྟཱ་དི་ཝ་ཎྞ་ནཱ ནི་ཊྛི་ཏཱ.