༣. པ་ཋ་མ་རཱུ་པཱ་རཱ་མ་སུ་ཏྟ་ཝ་ཎྞ་ནཱ

༡༣༦. ས་མྨུ་དི་ཏཱ ས་མྨོ་ད་པྤ་ཏྟཱ, པ་མོ་དི་ཏཱ ས་ཉྫཱ་ཏ་པ་མོ་དཱ. དུ་ཀྑཱཏི དུ་ཀྑ་ཝ་ནྟོ ས་ཉྫཱ་ཏ་དུ་ཀྑཱ. ཏེ་ནཱ་ཧ ‘‘དུ་ཀྑི་ཏཱ’’ཏི. སུ་ཁཾ ཨེ་ཏ་སྶ ཨ་ཏྠཱི་ཏི སུ་ཁོ, སུ་ཁཱི. ཏེ་ནཱ་ཧ ‘‘སུ་ཁི་ཏོ’’ཏི. ཡ་ཏྟ་ཀཱ རཱུ་པཱ་ད་ཡོ དྷ་མྨཱ ལོ་ཀེ ཨ་ཏྠཱི་ཏི ཝུ་ཙྩ་ཏི. པ་སྶ་ནྟཱ་ནནྟི ས་ཙྩ་པ་ཊི་ཝེ་དྷེ་ན ས་མྨ་དེ་ཝ པ་སྶ་ནྟཱ་ནཾ. ‘‘པ་ཙྩ་ནཱི་ཀཾ ཧོ་ཏཱི’’ཏི ཝ་ཏྭཱ ཏཾ པ་ཙྩ་ནཱི་ཀ་བྷཱ་ཝཾ ད་སྶེ་ཏུཾ ‘‘ལོ་ཀོ ཧཱི’’ཏི་ཨཱ་དི ཝུ་ཏྟཾ. ཨ་སུ་བྷཱཏི ‘‘ཨཱ་ཧཱུ’’ཏི་པ་དཾ ཨཱ་ནེ་ཏྭཱ ས་མྦ་ནྡྷོ. ས་བྦ་མེ་ཏནྟི ‘‘སུ་ཁཾ དི་ཊྛ་མ་རི་ཡེ་བྷི…པེ… ཏ་ད་རི་ཡཱ སུ་ཁ་ཏོ ཝི་དཱུ’’ཏི ཙ ཝུ་ཏྟཾ. ས་བྦ་མེ་ཏཾ ནི་བྦཱ་ན་མེ་ཝ ས་ནྡྷཱ་ཡ ཝུ་ཏྟཾ. ནི་བྦཱ་ན་མེ་ཝ ཧི ཨེ་ཀ་ནྟ་ཏོ སུ་ཁཾ ནཱ་མ.

པ་ཉྩ་ན་ཝུ་ཏི་པཱ་ས་ཎྜི་ནོ ཏེ་ས་ཉྩ པཱ་ས་ཎྜི་བྷཱ་ཝོ པ་པ་ཉྩ་སཱུ་ད་ནི་ཊྛ་ཀ་ཐཱ་ཡཾ པ་ཀཱ་སི་ཏོ ཨེ་ཝ. ཀི་ལེ་ས་ནཱི་ཝ་ར་ཎེ་ན ནི་ཝུ་ཏཱ་ནནྟི ཀི་ལེ་ས་ཁ་ནྡྷཱ ཀི་ལེ་ས་ནཱི་ཝ་ར་ཎཾ, ཏེ་ན ནི་ཝཱ་རི་ཏཱ་ནཾ. ནི་བྦཱ་ན་ད་སྶ་ནཾ ནཱ་མ ཨ་རི་ཡ་མ་གྒོ, ཏེ་ན ཏ་སྶ པ་ཊི་ཝི་ཛ྄ཛྷ་ན་ཉྩ ཀཱ་ལ༹་མེ་གྷ་ཨ་ཝ་ཙྪཱ་དི་ཏཾ ཝི་ཡ ཙ་ནྡ་མ་ཎྜ་ལཾ.

པ་རི་ཙྪི་ནྡི་ཏྭཱཏི ཨ་སུ་བྷ་བྷཱ་ཝ་པ་རི་ཙྪི་ནྡ་ནེ་ན ས་མྨཱ་ཝི་ཉྙཱ་ཎ་ད་སྶ་ནེ་ན ཙ པ་རི་ཙྪི་ནྡི་ཏྭཱ. མ་གྒ་དྷ་མྨ་སྶཱཏི ཨ་རི་ཡ་མ་གྒ་དྷ་མྨ་སྶ.

ཨ་ནུ་པ་ནྣེ་ཧཱིཏི ཨ་ནུ ཨ་ནུ ཨ་ཝི་ཧཱ་ཡ པ་ཊི་པ་ནྣེ་ཧི. ཀོ ནུ ཨ་ཉྙོ ཛཱ་ནི་ཏུཾ ཨ་ར་ཧ་ཏི, ཨ་ཉྙོ ན ཛཱ་ནཱ་ཏཱི་ཏི ད་སྶེ་ཏི.

པ་ཋ་མ་རཱུ་པཱ་རཱ་མ་སུ་ཏྟ་ཝ་ཎྞ་ནཱ ནི་ཊྛི་ཏཱ.