༡. ཨ་ཏྟ་དཱི་པ་སུ་ཏྟ་ཝ་ཎྞ་ནཱ

༤༣. དྭཱི་ཧི བྷཱ་གེ་ཧི ཨཱ་པོ ཨེ་ཏྠ ག་ཏཱ་ཏི དཱི་པོ, དཱི་པོ ཝི་ཡཱ་ཏི དཱི་པོ ཨོ་གྷེ་ཧི ཨ་ན་ཛ྄ཛྷོ་ཏྠ་ར་ནཱི་ཡ་ཏཱ་ཡ. ཡོ པ་རོ ན ཧོ་ཏི, སོ ཨ་ཏྟཱ, ཨི་དྷ པ་ན དྷ་མྨོ ཨ་དྷི་པྤེ་ཏོ. ཨ་ཏྟཱ དཱི་པོ ཨེ་ཏེ་ས་ནྟི ཨ་ཏྟ་དཱི་པཱ. པ་ཊི་ས་ར་ཎ་ཏྠོ དཱི་པ་ཊྛོ་ཏི ཨཱ་ཧ – ‘‘ཨ་ཏྟ་ས་ར་ཎཱ་ཏི ཨི་དཾ ཏ་སྶེ་ཝ ཝེ་ཝ་ཙ་ན’’ནྟི. ལོ་ཀི་ཡ་ལོ་ཀུ་ཏྟ་རོ དྷ་མྨོ ཨ་ཏྟཱ ནཱ་མ ཨེ་ཀ་ནྟ་ནཱ་ཐ་བྷཱ་ཝ་ཏོ. པ་ཋ་མེ་ན པ་དེ་ན ཝུ་ཏྟོ ཨེ་ཝ ཨ་ཏྠོ དུ་ཏི་ཡ་པ་དེ་ན ཝུ་ཙྩ་ཏཱི་ཏི ཝུ་ཏྟཾ ‘‘ཏེ་ནེ་ཝཱ་ཧཱ’’ཏི་ཨཱ་དི. ཡ་ཝ་ཏི ཨེ་ཏ་སྨཱ ཕ་ལཾ པ་ས་ཝ་ཏཱི་ཏི ཡོ་ནི, ཀཱ་ར་ཎཾ. ཀིཾ པ་བྷུ་ཏི ཨུ་པྤ་ཏྟི་ཊྛཱ་ནཾ ཨེ་ཏེ་ས་ནྟི ཀིཾ པ་བྷུ་ཏི་ཀཱ. པ་ཧཱ་ན་ད་སྶ་ན་ཏྠཾ ཨཱ་ར་དྡྷཾ. ཏེ་ནེ་ཝཱ་ཧ ‘‘པུ་བྦེ ཙེ་ཝ…པེ… ཏེ པ་ཧཱི་ཡ་ནྟཱི’’ཏི. ན པ་རི་ཏ་སྶ་ཏི ཏ་ཎྷཱ་པ་རི་ཏྟཱ་ས་སྶ ཨ་བྷཱ་ཝ་ཏོ. ཝི་པ་སྶ་ན་ངྒེ་ནཱཏི ཝི་པ་སྶ་ནཱ་ས་ངྑཱ་ཏེ་ན ཀཱ་ར་ཎེ་ན.

ཨ་ཏྟ་དཱི་པ་སུ་ཏྟ་ཝ་ཎྞ་ནཱ ནི་ཊྛི་ཏཱ.