༡༠. སཱི་ལ་ཝ་ནྟ་སུ་ཏྟ་ཝ་ཎྞ་ནཱ

༡༢༢. ཨཱ་བཱ་དྷ་ཊྛེ་ནཱཏི ཨཱ་དི་ཏོ ཨུ་པྤ་ཏྟི་ཏོ པ་ཊྛཱ་ཡ བཱ་དྷ་ན་ཊྛེ་ན རུ་ཛ་ན་ཊྛེ་ན. ཨ་ནྟོ་དོ་ས་ཊྛེ་ནཱཏི ཨ་བྦྷ་ནྟ་རེ ཨེ་ཝ དུ་སྶ་ན་ཊྛེ་ན ཀུ་པྤ་ན་ཊྛེ་ན. ཁ་ཎ་ན་ཊྛེ་ནཱཏི ས་ས་ན་ཊྛེ་ན. དུ་ཀྑ་ཊྛེ་ནཱཏི དུ་ཀྑ་མ་ཏྟཱ དུ་ཀྑ་བྷཱ་ཝེ་ན. དུ་ཀྑ་ཉྷི ལོ་ཀེ ‘‘ཨ་གྷ’’ནྟི ཝུ་ཙྩ་ཏི ཨ་ཏི་ཝི་ཡ ཧ་ན་ན་ཏོ. ཝི་ས་བྷཱ་གཾ …པེ… པ་ཙྩ་ཡ་ཊྛེ་ནཱཏི ཡ་ཐཱ་པ་ཝ་ཏྟ་མཱ་ནཱ་ནཾ དྷཱ་ཏཱ་དཱི་ནཾ ཝི་ས་བྷཱ་ག་བྷཱུ་ཏ་མ་ཧཱ་བྷཱུ་ཏ་ས་མུ་ཊྛཱ་ན་སྶ ཨཱ་བཱ་དྷ་སྶ པ་ཙྩ་ཡ་བྷཱ་ཝེ་ན. ཨ་ས་ཀ་ཊྛེ་ནཱཏི ཨ་ན་ཏྟ་ནི་ཡ་ཏོ. པ་ལུ་ཛྫ་ན་ཊྛེ་ནཱཏི པ་ཀཱ་ར་ཏོ བྷི་ཛྫ་ན་ཊྛེ་ན. ས་ཏྟ་སུ་ཉྙ་ཏ་ཊྛེ་ནཱཏི ས་ཏྟ་ས་ངྑཱ་ཏ་ཨ་ཏྟ་སུ་ཉྙ་ཏ་ཊྛེ་ན. ཨ་ཏྟཱ་བྷཱ་ཝེ་ནཱཏི དི་ཊྛི་ག་ཏི་ཀ་པ་རི་ཀ་པྤི་ཏ་སྶ ཨ་ཏྟ་ནོ ཨ་བྷཱ་ཝེ་ན. སུ་ཉྙ་ཏོ ཨ་ན་ཏྟ་ཏོཏི ཨེ་ཏྠ ‘‘པ་ར་ཏོ’’ཏི པ་ད་སྶ ས་ངྒ་ཧོ ཀཱ་ཏ་བྦོ, ཏ་སྨཱ ‘‘དྭཱི་ཧི ཨ་ན་ཏྟ་མ་ན་སི་ཀཱ་རོ’’ཏི ཝ་ཏྟ་བྦཾ.

སཱི་ལ་ཝ་ནྟ་སུ་ཏྟ་ཝ་ཎྞ་ནཱ ནི་ཊྛི་ཏཱ.