༡༠. ཐེ་ར་ནཱ་མ་ཀ་སུ་ཏྟ་ཝ་ཎྞ་ནཱ

༢༤༤. ཨ་ཏཱི་ཏེ ཁ་ནྡྷ་པ་ཉྩ་ཀེཏི ཨ་ཏཱི་ཏེ ཨ་ཏྟ་བྷཱ་ཝེ. ཚ་ནྡ་རཱ་ག་པྤ་ཧཱ་ནེ་ནཱཏི ཚ་ནྡ་རཱ་ག་སྶ ཨ་ཙྩ་ནྟ་མེ་ཝ ཛ་ཧ་ནེ་ན. པ་ཧཱི་ནཾ ནཱ་མ ཧོ་ཏི ཨ་ན་པེ་ཀྑ་པ་རི་ཙྩཱ་ག་ཏོ. པ་ཊི་ནི་སྶ་ཊྛཾ ནཱ་མ ཧོ་ཏི ས་བྦ་སོ ཚ་ཌྜི་ཏ་ཏྟཱ. ཏ་ཡོ བྷ་ཝེཏི ཨི་མི་ནཱ ཨུ་པཱ་དི་ཎྞ་ཀ་དྷ་མྨཱ་ནཾ་ཡེ་ཝ ག་ཧ་ཎཾ. ས་བྦཱ ཁ་ནྡྷཱ་ཡ་ཏ་ན་དྷཱ་ཏུ་ཡོ ཙཱཏི ཨི་མི་ནཱ ཨུ་པཱ་དི་ཎྞཱ་ན་མྤི ཨ་ནུ་པཱ་དི་ཎྞཱ་ན་མྤི དྭི་དྷཱ པ་ཝ་ཏྟ་ལོ་ཀི་ཡ་དྷ་མྨཱ་ནཾ ག་ཧ་ཎཾ ཨ་ཝི་སེ་སེ་ཏྭཱ ཝུ་ཏྟ་ཏྟཱ. ཝི་དི་ཏཾ པཱ་ཀ་ཊཾ ཀ་ཏྭཱ ཋི་ཏཾ པ་རི་ཉྙཱ་བྷི་ས་མ་ཡ་ཝ་སེ་ན. ཏེ་སྭེ་ཝཱཏི ཏེ་བྷཱུ་མ་ཀ་དྷ་མྨེ་སུ ཨེ་ཝ. ཨ་ནུ་པ་ལི་ཏྟཾ ཨ་མ་ཐི་ཏཾ ཨ་སཾ་ཀི་ལི་ཊྛཾ ཏ་ཎྷཱ་དི་ཊྛི་སཾ་ཀི་ལེ་སཱ་བྷཱ་ཝ་ཏོ. ཏ་དེ་ཝ ས་བྦནྟི ཧེ་ཊྛཱ ཏཱི་སུ་པི པ་དེ་སུ ཨི་དྷ ས་བྦ་གྒ་ཧ་ཎེ་ན ག་ཧི་ཏཾ ཏེ་བྷཱུ་མ་ཀ་ཝ་ཊྚཾ. ཛ་ཧི་ཏྭཱཏི པ་ཧཱ་ནཱ་བྷི་ས་མ་ཡ་ཝ་སེ་ན. ཏ་ཎྷཱ ཁཱི་ཡ་ཏི ཨེ་ཏྠཱ་ཏི ཏ་ཎྷ་ཀྑ་ཡས་ངྑཱ་ཏེ ནི་བྦཱ་ནེ ཝི་མུ་ཏྟཾ. ཏ་མ་ཧནྟི ཏཾ ཨུ་ཏྟ་མ་པུ་གྒ་ལཾ ཨེ་ཀ་ཝི་ཧཱ་རིཾ བྲཱུ་མི ཏ་ཎྷཱ་དུ་ཏི་ཡ་སྶ ཨ་བྷཱ་ཝ་ཏོ. ཨེ་ཏྠ ཙ པ་རི་ཉྙཱ་པ་ཧཱ་ནཱ་བྷི་ས་མ་ཡ་ཀ་ཐ་ནེ་ན ཨི་ཏ་ར་མྤི ཨ་བྷི་ས་མ་ཡཾ ཨ་ཏྠ་ཏོ ཀ་ཐི་ཏ་མེ་ཝཱ་ཏི ད་ཊྛ་བྦཾ.

ཐེ་ར་ནཱ་མ་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.