༧. ཝ་ན་ཀ་མྨི་ཀ་སུ་ཏྟ་ཝ་ཎྞ་ནཱ

༢༠༣. ཝ་ན་ཀ་མྨེ ནི་ཡུ་ཏྟོ, ཀི་རི་ཡ་མཱ་ནེ་ན ཝ་ན་ཀ་མྨཾ ཨེ་ཏ་སྶ ཨ་ཏྠཱི་ཏི ཝ་ན་ཀ་མྨི་ཀོ. ཨི་མ་སྨིཾ ཝ་ན་ས་ཎྜེཏི ཨི་མ་སྨིཾ ཨེ་ཝཾ་མ་ཧ་ནྟེ ཝ་ན་ས་ཎྜེ. ན མེ ཝ་ན་སྨིཾ ཀ་ར་ཎཱི་ཡ་མ་ཏྠི ཡ་ཐཱ, ‘‘བྲཱ་ཧྨ་ཎ, ཏུ་ཡ྄ཧ’’ནྟི ཨ་དྷི་པྤཱ་ཡོ. ཨི་ཏ་རཾ པ་ན ཡཾ མ་ཧཱ་ཀི་ལེ་ས་ཝ་ནཾ, ཏཾ མ་གྒ་ཉཱ་ཎ་ཕ་ར་སུ་ནཱ ས་མཱ་དྷི་མ་ཡ་སི་ལཱ་ཡཾ སུ་ནི་སི་ཏེ་ན ས་བྦ་སོ ཨུ་ཙྪི་ནྣ་མཱུ་ལཾ, ཏ་ཏོ ཨེ་ཝ ནི་བྦ་ན་ཐོ ནི་ཀྐི་ལེ་ས་ག་ཧ་ནོ. ཝི་ཝེ་ཀཱ་བྷི་ར་ཏི་ཡཱ ཨེ་ཀ་ཀོ ཨ་བྷི་ར་ཏོ པ་ཊི་པ་ཀྑ་ཝི་ག་མེ་ན. ཏེ་ནཱ་ཧ ‘‘ཨ་ར་ཏིཾ…པེ… ཛ་ཧི་ཏྭཱ’’ཏི.

ཝ་ན་ཀ་མྨི་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.