༡༠. ཨ་ནཱ་ཐ་པི་ཎྜི་ཀ་སུ་ཏྟ་ཝ་ཎྞ་ནཱ

༡༠༡. ད་ས་མེ ཀཱ་མཾ དེ་ཝ་ཏཱ་སཾ་ཡུ་ཏྟེ་པི ‘‘ཨི་དཾ ཧི ཏཾ ཛེ་ཏ་ཝ་ན’’ནྟི་ཨཱ་དི་ནཱ ཨི་མཱ ཨེ་ཝ གཱ་ཐཱ ཨཱ་ག་ཏཱ. ཏ་ཏྠ ‘‘ཨ་ཉྙ་ཏ་རཱ དེ་ཝ་ཏཱ’’ཏི ནི་དཱ་ནཾ ཨཱ་རོ་པི་ཏཾ. ཧེ་ཊྛཱ ཨཱ་ག་ཏ་ན་ཡ་ཏྟཱ ཨེ་ཝ ཧི པོ་ཏྠ་ཀེ་སུ ན ལི་ཁི་ཏཾ, ཨི་དྷ པ་ན དེ་ཝ་པུ་ཏྟ་སཾ་ཡུ་ཏྟེ ‘‘ཨ་ནཱ་ཐ་པི་ཎྜི་ཀོ དེ་ཝ་པུ་ཏྟོ’’ཏི ནི་དཱ་ནེ ནི་ག་མེ ཙ ཨཱ་ག་ཏཾ, ཏ་ཏྠ དེ་ཝ་པུ་ཏྟེ་ན ས་ཏྠུ ཝུ་ཏྟ་པྤ་ཀཱ་ར་གུ་ཎ་པ་ཝེ་ད་ན་ཝ་སེ་ན ཝུ་ཏྟཾ. ས་ཏྠཱ པ་ན བྷི་ཀྑཱུ་ནཾ ཏ་མ་ཏྠཾ པ་ཝེ་དེ་ནྟོ ‘‘ཨ་ཉྙ་ཏ་རོ དེ་ཝ་པུ་ཏྟོ’’ཏི ཨཱ་ཧ. ཏ་ཐཱ པ་ཝེ་ད་ནེ པ་ན ཀཱ་ར་ཎཾ ད་སྶེ་ནྟོ ‘‘ཨཱ་ན་ནྡ་ཏྠེ་ར་སྶཱ’’ཏི་ཨཱ་དི་མཱ་ཧ. ཨ་ནུ་མཱ་ན་བུ་དྡྷི་ཡཱཏི ཨ་ནུ་མཱ་ན་ཉཱ་ཎ་སྶ. ཨཱ་ནུ་བྷཱ་ཝ་པྤ་ཀཱ་ས་ན་ཏྠནྟི བ་ལ་དཱི་པ་ན་ཏྠཾ.

ཨ་ནཱ་ཐ་པི་ཎྜི་ཀ་སུ་ཏྟ་ཝ་ཎྞ་ནཱ ནི་ཊྛི་ཏཱ.

དུ་ཏི་ཡ་ཝ་གྒ་ཝ་ཎྞ་ནཱ ནི་ཊྛི་ཏཱ.