༡. ཙ་ནྡི་མ་ས་སུ་ཏྟ་ཝ་ཎྞ་ནཱ

༩༢. པ་བྦ་ཏ་ཏ་ཊཱ ས་ནྡ་མཱ་ནོ ཏ་ཐཱ་རཱུ་པོ ན་དཱི་ནི་ཝ་ཏྟ་ན་པ་དེ་སོ་པི ས་མྦཱ་དྷ་ཊྛཱ་ན་ཏཱ་ཡ ཀ་ཙྪོ ཝི་ཡཱ་ཏི ཨཱ་ཧ ‘‘པ་བྦ་ཏ་ཀ་ཙྪེ་པཱི’’ཏི. པ་ཊི་པ་ཀྑ་དཱུ་རཱི་བྷཱ་ཝེ་ན སེ་ཊྛ་ཊྛེ་ན ཙ ཨེ་ཀོ ཨུ་དེ་ཏཱི་ཏི ཨེ་ཀོ་དི, ཨེ་ཀ་གྒ་ཏཱ. ཏ་སྨིཾ ཡོ་ག་ཏོ ཨེ་ཀ་གྒ་ཙི་ཏྟཱ ཨི་དྷ ཨེ་ཀོ་དཱི. པ་ཊི་པ་ཀྑ་ཏོ ཨ་ཏྟཱ་ནཾ ནི་པ་ཡ་ནྟི ཝི་སོ་དྷེ་ནྟཱི་ཏི ནི་པ་ཀཱ, པ་ཉྙ་ཝ་ནྟོ. ཏེ་ནཱ་ཧ ‘‘ཨེ་ཀ་གྒ་ཙི་ཏྟཱ ཙེ་ཝཱ’’ཏི་ཨཱ་དི. ཀཱ་ཡཱ་དི་བྷེ་དཾ ཨཱ་ར་མྨ་ཎཾ སཱ་ཏི་ས་ཡཱ་ཡ ས་ཏི་ཡཱ ས་ར་ནྟཱི་ཏི ས་ཏཱ. ཏེ་ནཱ་ཧ ‘‘ས་ཏི་མ་ནྟོ’’ཏི. སོ་ཏྠིཾ ག་མི་སྶ་ནྟཱིཏི ཡ་ཐཱ་ཝུ་ཏྟ་པ་དེ་སེ མ་གཱ སོ་ཏྠི་མ་ནུ་པ་དྡ་ཝེ་ན ཝ་ཏྟི་སྶ་ནྟི, ཨེ་ཝཾ ཛྷཱ་ན་ལཱ་བྷི་ནོ སོ་ཏྠིཾ ཀི་ལེ་སེ་ཧི ཨ་ནུ་པ་དྡུ་ཏཱ ཝ་ཏྟི་སྶ་ནྟི. ཨ་ཡཾ ཀི་ར དེ་ཝ་པུ་ཏྟོ བྲ་ཧྨ་ལོ་ཀེ ནི་བྦཱ་ན་ས་ཉྙཱི, ཏ་སྨཱ ཨེ་ཝ་མཱ་ཧ. བྷ་ག་ཝཱ ‘‘ཨ་ཡཾ དེ་ཝ་པུ་ཏྟོ ཨ་ནི་བྦཱ་ན་གཱ་མཱི ས་མཱ་ནོ ནི་བྦཱ་ན་གཱ་མི་ས་ཉྙཱི, ཧ་ནྡ་སྶ ནི་བྦཱ་ན་གཱ་མི་ནོ ད་སྶེ་མཱི’’ཏི དུ་ཏི་ཡཾ གཱ་ཐ་མཱ་ཧ. ཙ་ཏུ་ནྣཾ ཨོ་གྷཱ་ནཾ, སཾ་སཱ་ར་མ་ཧོ་གྷ་སྶེ་ཝ ཝཱ པ་ར་ཏཱི་ར་བྷཱ་ཝ་ཏོ པ་ར་ཏཱི་ར་ནྟི ནི་བྦཱ་ནཾ. ཨ་མྦུ་ནི ཛཱ་ཏོ ཨ་མྦུ་ཛོ, མ་ཙྪོ. སུ་ཏྟ་ཛཱ་ལཾ ཚི་ནྡི་ཏྭཱ མ་ཙྪཱ ཝི་ཡ ཀི་ལེ་ས་ཛཱ་ལཾ བྷི་ནྡི་ཏྭཱ ག་མི་སྶ་ནྟཱི་ཏི.

ཙ་ནྡི་མ་ས་སུ་ཏྟ་ཝ་ཎྞ་ནཱ ནི་ཊྛི་ཏཱ.